𑐧𑑄𑐱𑐷𑐢𑐬𑐫𑐵 𑐣𑐶𑐐𑐹 𑐳𑐦𑐹 𑐥𑐶𑐟𑐧𑑂𑐰𑐖𑑂𑐫𑐵

𑐧𑑄𑐱𑐷𑐢𑐬𑐫𑐵 𑐣𑐶𑐐𑐹 𑐳𑐦𑐹 𑐥𑐶𑐟𑐧𑑂𑐰𑐖𑑂𑐫𑐵𑐰𑐬𑐶𑐲𑑂𑐛 𑐐𑐷𑐟𑐎𑐵𑐬 𑐟𑐠𑐵 𑐳𑐵𑐴𑐶𑐟𑑂𑐫𑐎𑐵𑐬 𑐧𑑄𑐱𑐷𑐢𑐬 𑐰𑐖𑑂𑐬𑐵𑐔𑐵𑐬𑑂𑐫𑐫𑐵 ‘𑐣𑐾𑐰𑐵𑑅 𑐨𑐵𑐫𑑂 𑐡𑐸𑐣𑐾𑐫𑐵 𑐏𑑃’ 𑐰 ‘𑐮𑐶𑐧𑐬𑑂𑐚𑐶𑐫𑐵 𑐡𑐾𑐱𑐫𑑂’ 𑐣𑐶𑐐𑐹 𑐳𑐦𑐹 𑐥𑐶𑐟𑐧𑑂𑐰𑐖𑑂𑐫𑐵 𑐴𑐣𑐾𑐧𑐴𑐩𑑂𑐴 𑐨𑐵𑐲𑐳𑐾𑐰𑐷, 𑐳𑐵𑐴𑐶𑐟𑑂𑐫𑐎𑐵𑐬𑐡𑑂𑐰𑐫 𑐦𑐞𑐶𑐣𑑂𑐡𑑂𑐬 𑐬𑐟𑑂𑐣 𑐰𑐖𑑂𑐬𑐵𑐔𑐵𑐬𑑂𑐫, 𑐴𑐶𑐟𑐎𑐬 𑐧𑐷𑐬 𑐳𑐶𑑄𑐴 𑐎𑑄𑐳𑐵𑐎𑐵𑐬, 𑐥𑑂𑐬𑐵.𑐜𑐵. 𑐳𑐸𑐣𑑂𑐡𑐬 𑐎𑐺𑐲𑑂𑐞 𑐖𑑀𑐱𑐷, 𑐣𑐵𑐐𑐵𑐬𑑂𑐖𑐸𑐣 𑐥𑐧𑑂𑐮𑐶𑐎𑐾𑐱𑐣𑐎𑐵 𑐜𑐵. 𑐳𑐬𑑂𑐧𑑀𑐟𑑂𑐟𑐩 𑐱𑑂𑐬𑐾𑐲𑑂𑐛𑐥𑐶𑐳𑑄 𑐩𑑄𑐎𑐵𑑅 𑐎𑐠𑑄 𑐱𑐣𑐶𑐧𑐵𑑅 𑐥𑑂𑐬𑐟𑐶𑐨𑐵 𑐳𑐩𑐵𑐖, 𑐎𑐸𑐥𑐞𑑂𑐜𑑀𑐮 𑐥𑐶𑐟𑐧𑑂𑐖𑑂𑐫𑐵 𑐫𑐵𑑅𑐐𑐸 𑐏𑑅 𑑋

𑐥𑐶𑐡𑑄𑐐𑐸 𑐳𑐦𑐹𑐫𑐵𑐟 𑐎𑐫𑐵𑑅 𑐣𑑂𑐰𑐔𑐹 𑐟𑐫𑐾𑐐𑐸 𑐗𑑂𑐰𑐮𑐫𑑂 𑐨𑐵𑐲𑐵, 𑐳𑐵𑐴𑐶𑐟𑑂𑐫 𑐮𑐶𑐥𑐶𑐫𑐵𑐟 𑐎𑐫𑐵𑑅 𑐩𑐹𑐥𑐵𑐴𑐵𑑄 𑐦𑐞𑐶𑐣𑑂𑐡𑑂𑐬 𑐬𑐟𑑂𑐣𑑄 𑐳𑑄𑐫𑐸𑐎𑑂𑐟 𑐬𑐵𑐲𑑂𑐚𑑂𑐬 𑐳𑑄𑐑𑐫𑑂 𑐬𑐘𑑂𑐖𑐣𑐵 𑐮𑐶𑐥𑐶 𑐴𑐾 𑐣𑐾𑐥𑐵𑑅𑐫𑐵 𑐮𑐶𑐥𑐶 𑐎𑐠𑑄 𑐡𑐬𑑂𑐟𑐵 𑐖𑐸𑐂 𑐣𑑂𑐴𑑂𑐫𑑅 𑐬𑐘𑑂𑐖𑐣𑐵 𑐮𑐶𑐥𑐶𑐫𑐵𑐟 𑐢𑐵𑐬𑑂𑐩𑐶𑐎 𑐮𑐶𑐥𑐶 𑐎𑐠𑑄 𑐖𑐎 𑐎𑐫𑐵𑐟𑑅𑐐𑐸 𑐏𑐣𑐾𑐡𑐸 𑐢𑐫𑐵𑐡𑐶𑐮 𑑋 𑐄𑐐𑐸 𑐂𑐮𑐫𑑂 𑐬𑐘𑑂𑐖𑐣𑐵 𑐮𑐶𑐥𑐶 𑐩𑐣𑑂𑐟𑑂𑐬, 𑐥𑐹𑐖𑐵 𑐥𑐵𑐛𑐫𑐵 𑐩𑐴𑐵𑐫𑐵𑐣 𑐧𑑁𑐡𑑂𑐢 𑐐𑑂𑐬𑐣𑑂𑐠𑐫𑑂 𑐖𑐎 𑐕𑐾𑐮𑐵𑐟𑑅𑐐𑐸 𑐖𑐵𑐣𑐎𑐵𑐬𑐷 𑐧𑐶𑐫𑐵𑐡𑐶𑐮 𑑋 𑐄𑐐𑐸 𑐖𑑂𑐫𑐵𑐗𑑂𑐰𑑅 𑐢𑐬𑑂𑐩𑐎𑐺𑐲𑑂𑐞 𑐳𑐶𑐎𑑅𑐩𑐶𑑄 𑐣𑑂𑐴𑑂𑐫𑐵𑐎𑐵𑐡𑐷𑐐𑐸 𑐏𑑅𑐳𑐵 𑐧𑐶𑐩𑐮𑐥𑑂𑐬𑐨𑐵 𑐰𑐖𑑂𑐬𑐵𑐔𑐵𑐬𑑂𑐫𑑄 𑐮𑐳𑐎𑐸𑐳 𑐣𑑂𑐰𑐔𑐹, 𑐮𑐳𑐟𑐵 𑐰𑐖𑑂𑐬𑐵𑐔𑐵𑐬𑑂𑐫𑑄 𑐀𑐧𑐸𑐖𑐸𑐫𑐵 𑐕𑐐𑐹 𑐳𑐦𑐹𑐫𑐵 𑐥𑑂𑐬𑐎𑐵𑐱𑐎 𑐖𑐸𑐂𑐐𑐸 𑐴𑑂𑐰𑑅𑐟𑐵𑑅 𑐔𑐹𑐮𑐵𑐐𑐸𑐮𑐶𑑄 𑐮𑐳𑐟𑐵𑑄𑐖𑐵𑑅𑐐𑐸 𑐣𑐸𑐐𑑅𑐏𑑃 𑐟𑐫𑐵𑐡𑐷𑐐𑐸 𑐏𑑅 𑑋

𑐳𑐩𑐵𑐔𑐵𑐬, 𑐟𑐳𑑂𑐧𑐶𑐬𑑅 𑐀𑐩𑐶𑐬 𑐩𑐿𑐫𑐵 𑐬𑐘𑑂𑐖𑐶𑐟