𑐥𑑂𑐫𑐵𑐏𑑄𑐩𑑂𑐰𑑅, 𑐨𑐵𑐲𑐵 𑐳𑐾𑐰𑐷 𑐐𑐞𑐾𑐱 𑐳𑐵𑐫𑑂𑐩𑐶𑐫𑐵𑐟 𑐴𑐣𑐵

𑐳𑑂𑐰𑐵𑑄𑐕𑐥𑐸 𑐧𑐵𑐮𑐵𑐔𑑅¥𑐴𑐾 𑐏𑐮𑑅𑐥𑐵𑐏𑐾𑑄 𑐣𑐾𑐥𑐵𑐮𑐨𑐵𑐲𑐵 𑐡𑐧𑐹 𑐥𑑂𑐫𑐵𑐏𑑄 𑐏𑑂𑐫𑑅𑐫𑐵 𑐣𑐵𑑄𑐖𑐵𑑅𑐩𑑂𑐴 𑐣𑐶𑐬𑑂𑐡𑐾𑐱𑐎𑐮𑐶𑐳𑐾𑑄 𑐎𑐮𑐵𑐎𑐵𑐬 𑐐𑐞𑐾𑐱 𑐳𑐵𑐫𑑂𑐩𑐶𑐫𑐵𑐟 𑐴𑐣𑐾𑐖𑑂𑐫𑐵 𑐫𑐵𑑅𑐐𑐸 𑐡𑐸 𑑋 𑐏𑐮𑑅𑐥𑐵𑐏𑐾𑑄 𑐧𑐵𑐮𑐵𑐔𑑅𑐬𑑂‍𑐴𑐾 𑐣𑐏𑑅𑐫𑐵 𑐗𑑂𑐰𑐮𑐫𑑂 𑐮𑐵𑐎𑐵𑑅 𑐰𑐫𑑂𑐎𑑅𑐫𑐵𑐟 𑐴𑐣𑐾𑐖𑑂𑐫𑐵 𑐫𑐵𑑅𑐐𑐸 𑐏𑑅𑑋

𑐏𑐮𑑅𑐫𑐵 𑐣𑐵𑐫𑑅𑐮𑐶𑐳𑐾𑑄 𑐥𑐸𑐮𑐵𑑄𑐩𑑂𑐴 𑑑𑑗 𑐰𑐜𑐵𑐀𑐢𑑂𑐫𑐎𑑂𑐲 𑐰𑐶𑐖𑐫𑐧𑐴𑐵𑐡𑐸𑐬 𑐩𑐵𑐮𑐷𑐫𑐵 𑐳𑐨𑐵𑐥𑐟𑐶𑐟𑑂𑐰𑐫𑑂 𑐰𑐫𑑂𑐎𑐮𑑄 𑐴𑐾 𑐮𑐳𑐎𑐸𑐳 𑐫𑐵𑐳𑐾𑑄 𑐣𑑂𑐴𑑂𑐫𑐵𑑅𑐐𑐸 𑐖𑑂𑐫𑐵𑐗𑑂𑐰𑐮𑐫𑑂 𑐖𑐣𑐐𑐵𑐫𑐎 𑐨𑐺𑐐𑐸𑐬𑐵𑐩 𑐱𑑂𑐬𑐾𑐲𑑂𑐛𑑄 𑐩𑑂𑐫𑐾𑑃 𑐣𑑂𑐫𑑄𑐎𑐵𑐡𑐷𑐐𑐸 𑐏𑑅 𑑋
𑐖𑑂𑐫𑐵𑐗𑑂𑐰𑐮𑐫𑑂 𑐩𑐹𑐥𑐵𑐴𑐵𑑄𑐎𑐠𑑄 𑐗𑐵𑐫𑐵𑐡𑐷𑐩𑑂𑐴 𑐫𑐾𑑃 𑐩𑐣𑐥𑐵 𑑑𑑗 𑐰𑐜𑐵𑐀𑐢𑑂𑐫𑐎𑑂𑐲 𑐣𑐰𑐶𑐣 𑐩𑐵𑐣𑐣𑑂𑐢𑐬𑑄 𑐏𑐮𑑅𑐫𑐵 𑐡𑐵𑑄𑐨𑐬𑐶𑑄𑐟𑐎𑑄 𑐖𑐸𑐫𑐵𑐔𑑂𑐰𑐣𑐵𑐡𑐷𑐩𑑂𑐴 𑐐𑐞𑐾𑐱 𑐳𑐵𑐫𑑂𑐩𑐶𑐫𑐵𑐟 𑐳𑑂𑐰𑐵𑑄𑐩𑐵𑑅 𑐎𑑂𑐰𑐏𑐵𑐫𑐾𑐎𑐵𑑅 𑐴𑐣𑐵𑐥𑑁 𑐡𑐾𑐕𑐵𑐣𑐵𑐡𑐷𑐐𑐸 𑐏𑑅 𑑋

𑐏𑐮𑑅𑐫𑐵 𑐡𑐸𑐖𑑅 𑐫𑑀𑐐𑐾𑐣𑑂𑐡𑑂𑐬𑐩𑐵𑐣 𑐱𑑂𑐬𑐾𑐲𑑂𑐛𑑄 𑐳𑐩𑑂𑐩𑐵𑐣𑐶𑐟 𑐰𑑂𑐫𑐎𑑂𑐟𑐶𑐫𑐵 𑐖𑐷𑐰𑐣𑐷 𑐰 𑐴𑐣𑐵𑐥𑑁 𑐧𑑂𑐰𑐣𑐵𑑅 𑐣𑑂𑐫𑑄𑐎𑐵𑐡𑐷𑐐𑐸 𑐏𑑅𑐳𑐵 𑐳𑐶𑐡𑑂𑐢𑐵𑐬𑑂𑐠 𑐩𑐵𑐮𑐷𑑄 𑐏𑐮𑑅𑐫𑐵𑐟 𑐣𑑂𑐫𑐵𑐡𑑂𑐰𑑅 𑐟𑐎𑐵 𑐡𑐵𑑄 𑐁𑐬𑑂𑐠𑐶𑐎 𑐐𑑂𑐰𑐵𑐴𑐵𑐮𑐶 𑐫𑐵𑐣𑐵𑐡𑐷𑐐𑐸 𑐏𑑅 𑑋
𑐳𑐩𑐵𑐖𑐳𑐾𑐰𑐵 𑐣𑐵𑐥𑑄 𑐟𑑂𑐰𑐵𑑅𑐧𑐴𑐵𑑅𑐫𑐵𑐥𑐶𑐣𑐶𑐐𑐸 𑐴𑐬𑐾𑐎 𑐖𑑂𑐫𑐵𑐏𑑃𑐫𑑂 𑐄𑐳𑐶𑑄 𑐩𑐔𑐵𑐳𑐾 𑐠𑑁𑑄 𑑗𑑗 𑐡𑑃𑐫𑐵 𑐖𑑂𑐫𑐵𑐠𑑅𑐐𑐸 𑐰𑐿𑑄𑐱𑐫𑑂 𑐣𑑄 𑐄𑐟𑐶𑐎𑑄 𑐐𑑂𑐰𑐵𑐴𑐵𑐮𑐶 𑐫𑐵𑐫𑐾𑐟 𑐣𑑂𑐴𑑂𑐫𑐔𑐶𑐮𑐵 𑐔𑑂𑐰𑐣𑐵𑐡𑐷𑐐𑐸𑐮𑐶𑑄 𑐰𑐫𑑂𑐎𑑅𑐫𑐵𑐟 𑐄𑐎𑐠𑑄 𑐴𑐣𑐾𑐖𑑂𑐫𑐵 𑐫𑐵𑐣𑐵𑐐𑐸 𑐏𑐮𑐎𑑄 𑐖𑐵𑐣𑐎𑐵𑐬𑐷 𑐧𑐶𑐄𑐐𑐸 𑐡𑐸 𑑋

𑐳𑐩𑑂𑐩𑐵𑐣𑐶𑐟 𑐰𑑂𑐫𑐎𑑂𑐟𑐶𑐟𑑂𑐰 𑐳𑐵𑐫𑑂𑐩𑐶, 𑐰𑐜𑐵𑐀𑐢𑑂𑐫𑐎𑑂𑐲 𑐩𑐵𑐣𑐣𑑂𑐢𑐬𑑄 𑐣𑐸𑐐𑑅𑐏𑑃 𑐟𑐫𑐵𑐡𑐷𑐐𑐸 𑐖𑑂𑐫𑐵𑐗𑑂𑐰𑐮𑐫𑑂 𑐏𑐮𑑅𑐫𑐵 𑐳𑑄𑐬𑐎𑑂𑐲𑐎 𑐣𑐵𑐬𑐵𑐫𑐞𑐨𑐎𑑂𑐟 𑐱𑑂𑐬𑐾𑐲𑑂𑐛𑐮𑐶𑐳𑐾𑑄 𑐖𑑂𑐫𑐵𑐳𑐣𑐵 𑐥𑐸𑐔𑑅𑐫𑐵 𑐡𑐸𑐖𑑅𑐥𑐶𑑄 𑐰 𑐟𑑂𑐰𑐵𑑅𑐧𑐴𑐵𑑅𑐫𑐵𑐥𑐶𑐣𑐶𑐐𑐸 𑐄𑐥𑐳𑑂𑐠𑐶𑐟𑐶 𑐡𑐸𑐐𑐸 𑐏𑑅 𑑋