𑐥𑐸𑐲𑑂𑐥𑐮𑐵𑐮 𑐥𑐸𑐳𑑂𑐟𑐎𑐵𑐮𑐫 𑐰 𑐀𑐣𑐸𑐳𑐣𑑂𑐢𑐵𑐣 𑐎𑐾𑐣𑑂𑐡𑑂𑐬 𑐔𑐵𑐫𑐾𑐎𑐶𑐐𑐸

𑐣𑐾𑐰𑐵: 𑐀𑐣𑐮𑐵𑐂𑐣 𑐣𑑂𑐫𑐸𑐖 | 𑑒𑑐𑑗𑑖 𑐖𑐾𑐛 𑑒𑑓, 𑐧𑐶𑐴𑐶𑐧𑐵𑐬 𑑒𑑑:𑑕𑑘:𑑔𑑗

𑐣𑐾𑐥𑐵𑐮 𑐎𑐩𑑂𑐫𑐸𑐣𑐶𑐲𑑂𑐚 𑐥𑐵𑐬𑑂𑐚𑐷 (𑐣𑐾𑐎𑐥𑐵) 𑐫𑐵 𑐰𑐬𑐶𑐲𑑂𑐛 𑐣𑐾𑐟𑐵 𑐩𑐵𑐢𑐰𑐎𑐸𑐩𑐵𑐬 𑐣𑐾𑐥𑐵𑐮𑑄 𑐠𑑁 𑐧𑐶𑐴𑐶𑐰𑐵𑑅 𑐔𑐩𑑂𑐥𑐵𑐡𑐾𑐰𑐷𑐩𑐵 𑐥𑐸𑐲𑑂𑐥𑐮𑐵𑐮 𑐳𑑂𑐩𑐺𑐟𑐶 𑐥𑑂𑐬𑐟𑐶𑐲𑑂𑐛𑐵𑐣 𑐥𑐬𑐶𑐳𑐬𑐫𑑂 𑐣𑐶𑐬𑑂𑐩𑐵𑐞 𑐖𑐸𑐐𑐸 𑐥𑐸𑐳𑑂𑐟𑐎𑐵𑐮𑐫 𑐰 𑐀𑐣𑐸𑐳𑐣𑑂𑐢𑐵𑐣 𑐎𑐾𑐣𑑂𑐡𑑂𑐬𑐫𑐵 𑐄𑐮𑐾𑐖𑑂𑐫𑐵 𑐫𑐵𑐣𑐵𑐡𑐶𑐐𑐸 𑐡𑐸 𑑋 𑐥𑐹𑐬𑑂𑐰𑐥𑑂𑐬𑐢𑐵𑐣𑐩𑐣𑑂𑐟𑑂𑐬𑐷 𑐣𑐾𑐥𑐵𑐮𑑄 𑐄𑐐𑐸 𑐨𑐰𑐣𑐫𑐵 𑐣𑐶𑐬𑑂𑐩𑐵𑐞 𑐎𑑂𑐰𑐔𑐵𑐫𑐾𑐎𑐵 𑐳𑐘𑑂𑐔𑐵𑐮𑐣𑐫𑑂 𑐰𑐫𑐾 𑐢𑐸𑑄𑐎𑐵𑑅 𑐀𑐢𑑂𑐫𑐫𑐣 𑐫𑐵𑐫𑐾𑐟 𑐧𑐵𑑄𑐮𑐵𑐐𑐸 𑐠𑐵𑐫𑑂 𑐖𑐸𑐂𑐐𑐸 𑐨𑐮𑐳𑐵 𑐎𑐫𑐵𑐡𑐶𑐐𑐸 𑐡𑐸 𑑋
𑐥𑐸𑐲𑑂𑐥𑐮𑐵𑐮 𑐠𑑅 𑐴𑐾 𑐣𑑄 𑐂𑐟𑐶𑐴𑐵𑐳𑐫𑐵 𑐀𑐢𑑂𑐫𑐾𑐟𑐵𑐫𑐵 𑐰𑐶𑐡𑑂𑐫𑐵𑐬𑑂𑐠𑐷 𑐖𑐸𑐐𑐸 𑐢𑐵𑐳𑐾𑑄 𑐰𑐫𑐎𑐮𑑄 𑐂𑐟𑐶𑐴𑐵𑐳, 𑐰𑐵𑐩𑐥𑐣𑑂𑐠𑐷 𑐁𑐣𑑂𑐡𑑀𑐮𑐣 𑐮𑐶𑐳𑐾𑑄 𑐰𑐶𑐲𑐫𑐮𑐫𑑂 𑐀𑐢𑑂𑐫𑐫𑐣 𑐫𑐵𑐫𑐾𑐟 𑐠𑐸𑐐𑐸 𑐖𑑂𑐫𑐵 𑐩𑐴𑐟𑑂𑐰𑐥𑐹𑐬𑑂𑐞 𑐖𑐸𑐐𑐸 𑐧𑐶𑐔𑐵𑑅 𑐥𑑂𑐰𑑄𑐎𑐵𑐡𑐶𑐐𑐸 𑐏𑑅 𑑋
𑐣𑐾𑐥𑐵𑐮 𑐳𑐬𑐎𑐵𑐬𑐫𑐵 𑐐𑑂𑐰𑐵𑐴𑐵𑐮𑐶𑑄 𑐄𑐐𑐸 𑐨𑐰𑐣 𑐣𑐶𑐐𑐹 𑐎𑐬𑑀𑐜 𑐣𑑂𑐫𑐵𑐐𑐹 𑐮𑐵𑐏𑐫𑐵 𑐮𑐵𑐐𑐟𑐫𑑂 𑐡𑐫𑐾𑐎𑐾 𑐟𑑂𑐫𑑄𑐣𑐵𑑅𑐐𑐸 𑐥𑑂𑐬𑐟𑐶𑐲𑑂𑐛𑐵𑐣𑐫𑐵 𑐳𑐔𑐶𑐰 𑐰𑐶𑐲𑑂𑐞𑐸 𑐬𑐶𑐖𑐵𑐮𑑄 𑐧𑐶𑐫𑐵𑐡𑐶𑐐𑐸 𑐡𑐸 𑑋