𑐣𑑂𑐫𑑁𑐥𑐵𑐣𑐾𑐫𑐵 𑐣𑐾𑐥𑐵𑐮𑐨𑐵𑐲𑐵 𑐳𑐦𑐹 𑐰𑐶𑐩𑑀𑐔𑐣

𑐫𑐾𑑃 – 𑐐𑐿𑐬 𑐣𑐾𑐰𑐵𑑅 𑐏𑐫𑐵𑑄 𑐣𑑄 𑐣𑐾𑐥𑐵𑐮𑐨𑐵𑐲𑐵𑐫𑐵 𑐰𑐶𑐎𑐵𑐳 𑐰 𑐥𑑂𑐬𑐐𑐟𑐶𑐫𑐵 𑐮𑐵𑐐𑐶𑑄 𑐫𑐎𑑂𑐰𑑄 𑐎𑐸𑐟𑑅 𑐫𑐵𑐣𑐵𑐡𑐷𑐩𑑂𑐴 𑐳𑐵𑐴𑐶𑐟𑑂𑐫𑐎𑐵𑐬 𑐮𑐶𑐳𑐾𑑄 𑐱𑐶𑐎𑑂𑐲𑐵𑐰𑐶𑐡𑑂 𑐩𑐡𑐸𑐩𑑂𑐴 𑐎𑐾𑐡𑐵𑐬𑐣𑐵𑐠 𑐣𑑂𑐫𑑁𑐥𑐵𑐣𑐾𑐫𑐵 𑐣𑐶𑐐𑐹 𑐳𑐦𑐹 𑐱𑐸𑐎𑑂𑐬𑐰𑐵𑑅 𑐰𑐶𑐩𑑀𑐔𑐣 𑐖𑐸𑐮 𑑋 𑐎𑐾𑐡𑐵𑐬𑐣𑐵𑐠 𑐳𑑂𑐩𑐺𑐟𑐶 𑐥𑑂𑐬𑐟𑐶𑐲𑑂𑐛𑐵𑐣𑐫𑐵 𑐐𑑂𑐰𑐳𑐵𑐮𑐫𑑂 𑐖𑐹𑐐𑐸 𑐖𑑂𑐫𑐵𑐗𑑂𑐰𑐮𑐫𑑂 𑐖𑐣𑐎𑐰𑐶 𑐡𑐸𑐬𑑂𑐐𑐵𑐮𑐵𑐮 𑐱𑑂𑐬𑐾𑐲𑑂𑐛𑑄 𑐣𑐶𑐐𑐸𑐮𑐶𑑄 𑐳𑐦𑐹 𑐰𑐶𑐩𑑀𑐔𑐣 𑐫𑐵𑐣𑐵𑐡𑐷𑐐𑐸 𑐏𑑅 𑑋

𑐫𑐾𑑃𑐫𑑂 𑐩𑐶𑐳𑐵𑐥𑐶𑑄𑐟 𑐖𑐎 𑐁𑐏𑑅 𑐧𑑂𑐰𑑄𑐎𑐷𑐐𑐸 𑐎𑐣𑑂𑐫𑐵𑐩𑐣𑑂𑐡𑐶𑐬 𑐳𑑂𑐎𑐹𑐮 𑐳𑑂𑐠𑐵𑐥𑐣𑐵 𑐫𑐵𑐫𑐾𑐟 𑐐𑐴𑐣 𑐨𑐹𑐩𑐶𑐎𑐵 𑐩𑑂𑐴𑐶𑐟𑐵𑐡𑐷𑐩𑑂𑐴 𑐨𑐵𑐖𑐸 𑐣𑑂𑐫𑑁𑐥𑐵𑐣𑐾𑑄 𑐣𑑂𑐫𑐫𑑂𑐡𑑃 𑐔𑑂𑐰𑐫𑐵𑐡𑐷𑐐𑐸 ‘𑐎𑐾𑐴𑐾𑑃𑐫𑐵𑐟 𑐥𑑁’ 𑐰 ‘𑐗𑐷 𑐦𑐸𑐎𑑂𑐎𑑄 𑐳𑑂𑐰𑐟𑐣𑑂𑐟𑑂𑐬 𑐏𑑅 !’ 𑐳𑐦𑐹 𑐁𑑅 𑐰𑐫𑐵𑑅 𑐔𑑂𑐰𑐳𑐵𑐥𑐵𑐳𑐵𑑄 𑐥𑐶𑐠𑑄𑐐𑐸 𑐏𑑅 𑑋 𑐨𑐵𑐖𑐸 𑐣𑑂𑐫𑑁𑐥𑐵𑐣𑐾 𑐰𑐶.𑐳𑑄 𑑒𑑐𑑑𑑓 𑐳𑐵𑐮𑐫𑑂 𑐔𑑂𑐰𑐳𑐵𑐥𑐵𑐳𑐵𑐫𑐵 𑐣𑐶𑐬𑑂𑐰𑐵𑐔𑐶𑐟 𑐕𑑂𑐫𑐵𑑄𑐖𑑂𑐫𑐾 𑐣𑑄 𑐏𑑅 𑑋

𑐖𑑂𑐫𑐵𑐗𑑂𑐰𑐮𑐫𑑂 𑐖𑐣𑐎𑐰𑐶 𑐱𑑂𑐬𑐾𑐲𑑂𑐛 𑐮𑐶𑐳𑐾𑑄 𑐔𑑂𑐰𑐳𑐵𑐥𑐵𑐳𑐵𑐫𑐵 𑐣𑐵𑐫𑑅 𑐨𑐹𑐲𑐞𑐥𑑂𑐬𑐳𑐵𑐡 𑐱𑑂𑐬𑐾𑐲𑑂𑐛, 𑐮𑐮𑐶𑐟𑐎𑐮𑐵 𑐥𑑂𑐬𑐟𑐶𑐲𑑂𑐛𑐵𑐣𑐫𑐵 𑐎𑐸𑐮𑐥𑐟𑐶 𑐮𑐶𑐳𑐾𑑄 𑐣𑐵𑑄𑐖𑐵𑑅𑐩𑑂𑐴 𑐎𑐮𑐵𑐎𑐵𑐬 𑐎𑐾𑐎𑐾 𑐎𑐬𑑂𑐩𑐵𑐔𑐵𑐬𑑂𑐫, 𑐔𑑂𑐰𑐩𑐶 𑐁𑐬. 𑐩𑐵𑐣𑐣𑑂𑐢𑐬, 𑐣𑑂𑐫𑑁𑐥𑐵𑐣𑐾𑐫𑐵 𑐟𑑅𑐢𑐷𑐩𑑂𑐴 𑐎𑐵𑐫 𑐧𑐵𑐳𑐸𑐡𑐾𑐰 𑐣𑑂𑐫𑑁𑐥𑐵𑐣𑐾 𑐰 𑐥𑑂𑐬𑐟𑐶𑐲𑑂𑐛𑐵𑐣𑐫𑐵 𑐣𑐵𑐫𑑅𑐥𑐶𑑄𑐳𑑄 𑐣𑑄 𑐣𑐰𑐵𑐣𑐵𑐡𑐷𑐐𑐸 𑐏𑑅 𑑋