𑐣𑐾𑐥𑐵𑐮 𑐮𑐶𑐥𑐶 𑐟𑐐𑐶𑑄 𑐳𑑂𑐫𑐣𑐵𑐩𑐶 𑐖𑑂𑐰𑐮𑑄

𑐣𑐾𑐥𑐵𑐮 𑐮𑐶𑐥𑐶 𑐟𑐐𑐶𑑄 𑐳𑑂𑐫𑐣𑐵𑐩𑐶 𑐖𑑂𑐰𑐮𑑄

Click here to see the book

𑐮𑐶𑐥𑐶 𑐧𑐶𑐎𑐵𑐳 𑐰 𑐣𑐾𑐥𑐵𑐮 𑐮𑐶𑐥𑐶 

𑐳𑐸𑑄 𑐣𑑄 𑐥𑑂𑐬𑐵𑐞𑐷𑐫𑐵 𑐣𑐶𑑄𑐟𑐶𑑄 𑐠𑑅𑐐𑐸 𑐏𑑃 𑐀𑐨𑐶𑐰𑑂𑐫𑐎𑑂𑐟 𑐫𑐵𑐫𑐾𑐐𑐸 𑐩𑐵𑐢𑑂𑐫𑐩 𑐢𑐫𑐵𑐐𑐸 𑐴𑐾 𑐨𑐵𑐫𑑂 𑐏𑑅, 𑐀𑐮𑐾 𑐨𑐵𑐫𑑂𑐫𑐵𑐟 𑐣𑑄 𑐳𑐘𑑂𑐔𑐫 𑐫𑐵𑐫𑐾𑐐𑐸 𑐰 𑐀𑐨𑐶𑐮𑐾𑐏 𑐟𑐫𑐾𑐐𑐸 𑐩𑐵𑐢𑑂𑐫𑐩 𑐁𑐏𑑅 𑐰𑐵 𑐮𑐶𑐥𑐶 𑐏𑑅 𑑋

𑐣𑐾𑐥𑐵𑐮 𑐮𑐶𑐥𑐶 𑐐𑐸𑑄𑐐𑐹𑐐𑐸 𑐱𑐟𑐵𑐧𑑂𑐡𑐷𑐣𑐶𑐳𑐾𑑄 𑐰𑐶𑐎𑐵𑐳 𑐖𑐸𑐫𑐵𑑅 𑐕𑑂𑐫𑐮𑐵𑐧𑐸𑐮𑐵𑐫𑑂 𑐰𑑅𑐐𑐸 𑐏𑐣𑐾𑐡𑐸 𑑋 𑐠𑑂𑐰 𑐮𑐶𑐥𑐶 𑐣𑐾𑐥𑐵𑑅𑐫𑐵 𑐠𑐷𑐠𑐷 𑐎𑐠𑑄𑐫𑐵 𑐥𑑂𑐬𑐵𑐔𑐷𑐣 𑐮𑐶𑐥𑐶 𑐩𑐢𑑂𑐫𑐾 𑐟𑐳𑐎𑑄 𑐣𑑂𑐫𑐣𑐵𑐰𑑄𑐐𑐸, 𑐫𑐎𑑂𑐰 𑐡𑐿𑐟𑐎 𑐕𑑂𑐫𑐮𑐵𑐧𑐸𑐮𑐵𑐫 𑐰𑐫𑐵𑐔𑑂𑐰𑑄𑐐𑐸 𑐰 𑐠𑐵𑑃𑐟𑐎𑑄 𑐣𑑄 𑐕𑑂𑐫𑐮𑐵𑐧𑐸𑐮𑐵𑐫𑑂 𑐰𑐫𑐵𑐔𑑂𑐰𑑄𑐐𑐸 𑐀𑑅𑐥𑐸𑐐𑐸 𑐮𑐶𑐥𑐶 𑐰𑐵 𑐁𑐏𑑅 𑐏𑑅 𑑋 𑐩𑐢𑑂𑐫‌𑐎𑐵𑐮 (𑐩𑐮𑑂𑐮𑐎𑐵𑐮) 𑐫𑑂 𑐠𑑂𑐰 𑐮𑐶𑐥𑐶 𑐣𑐾𑐥𑐵𑐮𑐨𑐵𑐲𑐵𑐫𑐵 𑐣𑐵𑐥𑐣𑐵𑐥𑑄 𑐳𑑄𑐳𑑂𑐎𑐺𑐟, 𑐩𑐿𑐠𑐶𑐮𑐷 𑐰 𑐏𑐳𑐨𑐵𑐳𑐫𑑂 𑐟𑐎 𑐣𑑄 𑐕𑑂𑐫𑐮𑐵𑐧𑐸𑐟𑑂𑐬𑐵𑐫𑑂 𑐰𑐫𑐵𑐔𑑂𑐰𑑄𑐐𑐸 𑐏𑐣𑐾𑐡𑐸 𑑋 𑐠𑑂𑐰 𑐮𑐶𑐥𑐶𑐫𑐵𑐟 𑐣𑐾𑐥𑐵𑐮 𑐁𑐏𑑅, 𑐣𑐾𑐥𑐵𑐮𑐵𑐎𑑂𑐲𑐬, 𑐣𑐾𑐰𑐵𑐮 𑐁𑐏𑐬 𑐰 𑐟𑐳𑐎𑐾 𑐀𑐥𑑂𑐰𑑅 𑐟𑐵𑑅 𑐃𑐟𑐎 𑐕𑑂𑐫𑐮𑐵𑐧𑐸𑐮𑐵𑐫𑑂 𑐰𑑅𑐐𑐸𑐮𑐶𑑄 𑐥𑑂𑐬𑐔𑐮𑐶𑐟 𑐣𑐾𑐥𑐵𑐮 𑐮𑐶𑐥𑐶 𑐣𑑄 𑐢𑐵𑑅 𑑋

𑐣𑐾𑐥𑐵𑐮 𑐨𑐵𑐲𑐵 𑐰 𑐣𑐾𑐥𑐵𑐮 𑐮𑐶𑐥𑐶𑐫𑐵 𑐕𑑂𑐫𑐮𑐵𑐧𑐸𑐮𑐵 

𑐬𑐵𑐞𑐵𑐱𑐵𑐳𑐣 𑐴𑐣𑑂𑐫𑐵𑐫𑐾 𑐢𑐸𑐎𑐵𑑅 𑐣𑐾𑐥𑐵𑐮 𑐨𑐵𑐲𑐵 𑐰 𑐣𑐾𑐥𑐵𑐮 𑐮𑐶𑐥𑐶𑐫𑐵 𑐕𑑂𑐫𑐮𑐵𑐧𑐸𑐮𑐵𑐫𑑂 𑐥𑐐𑑅 𑐡𑐣𑐾𑐐𑐸 𑐱𑐸𑐬𑐸 𑐖𑐸𑐮 𑑋 𑐣𑐾.𑐳𑑄. 𑑑𑑐𑑒𑑖 (𑐰𑐶.𑐳𑑄. 𑑑𑑙𑑖𑑒) 𑐳 𑐔𑐣𑑂𑐡𑑂𑐬 𑐳𑐩𑐱𑐾𑐬 𑐣𑐾𑐥𑐵𑐮𑐨𑐵𑐲𑐵 𑐰 𑐣𑐾𑐥𑐵𑐮 𑐮𑐶𑐥𑐶𑑄 𑐔𑑂𑐰𑐫𑐵𑐟𑑅𑐐𑐸 𑐮𑐶𑐏𑐟𑐫𑐵𑐟 𑐎𑐵𑐣𑐹𑐣𑐷 𑐩𑐵𑐣𑑂𑐫𑐟𑐵 𑐩𑐧𑐶𑐂𑐐𑐸 𑐰 𑐀𑐜𑑂𑐜𑐵 𑐀𑐡𑐵𑐮𑐮𑐫𑑂 𑐡𑐳𑐶 𑐩𑐖𑐸𑐂𑐐𑐸 𑐑𑑀𑐲𑐞𑐵 𑐫𑐵𑐣𑐵 𑐧𑐶𑐂𑐰𑑄 𑐠𑐸𑐎𑐶𑐫𑐵 𑐥𑑂𑐬𑐔𑐮𑐣 𑐧𑐸𑐮𑐸𑐴𑐸 𑐟𑐣𑐵 𑐰𑐣 𑑋

𑐧𑐾𑐮𑐵𑐫𑐟𑐷 𑐳𑐬𑐎𑐵𑐬𑐫𑐵 𑐣𑐾𑐥𑐵𑐮 𑐳𑑂𑐰𑐂𑐩𑑂𑐴 𑐬𑐾𑐳𑐶𑐡𑐾𑐣𑑂𑐳𑐶𑐫𑐮 𑐀𑐦𑐶𑐳𑐬 𑐧𑑂𑐬𑐵𑐫𑐣 𑐴𑐳𑑂𑐚𑐣 𑐴𑐜𑑂𑐳𑐣 (British Residence Officer, Brain Houghton Hodgson) 𑐣𑐾𑐥𑐵𑐮𑐫𑑂 𑐔𑑂𑐰𑑄𑐐𑐸 𑐂𑐮𑐫𑑂 𑐧𑐸𑐡𑑂𑐢 𑐢𑐬𑑂𑐩 𑐀𑐢𑑂𑐫𑐫𑐣 𑐫𑐵𑐫𑐾𑐐𑐸 𑐗𑑂𑐰𑐮𑐫𑑂 𑐣𑐾𑐥𑐵𑐮 𑐮𑐶𑐥𑐶𑑄 𑐔𑑂𑐰𑐫𑐵𑐟𑑅𑐐𑐸 𑐧𑐸𑐡𑑂𑐢 𑐢𑐬𑑂𑐩 𑐳𑐩𑑂𑐧𑐣𑑂𑐢𑐶 𑐁𑐥𑐵𑐮𑑄 𑐥𑐵𑐞𑑂𑐜𑐸𑐮𑐶𑐥𑐶𑐟 𑐩𑐸𑐣𑐵 𑐫𑑄𑐎𑐹𑐐𑐸 𑐡𑐸 𑑋 𑐮𑐶𑐥𑐵 𑐬𑐵𑐞𑐵𑐎𑐵𑐮𑐫𑐵 𑐂𑐮𑐫𑑂 𑐬𑐵𑐞𑐵 𑐱𑐵𑐳𑐎𑐟𑐫𑑂𑐳𑑄 𑐖𑐣𑐟𑐵𑐥𑐵𑐏𑐾𑑄 𑐩𑐸𑐣𑐵𑐎𑐵𑑅𑐐𑐸 𑐁𑐥𑐵𑐮𑑄 𑐥𑐵𑐞𑑂𑐜𑐸𑐮𑐶𑐥𑐶𑐟 𑐣𑑄 𑐫𑑄𑐎𑐹𑐐𑐸 𑐏𑐣𑐾𑐡𑐸 𑑋 𑐴𑐜𑑂𑐳𑐣𑑄 𑐠𑑅𑐴𑐩 𑐩𑐸𑑄𑐎𑐹𑐐𑐸 𑐥𑐵𑐞𑑂𑐜𑐸𑐮𑐶𑐥𑐶 𑐐𑑂𑐬𑐣𑑂𑐠𑐟 𑐰𑐶𑐱𑑂𑐰𑐫𑐵 𑐠𑐷𑐠𑐷 𑐀𑐨𑐶𑐮𑐾𑐏𑐵𑐮𑐫 𑐰 𑐳𑐦𑐹𑐎𑐸𑐠𑐶𑐂 𑐂𑐣𑐵𑐧𑑂𑐫𑐹

1. 1. 𑐣𑐾𑐥𑐵𑐮 𑐮𑐶𑐥𑐶𑐫𑐵 𑐩𑐵 𑐁𑐏𑑅 (Vowels)

𑐳𑐵𑐩𑐵𑐣𑑂𑐫𑐟𑑅 𑐳𑑅𑐫𑐵𑐟 𑐢𑑂𑐰𑐣𑐶 𑐢𑐵𑐂𑐐𑐸 𑐏𑑅𑐳𑐵𑑄 𑐩𑐣𑐹𑐫𑐵 𑐨𑐵𑐲𑐵𑐫𑑂 𑐡𑐸𑐠𑑂𑐫𑐵𑑅𑐐𑐸 𑐳𑑅𑐫𑐵𑐟𑐖𑐎 𑐢𑑂𑐰𑐣𑐶 (phone) 𑐢𑐵𑐂 𑑋 𑐠𑐸𑐎𑐶𑐫𑐵 𑐀𑐢𑑂𑐫𑐣 𑐢𑑂𑐰𑐣𑐶𑐰𑐶𑐖𑑂𑐘𑐵𑐣𑑄 (phonetics) 𑐫𑐵𑐂 𑑋 𑐜𑐸𑑄 𑐕𑐐𑐹 𑐨𑐵𑐲𑐵 𑐰𑐶𑐱𑐾𑐲𑐫 𑐡𑐸𑐠𑑂𑐫𑐵𑑅𑐐𑐸 𑐢𑑂𑐰𑐣𑐶𑐫𑐵𑐟 𑐰𑐬𑑂𑐞 (phoneme) 𑐢𑐵𑐂 𑑋 𑐐𑐸𑐐𑐸 𑐨𑐵𑐲𑐵𑐫 𑐐𑐸𑐮𑐶 𑐰𑐬𑑂𑐞 𑐡𑐸 𑐢𑐿𑐐𑐸 𑐳𑐷𑐎𑐾𑐐𑐸 𑐁𑐢𑐵𑐬 𑐰𑐶𑐨𑐾𑐡𑐎 𑐮𑐎𑑂𑐲𑐞 𑐏𑑅 𑑋 𑐰𑐬𑑂𑐞 𑐩𑐵𑐐𑑀𑑅 (𑐳𑑂𑐰𑐬) 𑐰 𑐧𑐵𑐐𑑀 (𑐰𑑂𑐫𑐘𑑂𑐖𑐣) 𑐫𑐵𑐣𑐵𑑅 𑐣𑐶𑐠𑐶𑐎𑐫𑑂 𑐧𑑀𑐠𑐮𑐵𑐟 𑐐𑐸 𑐡𑐸 𑑋

𑐩𑐵 𑐁𑐏𑑅 (Vowel)

𑐣𑐰𑐵𑐫𑐾𑐧𑐮𑐫𑑂 𑐳𑑂𑐰𑐟𑐣𑑂𑐟𑑂𑐬𑐬𑐹𑐥𑑄 𑐄𑐔𑑂𑐔𑐵𑐬𑐞 𑐖𑐸𑐂𑐐𑐸 𑐁𑐏𑑅𑐫𑐵𑐟 𑐩𑐵 𑐁𑐏𑑅 𑐢𑐎𑐵𑑅 𑐢𑐵𑐂 𑑋 𑐠𑑂𑐰 𑐁𑐏𑑅 𑐄𑐔𑑂𑐔𑐵𑐬𑐞 𑐖𑐸𑐂𑐧𑐮𑐫𑑂 𑐐𑐬𑑂𑐣 𑐥𑑄𑐐𑑅 𑐩𑐡𑐫𑐾𑐎 𑐎𑐠𑐸𑐣𑐶𑐳𑐾 𑐳𑑅 𑐥𑐶𑐖𑑂𑐰𑐜𑑆 𑑋 𑐠𑑂𑐰 𑐁𑐏𑑅 𑐄𑐔𑑂𑐔𑐵𑐬𑐞 𑐖𑐸𑐂𑐧𑐮𑐫𑑂 𑐕𑐐𑐹 𑐴𑐾 𑐖𑐎 𑐳𑑅 𑐥𑐶𑐖𑑂𑐰𑐂, 𑐩𑐾𑐐𑐸 𑐳𑑅 𑐮𑑂𑐰𑐵𑐎𑐖𑑂𑐫𑐵𑐂 𑐩𑐏𑐸 𑑋 𑐄𑐔𑑂𑐔𑐵𑐬𑐞 𑐖𑐸𑐂𑐐𑐸 𑐳𑑅 𑐎𑐠𑑄 𑐏𑐸𑐐𑑅 𑐩𑐵 𑐁𑐏𑑅 𑐡𑐸 𑑋

𑐀 𑐁 𑐂 𑐄 𑐊 𑐌

𑐩𑐵 𑐁𑐏𑑅 𑐔𑑂𑐰𑐫𑐾𑐐𑐸 𑐧𑐶𑐢𑐶 (stroke) 𑐳𑑂𑐫𑐣𑐾𑐐𑐸

𑐩𑐵 𑐁𑐏𑑅𑐫𑐵 𑐩𑐵𑐟𑑂𑐬𑐵 

𑐳𑑅 𑐄𑐔𑑂𑐔𑐵𑐬𑐞 𑐖𑐸𑐂𑐐𑐸 𑐥𑐴𑑅 𑐎𑐠𑑄 𑐟𑐵𑑅𑐴𑐵𑐎𑑅 𑐳𑑅 𑐰 𑐣𑑂𑐴𑐵𑐳 𑐠𑑂𑐰𑐂𑐐𑐸 𑐳𑑅 𑐣 𑐥𑐶𑐖𑑂𑐰𑐜𑑆𑑋 𑐠𑐸𑐎𑐠𑑄 𑐟𑐵𑑅𑐴𑐵𑑄𑐎𑑅 𑐳𑑅 𑐥𑐶𑐖𑑂𑐰𑐂𑐐𑐸𑐫𑐵𑐟 𑐡𑐷𑐬𑑂𑐑 𑐳𑑅 𑐢𑐎𑐵𑑅 𑐢𑐵𑐂, 𑐠𑐸𑐎𑐶𑐫𑐵𑐟 𑐮𑐶𑐦𑐸𑐟𑐶 (𑐧𑐶𑐳𑐬𑑂𑐐) 𑐫𑐵 𑐩𑐵𑐟𑑂𑐬𑐵𑐫𑐵 𑐔𑐶𑑄 𑐟𑐫𑐵 𑐔𑑂𑐰𑐫𑐾𑐐𑐸 𑐫𑐵𑐜𑑆 𑑋 𑐣𑑂𑐴𑐵𑐳𑑄 𑐠𑑂𑐰𑐂𑐐𑐸 𑐔𑐶𑐴𑐵𑐎𑑅𑐐𑐸 𑐳𑑅𑐫𑐵𑐟 𑐴𑐳𑑂𑐰 𑐀𑐣𑐸𑐣𑐵𑐳𑐶𑐎 𑐳𑑅 𑐢𑐎𑐵𑑅 𑐢𑐵𑐜𑑆, 𑐠𑐸𑐎𑐶𑐫𑐵𑐟 𑐩𑐶𑐮𑐵𑐦𑐸𑐟𑐶 (𑐔𑐣𑑂𑐡𑑂𑐬𑐧𑐶𑐣𑑂𑐡𑐸) 𑐫𑐵 𑐩𑐵𑐟𑑂𑐬𑐵𑐫𑐵 𑐔𑐶 𑐟𑐫𑐵 𑐔𑑂𑐰𑐫𑐾𑐐𑐸 𑐫𑐵𑐜𑑆𑑋 𑐀𑐠𑐾𑐴𑐾 𑐣𑑂𑐴𑐵𑐳 𑐠𑑂𑐰𑐂𑐐𑐸 𑐟𑐵𑑅𑐴𑐵𑐎𑑅𑐐𑐸 𑐳𑑅𑐫𑐵𑐟 𑐡𑐷𑐬𑑂𑐑 𑐀𑐣𑐸𑐣𑐵𑐳𑐶𑐎 𑐳𑑅 𑐢𑐎𑐵𑑅 𑐢𑐵𑐂, 𑐠𑐸𑐎𑐶𑐫𑐵𑐟 𑐳𑐶𑐣𑑂𑐴𑑅𑐦𑐸𑐟𑐶 (𑐱𑐷𑐬𑐧𑐶𑐣𑑂𑐡𑐸) 𑐫𑐵 𑐩𑐵𑐟𑑂𑐬𑐵𑐫𑐵 𑐔𑐶 𑐟𑐫𑐵 𑐔𑑂𑐰𑐫𑐾𑐐𑐸 𑐫𑐵𑐂 𑑋

 

𑐩𑐵 𑐁𑐏𑑅	𑐮𑐶𑐦𑐸𑐟𑐶 (𑑅 )	𑐩𑐶𑐮𑐵𑐦𑐸𑐟𑐶 (𑑃 )	𑐳𑐶𑐣𑑂𑐴 (𑑄 )
𑐀	𑐀𑑅	𑐀𑑃	𑐀𑑄
𑐁	𑐁𑑅	𑐁𑑃	𑐁𑑄
𑐂	𑐂𑑅	𑐂𑑃	𑐂𑑄
𑐄	𑐄𑑅	𑐄𑑃	𑐄𑑄
𑐊	𑐊𑑅	𑐊𑑃	𑐊𑑄
𑐌	𑐌𑑅	𑐌𑑃	𑐌𑑄

 

𑐩𑐵. 𑐁𑐏𑑅𑐫𑐵 𑐩𑐵𑐟𑑂𑐬𑐵 𑐳𑑂𑐫𑐣𑐾 𑐧𑐮𑐫𑑂 𑐩𑐹 𑐁𑐏𑑅, 𑐮𑐶𑐦𑐸𑐟𑐶, 𑐩𑐶𑐮𑐵𑐦𑐸𑐟𑐶 𑐰 𑐳𑐶𑐣𑑂𑐴𑑅𑐦𑐸𑐟𑐶 𑐡𑐸𑐐𑐸 𑐏𑑃𑐐𑑂𑐰𑑅𑐫𑐵 𑐡𑐳𑐸 𑐧𑐶𑐂𑐐𑐸 𑑋

See the tutorial book