𑐣𑐾𑐥𑐵𑐮𑐨𑐵𑐲𑐵 𑐥𑐸𑐣𑐳𑑂𑐬𑑂𑐠𑐵𑐥𑐣𑐵𑐫𑐵 𑐩𑐵𑐐

𑐫𑐾𑑃 – 𑐳𑑂𑐰𑐣𑐶𑐐𑑅𑐫𑐵 𑐐𑐸𑐮𑐶 𑐣𑑄 𑐎𑑂𑐫𑐵𑐩𑑂𑐥𑐳𑐫𑑂 𑐣𑑂𑐴𑐵𑐥𑐵 𑐣𑐾𑐥𑐵𑐮𑐨𑐵𑐲𑐵 𑐧𑑂𑐰𑑄𑐎𑐾𑐐𑐸 𑐫𑐵𑐣𑐵𑐔𑑂𑐰𑑄𑐐𑐸 𑐏𑑅, 𑐀𑐣 𑐁𑑅 𑐣𑑄 𑐣𑐾𑐥𑐵𑐮𑐨𑐵𑐲𑐵 𑐧𑑂𑐰𑑄𑐎𑐾𑐐𑐸 𑐎𑐠𑑄 𑐥𑐸𑐣𑐳𑑂𑐬𑑂𑐠𑐵𑐥𑐣𑐵 𑐫𑐵𑐫𑐾𑐩𑐵𑑅𑐐𑐸 𑐩𑐵𑐐 𑐣𑐾𑐰𑐵𑑅 𑐰𑐶𑐡𑑂𑐫𑐵𑐬𑑂𑐠𑐷 𑐫𑐸𑐣𑐶𑐫𑐣𑑄 𑐫𑐵𑑅𑐐𑐸 𑐡𑐸 𑑋 𑐠𑐣𑐫𑐵 𑐁𑐬𑐁𑐬 𑐎𑑂𑐫𑐵𑐩𑑂𑐥𑐳𑐫𑑂 𑐣𑐾𑐰𑐵𑑅 𑐰𑐶𑐡𑑂𑐫𑐵𑐬𑑂𑐠𑐷 𑐫𑐸𑐣𑐶𑐫𑐣𑑄 𑐫𑐵𑑅𑐐𑐸 𑐕𑐐𑐹 𑐖𑑂𑐫𑐵𑐗𑑂𑐰𑐮𑐫𑑂 𑐠𑑂𑐰 𑐩𑐵𑐐 𑐣𑑂𑐴𑑂𑐫𑑅𑐣𑐾 𑐟𑑅𑐐𑐸 𑐏𑑅 𑑋

𑐫𑐸𑐣𑐶𑐫𑐣𑐥𑐵𑐏𑐾𑑄 𑐠𑐸𑐎𑐶𑐫𑐵 𑐣𑐵𑐥𑐣𑐵𑐥𑑄 𑐣𑐾𑐥𑐵𑐮𑐨𑐵𑐲𑐵 𑐧𑑂𑐰𑐣𑐷𑐥𑐶𑑄 𑐰𑐶𑐡𑑂𑐫𑐵𑐬𑑂𑐠𑐷𑐟𑐫𑑂𑐟 𑐕𑐵𑐟𑑂𑐬𑐰𑐺𑐟𑑂𑐟𑐶𑐫𑐵 𑐰𑑂𑐫𑐰𑐳𑑂𑐠𑐵 𑐫𑐵𑐫𑐾𑐩𑐵𑑅𑐐𑐸, 𑐣𑐾𑐥𑐵𑐮𑐨𑐵𑐲𑐵 𑐧𑑂𑐰𑑄𑐎𑐷𑐥𑐶𑑄 𑐱𑐶𑐎𑑂𑐲𑐎𑐟𑐫𑑂 𑐮𑐵𑐐𑐶𑑄 𑐡𑐬𑐧𑐣𑑂𑐡𑐷 𑐏𑑀𑐮𑐾 𑐫𑐵𑐫𑐾𑐩𑐵𑑅𑐐𑐸, 𑐰𑐶𑐡𑑂𑐫𑐵𑐬𑑂𑐠𑐷𑐟𑐫𑑂𑐟 𑐩𑐵𑑅𑐐𑐸 𑐥𑐵𑐛𑑂𑐫𑐳𑐦𑐹 𑐂𑐮𑐫𑑂 𑐕𑐵𑐥𑐾 𑐫𑐵𑐣𑐵 𑐧𑐷𑐩𑐵𑑅𑐐𑐸 𑐩𑐵𑐐 𑐣𑑄 𑐣𑑂𑐴𑑂𑐫𑑅𑐣𑐾 𑐟𑑅𑐐𑐸 𑐡𑐸 𑑋

𑐣𑐾𑐰𑐵𑑅 𑐣𑑂𑐴𑑂𑐫𑐮𑐸𑐰𑐵 𑐜𑐵. 𑐩𑐴𑐾𑐱𑐩𑐵𑐣 𑐱𑑂𑐬𑐾𑐲𑑂𑐛 𑐩𑐹𑐥𑐵𑐴𑐵𑑄 𑐎𑐠𑑄 𑐗𑐵𑐫𑐵𑐡𑐷𑐐𑐸 𑐄𑐐𑐸 𑐖𑑂𑐫𑐵𑐗𑑂𑐰𑐮𑐫𑑂 𑐎𑑂𑐫𑐵𑐩𑑂𑐥𑐳 𑐥𑑂𑐬𑐩𑐸𑐏 𑐜𑐵. 𑐣𑐶𑐬𑑂𑐩𑐮𑐵 𑐎𑐸𑐩𑐵𑐬𑐷 𑐳𑐸𑐰𑐵𑐮𑑄 𑐟𑑂𑐬𑐶𑐰𑐶 𑐣𑐶𑐫𑐩𑑄 𑐫𑐵𑐣𑐵𑑅 𑐎𑑂𑐫𑐵𑐩𑑂𑐥𑐳 𑐥𑑂𑐬𑐩𑐸𑐏𑐟𑐫𑑂𑐳𑑄 𑐔𑐵𑐴𑐾 𑐖𑐹𑐳𑐵𑑄 𑐣𑑄 𑐳𑐎𑐠𑐵𑐳𑑄 𑐣𑐾𑐥𑐵𑐮𑐨𑐵𑐲𑐵 𑐧𑑂𑐰𑑄𑐎𑐾 𑐩𑐦𑐫𑐵𑐔𑑂𑐰𑑄𑐐𑐸 𑐏𑑃 𑐎𑐣𑐵𑐡𑐶𑐮 𑑋 𑐳𑑂𑐰𑐰𑐶𑐫𑐸 𑐄𑐥𑐵𑐢𑑂𑐫𑐎𑑂𑐲 𑐩𑐡𑐣 𑐨𑐞𑑂𑐜𑐵𑐬𑐷𑑄 𑐣𑐾𑐥𑐵𑐮𑐨𑐵𑐲𑐵 𑐧𑑂𑐰𑑄𑐎𑐾𑐐𑐸 𑐮𑐵𑐐𑐶𑑄 𑐣𑐾𑐰𑐵𑑅 𑐰𑐶𑐡𑑂𑐫𑐵𑐬𑑂𑐠𑐷𑐟𑐫𑑂𑐳𑑄 𑐫𑐵𑐣𑐵𑐔𑑂𑐰𑑄𑐐𑐸 𑐳𑑄𑐑𑐬𑑂𑐲𑐫𑐵𑐟 𑐠𑑅𑐥𑐶𑐣𑐶𑐐𑐸 𑐳𑐩𑐬𑑂𑐠𑐣 𑐰𑑂𑐫𑐎𑑂𑐟 𑐫𑐵𑐣𑐵𑐡𑐶𑐮 𑑋 𑐁𑐬𑐁𑐬 𑐎𑑂𑐫𑐵𑐩𑑂𑐥𑐳𑐫𑑂 𑐣𑐾𑐥𑐵𑐮𑐨𑐵𑐲𑐵 𑐥𑐸𑐣𑐳𑑂𑐬𑑂𑐠𑐵𑐥𑐣𑐵 𑐫𑐵𑐫𑐾𑐟 𑐳𑑄𑐑𑐬𑑂𑐲 𑐫𑐵𑑅𑐥𑐶𑑄 𑐰𑐶𑐡𑑂𑐫𑐵𑐬𑑂𑐠𑐷𑐟𑐫𑑂𑐟 𑐴𑐣𑐾𑐖𑑂𑐫𑐵 𑐣𑑄 𑐖𑐹𑐐𑐸 𑐄𑐐𑐸 𑐖𑑂𑐫𑐵𑐗𑑂𑐰𑐮𑐫𑑂 𑐰𑐶𑐡𑑂𑐫𑐵𑐬𑑂𑐠𑐷 𑐩𑐣𑐶𑐲 𑐣𑐾𑐰𑐵𑑅𑐮𑑄 𑐣𑑄 𑐣𑑂𑐰𑐰𑐵𑐣𑐵𑐡𑐷𑐐𑐸 𑐏𑑅 𑑋