𑐣𑐾𑐥𑐵𑐮𑐨𑐵𑐲𑐵 𑐥𑐬𑐶𑐲𑐡𑑂𑐫𑐵 𑐳𑐵𑐢𑐵𑐬𑐞𑐳𑐨𑐵

𑐫𑐾𑑃 – 𑐣𑐾𑐥𑐵𑐮𑐨𑐵𑐲𑐵𑐫𑐵 𑐥𑐸𑐮𑐵𑑄𑐐𑐸 𑐳𑐵𑐴𑐶𑐟𑑂𑐫𑐶𑐎 𑐳𑑄𑐳𑑂𑐠𑐵 𑐣𑐾𑐥𑐵𑐮𑐨𑐵𑐲𑐵 𑐥𑐬𑐶𑐲𑐡𑑂𑐫𑐵 𑐗𑐶𑑄𑐥𑑂𑐫𑐎𑑂𑐰𑑅𑐐𑐸 𑐳𑐵𑐢𑐵𑐬𑐞𑐳𑐨𑐵 𑐰𑑄𑐐𑐸 𑐁𑐂𑐟𑐰𑐵𑑅 𑐖𑐸𑐮 𑑋 𑐥𑐬𑐶𑐲𑐡𑑂𑐫𑐵 𑐣𑐵𑐫𑑅 𑐥𑑂𑐬𑐵. 𑐳𑐸𑐰𑐬𑑂𑐞 𑐱𑐵𑐎𑑂𑐫𑐫𑐵 𑐳𑐨𑐵𑐥𑐟𑐶𑐟𑑂𑐰𑐫𑑂 𑐖𑐹𑐐𑐸 𑐳𑐵𑐢𑐵𑐬𑐞𑐳𑐨𑐵𑐫𑑂 𑐕𑑂𑐫𑐵𑑄𑐖𑐾 𑐢𑐸𑑂𑐬𑐰 𑐩𑐢𑐶𑐎𑑅𑐩𑐶𑑄 𑐥𑑂𑐬𑐐𑐟𑐶 𑐥𑑂𑐬𑐟𑐶𑐰𑐾𑐡𑐣 𑐣𑑂𑐴𑑂𑐫𑐧𑑂𑐰𑐫𑐵𑐡𑐷𑐐𑐸 𑐏𑑅 𑑋

𑐥𑐬𑐶𑐲𑐡𑑂𑐫𑐵𑐟 𑐢𑐶𑐳𑐶𑐮𑐵𑐎𑑂𑐎 𑐣𑑂𑐴𑑂𑐫𑑅𑐣𑐾 𑐫𑑄𑐎𑐾𑐐𑐸 𑐣𑐵𑐥𑑄 𑐨𑐵𑐲𑐵 𑐳𑐵𑐴𑐶𑐟𑑂𑐫𑐫𑐵 𑐏𑑂𑐫𑐮𑐫𑑂 𑐟𑐶𑐧𑑅 𑐖𑐸𑐂𑐎𑐠𑑄 𑐠𑐷𑐠𑐷 𑐖𑑂𑐫𑐵𑐗𑑂𑐰𑑅 𑐫𑐵𑐣𑐵 𑐰𑐣𑐾𑐐𑐸 𑐥𑑂𑐬𑐟𑐶𑐰𑐡𑑂𑐢𑐟𑐵 𑐥𑑂𑐰𑑄𑐎𑐸𑐳𑐾 𑐥𑐬𑐶𑐲𑐡𑑄 𑐁𑑅 𑐨𑐵𑐳𑐵 𑐳𑐵𑐴𑐶𑐟𑑂𑐫 𑐰𑐶𑐎𑐵𑐳𑐫𑐵 𑐣𑐶𑑄𑐟𑐶𑑄 𑐣𑐾𑐰𑐵𑑅 𑐧𑐳𑑂𑐟𑐷 𑐡𑐸𑐐𑐸 𑐠𑐵𑐳𑐫𑑂 𑐠𑐷𑐠𑐷𑐎𑐠𑑄𑐫𑐵 𑐖𑑂𑐫𑐵𑐗𑑂𑐰𑑅 𑐫𑐵𑐣𑐵 𑐰𑐣𑐾𑐐𑐸 𑐰 𑐩𑐾𑐩𑐾𑐐𑐸 𑐨𑐵𑐫𑑂𑐫𑐵 𑐳𑐥𑐹m𑐫𑐵𑐟 𑐨𑐵𑐫𑑂 𑐴𑐶𑐮𑐵𑑅 𑐥𑐶𑐠𑐣𑐾𑐐𑐸 𑐎𑐸𑐟𑑅 𑐫𑐵𑐣𑐵𑐔𑑂𑐰𑑄𑐐𑐸 𑐖𑐵𑐣𑐎𑐵𑐬𑐷 𑐧𑐶𑐄𑐐𑐸 𑐡𑐸 𑑋

𑐡𑐵𑑄𑐨𑐬𑐶𑑄 𑐩𑑄𑐐𑐮𑐵 𑐎𑐵𑐬𑑄𑐖𑐶𑐟𑑄 𑐁𑐬𑑂𑐠𑐶𑐎 𑐥𑑂𑐬𑐟𑐶𑐰𑐾𑐡𑐣 𑐣𑑂𑐴𑑂𑐫𑐧𑑂𑐰𑐫𑐵𑐡𑐷𑐳𑐾𑑄 𑐳𑑄𑐳𑑂𑐠𑐵𑐫𑐵𑐟 𑐳𑐸𑐠𑐵𑑄 𑐮𑐵𑐎𑑂𑐎 𑐣𑑂𑐴𑑂𑐫𑑅𑐣𑐾 𑐫𑑄𑐎𑐾𑐟 𑐁𑐬𑑂𑐠𑐶𑐎 𑐬𑐸𑐥𑑄 𑐳𑐱𑐎𑑂𑐟 𑐖𑐸𑐂𑐩𑐵𑑅 𑐢𑐫𑐵𑐡𑐶𑐮 𑑋 𑐖𑑂𑐫𑐵𑐗𑑂𑐰𑐮𑐫𑑂 𑐮𑐶𑐄 𑐡𑐵𑑄𑐨𑐬𑐶 𑐳𑐬𑐳𑑂𑐰𑐟𑐶 𑐟𑐸𑐮𑐵𑐢𑐬, 𑐥𑑂𑐬𑐟𑐶𑐳𑐬𑐵, 𑐳𑐵𑐫𑑂𑐩𑐶, 𑐩𑐵𑐞𑐶𑐎 𑐄𑐡𑐵𑐫 𑐰 𑐟𑐸𑐮𑐳𑐷 𑐳𑐵𑐫𑑂𑐩𑐶𑐥𑐶𑑄𑐳𑑄 𑐣𑐸𑐐𑑅𑐏𑑃 𑐟𑐫𑐵𑐡𑐷𑐐𑐸 𑐏𑑅 𑑋