𑐣𑐾𑐥𑐵𑐮𑐨𑐵𑐲𑐵 𑐊𑐎𑐾𑐡𑐾𑐩𑐶𑐫𑐵 𑐐𑑂𑐰𑐳𑐵𑐮𑐫𑑂 𑐳𑐦𑐹 𑐧𑑂𑐰𑐖𑑂𑐫𑐵 𑐰 𑐳𑑄𑐎𑐶𑐥𑐵𑐧𑐵𑐬𑐾 𑐐𑑀𑐲𑑂𑐛𑐷 𑐖𑐸𑐂𑐐𑐸

𑐣𑐾𑐰𑐵: 𑐀𑐣𑐮𑐵𑐂𑐣 𑐣𑑂𑐫𑐸𑐖 – 𑐮𑐮𑐾𑐣𑑂𑐡𑑂𑐬 𑐱𑐵𑐎𑑂𑐫 | 𑑒𑑐𑑗𑑖 𑐱𑑂𑐬𑐵𑐰𑐞 𑑘, 𑐧𑐸𑐢𑐧𑐵𑐬 𑑑𑑖:𑑑𑑓:𑑔𑑓

𑐣𑐾𑐥𑐵𑐮𑐨𑐵𑐲𑐵 𑐊𑐎𑐾𑐡𑐾𑐩𑐶𑐫𑐵 𑐐𑑂𑐰𑐳𑐵𑐮𑐫𑑂 𑐡𑑃𑐫𑑂 𑐡𑐳𑑄𑐠𑐾𑑄 𑐠𑐸𑐐𑐸𑐳𑐷 𑐣𑑄 𑐟𑑅𑐖𑐶𑐎 𑐳𑐦𑐹 𑐧𑑂𑐰𑐖𑑂𑐫𑐵 𑐖𑐸𑐂𑐐𑐸 𑐏𑑃 𑐐𑑂𑐰𑐳𑐵𑑅 𑐏𑐮𑑅 𑐣𑐾𑐥𑐵𑐮𑐨𑐵𑐲𑐵 𑐊𑐎𑐾𑐡𑐾𑐩𑐶𑑄 𑐖𑐵𑐣𑐎𑐵𑐬𑐷 𑐧𑑂𑐫𑐹𑐐𑐸 𑐡𑐸 𑑋

𑐠𑑂𑐰𑐴𑐾 𑐰𑐂𑐐𑐸 𑐐𑐸𑑃𑐮𑐵𑐠𑑂𑐰 𑐣𑐰𑐩𑐶𑐣𑐶𑐳𑐾𑑄 𑐊𑐎𑐵𑐡𑐳𑐶 (𑐱𑑂𑐬𑐵𑐰𑐞 𑑒𑑔 𑐣𑐶𑐳𑐾𑑄 𑑒𑑖 𑐐𑐟𑐾)𑐟𑐎 𑐳𑑂𑐰𑐣𑑂𑐴𑐸𑐫𑑄𑐎𑑄 𑐖𑐸𑐂𑐐𑐸 𑐄𑐐𑐸 𑐳𑐦𑐹 𑐧𑑂𑐰𑐖𑑂𑐫𑐵 𑐣𑐐𑐸𑐣𑐾𑐠𑐾𑑄 𑐴𑐾 𑐠𑐸𑐐𑐸𑐳𑐷 𑐫𑐮𑐫𑐵 𑐖𑑂𑐫𑐵𑐰𑐮𑐵𑐏𑑂𑐫𑑅𑐫𑐵 𑐟𑐩𑐎𑑅𑐡𑑂𑐫𑑅 (𑐄𑐐𑑂𑐬𑐔𑐞𑑂𑐜𑐷) 𑐥𑐬𑐶𑐳𑐬𑐫𑑂 𑐖𑐸𑐂𑐐𑑂𑐸 𑐖𑐹𑐐𑐸 𑐡𑐸 𑑋

𑐠𑐸𑐐𑐸𑐳𑐷 𑐳𑐦𑐹 𑐧𑑂𑐰𑐖𑑂𑐫𑐵𑐫𑐵 𑐣𑐵𑐥𑐣𑐵𑐥𑑄 𑐣𑐾𑐥𑐵𑐮𑐨𑐵𑐲𑐵 𑐳𑑄𑐎𑐶𑐥𑐵 𑐏𑑂𑐫𑑅𑐫𑐵𑐟 𑐎𑐫𑐵𑑅 𑐣𑑄 𑐕𑐐𑐹 𑐰𑐶𑐔𑐵𑐬 𑐐𑑀𑐲𑑂𑐛𑐷 𑐖𑐸𑐂𑐐𑐸 𑐏𑑃 𑐣𑑄 𑐐𑑂𑐰𑐳𑐵𑑅 𑐏𑐮𑑅 𑐣𑐾𑐥𑐵𑐮𑐨𑐵𑐲𑐵 𑐊𑐎𑐾𑐡𑐾𑐩𑐶𑑄 𑐖𑐵𑐣𑐎𑐵𑐬𑐷 𑐧𑑂𑐫𑐹𑐐𑐸 𑐡𑐸 𑑋

𑐠𑐸𑐐𑐸𑐳𑐷𑐫𑐵 𑐳𑐦𑐹 𑐧𑑂𑐰𑐖𑑂𑐫𑐵 𑐟𑐵𑑅𑐮𑐵𑐎𑐾𑐐𑐸 𑐣𑐶𑐟𑐶𑑄 𑐊𑐎𑐾𑐡𑐾𑐩𑐶𑐫𑐵 𑐥𑑂𑐬𑐵𑐖𑑂𑐘 𑐡𑐸𑐖𑑅 𑐰𑐶𑐖𑐫𑐬𑐟𑑂𑐣 𑐀𑐳𑑄𑐧𑐬𑐾𑐫𑐵 𑐳𑑄𑐫𑑀𑐖𑐎𑐟𑑂𑐰𑐫𑑂 𑐱𑐵𑐣𑑂𑐟𑐬𑐵𑐖 𑐱𑐵𑐎𑑂𑐫𑐫𑐵𑐟 𑐕𑑂𑐫𑐵𑐘𑑂𑐖𑐾 𑐎𑐠𑑄 𑐮𑑂𑐫𑑅𑐐𑐸 𑐡𑐸𑐳𑐵 𑐡𑐸𑐖𑐮𑐫𑑂 𑐥𑐰𑐶𑐟𑑂𑐬 𑐎𑐳𑐵𑑅, 𑐬𑐵𑐖𑐷𑐰 𑐬𑐵𑐖𑑀𑐥𑐵𑐢𑑂𑐫𑐵𑐫, 𑐳𑐸𑐬𑐖𑐰𑐷𑐬 𑐧𑐖𑑂𑐬𑐵𑐔𑐵𑐬𑑂𑐫, 𑐣𑐺𑐥𑐾𑐣𑑂𑐡𑑂𑐬𑐮𑐵𑐮 𑐱𑑂𑐬𑐾𑐲𑑂𑐛, 𑐬𑐵𑐖𑐸 𑐬𑐵𑐖𑐡𑐾𑐰 𑐧𑐖𑑂𑐬𑐵𑐔𑐵𑐬𑑂𑐫 𑐰 𑐩𑐷𑐣𑐵 𑐧𑐖𑑂𑐬𑐵𑐔𑐵𑐬𑑂𑐫𑐥𑐶𑐣𑑂𑐟 𑐮𑑂𑐫𑑅𑐐𑐸 𑐡𑐸 𑑋

𑐠𑐸𑐐𑐸𑐳𑐷𑐫𑐵 𑐳𑐦𑐹 𑐧𑑂𑐰𑐖𑑂𑐫𑐵𑐫𑐵 𑐣𑑂𑐴𑐵𑐥𑐵𑑄𑐐𑐸 𑐣𑑂𑐴𑐶𑐎𑐸𑐣𑑂𑐴𑐸 𑐣𑐾𑐥𑐵𑐮𑐨𑐵𑐲𑐵 𑐊𑐎𑐾𑐡𑐾𑐩𑐶𑐫𑐵 𑐣𑐶𑐫𑐩𑐶𑐟 𑐥𑑂𑐬𑐎𑐵𑐱𑐣 ‘𑐣𑐾𑐰𑐵𑑅 𑐥𑑂𑐬𑐖𑑂𑐘𑐵’𑐫𑐵 𑐳𑑂𑐰𑑄𑐐𑐹𑐐𑐸 𑐮𑑂𑐫𑐵𑑅𑐫𑐵 𑐥𑐶𑐟𑐧𑑂𑐰𑐖𑑂𑐫𑐵 𑐖𑐸𑐂𑐐𑐸 𑐐𑑂𑐰𑐳𑐵𑑅 𑐐𑑂𑐰𑐫𑐵𑐟𑑅𑐐𑐸 𑐡𑐸 𑑋

𑐀𑐠𑐾𑐴𑐾, 𑐣𑐶𑐣𑑂𑐴𑐸𑐫𑐵 𑐡𑐶𑑄 𑐮𑐶𑐥𑐶 𑐐𑐸𑐠𑐶𑐫𑐵 𑐐𑑂𑐰𑐳𑐵𑐮𑐫𑑂 𑐮𑐶𑐥𑐶 𑐧𑑂𑐰𑐖𑑂𑐫𑐵 𑐖𑐸𑐂𑐐𑐸 𑐐𑑂𑐰𑐳𑐵𑑅 𑐐𑑂𑐰𑐫𑐵𑐟𑑅𑐐𑐸 𑐡𑐸 𑑋 𑐀𑐠𑐾𑐴𑐾, 𑐳𑑂𑐰𑐣𑑂𑐴𑐸𑐫𑐵 𑐡𑐶𑑄 𑐣𑐾𑐥𑐵𑐮𑐨𑐵𑐲𑐵 𑐳𑑄𑐎𑐶𑐥𑐵𑐫𑐵𑐟 𑐎𑐫𑐵𑑅 𑐕𑐐𑐹 𑐰𑐶𑐔𑐵𑐬 𑐐𑑀𑐲𑑂𑐛𑐷 𑐖𑐸𑐂𑐐𑐸 𑐏𑑃 𑐧𑑂𑐰𑐖𑑂𑐫𑐵 𑐄𑐥 𑐎𑐩𑐶𑐟𑐶𑐫𑐵 𑐎𑐖𑐶 𑐰𑐶𑐖𑐫𑐬𑐟𑑂𑐣 𑐀𑐳𑑄𑐧𑐬𑐾𑑄 𑐖𑐵𑐣𑐎𑐵𑐬𑐷 𑐧𑐶𑐫𑐵𑐡𑐷𑐐𑐸 𑐡𑐸 𑑋