𑐣𑐾𑐟𑐺𑐟𑑂𑐰 𑐰𑐶𑐎𑐵𑐳 𑐟𑐵𑐮𑐶𑐩 𑐎𑑂𑐰𑐔𑐵𑐮

𑐫𑐾𑑃 – 𑐴𑐵𑐩𑑂𑐬𑑀 𑐩𑐴𑐶𑐮𑐵 𑐄𑐟𑑂𑐠𑐵𑐣 𑐳𑐩𑐹𑐴, 𑐫𑐾𑑃 𑑑𑑘 𑐰𑐜𑐵𑐫𑐵 𑐐𑑂𑐰𑐳𑐵𑐮𑐫𑑂 𑐣𑐶𑐣𑑂𑐴𑐸𑐫𑑄𑐎𑑄 𑐣𑑂𑐴𑑂𑐫𑐵𑑅𑐐𑐸 𑐣𑐾𑐟𑐺𑐟𑑂𑐰 𑐰𑐶𑐎𑐵𑐳 𑐥𑑂𑐬𑐱𑐶𑐎𑑂𑐲𑐞 𑐖𑑂𑐫𑐵𑐗𑑂𑐰𑑅 𑐎𑑂𑐰𑐔𑐵𑐮 𑑋 𑐰𑑄𑐐𑐸 𑐀𑐳𑐵𑐬 𑑖 𑐰 𑑗 𑐐𑐟𑐾 𑐣𑐶𑐣𑑂𑐴𑐸𑐫𑑄𑐎𑑄 𑐖𑐹𑐐𑐸 𑐄𑐐𑐸 𑐥𑑂𑐬𑐱𑐶𑐎𑑂𑐲𑐞 𑐎𑐣𑑂𑐫𑐵 𑐩𑐣𑑂𑐡𑐶𑐬 𑐩𑐵.𑐰𑐶.𑐂 𑐖𑐹𑐐𑐸 𑐏𑑅 𑑋 𑐳𑐩𑐹𑐴𑐫𑐵 𑐣𑐵𑐫𑑅 𑐔𑐶𑐣𑐸 𑐱𑑂𑐬𑐾𑐲𑑂𑐛𑐫𑐵 𑐳𑐨𑐵𑐥𑐟𑐶𑐟𑑂𑐰𑐫𑑂 𑐖𑐹𑐐𑐸 𑐖𑑂𑐫𑐵𑐗𑑂𑐰𑐮𑐫𑑂 𑐳𑐸𑐱𑐶𑐮 𑐱𑑂𑐬𑐾𑐲𑑂𑐛𑑄 𑐥𑑂𑐬𑐱𑐶𑐎𑑂𑐲𑐞 𑐧𑐶𑐫𑐵𑐡𑐷𑐐𑐸 𑐏𑑅𑐳𑐵 𑐟𑐵𑐮𑐶𑐩𑐫𑑂 𑐩𑐸𑐎𑑂𑐎𑑄 𑐣𑐷𑐔𑑂𑐫𑐵𑐩𑑂𑐴𑐾𑐳𑐶𑐫𑐵 𑐳𑐴𑐨𑐵𑐐𑐶𑐟𑐵 𑐡𑐸𑐐𑐸 𑐏𑑅 𑑋

𑐟𑐵𑐮𑐶𑐩 𑐳𑐩𑐵𑐥𑐣 𑐖𑑂𑐫𑐵𑐗𑑂𑐰𑐮𑐫𑑂 𑐩𑐹𑐥𑐵𑐴𑐵𑑄𑐎𑐠𑑄 𑐫𑐾𑑃 𑐩𑐣𑐥𑐵 𑑑𑑘 𑐰𑐜𑐵𑐫𑐵 𑐰𑐜𑐵𑐀𑐢𑑂𑐫𑐎𑑂𑐲 𑐣𑑂𑐴𑐸𑐕𑐾𑐎𑐵𑐖𑐷 𑐩𑐴𑐬𑑂𑐖𑐣 𑐗𑐵𑐫𑐵𑐡𑐷𑐐𑐸 𑐏𑑅 𑑋 𑐰𑐫𑑂𑐎𑐮𑑄 𑐠𑐸𑐎𑐠𑑄𑐫𑐵 𑐥𑑂𑐬𑐱𑐶𑐎𑑂𑐲𑐞 𑐣𑐶𑐬𑐣𑑂𑐟𑐬 𑐬𑐸𑐥𑑄 𑐣𑑂𑐴𑑂𑐫𑐵𑐣𑐵 𑐔𑑂𑐰𑐣𑐾𑐩𑐵𑑅𑐐𑐸 𑐏𑑃𑐫𑑂 𑐧𑑅 𑐧𑐶𑐫𑐵𑐡𑐶𑐮 𑑋 𑐥𑑂𑐬𑐱𑐶𑐎𑑂𑐲𑐵𑐬𑑂𑐠𑐷 𑐡𑐾𑐰𑐣𑐵𑐬𑐵𑐫𑐞 𑐩𑐴𑐬𑑂𑐖𑐣 𑐰 𑐐𑐷𑐟𑐵 𑐏𑐜𑑂𑐐𑐷𑑄 𑐟𑐵𑐮𑐶𑐩𑐫𑐵 𑐀𑐣𑐸𑐨𑐰 𑐣𑑂𑐫𑑄𑐎𑐵𑐡𑐷𑐐𑐸 𑐖𑑂𑐫𑐵𑐗𑑂𑐰𑐮𑐫𑑂 𑐥𑑂𑐬𑐱𑐶𑐎𑑂𑐲𑐎 𑐱𑑂𑐬𑐾𑐲𑑂𑐛 𑐰 𑐣𑑂𑐰𑐔𑐸 𑐥𑑂𑐬𑐱𑐶𑐎𑑂𑐲𑐎 𑐣𑐬𑐾𑐱𑐳𑐶𑑄𑐴 𑐩𑐮𑑂𑐮𑑄 𑐣𑑄 𑐠𑑅𑐠𑑅𑐐𑐸 𑐣𑐸𑐐𑑅𑐏𑑃 𑐥𑑂𑐰𑑄𑐎𑐵𑐡𑐷𑐐𑐸 𑐏𑑅 𑑋