𑐣𑐷𑐮𑐧𑐵𑐬𑐵𑐴𑐷 𑐐𑐸𑐠𑐶𑐫𑐵 𑐊𑐳𑐂𑐂 𑐳𑐩𑑂𑐩𑐵𑐣

𑐠𑐣𑐫𑐵 𑐎𑑂𑐰𑐴𑐶𑐟𑐶𑐂 𑐔𑑂𑐰𑑄𑐐𑐸 𑐣𑐷𑐮𑐧𑐵𑐬𑐵𑐴𑐷 𑐐𑐸𑐠𑐶𑐥𑐵𑐏𑐾𑑄 𑑒𑑐𑑘𑑐 𑐳𑐵𑐮𑐫𑐵 𑐊𑐳𑐂𑐂 𑐥𑐬𑐷𑐎𑑂𑐲𑐵𑐫𑑂 𑐟𑐵𑑅𑐮𑐵𑑅𑐥𑐶𑑄𑐟 𑐕𑐐𑐹 𑐖𑑂𑐫𑐵𑐗𑑂𑐰𑑅𑐫𑐵 𑐡𑐠𑐸𑐂 𑐴𑐣𑐾𑐖𑑂𑐫𑐵 𑐫𑐵𑑅𑐐𑐸 𑐡𑐸 𑑋 𑐐𑐸𑐠𑐶 𑐀𑐣𑑂𑐟𑐬𑑂𑐐𑐟𑐫𑐵 𑐣𑐷𑐮𑐧𑐵𑐬𑐵𑐴𑐷 𑐱𑐶𑐎𑑂𑐲𑐵 𑐰𑐶𑐎𑐵𑐳 𑐎𑑀𑐲𑑄 𑐰𑑄𑐐𑐸 𑐱𑐣𑐶𑐰𑐵𑑅 𑐊𑐳𑐂𑐂 𑐄𑐟𑑂𑐟𑐷𑐬𑑂𑐞 𑐖𑐹𑐥𑐶𑑄𑐟 𑐴𑐣𑐾𑐖𑑂𑐫𑐵 𑐫𑐵𑑅𑐐𑐸 𑐏𑑅 𑑋 𑐎𑑀𑐲𑑄 𑐊𑐳𑐂𑐂 𑐄𑐟𑑂𑐟𑐷𑐬𑑂𑐞 𑐐𑐸𑐠𑐶𑐫𑐵 𑐡𑐸𑐖𑑅𑐫𑐵 𑐎𑐵𑐫 𑐩𑑂𑐴𑑂𑐫𑐵𑐫𑑂𑐥𑐶𑑄𑐟 𑐴𑐣𑐵𑐥𑑁𑐮𑐶𑐳𑐾𑑄 𑐩𑐟𑐶𑐣𑐵𑐫𑐵 𑐔𑐶𑑄 𑐡𑐾𑐕𑐵𑐳𑐾 𑐴𑐣𑐾𑐖𑑂𑐫𑐵 𑐫𑐵𑑅𑐐𑐸 𑐏𑑅 𑑋 𑐎𑑀𑐲𑑄 𑐠𑐸𑐐𑐸𑐳𑐷 𑐊𑐳𑐂𑐂 𑐄𑐟𑑂𑐟𑐷𑐬𑑂𑐞 𑐏𑐸𑐩𑑂𑐴 𑐰𑐶𑐡𑑂𑐫𑐵𑐬𑑂𑐠𑐷𑐥𑐶𑑄𑐟 𑐴𑐣𑐾𑐖𑑂𑐫𑐵 𑐫𑐵𑑅𑐐𑐸 𑐏𑑅 𑑋

𑐩𑐹𑐥𑐵𑐴𑐵𑑄𑐎𑐠𑑄 𑐗𑐵𑐫𑐵𑐡𑐷𑐩𑑂𑐴 𑐣𑐵𑑄𑐖𑐵𑑅𑐩𑑂𑐴 𑐀𑐨𑐶𑐫𑐣𑑂𑐟𑐵 𑐳𑐸𑐩𑐣 𑐳𑐵𑐫𑑂𑐩𑐶𑑄 𑐰𑐶𑐡𑑂𑐫𑐵𑐬𑑂𑐠𑐷𑐥𑐶𑑄𑐟 𑐴𑐣𑐾𑐖𑑂𑐫𑐵 𑐫𑐵𑐣𑐵𑐡𑐷𑐐𑐸 𑐏𑑅 𑑋 𑐖𑑂𑐫𑐵𑐗𑑂𑐰𑐮𑐫𑑂 𑐐𑐸𑐠𑐶𑐫𑐵 𑐩𑐴𑐟𑑂𑐰 𑐰 𑐁𑐰𑐱𑑂𑐫𑐎𑐟𑐵𑐫𑐵 𑐧𑐵𑐬𑐾 𑐣𑐸𑐐𑑅𑐏𑑃 𑐟𑐫𑐵𑐡𑐷𑐐𑐸 𑐏𑑅 𑑋 𑐰𑐫𑑂𑐎𑐮𑑄 𑐣𑑂𑐴𑐵𑐥𑐵 𑐣𑑂𑐴𑐵𑐥𑐵 𑐗𑐷 𑐥𑐸𑐬𑑂𑐏𑐵𑐥𑐶𑑄𑐳𑑄 𑐳𑐩𑐵𑐖𑐫𑐵𑐟 𑐣𑑂𑐴𑑂𑐫𑑅𑐣𑐾 𑐫𑑄𑐎𑐾𑐟 𑐐𑐸𑐠𑐶 𑐣𑐷𑐳𑑂𑐰𑐣𑐵𑐟𑑅𑐐𑐸 𑐏𑑅𑐳𑐵𑑄 𑐠𑑁𑑄 𑐰𑐫𑐵𑑅 𑐀𑐖𑑂𑐫𑐵𑑅𑐐𑐸 𑐐𑐸𑐠𑐶 𑐬𑐵𑐖𑑂𑐫𑐳𑐟𑑂𑐟𑐵 𑐰 𑐳𑐬𑐎𑐵𑐬𑐫𑐵 𑐣𑐶𑐱𑐵𑐣𑐵𑐫𑑂 𑐮𑐵𑐣𑐵𑐔𑑂𑐰𑑄𑐐𑐸 𑐡𑐸 𑐢𑐫𑐵𑐡𑐶𑐮 𑑋

𑐣𑐾𑐰𑐵𑑅𑐟𑐫𑑂𑐟 𑐰𑐫𑐵𑐔𑑂𑐰𑑄𑐐𑐸 𑐠𑐷𑐠𑐷𑐎𑐠𑑄𑐫𑐵 𑐄𑐟𑑂𑐥𑐷𑐜𑐣 𑐰 𑐣𑐾𑐰𑐵𑑅 𑐩𑐸𑐡𑑂𑐡𑐵𑐫𑐵𑐟 𑐳𑐱𑐎𑑂𑐟 𑐬𑐸𑐥𑑄 𑐣𑑂𑐴𑑂𑐫𑑅𑐣𑐾 𑐫𑑄𑐎𑐾𑐟 𑐠𑑁𑑄𑐫𑐵 𑐣𑑂𑐴𑐹 𑐥𑐸𑐳𑑂𑐟𑐵𑑄 𑐬𑐵𑐖𑐣𑐷𑐟𑐶𑐂 𑐣𑑄 𑐢𑑂𑐫𑐵𑐣 𑐧𑐷𑐩𑐵𑑅𑐐𑐸 𑐏𑑃𑐫𑑂 𑐧𑑅 𑐧𑐶𑐫𑐵𑐡𑐶𑐳𑐾𑑄 𑐐𑐸𑐠𑐶, 𑐥𑐬𑐩𑑂𑐥𑐬𑐵, 𑐳𑑄𑐳𑑂𑐎𑐵𑐬, 𑐳𑑄𑐳𑑂𑐎𑐺𑐟𑐶, 𑐳𑐨𑑂𑐫𑐟𑐵, 𑐳𑐩𑑂𑐥𑐡𑐵 𑐮𑑂𑐫𑑄𑐎𑐵 𑐟𑐫𑐾 𑐦𑐟 𑐢𑐵𑑅𑐳𑐵 𑐖𑐎 𑐗𑐷𑐐𑐸 𑐩𑑂𑐴𑐳𑐷𑐎𑐵𑐫𑐵𑐟 𑐣𑑄 𑐮𑑂𑐫𑑄𑐎𑐵 𑐟𑐫𑐾 𑐦𑐂 𑐢𑐫𑐵𑐡𑐶𑐮 𑑋