𑐣𑐶𑐖𑐶𑐬𑑀𑐳𑐫𑐵 ‘𑐎𑐬𑑄𑐎𑑂𑐫𑑄𑐐𑐸 𑐮𑑃𑐥𑐸’ 𑐥𑐶𑐟𑐧𑑂𑐰𑐖𑑂𑐫𑐵 𑐖𑐸𑐮

𑐬𑐩𑐶𑐟𑐵 𑐧𑐖𑑂𑐬𑐵𑐔𑐵𑐬𑑂𑐫

𑐫𑐮, 𑐎𑐕𑐮𑐵 𑐐𑐵𑑅 𑐥𑐘𑑂𑐔𑐩𑐷 𑑋

𑐧𑐵𑐏𑑄 𑐔𑑂𑐰𑐩𑐶 𑐣𑐶𑐖𑐶𑐬𑑀𑐳 𑐱𑑂𑐬𑐾𑐲𑑂𑐛 𑐣𑑂𑐫𑐵𑐕𑑂𑐫𑑀𑑄𑐫𑐵 ‘𑐎𑐬𑑄 𑐎𑑂𑐫𑑄𑐐𑐸 𑐮𑑃𑐥𑐸’ 𑐧𑐵𑐏𑑄 𑐩𑐸𑐣𑐵 𑐳𑐦𑐹 𑐎𑐕𑐮𑐵𑐐𑐵 𑐔𑑁𑐠𑐷 𑐱𑐣𑐶𑐰𑐵𑑅 𑐫𑐮𑐫𑑂 𑐔𑐶𑐏𑐶𑐦𑑂𑐫𑐣𑐾𑐖𑑂𑐫𑐵 𑐖𑐹𑐐𑐸 𑐡𑐸 𑑋

𑐩𑐹𑐥𑐵𑐴𑐵𑑃 𑐄𑐥𑐣𑑂𑐫𑐵𑐳𑐎𑐵𑐬–𑐧𑐵𑐏𑑄𑐔𑑂𑐰𑐩𑐶 𑐩𑐠𑐸𑐬𑐵 𑐳𑐵𑐫𑐩𑐶𑑄 𑐣𑐸𑐐𑑅𑐏𑑃 𑐟𑐫𑐾𑐐𑐸 𑐗𑑂𑐰𑐮𑐫𑑂 𑐠𑐠𑐾𑐴𑐾 𑐣𑐾𑐥𑐵𑐮𑐨𑐵𑐲𑑄 𑐳𑐦𑐹𑐟 𑐔𑑂𑐰𑐫𑐵𑑅 𑐗𑐷𑐐𑐸 𑐣𑐾𑐥𑐵𑐮𑐨𑐵𑐲𑐵 𑐩𑑂𑐰𑐵𑐎𑐾𑐐𑐸 𑐩𑐵𑐢𑑂𑐫𑐩 𑐎𑐠𑑄 𑐕𑑂𑐫𑐮𑐵𑐰𑐣𑐾𑐩𑐵𑑅𑐐𑐸 𑐏𑑃𑐫𑑂 𑐧𑑅 𑐧𑐶𑐫𑐵𑐡𑐶𑐮 𑑋

𑐂𑐮𑑀𑐴𑑄 𑐥𑑂𑐬𑐎𑐵𑐱𑐣𑐫𑐵 𑐐𑑂𑐰𑐳𑐵𑐮𑐫𑑂 𑐣𑐬𑐾𑐱 𑐰𑐷𑐬 𑐱𑐵𑐎𑑂𑐫𑐫𑐵 𑐣𑐵𑐫𑑅𑐳𑐸𑐂 𑐧𑐡𑑂𑐬𑐶 𑐧𑐾𑐡𑐣𑐵𑑄 𑐣𑑂𑐴𑑂𑐫𑐵𑐎𑐵𑐡𑐷𑐐𑐸 𑐄𑐐𑐸 𑐖𑑂𑐫𑐵𑐗𑑂𑐰𑐮𑐫𑑂 𑐔𑑂𑐰𑐩𑐶 𑐱𑑂𑐬𑐾𑐲𑑂𑐛𑑄 𑐮𑐳𑐎𑐸𑐳 𑐣𑑂𑐰𑐔𑐹 𑐟𑐫𑐵𑐡𑐷𑐐𑐸 𑐏𑑅 𑑋

𑐖𑑂𑐫𑐵𑐗𑑂𑐰𑐮𑐫𑑂 𑐢𑑂𑐬𑐸𑐰 𑐩𑐢𑐶𑐎𑑅𑐩𑐶, 𑐜𑐵. 𑐥𑐸𑐲𑑂𑐥 𑐬𑐵𑐖 𑐬𑐵𑐖𑐎𑐬𑑂𑐞𑐶𑐎𑐵𑐬 𑐥𑐵𑐴𑐵𑑃 𑐎𑐠𑑄 𑐗𑐵𑐫𑐵𑐡𑐷𑐐𑐸 𑐏𑑅 𑑋 𑐳𑐩𑐵𑐮𑑀𑐔𑐣𑐵𑐫𑐵 𑐗𑑂𑐰𑐮𑐫𑑂 𑐰𑐫𑐎𑑅𑐥𑐶𑐳𑑄 𑐧𑐵𑐏𑑄 𑐳𑐬𑐮 𑐖𑐹𑐐𑐸𑐫𑐵 𑐣𑐵𑐥𑑄 𑐳𑐵𑐩𑐵𑐖𑐶𑐎 𑐫𑐠𑐵𑐬𑑂𑐟𑐟𑐵, 𑐧𑐾𑐡𑐣𑐵, 𑐳𑐎𑐵𑐬𑐵𑐟𑑂𑐩𑐎 𑐧𑐶𑐔𑐵𑑅 𑐰 𑐳𑐳𑑂𑐥𑐾𑐣𑐳 𑐡𑐸𑐠𑑂𑐫𑐵𑐐𑐸 𑐏𑑃 𑐎𑐣𑐵𑐡𑐶𑐮 𑑋