𑐢𑐬𑑂𑐩𑐵𑐡𑐶𑐟𑑂𑐫 𑐧𑐸𑐡𑐶𑑄𑐫𑐵 𑐴𑐣𑐵 𑐖𑑂𑐫𑐵𑐗𑑂𑐰𑑅 𑐰 𑐥𑑂𑐫𑐎𑑂𑐰𑑅𑐐𑐸 𑐩𑐵𑐟𑐺𑐨𑐵𑐲𑐵 𑐡𑐶𑐰𑐳

𑐣𑐾𑐰𑐵: 𑐀𑐣𑐮𑐵𑐂𑐣 𑐣𑑂𑐫𑐸𑐖 | 𑑒𑑐𑑗𑑖 𑐖𑐾𑐛 𑑓, 𑐱𑐸𑐎𑑂𑐬𑐧𑐵𑐬 𑑒𑑑:𑑓𑑙:𑑕𑑘

𑐩𑐵𑑄 𑐨𑐵𑐫𑑂 𑐥𑐸𑐔𑑅 𑐰 𑐣𑐾𑐰𑐵𑑅 𑐥𑐟𑑂𑐬𑐎𑐵𑐬 𑐬𑐵𑐲𑑂𑐚𑑂𑐬𑐶𑐫 𑐡𑐧𑐹𑐫𑐵 𑐩𑑄𑐎𑐵𑑅 𑐐𑑂𑐰𑐳𑐵𑐮𑐫𑑂 𑐱𑐸𑐎𑑂𑐬𑐰𑐵𑑅 𑐥𑐸𑐔𑑂𑐰𑐫𑑂 𑐢𑐬𑑂𑐩𑐵𑐡𑐶𑐟𑑂𑐫 𑐎𑑂𑐫𑐧𑐫𑑂 𑐣𑐾𑐰𑐵𑑅 𑐥𑐟𑑂𑐬𑐎𑐵𑐬𑐶𑐟𑐵𑐏𑑂𑐫𑐮𑐫𑑂 𑐣𑑂𑐴𑐵𑐥𑐵𑑄𑐩𑑂𑐴 𑐥𑐟𑑂𑐬𑐎𑐵𑐬 𑐎𑐠𑑄 𑐎𑐫𑐵𑐟𑑅𑐩𑑂𑐴 𑐢𑐬𑑂𑐩𑐵𑐡𑐶𑐟𑑂𑐫 𑐢𑐬𑑂𑐩𑐵𑐔𑐵𑐬𑑂𑐫 𑐧𑐸𑐡𑐶𑑄𑐫𑐵 𑐮𑐳𑐟𑐵𑐫𑑂 𑐰𑐫𑑂𑐎𑑅𑐫𑐵 𑐗𑑂𑐰𑐵𑐟𑐵𑐫𑑂 𑐳𑑂𑐰𑐵𑑄 𑐡𑐾𑐕𑐵 𑐖𑑂𑐫𑐵𑐗𑑂𑐰𑑅𑐫𑐵 𑐣𑐵𑐥𑑄 𑐥𑑂𑐫𑐎𑑂𑐰𑑅𑐐𑐸 𑐩𑐵𑐟𑐺𑐨𑐵𑐲𑐵 𑐡𑐶𑐰𑐳 𑐴𑑄𑐐𑐸 𑐡𑐸 𑑋
𑐩𑐵𑑄𑐨𑐵𑐫𑑂 𑐥𑐸𑐔𑑅𑐫𑐵 𑐣𑐵𑐫𑑅 𑐴𑐶𑐬𑐵 𑐬𑐟𑑂𑐣 𑐱𑐵𑐎𑑂𑐫𑐫𑐵 𑐣𑐵𑐫𑑅𑐳𑐸𑐂 𑐳𑐸𑐬𑐖𑐰𑐷𑐬 𑐧𑐖𑑂𑐬𑐵𑐔𑐵𑐬𑑂𑐫 𑐣𑑂𑐴𑑂𑐫𑐵𑐎𑐵𑐡𑐷𑐐𑐸 𑐄𑐐𑐸 𑐖𑑂𑐫𑐵𑐗𑑂𑐰𑐮𑐫𑑂 𑐜𑐵𑑋 𑐥𑐸𑐲𑑂𑐥 𑐬𑐵𑐖 𑐬𑐵𑐖𑐎𑐬𑑂𑐞𑐶𑐎𑐵𑐬, 𑐆𑐲𑐶 𑐥𑑂𑐬𑐳𑐵𑐡 𑐱𑑂𑐬𑐾𑐲𑑂𑐛, 𑐣𑐬𑐩𑐡𑐾𑐱𑑂𑐰𑐬 𑐥𑑂𑐬𑐢𑐵𑐣, 𑐱𑐵𑐎𑑂𑐫 𑐳𑐸𑐬𑐾𑐣, 𑐧𑐾𑐏𑐵𑐮𑐎𑑂𑐲𑑂𑐩𑐷 𑐣𑐾𑐰𑐵𑑅 𑐮𑐐𑐵𑐫𑐟, 𑐥𑐟𑑂𑐬𑐎𑐵𑐬𑐥𑐶𑐳𑑄 𑐳𑑂𑐰𑐵𑑄 𑐡𑐾𑐕𑐵𑐣𑐵 𑐖𑑂𑐫𑐵𑐗𑑂𑐰𑑅 𑐫𑐵𑐳𑐾 𑐣𑐵𑐫𑑅 𑐱𑐵𑐎𑑂𑐫𑑄 𑐢𑐬𑑂𑐩𑐵𑐡𑐶𑐟𑑂𑐫𑐫𑐵 𑐫𑑀𑐐𑐡𑐵𑐣 𑐰 𑐰𑐫𑑂𑐎𑑅𑐫𑐵 𑐮𑐸𑐩𑑄𑐎𑐵𑐔𑑂𑐰𑐣𑐾 𑐩𑐵𑑅𑐐𑐸𑐫𑐵 𑐍𑐔𑐶𑐟𑑂𑐫 𑐧𑐵𑐬𑐾 𑐢𑑂𑐰𑐵𑐠𑐸𑐂𑐎𑐵𑐡𑐶𑐮 𑑋
𑐄𑐐𑐸 𑐴𑐾 𑐠𑐵𑐳𑐫𑑂 𑐔𑐶𑐫𑐵𑐥𑐵𑐣 𑐮𑐶𑐥𑐵 𑐱𑑂𑐬𑐷 𑐎𑐺𑐲𑑂𑐞 𑐩𑐴𑐬𑑂𑐖𑐣𑐫𑐵 𑐣𑐵𑐫𑑅𑐳𑐸𑐂 𑐳𑐸𑐣𑐶𑐮 𑐩𑐴𑐬𑑂𑐖𑐣𑑄 𑐣𑑂𑐴𑑂𑐫𑐵𑐎𑐵𑐡𑐷𑐐𑐸 𑐖𑑂𑐫𑐵𑐗𑑂𑐰𑐮𑐫𑑂 𑐩𑐹𑐥𑐵𑑃𑐴𑐵 𑐎𑐠𑑄 𑐫𑐮 𑐩𑐴𑐵𑐣𑐐𑐬𑐥𑐵𑐮𑐶𑐎𑐵𑐫𑐵 𑐩𑐾𑐫𑐬 𑐔𑐶𑐬𑐶𑐧𑐵𑐧𑐸 𑐩𑐴𑐬𑑂𑐖𑐣 𑐗𑐵𑐫𑐵𑐡𑐷𑐐𑐸 𑐏𑑅 𑑋 𑐄𑐐𑐸 𑐖𑑂𑐫𑐵𑐗𑑂𑐰𑐮𑐫𑑂 𑐩𑐵𑑄𑐨𑐵𑐫𑑂 𑐥𑐸𑐔𑑅𑐫𑐵 𑐣𑐵𑐫𑑅 𑐴𑐾𑐬𑐵𑐬𑐟𑑂𑐣 𑐱𑐵𑐎𑑂𑐫, 𑐣𑐾𑐥𑐵𑐮 𑐥𑐟𑑂𑐬𑐎𑐵𑐬 𑐩𑐴𑐵𑐳𑑄𑐑𑐫𑐵 𑐄𑐥𑐵𑐢𑑂𑐫𑐎𑑂𑐲 𑐡𑐶𑐮𑐶𑐥 𑐠𑐵𑐥𑐵𑐩𑐐𑐬, 𑐁𑐡𑐶𑐰𑐵𑐳𑐷 𑐖𑐣𑐖𑐵𑐟𑐶 𑐥𑐟𑑂𑐬𑐎𑐵𑐬 𑐩𑐴𑐵𑐳𑑄𑐑𑐫𑐵 𑐣𑐵𑐫𑑅 𑐜𑐞𑑂𑐜 𑐐𑐸𑐬𑐹𑐒, 𑐩𑐢𑐾𑐳𑐷 𑐥𑐟𑑂𑐬𑐎𑐵𑐬 𑐳𑐩𑐵𑐖𑐫𑐵 𑐣𑐵𑐫𑑅 𑐩𑑀𑐴𑐣 𑐳𑐶𑑄𑐴, 𑐢𑐬𑑂𑐩𑐵𑐡𑐶𑐟𑑂𑐫 𑐢𑐬𑑂𑐩𑐵𑐔𑐵𑐬𑑂𑐫𑐫𑐵 𑐥𑐬𑐶𑐰𑐵𑐬𑐫𑐵 𑐥𑑂𑐬𑐟𑐶𑐣𑐶𑐢𑐶 𑐎𑐠𑑄 𑐧𑐾𑐏𑐵𑐮𑐎𑑂𑐲𑑂𑐩𑐷 𑐣𑐾𑐰𑐵𑑅 𑐥𑐵𑐴𑐵𑑃𑐎𑐠𑑄 𑐗𑐵𑐫𑐵𑐡𑐷𑐐𑐸 𑐏𑑅 𑑋 𑐖𑑂𑐫𑐵𑐗𑑂𑐰𑐮𑐫𑑂 𑐳𑐸𑐬𑐖𑐰𑐷𑐬 𑐧𑐖𑑂𑐬𑐵𑐔𑐵𑐬𑑂𑐫𑑄 𑐮𑐳𑐎𑐸𑐳 𑐣𑑂𑐰𑐔𑐹 𑐟𑐫𑐵𑐡𑐷𑐐𑐸 𑐏𑑅𑐳𑐵 𑐬𑐵𑐖𑐾𑐱 𑐧𑐖𑑂𑐬𑐵𑐔𑐵𑐬𑑂𑐫𑑄 𑐳𑐸𑐨𑐵𑐫𑑂 𑐣𑑂𑐰𑐔𑐸 𑐟𑐫𑐵𑐡𑐷𑐐𑐸 𑐏𑑅 𑑋
𑐧𑐸𑐏𑑃– 𑐣𑐾𑐰𑐵𑑅 𑐳𑐹𑐔𑐣𑐵 𑐎𑐾𑐣𑑂𑐡𑑂𑐬 , 𑐎𑐶𑐥𑐵– 𑐬𑐵𑐖𑐾𑐣𑑂𑐡𑑂𑐬 𑐬𑐘𑑂𑐖𑐶𑐟