𑐡𑐾𑐫𑑂 𑐡𑐧𑐹𑐫𑐵 𑐀𑐢𑑂𑐫𑐎𑑂𑐲𑐫𑑂 𑐥𑐰𑐶𑐟𑑂𑐬 𑐰𑐖𑑂𑐬𑐵𑐔𑐵𑐬𑑂𑐫 𑐟𑑂𑐫𑐵𑐟

𑐫𑐾𑑃 – 𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳 – 𑐣𑐾𑐰𑐵: 𑐡𑐾𑐫𑑂 𑐡𑐧𑐹𑐫𑐵 𑐀𑐢𑑂𑐫𑐎𑑂𑐲𑐫𑑂 𑐥𑐰𑐶𑐟𑑂𑐬 𑐰𑐖𑑂𑐬𑐵𑐔𑐵𑐬𑑂𑐫 𑐟𑑂𑐫𑐵𑑅𑐐𑐸 𑐡𑐸 𑑋 𑐩𑑂𑐴𑐶𑐐𑑅 𑐧𑐴𑐣𑐷 𑐖𑐹𑐐𑐸 𑐩𑐟𑐡𑐵𑐣𑐫𑑂 𑐰𑐖𑑂𑐬𑐔𑐵𑐬𑑂𑐫𑐫𑐵𑐟 𑑓𑑑𑑓 𑐩𑐟 𑐰𑑅𑐐𑐸 𑐡𑐸𑐳𑐵 𑐰𑐫𑐎𑑅𑐫𑐵 𑐥𑑂𑐬𑐟𑐶𑐡𑑂𑐰𑐣𑑂𑐡𑐷 𑐩𑐵𑐂𑐮𑐵𑐧𑐵𑐧𑐸 𑐡𑑂𑐫𑑅𑐮𑐵𑐫𑐵𑐟 𑑗𑑓 𑐩𑐟 𑐰𑑅𑐐𑐸 𑐏𑑅 𑑋
𑐀𑐠𑐾𑐴𑐾 𑐰𑐬𑐬𑐲𑑂𑐛 𑐄𑐥𑐵𑐢𑑂𑐫𑐎𑑂𑐲𑐫𑑂 𑐔𑐣𑑂𑐡𑑂𑐬𑐮𑐵𑐮 𑐬𑐵𑐖𑐨𑐞𑑂𑐜𑐵𑐬𑐷 𑑒𑑓𑑕 𑐩𑐟 𑐴𑐫𑐵𑑅 𑐟𑑂𑐫𑐵𑑅𑐐𑐸 𑐡𑐸 𑑋 𑐰𑐫𑐎𑑅𑐫𑐵 𑐥𑑂𑐬𑐟𑐶𑐡𑑂𑐰𑐣𑑂𑐡𑐷 𑐱𑑄𑐎𑐬𑐮𑐵𑐮 𑐱𑑂𑐬𑐾𑐲𑑂𑐛𑐫𑐵𑐟 𑑑𑑓𑑖 𑐩𑐟 𑐰𑑅𑐐𑐸 𑐏𑑅 𑑋 𑐩𑐶𑐳𑐵 𑐄𑐥𑐵𑐢𑑂𑐫𑐎𑑂𑐲𑐫𑑂 𑐬𑐱𑑂𑐩𑐶𑐮𑐵 𑐥𑑂𑐬𑐖𑐵𑐥𑐟𑐶 𑐟𑑂𑐫𑐵𑑅𑐐𑐸 𑐡𑐸 𑑋 𑐰𑐫𑐎𑑅𑐫𑐵𑐟 𑑑𑑗𑑙 𑐩𑐟 𑐰𑑅𑐐𑐸 𑐏𑑅𑐳𑐵 𑐰𑐫𑐎𑑅𑐫𑐵 𑐣𑐶𑐎𑐟𑐩 𑐥𑑂𑐬𑐟𑐶𑐡𑑂𑐰𑐣𑑂𑐡𑑂𑐰𑐷 𑐮𑐎𑑂𑐲𑑂𑐩𑐷 𑐱𑐵𑐎𑑂𑐫𑐫𑐵𑐟 𑑘𑑖 𑐩𑐟 𑐰𑑅𑐐𑐸 𑐏𑑅 𑑋