𑐠𑑂𑐰 𑐐𑐖𑑂𑐫𑐵𑑅𑐐𑐸 𑐣𑐾𑐰𑐵𑑅 𑐬𑐵𑐖𑑂𑐫?

𑐠𑑂𑐰 𑐐𑐖𑑂𑐫𑐵𑑅𑐐𑐸 𑐣𑐾𑐰𑐵𑑅 𑐬𑐵𑐖𑑂𑐫?

𑐡𑐬𑐱𑐵 𑐣𑐾𑐰𑐵𑑅𑐩𑐶

http://himalaya.socanth.cam.ac.uk/collections/journals/jns/pdf/JNS_07.pdf

𑐰𑑄𑐐𑐸 𑐥𑐸𑐳 𑑑 𑐐𑐟𑐾 𑐣𑐾.𑐳𑑄. 𑑑𑑑𑑓𑑐 𑐎𑐸𑐣𑑂𑐴𑐸 𑐧𑐳𑐣𑑂𑐟𑐥𑐹,
𑐮𑐵𑐫𑑂𑐎𑐹𑐫𑐵 𑐡𑐧𑐸𑐮𑐷 𑐖𑑂𑐫𑐵𑐥𑐸 𑐰𑐳𑑅 𑐦𑐶𑐣𑐵𑑅𑐁𑐰𑑄𑐮𑐶 𑑒𑑔𑑐 𑐡𑑃 𑐣𑑂𑐴𑑂𑐫𑑅 𑐮𑐵𑐎𑐵 𑐎𑐵𑑅𑐐𑐸 𑐣𑐾𑐥𑐵𑑅𑐡𑐾𑐫𑑂 𑐗𑐷𑐟 𑐟𑐸𑑄 𑐮𑐶𑐟 𑐧𑐷𑐐𑐸 𑐢𑐎𑐵𑑅 𑐔𑐵𑐎𑐸𑐳𑐰𑐵𑐦𑐾𑐫𑐫𑐾𑐎𑐵𑑅 𑐫𑐵𑑅𑐐𑐸 𑐑𑑀𑐲𑐞𑐵𑑄 𑐮𑐫𑑂𑐩𑐟𑐵𑑅𑐥𑐶𑑄 𑐖𑐶𑑄 𑐳𑑂𑐰𑐫𑐾𑐩𑑂𑐴𑑀 𑐴𑐾 𑐖𑐎 𑐡𑐂 𑑋 𑐟𑐬 𑐰𑐫𑐵𑑄 𑐗𑐶𑐣𑑂𑐴𑐸 𑐮𑐶𑐥𑐵𑐡𑐱𑐬𑐠 𑐬𑑄𑐐𑐱𑐵𑐮𑐵𑐫𑑂 𑐖𑐹𑐐𑐸 𑐟𑑅𑐖𑐶𑐐𑐸 𑐑𑑀𑐲𑐞𑐵 𑐣𑑄𑐏𑑂𑐰𑐥𑐫𑐵 𑐁𑐥𑐵𑐮𑑄 𑐡𑐵𑐖𑐸, 𑐎𑐶𑐖𑐵, 𑐟𑐟𑐵, 𑐎𑐾𑐴𑐾𑑄𑐥𑐶𑑄𑐟 𑐦𑐳𑑂𑐰𑑅𑐏𑑂𑐰𑐵𑑅 𑐫𑐵𑐣𑐵𑑄 𑐟𑐸𑑄 𑐟𑐫𑐵𑐧𑐶𑐮 𑑋 𑐕𑐵𑐫𑑂𑐢𑐵𑑅𑐳𑐵𑑄 𑐣𑑂𑐴𑑂𑐫𑐵𑐐𑐸 𑐎𑐠𑑄𑐫𑐵 𑐬𑐵𑐲𑑂𑐚𑑂𑐬𑐶𑐫 𑐥𑐬𑑂𑐰𑐫𑑂 𑐧𑑂𑐰𑐟𑐶 𑐎𑐵𑐫𑐾𑐟𑐰𑐂𑐥𑐶𑑄 𑐩𑐴𑐵𑐎𑐵𑐮𑐷 𑐥𑑂𑐫𑐵𑐏𑑄𑐩𑑂𑐰𑑅𑐟 𑐀𑐣𑐩𑐠𑑂𑐫𑑄𑐐𑐸 𑐏𑐣𑐵𑐔𑑂𑐰𑐣𑐵 𑑋 𑐄𑐎𑐶𑑄 𑐗𑐷𑐥𑐶𑑄𑐕𑐥𑑂𑐥𑑃 𑐖𑐸𑐂𑐐𑐸 𑐥𑐵𑐛 𑐀𑐗 𑐣𑑄 𑐳𑐫𑐾𑐎𑐾𑐳𑐷𑐎𑐾 𑐩𑐐𑐵𑑅𑐐𑐸 𑐏𑐣𑐾𑐡𑐸 𑑋 𑐥𑐸𑐮𑐵𑑄𑐐𑐸 𑐥𑐬𑐩𑑂𑐥𑐬𑐵𑐐𑐟 𑐣𑐾𑐥𑐵𑑅𑐫𑐵𑐟 𑐗𑐷𑐳𑑄 𑐕𑐵𑐫𑑂 𑐳𑐵𑐩𑐣𑑂𑐟𑐰𑐵𑐡𑑄 𑐐𑑂𑐬𑐳𑐶𑐟 𑐖𑐸𑐫𑐵𑐔𑑂𑐰𑑄𑐥𑐶𑑄𑐟 𑐕𑐵𑐫𑑂 𑐩𑐸𑐎𑑂𑐟 𑐫𑐵𑐫𑐾 𑐩𑐦𑐫𑐵𑐔𑑂𑐰𑐣 𑐧𑐶𑐔𑐵𑑅𑐫𑐵𑐫𑐾 𑐩𑐵𑑅𑐐𑐸 𑐡𑐸 𑑋 𑐮𑐶𑐥𑐵𑑄𑐐𑐸 𑐑𑑀𑐲𑐞𑐵𑐫𑑂 𑐣𑐾𑐰𑐵𑑅𑐟𑐫𑑂𑐐𑐸 𑐖𑐩𑐵𑐟 𑐳𑑂𑐰𑐫𑐾𑐧𑐮𑐫𑑂 𑐡𑑂𑐰𑐮𑑄 𑐡𑑂𑐰𑑅 𑐖𑐎𑐩𑐏𑐸 𑐮𑐏 𑐟𑐶 𑐴𑐾 𑐩𑐮𑑂𑐫𑐵𑐎 𑐩𑐸𑐣𑐺𑑂 𑐢𑐂𑐐𑐸 𑐏𑑃𑐫𑑂 𑐱𑑄𑐎𑐵 𑐫𑐵𑐫𑐾𑐠𑐵𑐫𑑂 𑐩𑐡𑐸 𑑋 𑐠𑑂𑐰 𑐏𑑃 𑐀𑐣𑐫𑐵 𑐎𑐶𑐥𑐵𑑄 𑐣𑑂𑐰𑐰𑐵𑐣𑐵𑐔𑑂𑐰𑑄𑐐𑐸𑐡𑐸 𑑋 𑐣𑐾𑐰𑐵𑑅 𑐬𑐵𑐖𑑂𑐫 𑐩𑑄𑐎𑐵𑑅 𑐳𑑄𑐑𑐬𑑂𑐲 𑐳𑐩𑐶𑐟𑐶 𑐖𑐎𑐩𑐏𑐸 𑑓𑑒 𑐐𑐹 𑐳𑑄𑐑 𑐳𑑄𑐳𑑂𑐠𑐵𑑄 𑐧𑑂𑐰𑐟𑐶 𑐎𑐵𑑅𑐐𑐸 𑐠𑑂𑐰𑐣𑐶𑐎𑑂𑐰𑑅𑐐𑐸 𑐑𑑀𑐲𑐞𑐵𑑄 𑐣𑐾𑐰𑐵𑑅𑐟𑐫𑑂𑐐𑐸 𑐩𑑂𑐰𑐵𑑅𑐴𑐶 𑐎𑑂𑐰𑐵𑐣𑐵𑐰𑑅𑐐𑐸 𑐮𑐵 𑐏𑐴𑐾 𑐏𑐟, 𑐐𑐸𑐎𑐶𑑄 𑐫𑐵𑐣𑐵𑑅 𑐣𑐾𑐰𑐵𑑅 𑐬𑐵𑐖𑑂𑐫𑐫𑐵 𑐢𑑂𑐰𑐵𑑃𑐫𑑂 𑐧𑑂𑐰𑐫𑐾𑐎𑐾 𑐏𑐣 𑑋 𑐣𑐾𑐰𑐵𑑅 𑐥𑑂𑐬𑐡𑐾𑐱𑐫𑐵𑐬𑐵𑐲𑑂𑐚𑑂𑐬𑐶𑐫 𑐩𑑂𑐫𑐾 𑐴𑐵𑐮𑐵𑑅 𑐣𑑂𑐫𑑄𑐎𑐾 𑐏𑐣 𑑋 𑐄𑐮𑐶 𑐖𑐎𑐩𑐏𑐸 𑐳𑐶𑐡𑑂𑐢𑐵𑐣𑑂𑐟 𑐎𑐠𑑄 𑐠𑐷𑐠𑐷 𑐬𑐵𑐖𑐣𑐿𑐟𑐶𑐎 𑐏𑑂𑐫𑐮𑐫𑑂 𑐡𑐸𑐧𑐶𑐣𑐵𑐔𑑂𑐰𑑄𑐥𑐶𑑄 𑐣𑐾 𑐰𑐵𑑅 𑐣𑑂𑐴𑑂𑐫𑐮𑐸 𑐰𑐵𑐥𑐶𑑄 𑐣𑑄 𑐩𑑄𑐎𑐵𑑅 𑐳𑑄𑐑𑐬𑑂𑐲 𑐳𑐩𑐶𑐟𑐶𑐣𑐵𑐥 𑐥𑐵𑐔𑐶𑐣𑐵𑑅 𑐧𑑂𑐰𑐟𑐶 𑐎𑐫𑐵𑐧𑐶𑐄𑐐𑐸 𑐢𑐵𑐠𑐾𑑄 𑐴𑐾 𑐔𑑂𑐰𑐕𑐵𑐫𑐾𑐧𑐴𑑅𑐐𑐸 𑐥𑐮𑐵𑑅 𑐏𑑅 𑑋 𑐠𑑂𑐰 𑐥𑐮𑐵𑐏𑑄 𑐣𑐾𑐰𑐵𑑅 𑐨𑐹𑐩𑐶𑐂 𑐔𑑂𑐰𑐣𑐵𑑅 𑐀𑐢𑐶𑐎𑐵𑐬 𑐎𑑅𑐑𑐵𑐣𑐵 𑐔𑑂𑐰𑑄𑐥𑐶𑐣𑐶𑐐𑐸 𑐮𑐵𑐐𑐶𑑄𑐮𑐵 𑐟𑑅𑐢𑑄𑐐𑐸 𑐨𑐸𑐏𑐵𑐫𑑂𑐣𑑄 𑐧𑑂𑐰𑐮 𑐖𑐸𑐂𑐦𑐸 𑑋 𑐣𑐾𑐰𑐵𑑅 𑐨𑐵𑐰𑐣𑐵 𑐁𑑅 𑐟𑐶𑐣𑐶𑐧𑑂𑐰𑐮𑐣 𑐎𑐵 𑐢𑐎𑐵𑑅 𑐣𑑄 𑐢𑐵𑑅𑐥𑐶𑑄 𑐡𑐫𑐾𑐦𑐸 𑑋 𑐡𑐾𑐫𑑂𑐫𑐵𑐟𑐳𑑂𑐰𑐟𑐣𑑂𑐟𑑂𑐬 𑐢𑐵𑐫𑐾𑐎𑐾 𑐧𑐷𑐐𑐸 𑐮𑑃 𑐥𑐸𑐂 𑐣𑑂𑐴𑑂 𑐫𑐵𑑅𑐰𑐣𑐵𑐔𑑂𑐰𑑄 𑐥𑐶𑑄𑐟 𑐥𑑄𑐔𑐵𑐫𑐟 𑐎𑐵𑐮𑑄 𑑓𑑐 𑐡𑑃 𑐟𑐎𑐗𑑄𑐐𑑅 𑐮𑐵𑐟 𑐢𑐫𑐵𑑄 𑐣𑑂𑐴𑐵𑐥𑐵𑑄 𑐐𑐸 𑐖𑐣𑐁𑐣𑑂𑐡𑑀𑐮𑐣𑑄 𑐣𑐾𑐰𑐵𑑅𑐟 𑐩𑐸𑐎𑑂𑐟 𑐖𑐸𑐂 𑐩𑐦𑐸 𑐟 𑑋 𑐏𑐳 𑐧𑐵𑐴𑐸𑐮𑑂𑐫𑐟𑐵𑑄𑐎𑐎𑐸𑐥𑑂𑐰𑐵𑑅 𑐴𑐾 𑐟𑐶𑐣𑐵 𑐧𑐷𑐐𑐸 𑐳𑑂𑐰𑐮 𑑋 𑐠𑑂𑐰𑐴𑐾 𑐎𑐵𑐬𑐞𑑄𑐣𑐶𑐐𑐹𑐐𑐸 𑐖𑐣𑐁𑐣𑑂𑐡𑑀𑐮𑐣𑑄 𑐟𑐶𑐣𑐶 𑐕𑐸𑑄 𑐴𑐶𑐄𑐥𑐵𑑅 𑐴𑐫𑐵𑐧𑐶𑐮 𑑋 𑐀𑐮𑐾 “𑐊𑐎𑐟𑐵𑐫𑐵 𑐩𑐸𑐴𑐵𑐣” 𑐢𑐎𑐵𑑅𑐣𑐵𑐮𑐵𑐔𑑂𑐰𑑄𑐩𑑂𑐴 𑐖𑐸𑐖𑐸𑑄 𑐴𑐾 𑐬𑐵𑐖𑐐𑐡𑑂𑐡𑐷 𑐟𑑂𑐰𑑅𑐟𑐾 𑐩𑐵𑐮𑐵𑐰𑐣𑑋 𑐀𑐗 𑐣𑑄 𑐳𑐟𑑂𑐟𑐵 𑐠𑑅𑐐𑐸 𑐮𑑂𑐴𑐵𑑅𑐟𑐷 𑐟𑐫𑐵𑐟𑑅𑐥𑐶𑑄 𑐳𑐵𑐩𑐣𑑂𑐟𑐷𑐟 𑐔𑐾𑐟𑐾 𑐖𑐹𑐐𑐸 𑐩𑐏𑐸 𑑋 𑐣𑐾𑐰𑐵𑑅 𑐡𑐩𑐣𑐫𑐵 𑐲𑐜𑐫𑐣𑑂𑐟𑑂𑐬 𑐖𑐸𑐫𑐵𑑄 𑐔𑑂𑐰𑐣 𑑋 𑐂𑐩𑐶𑐐𑐸 𑐮𑐵𑐐𑐶𑑄 𑐣𑐾𑐰𑐵𑑅 𑐢𑐂𑐥𑐶𑑄 𑐩𑐶𑐏𑐵𑐫𑐵 𑐢𑐹 𑐖𑐸𑐫𑐵𑐔𑑂𑐰𑑄𑐐𑐸 𑐡𑐸 𑑋
𑐠𑑂𑐰 𑐏𑑃 𑐔𑐵𑐫𑐾𑐎𑑄 𑐩𑐔𑐵𑐫𑐾𑐎𑑄 𑐣𑑂𑐫𑐵𑐮𑑂𑐮𑐧𑑂𑐫𑐵𑑄 𑐖𑐸𑐫𑐵𑐔𑑂𑐰𑑄𑐐𑐸 𑐗𑐷𑐳𑑄 𑐏𑐣𑐵𑐔𑑂𑐰𑐣𑐵 𑑋 𑐟𑐬 𑐣𑐾𑐰𑐵𑑅 𑐨𑐵𑐰𑐣𑐵 𑐢𑐵𑑅𑐳𑐵 𑐐𑐸𑐮𑐶𑑄𑐰𑐣𑑂𑐴𑑂𑐫𑐵𑐫𑐾 𑐩𑐵𑑅𑐐𑐸 𑐏𑑅 𑐄𑐮𑐶 𑐩𑐖𑐹𑐐𑐸𑐮𑐶𑑄 𑐣𑐾𑐰𑐵𑑅𑐡𑐵𑐖𑐸 𑐎𑐶𑐖𑐵 𑐟𑐟𑐵 𑐎𑐾𑐴𑐾𑑄𑐥𑐶𑑄𑐎𑐾 𑐣𑐾𑐰𑐵𑑅 𑐨𑐵𑐰𑐣𑐵𑐫𑐵𑐥𑐸𑐳𑐵𑑄 𑐔𑐸𑐮𑐶 𑐖𑐵𑐫𑐵𑐔𑑂𑐰𑑄𑐐𑐸 𑐩𑐏𑐣𑐵 𑑋 𑐠𑑂𑐰 𑐗𑐷𑐐𑐸𑐮𑐵𑐐𑐶𑑄 𑐡𑐸𑑅𑐏𑐫𑐵 𑐏𑑃 𑐏𑑅 𑑋 𑐐𑐸𑐧𑐮𑐫𑑂 𑐟𑐎 𑐗𑐷𑐐𑐸 𑐩𑐵𑐣𑐳𑐶𑐎𑐟𑐵𑐫𑑂 𑐮𑐵𑐎𑐵𑑅 𑐎𑐵𑐫𑐾𑐩𑐵𑑅 𑐢𑐂𑐐𑐸 𑐨𑐵𑐰𑐣𑐵 𑐧𑑂𑐰𑐮𑐣𑐷 𑐩𑐏𑐸, 𑐄𑐧𑐮𑐫𑑂 𑐟𑐎 𑐩𑐵𑐐 𑐫𑐵𑐣𑐵𑑄 𑐟𑐸𑑄 𑐔𑑂𑐰𑐣𑐾 𑐩𑐵𑐮𑐷 𑑋 𑐐𑐣 𑐩𑐵𑐐 𑐫𑐵𑐫𑐾𑐐𑐸 𑐠𑐵𑐫𑐾 𑐡𑐟, 𑐀𑐣 𑐗𑐷𑐥𑐶𑑄 𑐎𑑂𑐰𑐫𑑂 𑐴𑐾 𑐟𑐶𑐣𑐶 𑐢𑐎𑐵𑑅 𑐩𑐠𑐸𑐫𑐵𑐔𑑂𑐰𑑄𑐐𑐸𑐏𑐣𑐵𑑅 𑐖𑐶 𑐀𑐖𑐹 𑐔𑐵𑐫𑐵𑐔𑑂𑐰𑐣𑐵 𑑋 𑐠𑑂𑐰 𑐗𑐷𑐐𑐸𑐡𑐾𑐫𑑂 𑐗𑐷𑐳𑑄 𑐴𑐾 𑐡𑐫𑐾𑐎𑐾 𑐢𑐎𑐵𑑅 𑐕𑐵𑐫𑑂 𑐴𑐵𑐮𑐾 𑐩𑐦𑐸𑐐𑐸 ? 𑐣𑐶𑐎𑑂𑐰𑑅𑐐𑐸 𑐖𑐣𑐁𑐣𑑂𑐡𑑀𑐮𑐣 𑐮𑐶𑐥𑐵 𑐧𑐸𑐮𑐸𑐴𑐸𑑃 𑐠𑑅𑐐𑐸𑐀𑐳𑑂𑐟𑐶𑐟𑑂𑐰 𑐕𑐸 𑐏𑑅 𑐢𑐂𑐐𑐸 𑐣𑑂𑐴𑑂𑐫𑐳𑑅 𑐟𑐫𑐾𑐐𑐸 𑐩𑐵𑐣𑐳𑐶𑐎𑐟𑐵𑐫𑐵 𑐔𑐸𑐮𑐶 𑐖𑐵𑐫𑐵 𑐰𑑅𑐐𑐸 𑐔𑑂𑐰𑐕𑐵𑐫𑐾 𑐧𑐴𑑅𑐖𑐹 𑑋 𑐣𑐾𑐥𑐵𑑅𑐫𑐵 𑐊𑐎𑐷𑐎𑐬𑐞 𑐊𑐎𑐟𑐵 𑐰 𑐳𑑂𑐰𑐵𑐢𑐷𑐣𑐟𑐵𑐫𑐵 𑐣𑐵𑐩𑑄 𑐬𑐵𑐲𑑂𑐚𑑂𑐬𑐶𑐫𑐟𑐵𑐫𑐵 𑐏𑑂𑐰𑐵𑐥𑐵𑐮𑑄𑐥𑐸𑐂𑐎𑐵𑑅 𑐧𑐴𑐸𑐨𑐵𑐲𑐵, 𑐧𑐴𑐸𑐳𑑄𑐳𑑂𑐎𑐺𑐟𑐶 𑐰 𑐧𑐴𑐸𑐬𑐵𑐲𑑂𑐚𑑂𑐬𑐶𑐫𑐟𑐵 𑐩𑐡𑐫𑐾𑐎𑐵𑑅 𑐕𑐐𑐹 𑐨𑐵𑐲𑐵, 𑐕𑐐𑐹 𑐖𑐵𑐟𑐶 𑐰 𑐕𑐐𑐹 𑐳𑑄𑐳𑑂𑐎𑐺𑐟𑐶𑐫𑐵𑐟 𑐣𑑂𑐴𑑄𑐎𑐵𑑅 𑐴𑐫𑐾𑐐𑐸 𑐥𑑄𑐔𑐵𑐫𑐟 𑐩𑐣𑑀𑐧𑐺𑐟𑑂𑐟𑐶𑐣𑐶𑐐𑐹𑐐𑐸 𑐁𑐣𑑂𑐡𑑀𑐮𑐣 𑐮𑐶𑐥𑐵 𑐣𑑄 𑐎𑐵𑐫𑐩 𑐴𑐾 𑐫𑐵𑐣𑐵𑐫𑑄𑐎𑐾𑐐𑐸 𑐡𑐸𑐲𑑂𑐥𑑂𑐬𑐫𑐵𑐳 𑐖𑐸𑐫𑐵𑐔𑑂𑐰𑑄𑐐𑐸 𑐡𑐣𑐶 𑑋 𑐠𑑂𑐰 𑐏𑑃 𑐥𑑄𑐔𑐵𑐫𑐟𑐎𑐵𑐮𑐫𑑂 𑐖𑐣𑑂𑐩 𑐖𑐹𑐥𑐶𑑄 𑐣𑐾𑐰𑐵𑑅 𑐩𑐵𑑄𑐧𑑁𑐥𑐶𑑄𑐳𑑄 𑐠𑐸𑐂𑐎𑐵𑐔𑑂𑐰𑑄𑐐𑐸 𑐩𑐡𑐸 𑑋 𑐕𑐵𑐫𑑂𑐢𑐵𑑅𑐳𑐵𑑄 𑐂𑐩𑐶𑐳𑑄 𑐠𑑅𑐩𑐳𑑂𑐟𑐫𑑂𑐟 𑐩𑐸𑐮𑐫𑑂 𑐟𑐫𑐵𑑅 𑐩𑐿𑐣𑐵𑐫𑐵𑐟 𑐏𑑃 𑐳𑑂𑐫𑐣𑐾 𑐠𑐾𑑄 𑐏𑑄𑐫𑑂𑐨𑐵𑐫𑑂 𑐳𑑂𑐫𑐣𑐵𑐔𑑂𑐰𑐣 𑑋 𑐠𑑂𑐰 𑐩𑐵𑐣𑐳𑐶𑐎𑐟𑐵𑑄 𑐣𑐾𑐰𑐵𑑅𑐬𑐵𑐖𑑂𑐫𑐫𑐵 𑐩𑐵𑐐 𑐫𑐵𑐣𑐵𑐔𑑂𑐰𑐣𑐵 𑐣𑐾𑐰𑐵𑑅 𑐖𑐸𑐫𑐵𑑅 𑐩𑐏𑐸 𑐏𑑄𑐫𑑂 𑐖𑐸𑐫𑐵𑑅 𑑋 𑐖𑐶𑑄 𑐳𑑂𑐰𑐫𑐾 𑐗𑐷𑐳𑑄 𑐩𑐵𑐐 𑐫𑐵𑐫𑐾𑐢𑐫𑐵𑐐𑐸 𑐗𑐷𑐥𑐶𑑄 𑐎𑑂𑐰𑐩𑐶𑐮𑐸 𑐖𑐸𑐫𑐵𑑅 𑐄𑐔𑑂𑐔𑐟𑐴 𑐮𑐵𑐔𑑂𑐰𑐫𑑂 𑐴𑐾 𑐡𑐣𑐶 𑐢𑐎𑐵𑑅 𑐳𑑂𑐰𑐷𑐎𑐵𑐬 𑐫𑐵𑐫𑐾𑐐𑐸 𑐏𑑅 𑑋 𑐮𑑀𑐎𑐟𑐣𑑂𑐟𑑂𑐬 𑐀𑐠𑐰𑐵 𑐩𑐗𑐫𑐀𑐔𑐧𑐀𑐠 𑐫𑐵 𑐀𑐬𑑂𑐠 𑐠𑐠𑐾 𑐩𑐏𑐸 𑑋 𑐠𑑅𑐟 𑐨𑐶𑑄 𑐖𑐸𑐂𑐟 𑐳𑑂𑐰𑐫𑐾𑐐𑐸 𑐀𑐢𑐶𑐎𑐵𑐬𑐗𑐷𑐎𑐾 𑐡𑐸 𑑋 𑐠𑑂𑐰 𑐜𑐾𑐩𑑀𑐎𑑂𑐬𑐾𑐚𑐶𑐎 𑐬𑐵𑐂𑐚𑐫𑐵𑐟 𑐣𑐾𑐰𑐵𑑅𑐟𑐫𑑂𑐳𑑄 𑐢𑑂𑐰𑐵𑐠𑐸𑐂𑐎𑐵𑐔𑑂𑐰𑑄𑐐𑐸 𑐩𑐡𑐸 𑑋 𑐣𑐾𑐥𑐵𑑅𑐫𑐵 𑐬𑐵𑐖𑐣𑐿𑐟𑐶𑐎 𑐥𑐵𑐬𑑂𑐚𑐷𑐫𑐵 𑐣𑐵𑐫𑑅 𑐖𑐸𑐫𑐵𑐔𑑂𑐰𑑄𑐥𑐶𑑄 𑐳𑑄𑐰𑑂𑐫𑐎𑑂𑐟𑐶𑐐𑐟 𑐀𑐢𑐶𑐎𑐵𑐬𑐫𑐵𑐟 𑐔𑐶𑐄𑐟𑐵𑑅 𑐟𑐫𑐵𑐔𑑂𑐰𑑄𑐐𑐸𑐩𑐡𑐸 𑑋 𑐁𑐡𑐾𑐱 𑐧𑐩𑑀𑐖𑐶𑐩 𑐖𑐎 𑐖𑑂𑐫𑐵 𑐫𑐵𑐫𑐾𑐳𑐫𑐾𑐎𑐵𑐔𑑂𑐰𑑄𑐐𑐸 𑐡𑐸 𑑋 𑐠𑑂𑐰𑐴𑐾 𑐔𑐶𑐄𑐟𑐵𑑅 𑐩𑐟𑑅𑐥𑐶𑑄𑐣𑐵𑐫𑑅𑐟𑐫𑑂𑐐𑐸 𑐖𑐵𑐮𑐗𑐾𑐮𑐫𑐵 𑐎𑐵𑐳𑐵𑐫𑑂 𑐣𑐾𑐰𑐵𑑅 𑐣𑐾𑐟𑐵𑐟𑐣𑑄 𑐟𑐎𑑂𑐫𑐣𑐵𑐔𑑂𑐰𑐣 𑑋 𑐠𑑂𑐰𑐴𑐾 𑐎𑐵𑐬𑐞𑑄 𑐗𑐷𑐐𑐸 𑐨𑐹𑐩𑐶𑐗𑐷𑐟 𑐟𑐸𑑄 𑐮𑐶𑐟𑐧𑐷𑐐𑐸 𑐣𑐸𑐐𑑅 𑐏𑑃 𑐳𑐸𑐣𑐵𑐣𑑄 𑐥𑑂𑐰𑑄𑐎𑐵 𑐔𑑂𑐰𑑄𑐐𑐸 𑐩𑐡𑐸 𑑋 𑐄𑐎𑐶𑑄 𑐗𑐷𑐳𑑄 𑐠𑑅𑐐𑐸 𑐨𑐹𑐩𑐶𑐫𑐵𑐟𑐣𑐾𑐥𑐵𑐮𑐩𑐞𑑂𑐜𑐮 𑐢𑐵𑐫𑐾𑐎𑐾 𑐐𑐸𑐥𑐵𑐏𑐾 𑐥𑐮𑐵𑑅 𑐮𑑂𑐴 𑐰𑐣𑐾 𑐩𑐦𑐫𑐵 𑐔𑑂𑐰𑐣 𑑋 𑐰𑐴𑐾 𑐎𑐵𑐬𑐞𑑄 “𑐣𑐾𑐰𑐵𑑅 𑐥𑑂𑐬𑐡𑐾𑐱” 𑐢𑐵𑐫𑐾𑐎𑐾 𑐩𑐵𑐮𑐵𑐔𑑂𑐰𑐣 𑑋 𑐩𑐐𑐬𑐵𑐟, 𑐮𑐶𑐩𑑂𑐧𑐸𑐰𑐵𑐣, 𑐟𑐵𑐩𑑂𑐳𑐵𑐮𑐶𑐒𑑂𑐐 𑐣𑐵𑑄𑐣𑐵𑐥 𑐖𑑂𑐰𑑅𑐮𑐵𑐎 𑐣𑐾𑐥𑐵𑐮𑐩𑐞𑑂𑐜𑐮𑐢𑐵𑐫𑐾𑐎𑐾𑐩𑐵𑑅 𑐢𑐂𑐐𑐸 𑐳𑑅 𑐐𑐣𑑄 𑐠𑑂𑐰𑐫𑐵 𑐔𑑂𑐰𑑄𑐐𑐸 𑐩𑐡𑐸 𑑋 𑐄𑐎𑐶𑑄 𑐗𑐷𑐐𑐸 𑐡𑐾𑐫𑑂𑐫𑐵𑐟 “𑐣𑐾𑐰𑐵𑑅 𑐬𑐵𑐖𑑂𑐫” 𑐢𑐎𑐵𑑅 𑐂𑐟𑐶𑐴𑐵𑐳𑐫𑑂 𑐐𑐣𑑄𑐩𑐡𑐸𑐐𑐸 𑐨𑐹𑐩𑐶𑐫𑐵𑐟 𑐖𑐎 𑐮𑐶𑐎𑐸𑑄𑐎𑐵𑑅 𑐠𑑂𑐰𑐐𑐖𑑂𑐫𑐵𑑅𑐐𑐸 𑐩𑐵𑐣𑐳𑐶𑐎𑐟𑐵𑐫𑐵 𑐰𑐶𑐎𑐵𑐳𑐖𑐸𑐫𑐵𑐔𑑂𑐰𑐣 ? 𑐣𑑂𑐴𑑂𑐫𑐮𑑄 𑐔𑐵𑐫𑐾𑐎𑐩𑐵𑐮 𑑋 𑐗𑐷𑐳𑑄 𑐣𑐾𑐰𑐵𑑅 𑐣𑐾𑐟𑐵 𑐢𑐎𑐵𑑅 𑐳𑑂𑐰𑐷𑐎𑐵𑐬 𑐫𑐵𑐣𑐵 𑐟𑐫𑐵𑐥𑐶𑑄 𑐬𑐵𑐖𑐾𑐣𑑂𑐡𑑂𑐬 𑐱𑑂𑐬𑐾𑐲𑑂𑐛, 𑐜𑐵.𑐩𑑄𑐐𑐮𑐳𑐶𑐡𑑂𑐢𑐶 𑐩𑐵𑐣𑐣𑑂𑐢𑐬 𑐰 𑐴𑐶𑐟𑐩𑐵𑐣 𑐱𑐵𑐎𑑂𑐫 𑐳𑑂𑐰𑐩𑑂𑐴𑐡𑐸𑐠𑑂𑐫𑐵𑑅𑐐𑐸 𑐬𑐵𑐖𑑂𑐫 𑐥𑐸𑐣𑑅 𑐳𑑄𑐬𑐔𑐣𑐵 𑐳𑐩𑐶𑐟𑐶𑑄 𑐫𑐵𑐣𑐵𑐔𑑂𑐰𑑄𑐐𑐸𑐣𑐶𑐬𑑂𑐞𑐫 𑐡𑐸𑐣𑐾 𑐕𑐸 𑐬𑐴𑐳𑑂𑐫 𑐳𑐸𑐮𑐵𑐔𑑂𑐰𑑄𑐐𑐸 𑐡𑐸 ? 𑐩𑐵𑐮𑐵𑑅𑐳𑑂𑐰𑐫𑐾𑐩𑐵𑑅𑐐𑐸 𑐡𑐸 𑑋 𑐰𑐫𑑂𑐎𑑅𑐥𑐶𑑄 𑐢𑑂𑐰𑐵𑑄 𑐖𑐹𑐐𑐸 𑐖𑐎𑑄 𑐩𑐏𑐸𑐮𑐵 ? 𑐣𑐟𑑂𑐬𑐳𑐵 𑐗𑐷𑐐𑐸 𑐡𑐾𑐫𑑂 𑐐𑑄𑐳𑐶 𑐖𑐸𑐫𑐵 𑐰𑑄𑐐𑐸 𑐕𑐵𑐫𑑂𑐩𑐏𑐣 𑐖𑐸𑐂 ? 𑐠𑑂𑐰 𑐐𑐖𑑂𑐫𑐵𑑅𑐐𑐸 𑐣𑐾𑐰𑐵𑑅 𑐬𑐵𑐖𑑂𑐫 𑐏𑑅 ? 𑐂𑐟𑐶𑐴𑐵𑐳𑐫𑑂 𑐐𑐣𑑄 𑐩𑐡𑐸𑐐𑐸 𑐠𑐵𑐫𑑂𑐫𑐵𑐟 𑐣𑐾𑐰𑐵𑑅 𑐬𑐵𑐖𑑂𑐫𑐢𑐵𑐫𑐾 𑐩𑐮𑑂𑐰𑑅 𑐢𑐎𑐵𑑅 𑐕𑐵𑐫𑑂 𑐣𑑂𑐰𑐰𑐵𑐫𑐾 𑐩𑐦𑐸𑐟 ? 𑐗𑐷𑐐𑐸 𑐣𑐾𑐰𑐵𑑅 𑐬𑐵𑐖𑑂𑐫 𑐡𑐸𑐣𑐾 𑐥𑐶𑐣𑐾𑐫𑐵𑐥𑐶𑑄 𑐩𑐣𑐹𑐟𑐡𑐸𑐠𑑂𑐫𑐵𑐎𑐵𑑅 𑐣𑐳𑑄𑐏𑑂𑐫𑐵𑐫𑐵 𑐁𑐢𑐵𑐬𑐫𑑂 𑐗𑐷𑑅 𑐀𑐮𑑂𑐥𑐳𑑄𑐏𑑂𑐫𑐎 𑐢𑐎𑐵𑑅 𑐋𑐟𑐶𑐴𑐵𑐳𑐶𑐎 𑐩𑐴𑐟𑑂𑐰𑐫𑐵𑐟𑐰𑐾𑐰𑐵𑐳𑑂𑐟𑐵 𑐫𑐵𑐣𑐵𑑅 𑐳𑐩𑐶𑐟𑐶𑑄 𑐣𑐶𑐬𑑂𑐞𑐫 𑐫𑐵𑐟𑑄 𑐣𑑄 𑐳𑐸𑐩𑑂𑐎𑐔𑑂𑐰𑐣𑐾 𑐩𑐵𑑅𑐐𑐸 𑐕𑐵𑐫𑑂 ? 𑐀𑐗 𑑑𑑔 𑐐𑐹 𑐬𑐵𑐖𑑂𑐫𑐫𑐵𑐏𑐵𑐎𑐵 𑐟𑐫𑐵𑐬 𑐫𑐵𑐣𑐵𑑅 𑐳𑑄𑐰𑐶𑐢𑐵𑐣𑐳𑐨𑐵𑐫𑐵𑐟 𑐥𑐾𑐱𑐫𑐵𑐫𑐾 𑐢𑐸𑑄𑐎𑐹𑐳𑐵𑑄 𑐁𑑅 𑐴𑐵𑐎𑐣𑑄 𑐬𑐵𑐖𑑂𑐫 𑐥𑐸𑐣𑐳𑑄𑐬𑐔𑐣𑐵 𑐁𑐫𑑀𑐐 𑐐𑐛𑐣 𑐫𑐵𑐣𑐵𑑅 𑐣𑐶𑐬𑑂𑐞𑐫 𑐫𑐵𑐫𑐾𑐩𑐵𑐣𑐶 𑐢𑐫𑐵𑐐𑐸 𑐏𑑃 𑐥𑐶𑐴𑐵𑑄 𑐰𑐫𑐵𑐔𑑂𑐰𑑄𑐐𑐸𑐫𑐵 𑐡𑐸𑐣𑐾 𑐕𑐸 𑐬𑐴𑐳𑑂𑐫 𑐳𑐸𑐮𑐵𑐔𑑂𑐰𑑄𑐐𑐸𑐡𑐸 ? 𑐮𑐶𑐥𑐵 𑐠𑑂𑐰 𑐣𑐾𑐰𑐵𑑅 𑐬𑐵𑐖𑑂𑐫 𑐢𑐂𑐐𑐸 𑐫𑑃𑐫𑐵𑑅 𑐫𑐵𑐡𑐵𑐐𑐶𑑄 𑐔𑐵𑑅𑐴𑐶𑐮𑐷𑐐𑐸 𑐂𑐮𑐵𑐎𑐵, 𑐏𑑂𑐰𑐥𑐫𑐵 𑐑𑐾𑑄𑐟𑐵𑑄 𑐑𑐶𑐳𑐶𑐫𑐵 𑐂𑐮𑐵𑐎𑐵 𑐰 𑐫𑐮𑐫𑑂 𑐩𑐟𑐫𑐵𑑅 𑐔𑐵𑑅𑐴𑐶𑐮𑐷 𑐐𑐸𑐂𑐮𑐵𑐎𑐵 𑐖𑐎 𑐣𑐾𑐰𑐵𑑅 𑐮𑐵𑐐𑐵 𑐏𑑅𑐢𑐎𑐵𑑅 𑐢𑐫𑐵 𑐴𑐂 𑐟𑐶𑐣𑐶 𑐨𑐰𑐶𑐲𑑂𑐫𑐫𑑂 𑑋 𑐠𑑂𑐰 𑐐𑐖𑑂𑐫𑐵𑑅𑐐𑐸 𑐣𑐾𑐰𑐵𑑅 𑐬𑐵𑐖𑑂𑐫𑐫𑐵𑐟 𑐣𑐵𑐮𑐵𑐔𑑂𑐰𑐣𑐵, 𑐗𑐷𑐳𑑄 𑐣𑑂𑐴𑑂𑐫𑐮𑑄𑐔𑐵𑐫𑐾𑐎𑐾 𑐩𑐵𑐮 𑑋
—𑐳𑐣𑑂𑐢𑑂𑐫𑐵 𑐚𑐵𑐂𑐩𑑂𑐳 𑐣𑐾.𑐳𑑄. 𑑑𑑑𑑓𑑐 𑐔𑐶𑐮𑑂𑐮𑐵𑐠𑑂𑐰 𑑘