𑐗𑐶𑑄𑐣𑑂𑐫𑐵𑐳𑑅 𑐳𑐰𑐵𑐬𑐷 𑐔𑐵𑐮𑐎𑐫𑐵𑐟 𑐥𑑂𑐬𑐱𑐶𑐎𑑂𑐲𑐞

𑐫𑐾𑑃 – 𑐩𑐴𑐵𑐣𑐐𑐬𑐷𑐫 𑐚𑑂𑐬𑐵𑐦𑐶𑐎 𑐥𑑂𑐬𑐴𑐬𑐷 𑐩𑐴𑐵𑐱𑐵𑐏𑐵𑑄 𑐳𑑂𑐰𑐣𑐶𑐐𑑅𑐫𑐵 𑐚𑑂𑐬𑐵𑐦𑐶𑐎 𑐰𑑂𑐫𑐰𑐳𑑂𑐠𑐵𑐥𑐣 𑐳𑐸𑐢𑐵𑐬𑐫𑐵 𑐣𑐶𑑄𑐟𑐶𑑄 𑐢𑐵𑐳𑐾𑑄 𑐗𑐶𑑄𑐣𑑂𑐫𑐵𑐡𑑂𑐰𑑅 𑐳𑐰𑐵𑐬𑐷 𑐔𑐵𑐮𑐎𑐫𑐵𑐟 𑐥𑑂𑐬𑐱𑐶𑐎𑑂𑐲𑐞 𑐧𑐶𑐄𑐐𑐸 𑐡𑐸 𑑋 𑐩𑐴𑐵𑐱𑐵𑐏𑐵𑑄 𑐤𑑂𑐫𑐵𑐎𑐵 𑐰𑐫𑐵𑐔𑑂𑐰𑑄𑐐𑐸 𑐳𑑂𑐰𑐮𑐵𑐫𑐵 𑐎𑐵𑐬𑑂𑐫𑐫𑑀𑐖𑐣𑐵 𑐀𑐣𑑂𑐟𑐬𑑂𑐐𑐟 𑐄𑐐𑐸 𑐥𑑂𑐬𑐱𑐶𑐎𑑂𑐲𑐞 𑐧𑐶𑐄𑐐𑐸 𑐏𑑅 𑑋

𑐩𑐴𑐵𑐱𑐵𑐏𑐵𑑄 𑐳𑑂𑐰𑐣𑐶𑐐𑑅𑐫𑐵 𑐚𑑂𑐬𑐵𑐦𑐶𑐎 𑐳𑐸𑐢𑐵𑐬 𑐰 𑐥𑑂𑐬𑐡𑐹𑐲𑐞 𑐣𑐶𑐫𑐣𑑂𑐟𑑂𑐬𑐞𑐫𑐵 𑐣𑐶𑑄𑐟𑐶𑑄 𑐤𑑂𑐫𑐵𑐎𑐹𑐐𑐸 𑐄𑐐𑐸 𑐎𑐵𑐬𑑂𑐫𑐫𑑀𑐖𑐣𑐵𑐎𑐠𑑄 𑑑𑐡𑑂𑐢,𑑘𑑔𑑓 𑐳𑐰𑐵𑐬𑐷 𑐔𑐵𑐮𑐎𑐫𑐵𑐟 𑐥𑑂𑐬𑐱𑐶𑐎𑑂𑐲𑐞 𑐧𑐶𑐄𑐐𑐸 𑐏𑑅 𑑋 𑐩𑐴𑐵𑐱𑐵𑐏𑐵𑐫𑐵 𑐥𑑂𑐬𑐰𑐎𑑂𑐟𑐵 𑐥𑑂𑐬𑐴𑐬𑐷 𑐄𑐥𑐬𑐷𑐎𑑂𑐲𑐎 𑐖𑐫𑐬𑐵𑐖 𑐳𑐵𑐥𑐎𑑀𑐚𑐵𑑄 𑐠𑐷𑐠𑐷 𑐣𑐶𑐎𑐵𑐫𑐮𑐶𑐳𑐾 𑐖𑐵𑐣𑐵𑑅 𑐩𑐴𑐵𑐱𑐵𑐏𑐵𑑄 𑐳𑑂𑐰𑐣𑐶𑐐𑑅𑐫𑐵 𑐚𑑂𑐬𑐵𑐦𑐶𑐎 𑐳𑐸𑐢𑐬𑐵𑐫𑐵 𑐣𑐶𑑄𑐟𑐶𑑄 𑐖𑑂𑐫𑐵 𑐫𑐵𑐣𑐵𑐔𑑂𑐰𑑄𑐐𑐸 𑐖𑐵𑐣𑐎𑐵𑐬𑐷 𑐧𑐶𑐫𑐵𑐡𑐶𑐮 𑑋

𑐥𑑂𑐬𑐴𑐬𑐷 𑐩𑐴𑐵𑐣𑐶𑐬𑐷𑐎𑑂𑐲𑐎 𑐳𑐬𑑂𑐰𑐾𑐣𑑂𑐡𑑂𑐬 𑐏𑐣𑐵𑐮𑑄 𑐰𑑄𑐐𑐸 𑐔𑐿𑐟 𑑒𑑑 𑐐𑐟𑐾 𑐳𑑂𑐰𑐣𑐶𑐐𑑅𑐫𑐵𑐟 𑐣𑐩𑐹𑐣𑐵 𑐬𑐵𑐖𑐢𑐵𑐣𑐷𑐫𑐵 𑐬𑐸𑐥𑐫𑑂 𑐰𑐶𑐎𑐵𑐳 𑐫𑐵𑐫𑐾𑐐𑐸 𑐮𑑂𑐫𑐵𑐏𑑄 𑐥𑑂𑐰𑑄𑐎𑐹𑐐𑐸 𑐥𑑂𑐬𑐟𑐶𑐰𑐡𑑂𑐢𑐟𑐵 𑐎𑐠𑑄 𑐚𑑂𑐬𑐵𑐦𑐶𑐎 𑐥𑑂𑐬𑐴𑐬𑐷𑑄 𑐳𑑂𑐰𑐮𑐵𑐫𑐵 𑐎𑐵𑐬𑑂𑐫𑐫𑑀𑐖𑐣𑐵 𑐡𑐫𑐾𑐎𑐵𑑅 𑐖𑑂𑐫𑐵 𑐫𑐵𑐣𑐵 𑐰𑐫𑐵𑐔𑑂𑐰𑑄𑐐𑐸 𑐰𑐫𑑂𑐎𑐮𑑄 𑐎𑐣𑐵𑐡𑐶𑐮 𑑋