𑐖𑑂𑐫𑐵𑐥𑐸𑐣𑐷 𑐬𑐵𑐖𑐎𑐸𑐩𑐵𑐬𑐷 -LETS READ

𑐠𑑂𑐰 𑐳𑐦𑐹𑐫𑐵 𑐔𑑂𑐰𑐩𑐶, 𑐔𑐶𑐟𑑂𑐬𑐎𑐵𑐬 𑐰 𑐥𑑂𑐬𑐎𑐵𑐱𑐎𑑄 𑐠𑑂𑐰 𑐳𑐦𑐹𑐫𑐵𑐟 𑐩𑐾𑐐𑐸 𑐨𑐵𑐲𑑄 𑐨𑐵𑐫𑑂 𑐴𑐶𑐮𑐾𑐐𑐸 𑐥𑑂𑐬𑐵𑐾𑐟𑑂𑐳𑐵𑐴𑐣 𑐰 𑐳𑐩𑑂𑐬𑐬𑑂𑐠𑐣 𑐧𑑂𑐫𑐹𑐐𑐸 𑐡𑐸 , 𑐀𑐫𑐳𑐵𑑄 𑐥𑐵𑐛 𑐰 𑐎𑐮𑐵𑐫𑐵 𑐴𑐷𑐎𑐵𑐫𑐵𑐟 𑐣𑑂𑐫𑐹𑐣𑐟𑐩 𑐫𑐵𑐫𑐾𑐟 𑐂𑐣𑐵𑐥 𑐫𑐵𑐐𑐸 𑐡𑐸𑑋

𑐎𑐵𑐣𑑂𑐳𑐬𑐶 𑐧𑐮𑑂𑐮𑐵:𑐩𑑂𑐴 𑐖𑐸𑐖𑐸𑐫𑐵 𑐩𑑂𑐴𑑂𑐫𑐵𑐫𑑂 𑐏𑑅𑑋
𑐬𑐵𑐖𑐎𑐸𑐩𑐵𑐬𑐷 𑐖𑐹𑐳𑐵𑑄 𑐠𑑅 𑐟𑑅𑐢𑐶𑐎: 𑐖𑐸𑐂𑐧𑐮𑐫𑑂 𑐧𑐸𑑃𑐖𑑂𑐫𑐵𑐩𑐶 𑐴𑐾 𑐖𑐸𑐂 𑐫𑑅𑑋

𑐰𑐫𑐵𑐐𑐸 𑐏𑑃 𑐣𑑂𑐫𑐣𑐵𑑅 𑐖𑐸𑐖𑐸 𑐟𑑄𑐔𑐵𑐂 𑑋 𑐄𑐎𑐶𑑄 𑐟𑑅𑐢𑐶𑐎 𑐖𑐸𑐂𑐧𑐮𑐫𑑂 𑐖𑐸𑐖𑐸𑑄 𑐰𑐫𑐵𑐟 𑐮𑐵𑐫𑑂‌𑐎𑐹 𑐟𑑂𑐰:𑐟𑐾𑐐𑐸 𑐄𑐖𑑄 𑐧𑐶𑐂 𑑋
`𑐮𑐵𑐫𑑂‌𑐎𑐹 𑐥𑐶𑐣𑐾 𑐐𑐸𑐮𑐶 𑐡𑐸𑑅𑐏 𑐳𑐷𑐩𑐵:, 𑐕𑑄 𑐠𑑅𑐩𑑂𑐴𑑄 𑐴𑐾 𑐰𑐵𑑅𑐔𑐵𑐫𑐾𑐎𑐶𑑋’ 𑐰𑐫𑑂‌𑐎𑐮𑑄 𑐟𑐩𑑄 𑐢𑐵𑐂𑑋 ‘𑐀𑐮𑐾 𑐖𑐎 𑐕𑑄 𑐰𑐵𑑅𑐔𑐵𑐂 𑑋’

𑐎𑐵𑐣𑑂𑐳𑐬𑐶𑑄 𑐠𑑅𑐩𑑂𑐴𑑄 𑐩𑐔𑐵𑑄𑐣𑐶𑐳𑐾𑑄 𑐩𑐸𑑄𑐎𑐵𑐟𑑅𑐐𑐸 𑐥𑐸𑐳𑐵 𑐥𑑂𑐰𑑅𑐔𑐷𑑋 𑐀𑐮𑐾 𑐐𑐸𑑃𑐂 𑐔𑑂𑐰𑑄𑐰𑐣𑐷𑑋

𑐰𑐫𑑂‌𑐎𑐮𑑄 𑐔𑐷𑐢𑑄𑐐𑐸 𑐧𑐮𑑂𑐔𑐵 𑐡𑐫𑐾𑐎𑐷 𑑋
𑐣𑐵𑐥𑑄 𑐔𑑂𑐰𑑄𑐐𑐸 𑐎𑑂𑐫𑐧𑐫𑑂 𑐥𑐸𑐳𑐵 𑐴𑑂𑐰𑐮𑐷 𑑋

𑐧𑐸𑑃𑐂 𑐖𑑂𑐫𑐵 𑐫𑐵𑐫𑐾 𑐟𑐳𑐎𑑄 𑐠𑐵𑐎𑐸𑑋
𑐎𑐵𑐣𑑂𑐳𑐬𑐶𑐫𑐵𑐟 𑐨𑑁𑐔𑐵, 𑐩𑐿𑐣𑐵 𑐰 𑐩𑐵𑐎𑑅𑐔𑐵𑑄 𑐐𑑂𑐰𑐴𑐵𑐮𑐶 𑐫𑐵𑐟 𑑋

𑐨𑑁𑐔𑐵𑑄 𑐧𑐸𑑃𑐂 𑐕𑐸𑑃 𑐳𑑂𑐫𑐵𑐟 𑑋
𑐩𑐵𑐎𑑅𑐔𑐵𑑄 𑐧𑐮𑑂𑐔𑐵 𑐳𑐸𑐳𑐵:𑐎𑐸𑐳𑐵: 𑐫𑐵𑐟 𑑋
𑐩𑐿𑐣𑐵𑑄 𑐧𑑂𑐰𑐫𑐵𑑅 𑐮𑐵𑐫𑑂‌𑐎𑐹 𑐰𑐣𑐵𑑅 𑐀𑐣𑐫𑐵 𑐮𑐶𑐥𑐵𑑄𑐐𑐸 𑐧𑐸𑐏𑑃 𑐴𑐮 𑑋 𑐂𑐥𑐶𑑄 𑐳𑐎𑐮𑐾𑑄 𑐥𑐵𑐳𑐵 𑐖𑐸𑐮 𑑋 𑐀𑐮𑐾 𑐳𑐎𑐮𑐾𑑄 𑐮𑐳𑐟𑐵𑑄 𑐣𑐵𑐥𑑄 𑐔𑑂𑐰𑐣𑑋

𑐎𑐵𑐣𑑂𑐳𑐬𑐶𑐫𑐵 𑐗 𑐗𑑅 𑐢𑐵𑑅𑐐𑐸 𑐧𑐸𑑃𑐖𑑂𑐫𑐵𑐫𑐵 𑐏𑑃𑐫𑑂 𑐧𑐫𑑂 𑐧𑐫𑑂 𑐖𑐸𑐮𑑋
𑐖𑐸𑐖𑐸 𑐟𑐩𑑄 𑐩𑐶𑑃 𑐖𑐸𑐮𑑋 𑐰 𑐏𑐸𑐬𑐹 𑐏𑐸𑐬𑐹 𑐖𑐸𑐖𑐸𑐫𑐵 𑐣𑑄 𑐖𑐸𑐖𑐸 𑐩𑐴𑐵𑐖𑐸𑐖𑐸 𑐂𑐣𑑂𑐡𑑂𑐬𑐫𑐵 𑐠𑐵𑐫𑑂 𑐰𑐣𑑋

𑐩𑑂𑐴𑑂𑐫𑐵𑐫𑑂‌𑐫𑐵𑐟 𑐥𑐵𑐛 𑐳𑑂𑐫𑐣𑐾𑐟 𑐖𑐸𑐖𑐸𑑄 𑐂𑐣𑑂𑐡𑑂𑐬𑐫𑐵𑐎𑐾 𑐐𑑂𑐰𑐴𑐵𑐮𑐶 𑐦𑑂𑐰𑐣 𑑋
“𑐰 𑐖𑑂𑐫𑐵 𑐖𑐶𑐟 𑐟𑑂𑐰:𑐟𑐵: 𑐧𑐶𑐫𑐵𑐡𑐶𑐳𑑃,” 𑐂𑐣𑑂𑐡𑑂𑐬𑑄 𑐢𑐵𑐮𑑋 “𑐖𑐶𑑄 𑐳𑐸𑐏𑑂𑐏𑐵 𑐫𑐵𑐣𑐵𑐧𑐷𑑋 𑐡𑐎𑑂𑐰𑑄 𑐧𑐵𑐮𑐶 𑐳𑐸𑐏𑑂𑐏𑐵 𑐖𑐸𑐫𑐵𑑅𑐳𑐶𑐣𑐵𑐰𑐣𑐷𑑋”

𑐎𑐵𑐣𑑂𑐳𑐬𑐶 𑐰 𑐰𑐫𑐵 𑐥𑐵𑐳𑐵𑐥𑐶𑑄 𑐖𑐵𑐣𑐵𑑅 𑐧𑐵𑐮𑐶𑐫𑐵𑐟 𑐏𑐸𑐳𑐶 𑐳𑐶𑐠𑐫𑑂 𑐣𑑂𑐴𑑂𑐫𑐵𑐎𑐮𑑋
𑐰𑐵 𑐩𑐰𑐫𑐵𑑅 𑐡𑐾𑐳𑐫𑑂 𑐡𑐎𑑂𑐰 𑐧𑐵𑐮𑐶𑐣𑐵𑐮𑐶 𑐐𑐣𑐵𑐰𑐣𑑋
𑐀𑐫𑑂‌𑐳𑐵𑑄 𑐎𑐵𑐣𑑂𑐳𑐬𑐶𑐫𑐵 𑐧𑐵𑐮𑐶 𑐩𑐐𑑄 𑑋

𑐠𑑂𑐰 𑐏𑐣𑐵𑑄 𑐂𑐣𑑂𑐡𑑂𑐬 𑐴𑐵𑐬𑐾 𑐔𑐵𑐮𑑋 “𑐖𑐶𑑄 𑐁𑑅 𑐏𑐸𑐳𑐶𑐧𑐵𑑅 𑐰𑐫𑑂‌𑐎𑐵𑐧𑐷𑑋 𑐀𑐮𑐾𑐮𑐵 𑐎𑐵𑐣𑑂𑐳𑐬𑐶 𑐐𑐠𑐾 𑐴𑐵𑐬𑐾 𑐩𑐔𑐵𑐂,” 𑐰𑐫𑑂‌𑐎𑐮𑑄 𑐢𑐵𑐂 𑑋 𑐠𑑂𑐰 𑐏𑑃 𑐩𑐿𑐣𑐵𑑄 𑐣𑑂𑐫𑐣𑐵𑐔𑑂𑐰𑐣𑐷 𑑋

𑐠𑑂𑐰 𑐥𑐵𑐮𑐫𑑂 𑐎𑐵𑐣𑑂𑐳𑐬𑐶 𑐰 𑐰𑐫𑐵 𑐥𑐵𑐳𑐵𑐥𑐶𑑄 𑐐𑐸𑑃𑐔𑑂𑐰𑐫𑑂 𑐥𑐵𑐏𑐵𑐔𑐵𑐫𑑂 𑐧𑐵𑐮𑐶 𑐫𑐵𑐂𑑋
𑐏𑐸𑐳𑐶𑐧𑐵𑑅 𑐰𑐂𑑋 𑐡𑐾𑐫𑑂‌𑐫𑐵 𑐧𑐵𑐮𑐶𑐣𑐵𑐮𑐶 𑐦𑐸𑐎𑑂𑐎 𑐔𑐸𑐂𑐎𑐷𑑋
𑐮𑑅 𑐐𑐸𑑃𑐔𑑂𑐰𑑄 𑐎𑑂𑐰𑐫𑑂 𑐖𑐎 𑐧𑐵𑑅𑐰𑑄𑐐𑐸𑐮𑐶𑑄 𑐎𑐵𑐣𑑂𑐳𑐬𑐶𑐫𑐵 𑐧𑐵𑐮𑐶 𑐖𑐎 𑐕𑐸𑑄 𑐖𑐸𑐂𑐩𑐏𑐸 𑑋

“𑐖𑐶𑑄 𑐡𑑂𑐰𑐮𑑄𑐡𑑂𑐰𑑅 𑐕𑐸𑑃𑐔𑐵 𑐕𑑂𑐰𑐫𑐵𑑅 𑐎𑐵𑐣𑑂𑐳𑐬𑐶𑐫𑐵 𑐧𑐵𑐮𑐶 𑐳𑑂𑐫𑑄𑐎𑐵𑐧𑐷𑐎𑐾𑑋” 𑐂𑐣𑑂𑐡𑑂𑐬𑑄 𑐩𑐾𑐐𑐸 𑐖𑐸𑐎𑑂𑐟𑐶 𑐫𑐵𑐂 𑑋
𑐩𑐿𑐣𑐵𑑄 𑐂𑐣𑑂𑐡𑑂𑐬𑐫𑐵 𑐖𑐸𑐎𑑂𑐟𑐶 𑐨𑑁𑐔𑐶𑐟 𑐎𑐣𑐷 𑑋
“𑐟𑐳𑐎𑑄 𑐧𑐵𑑄𑐮𑐵𑑅𑐐𑐸 𑐏𑑃 𑑋 𑐖𑐶𑑄 𑐖𑐶𑐩𑐶 𑐡𑐎𑑂𑐰 𑐥𑐵𑐳𑐵𑐥𑐶𑑄 𑐳𑑅𑐟𑐾 𑑋” 𑐨𑑁𑐔𑐵𑑄 𑐢𑐵𑐂𑑋 𑐣𑑂𑐴𑑂𑐫𑐵𑐎𑑂𑐰 𑐕𑐸𑑃 𑐰𑑅𑐳𑐵𑑄 𑐰 𑐦𑐸𑐎𑑂𑐎𑐳𑐶𑐟 𑐨𑑁𑐔𑐵𑐟𑐫𑑂‌𑐳𑑄 𑐕𑐩𑑂𑐴 𑐕𑐩𑑂𑐴 𑐫𑐵𑐣𑐵 𑐣𑐂 𑑋

𑐁𑑅𑐮𑐵 𑐂𑐣𑑂𑐡𑑂𑐬𑐣𑐵𑐥 𑐣𑑄 𑐕𑐸𑑄 𑐴𑐾 𑐄𑐥𑐵𑐫𑑂 (𑐖𑐸𑐎𑑂𑐟𑐶) 𑐩𑐣𑑂𑐟𑑋 “𑐖𑐶𑑄 𑐔𑐏𑐸𑑄𑐔𑐶𑐟 𑐕𑑂𑐰𑐫𑑂 𑑋 𑐔𑐏𑐸𑑄 𑐟𑐫𑑂‌𑐳𑑄 𑐫𑐵𑐣𑐵𑑅 𑐎𑐵𑐣𑑂𑐳𑐬𑐶𑐫𑐵 𑐕𑐸𑑄 𑐣𑑄 𑐧𑐵𑐮𑐶 𑐧𑐔𑐫𑑂 𑐫𑐵𑐫𑐾 𑐦𑐂𑐩𑐏𑐸 𑑋” 𑐰𑐫𑑂‌𑐎𑐮𑑄 𑐢𑐵𑐂𑑋

𑐩𑐵𑐎𑑅𑐔𑐵𑑄 𑐰𑐫𑐵 𑐥𑐵𑐳𑐵𑐥𑐶𑑄 𑐳𑑅𑐟𑐷𑑋 𑐄𑐩𑐶𑐳𑑄 𑐧𑐵𑐮𑐶𑐂 𑐔𑑂𑐫𑐵𑐥 𑐔𑑂𑐫𑐵𑐥 𑐔𑑂𑐰𑑄𑐐𑐸 𑐖𑐵𑐮𑐶𑑄 𑐨𑐸𑐣𑐷𑑋
𑐔𑐏𑐸𑑄𑐔𑐵 𑐰𑐫𑐵𑑅 𑐧𑐵𑐮𑐶 𑐣𑐫𑐾𑐟 𑐳𑑂𑐰𑐂𑐧𑐮𑐫𑑂 𑐠𑑅𑐥𑐶𑑄 𑐴𑐾 𑐖𑐵𑐮𑐷 𑐟:𑐎𑑂𑐫𑐣𑐷𑑋
𑐴𑐵𑐎𑐣𑑄 𑐎𑐵𑐣𑑂𑐳𑐬𑐶𑐫𑐵 𑐧𑐵𑐮𑐶 𑐧𑐔𑐾 𑐖𑐸𑐂 𑑋

𑐁: 𑐮𑐵 𑐖𑐸𑐖𑐸𑐫𑐵𑐟: 𑐗𑐣 𑐟:𑐢𑑄𑐐𑐸 𑐳𑐩𑐳𑑂𑐫𑐵 𑐖𑐸𑐮 𑑋 𑐏𑐜𑐾𑐬𑐶 𑐰 𑐏𑐸𑐳𑐶𑐧𑐵𑐮𑑄 𑐡𑐾𑐳𑐫𑑂 𑐫𑐎𑑂𑐰 𑐧𑐵𑐮𑐶𑐣𑐵𑐮𑐶 𑐳𑑂𑐫𑑄𑐎𑐵𑐧𑑂𑐫𑐹𑐐𑐸 𑐡𑐸𑑋
𑐰𑐫𑑂‌𑐎𑐮𑑄 𑐂𑐣𑑂𑐡𑑂𑐬𑐫𑐵𑐎𑐾 𑐐𑑂𑐰𑐴𑐵𑐮𑐶 𑐦𑑂𑐰𑐣𑐷 𑑋
“𑐕𑐶𑐟𑑅 𑐖𑐶𑐐𑐸 𑐐𑑂𑐰𑐴𑐵𑐮𑐶 𑐩𑐵𑐮𑐷𑐩𑐏𑐸,” 𑐂𑐣𑑂𑐡𑑂𑐬𑑄 𑐢𑐵𑐮, “𑐕𑐶𑐩𑐶 𑐩𑑂𑐴𑑂𑐫𑐵𑐫𑑂 𑐎𑐵𑐣𑑂𑐳𑐬𑐶𑑄 𑐣𑐫𑐾 𑐩𑐏𑑄𑐥𑐶𑑄 𑐩𑐣𑐹𑐟𑐫𑑂‌𑐟 𑐣𑐳𑐵 𑐖𑑂𑐰𑐮𑑄 𑐂𑐣𑐵𑐔𑑂𑐰𑑄𑐐𑐸 𑐡𑐸𑑋”

𑐂𑐣𑑂𑐡𑑂𑐬𑑄 𑐖𑐸𑐖𑐸𑐫𑐵𑐟 𑐐𑐸𑑃𑐂 𑐧𑑂𑐰𑐣𑐵𑐫𑐣𑐷𑑋 𑐀𑐣 𑐎𑐵𑐣𑑂𑐳𑐬𑐶 𑐰 𑐰𑐫𑐵 𑐥𑐵𑐳𑐵𑐥𑐶𑑄𑐳𑑄 𑐣𑐳𑐵𑐖𑑂𑐰𑐮𑑄 𑐂𑐣𑐵𑐔𑑂𑐰𑑄𑐣𑐷 𑑋

𑐖𑐸𑐖𑐸 𑐠𑐩𑑂𑐴𑑄 𑐠:𑐏𑐣𑐵𑑄 𑐩𑐕𑐵𑐮𑐷 𑑋 𑐩𑑂𑐴𑑂𑐫𑐵𑐫𑑂‌𑐫𑐵 𑐖𑑂𑐫𑐵 𑐏𑐣𑐵𑑅 𑐰 𑐟𑐳𑐎𑑄 𑐮𑐫𑑂‌‌𑐟𑐵𑐂 𑑋
“𑐐𑐣 𑐔𑑂𑐰𑐣 𑐀𑐣 𑐴𑐾 𑐮𑐵𑐫𑑂‌𑐎𑐹 𑐩𑐏𑐸𑐮𑐵 ? 𑐕𑐸 𑐢𑐫𑐵𑐡𑐷 𑐕𑐶𑑄 ?” 𑐂𑐣𑑂𑐡𑑂𑐬𑑄 𑐖𑐸𑐖𑐸𑐫𑐵𑐟 𑐢𑐵𑐂 𑑋

𑐖𑐸𑐖𑐸𑑄 𑐩𑑂𑐴𑑂𑐫𑐵𑐫𑑂‌𑐫𑐵𑐎𑐾 𑐎𑑂𑐲𑐩𑐵 𑐦𑑂𑐰𑐣𑐷 𑑋
𑐀𑐮𑐾 𑐩𑑂𑐴𑑂𑐫𑐵𑐫𑑂‌𑐫𑐵𑐟 𑐮𑐵𑐫𑑂‌𑐎𑐹 𑐳𑑅𑐟𑐷 𑑋

𑐰𑑄 𑐠𑑅 𑐀𑐧𑐸𑐫𑐵𑐟 𑐎𑑂𑐲𑐩𑐵 𑐧𑐷 𑑋 𑐀𑐫𑑂‌𑐳𑐵𑑄 𑐰 𑐮𑐵𑐫𑑂‌𑐎𑐸𑐮𑐷 𑐰𑐣𑐷𑐩𑐏𑐸 𑑋
𑐠𑑅𑐐𑐸 𑐴𑐾 𑐧𑐮𑑂𑐔𑐵𑐫𑑂 𑐰𑐫𑐵: 𑐥𑐵𑐳𑐵𑐥𑐶𑑄 𑐣𑐵𑐥 𑐮𑐳𑐟𑐵𑑄 𑐔𑑂𑐰𑐣𑐷 𑑋

𑐮𑐶𑐥𑐵 𑐎𑐵𑐣𑑂𑐳𑐬𑐶𑐫𑐵𑐟 “𑐖𑑂𑐫𑐵𑐥𑐸𑐣𑐷 𑐬𑐵𑐖𑐎𑐸𑐩𑐵𑐬𑐶” 𑐢𑐎𑐵𑑅 𑐳𑐎𑐳𑐶𑐣𑑄 𑐩𑑂𑐴𑐳𑐶𑐮 𑑋

Brought to you by
Let’s Read! is an initiative of The Asia Foundation’s Books for Asia
program that fosters young readers in Asia. booksforasia.org
To read more books like this and get further information about
this book, visit letsreadasia.org
Original Story
The Princess Farmer, author: Kuzhali Manickavel. Released under
CC BY-NC-SA 4.0.
This work is a modified version of the original story. © The Asia
Foundation, 2019. Some rights reserved. Released under CC
BY-NC-SA 4.0.
For full terms of use and attribution,
http://creativecommons.org/licenses/by-nc-sa/4.0/
Contributing translators: Suresh Shakya