𑐖𑐶𑐩𑐶 𑐩𑐵𑑄𑐫𑐵 𑐧𑐂𑐐𑑅 – 𑐣𑐾𑐥𑐵𑐮 𑐨𑐵𑐲𑐵 𑐔𑐶𑐣𑐵𑐏𑐾𑑃

𑐣𑐾𑐥𑐵𑐮 𑐨𑐵𑐲𑐵 𑐔𑐶𑐣𑐵𑐏𑐾𑑃

𑐖𑐶𑐩𑐶 𑐩𑐵𑑄𑐫𑐵 𑐧𑐂𑐐𑑅

𑐧𑐂𑐐𑑅𑐫𑐵 𑐕𑑂𑐔𑐵𑐳𑑂𑐮𑐷 𑐎𑐸𑑄 𑐎𑐸𑑄 𑐥𑐟𑐶
𑐥𑑂𑐰𑑅 𑐥𑑂𑐰𑑅 𑐥𑑂𑐮𑐵𑐳𑑂𑐚𑐶𑐎 𑐫𑐏𑐵𑐫𑐵 𑐟𑑅𑐐𑐸
𑐄𑐎𑐷 𑐣𑑄 𑐐𑐸𑐮𑐶𑑃 𑐐𑐸𑐮𑐶𑑃 𑐎𑐸𑑃 𑐐𑐫𑐵 𑐢𑐸𑐮𑑃 𑐐𑐫𑐵
𑐴𑐵𑐎𑐸𑐳𑐾 𑐔𑑂𑐰𑐣𑐵 𑐳𑑂𑐰𑐫𑑂 𑐴𑐾 𑐩𑐖𑐶 𑐢𑐸𑑄𑐎𑐐𑐸
𑐰 𑐣𑐴𑑂𑐫𑐵𑐧𑑂𑐮𑐾𑑄 𑐫𑐏𑐵𑐫𑐵 𑐔𑑂𑐰𑐣𑐶𑐐𑐸
𑐥𑑂𑐰𑑅𑐔𑐵 𑐥𑑂𑐰𑑅𑐔𑐵 𑐏𑐣𑐷𑐧𑐮𑐫 𑐖𑐶𑐟𑑅𑐮𑐵
𑐖𑐶𑐩𑐶 𑐩𑐵 𑐣𑑄 𑐠𑐐𑐸 𑐳𑑂𑐰𑐟𑐣𑑂𑐟𑑂𑐬𑐟𑐵
𑐔𑐶𑐣𑐵 𑐫𑐏𑐵𑐫𑐵 𑐟𑐳𑑂𑐐𑐸 𑐠𑐾𑑃 𑐔𑑂𑐰𑐣𑐵𑐰𑐂𑐐𑐸 𑑋

𑐖𑐶𑐩𑐶 𑐩𑐵𑑄 𑐣𑑄 𑐳𑐸𑐠 𑐣𑑂𑐴𑐵𑐥𑐣𑑄
𑐫𑐔𑐸𑐎 𑐰𑐳𑐶 𑐧𑑃 𑐥𑐸𑐂𑐧𑐮𑐾
𑐳𑐸𑐠𑐫𑑂 𑐡𑑂𑐫𑐣𑐫𑑂 𑐳𑐶𑐢𑐾𑐫𑐎𑐵 𑐦𑐸𑑄 𑐦𑐸𑑄 𑐰𑐫𑑂‌𑐎
𑐴𑐵𑐏𑑅 𑐴𑐵𑐏𑑅 𑐣 𑐨𑐸𑐣𑐵 𑐔𑑂𑐰𑑄𑐐𑐸
𑐖𑐵 𑐎𑐾𑑄 𑐠𑐸𑐂𑐐𑐸 𑐟𑐟𑑅𑐐𑑂𑐰:𑐐𑐸
𑐗𑑂𑐫𑐵𑐟𑐸𑐳𑐾 𑐔𑑂𑐰𑑄𑐐𑐸 𑐎𑐳:𑐬𑐶
𑐔𑑂𑐫𑐵 𑐡𑐵𑐫𑑂‌𑐎𑐵 𑐟𑑂𑐰𑐣𑐾𑐐𑐸 𑐟𑐵𑐥𑑂𑐎𑑂𑐫𑐵 ,
𑐔𑐟𑑄, 𑐢𑐰𑑅, 𑐳𑑂𑐚𑐶𑐮 𑐫𑐵𑐐𑐸 𑐐𑐶𑐮𑐵𑐳
𑐡𑐎𑑂𑐎𑑀 𑐳𑐶𑐮𑐵 𑐔𑑂𑐰𑐣𑐶𑐐𑐸 𑐏𑐣𑐾𑐧𑐮𑐾
𑐖𑐶𑐩𑐶 𑐩𑐵 𑐣𑑄 𑐠𑐐𑐸 𑐡𑐸𑑅𑐏
𑐳𑐶𑐮𑐵 𑐔𑑂𑐰𑑄𑐠𑐾 𑐔𑑂𑐰𑐣𑐵 𑐰𑐂𑐐𑐸

𑐮𑐸𑐳𑐷 𑐦𑐵 𑐴𑐾 𑐴𑐶𑐂𑐳𑐾 𑐔𑑂𑐰𑑄𑐎 𑐮𑐵𑐨𑐵 𑐥𑑂𑐰𑐮𑐵
𑐮𑐸𑐳𑐷𑑄 𑐎𑐸𑐟𑐷 𑐎𑐸𑐟𑐷 𑐫𑐵𑐣𑐵 𑐥𑐵𑐮𑐸 𑐏𑑀𑐮𑐵 𑐮𑐶𑐎𑐫𑐵
𑐐𑑂𑐰𑑅𑐐𑐸 𑐖𑐷 𑐥𑐸𑐔𑑅𑐔𑐵 𑐟𑐫𑐵
𑐴𑑂𑐫𑐵𑐄𑑃𑐐𑐸 𑐩𑐮𑑂𑐚𑐵 𑐣𑐶𑐐𑑅 𑐥𑑂𑐫𑐾𑑄𑐐 𑐟𑐫𑐵
𑐮𑑂𑐰𑐴𑑄𑐩𑐵𑐫𑑂 𑐟𑐫𑐵 𑐢𑑂𑐫𑐵 𑐢𑑂𑐫𑐵 𑐕𑑂𑐫𑐵𑐂𑐧𑐮𑐾
𑐖𑐶𑐟𑑅𑐮𑐵 𑐖𑐶𑐩𑑂𑐴 𑐩𑐵𑑄 𑐣𑑄 𑐠𑑅𑐐𑐸
𑐎𑐬𑑂𑐩𑐫𑐵𑐟 𑐕𑑂𑐫𑐵:𑐐𑐸 𑐠𑐾 𑐔𑑂𑐰𑐣𑐵𑐰𑐃

𑐥𑑂𑐫𑐵𑑅𑐐𑐸 𑐳𑐷𑑄 𑐡𑐸𑐫𑐵 𑐦𑐹𑑃 𑐦𑐹𑑃 𑐫𑐵𑐣𑐵
𑐎𑐸𑑃 𑐴𑑂𑐰𑐵𑐣𑐵𑐴𑑂𑐰𑐵𑐣𑐵 𑐰𑐫𑑂‌𑐎 𑐨𑐸𑐟𑐹𑐮𑐷 𑐳𑐶 𑐔𑑂𑐫𑐵𑐎𑐶
𑐩𑐶𑐏𑐵𑑄 𑐏𑑂𑐰𑐧𑐷 𑐣𑑂𑐴𑑂𑐫𑐵𑐧𑐮𑐾 𑐧𑐵𑑅 𑐧𑐵: 𑐴𑐵𑐫𑑂‌𑐎
𑐕𑐵𑐟𑐶 𑐴𑐾 𑐟𑐖𑑂𑐫𑐵𑐣𑐵 𑐰𑐂𑐠𑐾 𑐔𑑂𑐰𑑄𑐎 𑐠𑐸𑐔𑐵𑑄
𑐦𑐹𑑃 𑐦𑐹𑑃 𑐥𑐸𑐫𑐵𑐔𑑂𑐰𑐣𑐶
𑐩𑐵𑐫𑐵 𑐩𑐶𑐏𑐵𑐫𑑂 𑐏𑑂𑐰𑐧𑐷 𑐖𑐵𑐫𑐎 𑐏𑐣𑐷𑐧𑐮𑐾
𑐩𑐔𑐵𑐏𑐵𑐔𑐵𑐟 𑐡𑑂𑐫𑐵𑑄𑐮𑐵𑐂 𑐢𑐎𑐵 𑐔𑐶𑐄𑐟𑐵 𑐎𑑂𑐫𑐵
𑐣𑐴𑑂𑐫𑐵𑐎𑑂𑐰 𑐴𑐾 𑐥𑑂𑐫𑐵𑑅𑐐𑐸 𑐳𑐶𑑄 𑐫𑐵𑐟
𑐦𑐸 𑐦𑐸 𑐫𑐵𑐣𑐵 𑐔𑑂𑐫𑐵𑐎𑐷 𑐧𑐮𑐾
𑐖𑐶𑐟𑑅𑐮𑐵 𑐖𑐶𑐩𑐶 𑐩𑐵 𑐣𑑄
𑐠:𑐐𑐸 𑐨𑐵𑐐𑑂𑐫𑐫𑐵𑐟 𑐧𑑂𑐰:𑐧𑐶𑐫𑐵
𑐳𑐸𑐫𑐵𑐟 𑐣𑑄 𑐎𑐣𑐾 𑐩𑐏𑐣𑐵
𑐎𑐸𑑃 𑐰𑐐𑐸 𑐥𑐵𑐏𑐾 𑐮𑐵𑐎𑐵
𑐴𑑂𑐰𑐵𑐫 𑐴𑑂𑐰𑐵𑐫 𑐏𑑂𑐰𑑅𑐐𑐸𑐠𑐾𑑄 𑐔𑑂𑐰𑐣𑐵𑐰𑐃