𑐎𑑂𑐫𑐵𑐩𑑂𑐥𑐳𑐫𑑂 𑐣𑐾𑐥𑐵𑐮𑐨𑐵𑐲𑐵 𑐧𑑂𑐰𑐣𑐷𑐥𑐶𑑄 𑐰𑐶𑐡𑑂𑐫𑐵𑐬𑑂𑐠𑐷 𑐀𑐥𑑂𑐰𑐫𑐾𑐎𑐾𑐟 𑐂𑐣𑐵𑐥 𑐥𑑁 𑐮𑑅𑐮𑑂𑐴𑐵𑐟

𑐫𑐾𑑃- 𑐣𑐾𑐰𑐵𑑅 𑐰𑐶𑐡𑑂𑐫𑐵𑐬𑑂𑐠𑐷 𑐫𑐸𑐣𑐶𑐫𑐣𑑄 𑐳𑑂𑐰𑐣𑐶𑐐𑑅𑐫𑐵 𑐎𑑂𑐫𑐵𑐩𑑂𑐥𑐳 𑐎𑑂𑐫𑐵𑐩𑑂𑐥𑐳𑐫𑑂 𑐣𑐾𑐥𑐵𑐮𑐨𑐵𑐲𑐵 𑐰𑐶𑐲𑐫 𑐎𑐫𑐵𑑅 𑐧𑑂𑐰𑐣𑐷𑐥𑐶𑑄 𑐰𑐶𑐡𑑂𑐫𑐵𑐬𑑂𑐠𑐷𑐟 𑐀𑐥𑑂𑐰𑐫𑐾𑐎𑐾𑐟 𑐂𑐣𑐵𑐥 𑐫𑐵𑐳𑐾𑑄 𑐴𑐮𑐶𑑄 𑐣𑐾𑐰𑐵𑑅 𑐐𑐸𑐠𑐶𑐫𑐵𑐟 𑐕𑐥𑐸 𑐂𑐣𑐵𑐥 𑐥𑑁 𑐮𑑅𑐮𑑂𑐴𑐵𑑅𑐐𑐸 𑐡𑐸 𑑋 𑐫𑐸𑐣𑐶𑐫𑐣𑐫𑐵 𑐣𑐵𑐫𑑅 𑐬𑐶𑐡𑐾𑐣 𑐩𑐴𑐬𑑂𑐖𑐣𑑄 𑐐𑐸𑐠𑐶𑐫𑐵 𑐨𑐵𑐲𑐵, 𑐮𑐶𑐥𑐶 𑐎𑐰𑑅𑐫𑐵 𑐎𑐖𑐶 𑐩𑐫𑑂𑐖𑐸 𑐳𑐸𑐲𑑂𑐩𑐵 𑐱𑑂𑐬𑐾𑐲𑑂𑐛𑐫𑐵𑐟 𑐄𑐐𑐸 𑐂𑐣𑐵𑐥 𑐥𑑁 𑐮𑑅𑐮𑑂𑐴𑐵𑐣𑐵𑐡𑐷𑐐𑐸 𑐏𑑅 𑑋
𑐫𑐸𑐣𑐶𑐫𑐣𑑄 𑐠𑐣𑐫𑐵 𑐨𑐺𑐎𑐸𑐚𑐷𑐩𑐞𑑂𑐜𑐥𑐫𑑂 𑐔𑑂𑐰𑑄𑐐𑐸 𑐬𑐟𑑂𑐣𑐬𑐵𑐖𑑂𑐫 𑐎𑑂𑐫𑐵𑐩𑑂𑐥𑐳 𑐰 𑐧𑐵𑐐𑐧𑐖𑐵𑐬𑐫𑑂 𑐔𑑂𑐰𑑄𑐐𑐸 𑐥𑐡𑑂𑐩𑐎𑐣𑑂𑐫𑐵 𑐎𑑂𑐫𑐵𑐩𑑂𑐥𑐳𑐫𑑂 𑐣𑐾𑐥𑐵𑐮𑐨𑐵𑐲𑐵 𑐰𑐶𑐲𑐫𑐫𑐵 𑐎𑐎𑑂𑐲𑐵 𑐳𑑄𑐔𑐵𑐮𑐣 𑐖𑐸𑐂𑐐𑐸𑐮𑐶𑑄 𑐄𑐐𑐸 𑐰𑐶𑐲𑐫 𑐎𑐫𑐵𑑅 𑐀𑐢𑑂𑐫𑐫𑐣 𑐫𑐵𑐂𑐥𑐶𑑄 𑐰𑐶𑐡𑑂𑐫𑐵𑐬𑑂𑐠𑐷𑐟 𑐕𑑂𑐰𑐫𑐵 𑐐𑑂𑐰𑐵𑐴𑐵𑐮𑐶 𑐫𑐵𑐫𑐾𑐟 𑐂𑐣𑐵𑐥 𑐫𑐵𑐣𑐵𑐟𑑅𑐐𑐸 𑐡𑐸 𑑋

𑐩𑑂𑐴𑑀𑐟𑐶𑑄 𑐣𑑄 𑐗𑐶𑐩𑑂𑐴 𑐗𑐶𑐩𑑂𑐴 𑐰𑐶𑐡𑑂𑐫𑐵𑐬𑑂𑐠𑐷 𑐡𑐟 𑐢𑐵𑑅𑐳𑐵 𑐖𑐎 𑐣𑐶𑐐𑐸𑐮𑐶𑑄 𑐎𑑂𑐫𑐵𑐩𑑂𑐥𑐳𑐫𑑂 𑐣𑐾𑐥𑐵𑐮𑐨𑐵𑐲𑐵 𑐰𑐶𑐲𑐫𑐫𑐵 𑐎𑐎𑑂𑐲𑐵 𑐳𑑄𑐔𑐵𑐮𑐣 𑐖𑐸𑐂𑐐𑐸𑐮𑐶𑑄 𑐠𑑂𑐰 𑐴𑐾 𑐩𑐴𑐶𑐣𑐵𑐫𑐵 𑐡𑐸𑐣𑐾 𑐰𑐶𑐡𑑂𑐫𑐵𑐬𑑂𑐠𑐷 𑐕𑑂𑐰𑐫𑐵𑑅 𑐐𑑂𑐰𑐵𑐴𑐵𑐮𑐶 𑐫𑐵𑐫𑐾𑐟 𑐂𑐣𑐵𑐥 𑐫𑐵𑐳𑐾𑑄 𑐫𑐸𑐣𑐶𑐫𑐣𑑄 𑐐𑐸𑐠𑐶𑐫𑐵𑐟 𑐄𑐎𑐠𑑄 𑐂𑐣𑐵𑐥 𑐥𑑁 𑐮𑑅𑐮𑑂𑐴𑐵𑑅𑐐𑐸 𑐏𑑅 𑑋
𑐣𑐾𑐰𑐵𑑅 𑐰𑐶𑐡𑑂𑐫𑐵𑐬𑑂𑐠𑐷 𑐫𑐸𑐣𑐶𑐫𑐣 𑐎𑑂𑐫𑐵𑐩𑑂𑐥𑐳𑐫𑑂 𑐣𑐾𑐥𑐵𑐮𑐨𑐵𑐲𑐵 𑐰𑐶𑐲𑐫 𑐎𑐫𑐵𑑅 𑐀𑐢𑑂𑐫𑐫𑐣 𑐫𑐵𑐣𑐵𑐔𑑂𑐰𑑄𑐥𑐶𑑄 𑐰𑐶𑐡𑑂𑐫𑐵𑐬𑑂𑐠𑐷𑐟𑐫𑑂 𑐳𑑄𑐐𑐛𑐣 𑐏𑑅 𑑋