𑐎𑐸𑐬𑐶𑐮 𑐣𑐫𑐵𑐫𑐵 𑐦𑐵𑐂𑐡𑐵

𑐎𑐸𑐬𑐶𑐮 𑐕𑐟𑐵𑐖𑐶 𑐰𑐳𑐣𑑂𑐟 𑐆𑐟𑐸𑐫𑐵 𑐟𑐬𑐎𑐵𑐬𑐶 𑐏𑑅, 𑐐𑐸𑐐𑐸 𑐮𑐶𑐮𑐷 –𑐮𑐶𑐮𑐷𑐳𑐾𑐊) 𑐥𑐬𑐶𑐰𑐵𑐬 𑐀𑐣𑑂𑐟𑐬𑑂‍𑐐𑐟 𑐮𑐵𑑅𑐰𑑅 𑑋 𑐥𑑂𑐬𑐵𑐔𑐷𑐣𑐎𑐵𑐮𑐫𑑂 𑐎𑐸𑐬𑐶𑐮 𑐎𑐵𑐩𑑀𑐡𑑂𑐡𑐷𑐥𑐎𑐫𑐵 𑐬𑐹𑐥𑐫𑑂 𑐣𑐵𑑄𑐖𑐵𑐫𑐵𑐔𑑂𑐰𑑄𑐐𑐸 𑐏𑑅 𑑋 𑐳𑐮𑑄𑐳𑑅 𑐡𑑃 𑐤𑑂𑐫𑑅 𑐔𑑂𑐰𑐫𑐵 𑐢𑐵𑑅 𑐟𑐢𑐵𑑅 𑐫𑐵𑐣𑐵𑑅 𑐖𑐮𑐵𑐳𑑂𑐫𑐾𑑃𑐫𑐵𑐟 𑐳𑐦𑐵 𑐫𑐵𑐫𑐾𑐐𑐸 𑐰 𑐖𑐮𑐳𑑂𑐫𑐾𑑃 –𑐎𑐶𑐜𑐣𑐷)𑐫𑑂 𑐥𑐠𑐬𑐷 𑐩𑐖𑐸𑐂𑐎𑐾𑐟 𑐠𑐸𑐐𑐸 𑐖𑐜𑐷𑐧𑐸𑐚𑐷𑐫𑐵𑐟 𑐬𑑀𑐩𑐣𑐟 𑐰 𑐫𑐸𑐣𑐵𑐣𑐷𑐟𑐫𑑂𑐳𑑄 𑐕𑑂𑐫𑐮𑐾𑐐𑐸 𑐫𑐵𑐣𑐵𑐔𑑂𑐰𑑄𑐐𑐸 𑐏𑑅 𑑋

𑐊𑐳𑐶𑐫𑐵𑐫𑑂 𑐎𑐸𑐬𑐶𑐮𑐫𑐵𑐟 𑐣𑐳𑐵 𑐳𑐩𑑂𑐧𑐣𑑂𑐢𑐷 𑐠𑐷𑐠𑐷 𑐳𑐩𑐳𑑂𑐫𑐵, 𑐩𑐸𑐳𑐸 𑐰 𑐕𑑂𑐰𑐵𑐮𑐸𑐎 𑐗𑐵𑐬𑐵 𑐖𑐸𑐂𑐐𑐸𑐫𑐵 𑐄𑐥𑐔𑐵𑐬𑐫𑑂 𑐕𑑂𑐫𑐮𑐷𑐐𑐸 𑐏𑑅 𑑋 𑐎𑐸𑐬𑐶𑐮 𑐕𑐟𑐵𑐖𑐶 𑐳𑑂𑐰𑐳𑑂𑐠 𑐥𑑀𑐲𑐎𑐟𑐟𑑂𑐰 𑐐𑐵𑐎𑑂𑐎 𑐡𑐸𑐐𑐸 𑐰𑐣𑐳𑑂𑐥𑐟𑐶 𑐏𑑅, 𑐐𑐸𑐎𑐷 𑐦𑐵𑐫𑐚 𑐰 𑐎𑑀𑐮𑐾𑐳𑑂𑐚𑑂𑐬𑑀𑐮 𑐡𑐸𑐠𑑂𑐫𑐵𑐂 𑐩𑐏𑐸 𑑋 𑐠𑐸𑐎𑐷 𑐟𑐳𑐎𑑄 𑐎𑐩 𑐖𑐎 𑐎𑑂𑐫𑐵𑐮𑑀𑐬𑐷 𑐰 𑐳𑑀𑐜𑐶𑐫𑐩 𑐡𑐸 𑑋 𑐠𑐸𑐎𑐷 𑐨𑐶𑐚𑐵𑐩𑐶𑐣 𑐊, 𑐳𑐷, 𑐃, 𑐎𑐾 𑐧𑐷𑑖, 𑐦𑐵𑐮𑐾𑐚, 𑐁𑐂𑐬𑐣, 𑐳𑐶𑐖𑑅 𑐎𑑂𑐫𑐵𑐮𑑂𑐳𑐶𑐫𑐩, 𑐥𑑂𑐬𑑀𑐚𑐷𑐣 𑐰 𑐦𑐵𑐂𑐧𑐬 𑐠𑐾𑑄𑐖𑑂𑐫𑐵𑑅𑐐𑐸 𑐨𑐶𑐚𑐵𑐩𑐶𑐣𑑂𑐳 𑐰 𑐩𑐶𑐣𑐬𑐮𑑂𑐳𑐫𑐵 𑐕𑐐𑐹 𑐰𑐶𑐳𑑂𑐟𑐺𑐟 𑐱𑑂𑐬𑐺𑐒𑑂𑐏𑐮𑐵 𑐡𑐸

𑐦𑐵𑐂𑐡𑐵
𑐎𑐸𑐬𑐶𑐮𑐫𑐵 𑐡𑑄 𑐳𑐵𑐩𑐵𑐣𑑂𑐫𑐟𑑅 𑐕𑐟𑐵𑐖𑐶 𑐟𑐬𑐎𑐵𑐬𑐶 𑐎𑐠𑑄 𑐣𑐫𑐾𑐐𑐸 𑐫𑐵𑐂 𑑋 𑐠𑐸𑐎𑐶𑐫𑐵 𑐴𑐵m, 𑐥𑐸 𑐰 𑐀𑐬𑑂‍𑐎𑐫𑐵𑐟 𑐠𑐷𑐠𑐷 𑐮𑑂𑐰𑐫𑑂𑐫𑐵 𑐰𑐵𑐳𑑅𑐫𑐵 𑐬𑐹𑐥𑐫𑑂 𑐕𑑂𑐫𑐮𑐾𑐐𑐸 𑐫𑐵𑐂 𑑋 𑐎𑐸𑐬𑐶𑐮𑑄 𑐗𑐷𑐟 𑐫𑐎𑑂𑐰 𑐴𑐾 𑐦𑐵𑐂𑐡𑐵 𑐫𑐵𑑅 𑑋 𑐐𑐠𑐾𑐎𑐶 –

𑑑) 𑐟𑑁𑐮 𑐎𑑂𑐰𑐎𑐵𑐫𑐾𑐟 : 𑐎𑐸𑐬𑐶𑐮𑐫𑑂 𑐦𑐵𑐫𑐚 𑐰 𑐎𑑂𑐫𑐵𑐮𑑀𑐬𑐷 𑐎𑐩 𑐖𑐸𑐂𑐐𑐸 𑐖𑐎 𑐩𑐏𑐸, 𑐠𑐸𑐎𑐷 𑐫𑐎𑑂𑐰 𑐴𑐾 𑐑𑐸𑐮𑐣𑐱𑐷𑐮 𑐰 𑐀𑐑𑐸𑐮𑐣𑐱𑐷𑐮 𑐦𑐵𑐂𑐧𑐬 𑐣𑑄 𑐡𑐸𑐠𑑂𑐫𑐵𑑅 𑑋 𑐠𑑂𑐰 𑐴𑐾 𑐎𑐵𑐬𑐞𑑄 𑐏𑑅 𑐎𑐶 𑐠𑑂𑐰 𑐪𑐫𑐵 𑐟𑑁𑐮 𑐎𑑂𑐰𑐎𑐵𑐫𑐾𑐐𑐸 𑐣𑐶𑑄𑐟𑐶𑑄 𑐕𑐐𑐹 𑐧𑐵𑑄𑐮𑐵𑑅𑐐𑐸 𑐰𑐶𑐎𑐮𑑂𑐥 𑐖𑐸𑐂𑐦𑐸 𑑋

𑑒) 𑐔𑑂𑐰 𑐰 𑐖𑐮𑐳𑑂𑐫𑐾𑑃𑐫𑐵 𑐣𑐶𑑄𑐟𑐶𑑄 : 𑐎𑐸𑐬𑐶𑐮𑑄 𑐕𑐟𑐵𑐖𑐶 𑐥𑑂𑐬𑐵𑐎𑐺𑐟𑐶𑐎 𑐩𑐹𑐟𑑂𑐬𑐰𑐬𑑂‍𑐢𑐎𑐫𑐵 𑐬𑐹𑐥𑐫𑑂 𑐖𑑂𑐫𑐵 𑐫𑐵𑐂 𑑋 𑐠𑐸𑐎𑐶𑑄 𑐪𑐫𑑂 𑐀𑐥𑑂𑐰𑑅 𑐖𑐸𑐂𑐎 𑐩𑐸𑐣𑐵𑐔𑑂𑐰𑑄𑐐𑐸 𑐟𑐬𑐮 𑐥𑐡𑐵𑐬𑑂‍𑐠 𑐰 𑐔𑐶𑐫𑐵𑐟 𑐥𑐶𑐟 𑐕𑑂𑐰𑐫𑐵𑐧𑐷𑐟 𑐐𑑂𑐰𑐵𑐴𑐵𑐮𑐶 𑐫𑐵𑐂 𑑋 𑐀𑐠𑐾 𑐖𑐸𑐫𑐵𑑅 𑐠𑑂𑐰 𑐰𑐶𑐱𑐾𑐲 𑐬𑐹𑐥𑑄 𑐴𑐵𑐂 𑐧𑑂𑐮𑐜𑐥𑑂𑐬𑐾𑐳𑐬 𑐡𑐸𑐥𑐶𑐣𑐶𑐐𑐸 𑐣𑐶𑑄𑐟𑐶𑑄 𑐟𑐳𑐎𑑄 𑐧𑐵𑑄𑐮𑐵𑑅 𑑋

𑑓) 𑐣𑐸𑐐𑑅𑐳𑑂𑐫𑐾𑑃𑐫𑐵 𑐳𑑂𑐰𑐳𑑂𑐠𑑂𑐫 : 𑐎𑐸𑐬𑐶𑐮𑐫𑑂 𑐄𑐟𑑂𑐎𑐺𑐲𑑂𑐚 𑐰𑐶𑐬𑑀𑐢𑐷, 𑐨𑐜𑐎𑐵𑐅 𑐥𑑂𑐬𑐨𑐵𑐰 𑐰 𑐄𑐔𑑂𑐔𑐳𑑂𑐟𑐬𑐫𑐵𑐐𑐸 𑐊𑐣𑑂𑐚𑐶𑐀𑐎𑑂𑐳𑐶𑐜𑐾𑐣𑑂𑐚 𑐡𑐸 𑑋 𑐠𑑂𑐰 𑐣𑐶𑐟𑐵𑑄 𑐴𑐾 𑐣𑐸𑐐𑑅𑐳𑑂𑐫𑐾𑑃𑐫𑐵 𑐮𑑂𑐰𑐫𑑂𑐫𑐵 𑐖𑑀𑐩𑐶 𑐎𑐩 𑐫𑐵𑐫𑐾𑐟 𑐖𑑂𑐫𑐵 𑐰𑑅 𑑋

𑑔) 𑐫𑐵𑐎𑑄 𑐧𑐸𑐬𑐵𑐧𑐸𑐬𑐶 𑐩𑐖𑐸𑐂𑐎𑐾𑐟 : 𑐊𑐣𑑂𑐚𑐶 𑐀𑐎𑑂𑐳𑐶𑐜𑐾𑐣𑑂𑐚 𑐐𑑂𑐮𑐹𑐚𑐵𑐠𑐶𑐫𑑀𑐣𑑄 𑐄𑐩𑐾𑐬 𑐠𑐴𑐵𑑄 𑐰𑐣𑐷𑐐𑐸 𑐥𑑂𑐬𑐎𑑂𑐬𑐶𑐫𑐵𑐫𑐵𑐟 𑐳𑐸𑐳𑑂𑐟 𑐫𑐵𑐣𑐵𑐧𑐷 𑑋 𑐀𑐮𑐾 𑐦𑑀𑐮𑐾𑐚 𑐳𑑄𑐖𑑂𑐘𑐣𑐵𑐟𑑂𑐩𑐎 𑐐𑐶𑐬𑐵𑐰𑐚𑐫𑐵𑐟 𑐥𑐣𑐾𑐟 𑐧𑐷 𑑑𑑒 𑐮𑐶𑐳𑐾 𑐖𑐵𑐣𑐵𑑅 𑐖𑑂𑐫𑐵 𑐫𑐵𑐂 𑑋

𑑕) 𑐕𑑂𑐫𑑄𑐐𑐹 𑐳𑑂𑐰𑐳𑑂𑐠 𑐫𑐵𑐣𑐵𑐟𑐫𑐾𑐟 : 𑐠𑑂𑐰 𑐏𑑂𑐰𑐵𑑅 𑐳𑐦𑐵 𑐫𑐵𑐫𑐾𑐟 𑐣𑑄 𑐕𑑂𑐫𑐮𑐾𑐖𑐶𑐄 𑑋 𑐠𑑂𑐰𑑄 𑐕𑐫𑑄𑐐𑐹𑐫𑐵 𑐳𑐩𑐳𑑂𑐫𑐵 𑐐𑐠𑐎𑐶 : 𑐑𑐵𑑅 𑐰 𑐳𑑂𑐫𑑅𑐎𑐿𑐫𑐵𑐟 𑐥𑐣𑐾𑐟 𑐰 𑐄𑐥𑐔𑐵𑐬 𑐫𑐵𑐫𑐾𑐟 𑐐𑑂𑐰𑐵𑐴𑐵𑐮𑐶 𑐫𑐵𑐂 𑑋 𑐊𑐣𑑂𑐚𑐶𑐀𑐎𑑂𑐳𑐶𑐜𑐾𑐣𑑂𑐚 𑐐𑑂𑐮𑐹𑐚𑐵𑐠𑐶𑐫𑐣𑑄 𑐕𑑂𑐫𑑄𑐐𑐹𑐫𑐵𑐟 𑐣𑐶𑐨𑐵𑑅 𑐰 𑐥𑑂𑐬𑐡𑐹𑐲𑐞𑑄 𑐫𑐵𑐂𑐐𑐸 𑐎𑑂𑐲𑐟𑐶𑐥𑐵𑐏𑐾𑑄 𑐬𑐎𑑂𑐲𑐵 𑐫𑐵𑐣𑐵𑐟𑐂 𑑋

𑑖) 𑐥𑑂𑐰𑐵𑐠𑐫𑑂 𑐡𑐫𑐵𑐔𑑂𑐰𑐣𑐷𑐧𑐮𑐫𑑂 : 𑐠𑐸𑐎𑐷 𑐡𑐸𑐐𑐸 𑐦𑑀𑐮𑐾𑐚 𑐩𑐶𑐳𑐵𑐟𑐫𑑂𑐐𑐸 𑐣𑐶𑑄𑐟𑐶𑑄 𑐥𑑂𑐰𑐵𑐠𑐫𑑂 𑐡𑐸𑐐𑐸 𑐱𑐸𑐬𑐸 𑐱𑐸𑐬𑐸𑐫𑐵 𑐃𑐫𑐵𑐟 𑐩𑐵𑑅 𑑋 𑐦𑑀𑐮𑐾𑐚𑑄 𑐥𑑂𑐰𑐵𑐠𑐫𑑂 𑐔𑑂𑐰𑑄𑐪 𑐩𑐔𑐵𑐫𑐵 𑐟𑐣𑑂𑐟𑑂𑐬𑐶𑐎𑐵 𑐚𑑂𑐫𑐹𑐧𑐫𑑂 𑐰𑐂𑐐𑐸 𑐠𑐷𑐠𑐷 𑐡𑑀𑐲𑐫𑐵 𑐖𑑀𑐏𑐶𑐩𑐫𑐵𑐟 𑐎𑐩 𑐫𑐵𑐫𑐾𑐦𑐂 𑑋

𑑗) 𑐎𑑂𑐫𑐵𑐣𑑂𑐳𑐬𑐫𑐵𑐟 𑐥𑐣𑐾𑐟 : 𑐎𑐸𑐬𑐶𑐮𑐫𑑂 𑐡𑐸𑐐𑐸 𑐳𑐮𑑂𑐦𑑀𑐬𑐵𑐦𑐾𑐣𑑄 𑐎𑑂𑐫𑐵𑐣𑑂𑐳𑐬𑐫𑐵𑐟 𑐥𑐣𑐾𑐟 𑐐𑑂𑐰𑐵𑐴𑐵𑐮𑐶 𑐫𑐵𑐂 𑑋 𑐎𑐸𑐬𑐶𑐮𑐫𑑂 𑐫𑐎𑑂𑐰 𑐩𑐵𑐟𑑂𑐬𑐵𑐫𑑂 𑐊𑐣𑑂𑐚𑐶𑐀𑐎𑑂𑐳𑐶𑐜𑐾𑐣𑑂𑐚 𑐰 𑐊𑐣𑑂𑐚𑐶 𑐂𑐣𑑂𑐦𑑂𑐮𑐵𑐩𑐾𑐚𑐬𑐷𑐖 𑐣𑑄 𑐡𑐸, 𑐐𑐸𑐎𑐶𑑄 𑐎𑑂𑐫𑐵𑐣𑑂𑐳𑐬𑐫𑐵 𑐖𑑀𑐏𑐶𑐩 𑐎𑐩 𑐫𑐵𑐫𑐾𑐟 𑐐𑑂𑐰𑐵𑐴𑐵𑐮𑐶 𑐫𑐵𑐣𑐵𑐔𑑂𑐰𑐣𑐷 𑑋

𑑘) 𑐴𑑂𑐫𑐵𑑄𑐐𑐌𑐨𑐬𑐫𑐵 𑐄𑐥𑐔𑐵𑐬 : 𑐎𑐸𑐬𑐶𑐮𑐫𑑂 𑐡𑐸𑐐𑐸 𑐩𑐶𑐣𑐬𑐮𑑂𑐳 𑐰 𑐀𑐩𑐶𑐣𑑀 𑐊𑐳𑐶𑐜𑑄 𑐴𑑂𑐫𑐵𑑄𑐐 𑐌𑐨𑐬𑐫𑐵𑐟 𑐥𑐣𑐾𑐟 𑐐𑑂𑐰𑐵𑐴𑐵𑐮𑐶 𑐫𑐵𑐫𑐾𑐦𑐸 𑑋 𑐀𑐮𑐾 𑐀𑐮𑑂𑐎𑑀𑐴𑐮𑐫𑑂 𑐡𑐸𑐐𑐸 𑐠𑐷𑐠𑐷 𑐰𑐶𑐲𑐵𑐎𑑂𑐟 𑐥𑐡𑐵𑐬𑑂‍𑐠𑐥𑐵𑐏𑐾𑑄 𑐕𑐵𑐟𑐶𑐫𑐵 𑐎𑑀𑐲𑐫𑐵𑐟 𑐳𑐸𑐬𑐎𑑂𑐲𑐶𑐟 𑐫𑐵𑐫𑐾𑐦𑐂 𑑋
𑐠𑐸𑐮𑐶 𑐧𑐵𑐴𑐾𑐎 𑐎𑐸𑐬𑐶𑐮𑑄 𑐎𑑂𑐰𑐫𑑂 𑐤𑑂𑐫𑐠𑐣𑐵𑐐𑐸 𑐳𑑂𑐠𑐶𑐟𑐶𑐂 𑐣𑑄 𑐐𑑂𑐰𑐵𑐴𑐵𑐮𑐶 𑐫𑐵𑐫𑐾𑐦𑐸–
𑐳𑐵𑐴𑐵 𑐳𑐵𑐴𑐵 𑐳𑑂𑐫𑐵𑐂𑐐𑐸, 𑐣𑐳𑐵 𑐳𑑂𑐫𑐵𑐂𑐐𑐸, 𑐀𑐠𑐰𑐵 𑐣𑑂𑐫𑐹 𑐬𑐶𑐚𑐶𑐳, 𑐀𑐥𑐔, 𑐟𑐣𑑂𑐟𑑂𑐬𑐶𑐎𑐵 𑐰𑐶𑐎𑐵𑐬, 𑐩𑐶𑐳𑐵 𑐴𑐵𑐬𑑂‍𑐩𑑀𑐣𑐫𑐵 𑐀𑐳𑐣𑑂𑐟𑐸𑐮𑐣, 𑐎𑐧𑑂𑐖𑐶𑐫𑐟, 𑐐𑑂𑐫𑐵𑐳𑑂𑐚𑑂𑐬𑐶𑐎 𑐀𑐮𑑂𑐳𑐬, 𑐕𑐵𑐟𑐶 𑐳𑐩𑑂𑐧𑐣𑑂𑐢𑐶 𑐰𑐶𑐎𑐵𑐬, 𑐜𑐶𑐥𑑂𑐬𑐾𑐳𑐣, 𑐴𑐵𑐂𑐎𑑀𑐮𑐾𑐳𑑂𑐚𑑂𑐬𑑀𑐮, 𑐊𑐔𑐁𑐂𑐨𑐷 𑐳𑑄𑐎𑑂𑐬𑐩𑐞, 𑐴𑐵𑐂 𑐧𑑂𑐮𑐜𑐥𑑂𑐬𑐾𑐳𑐬 𑐁𑐡𑐶 𑑋

𑐳𑐵𑐰𑐢𑐵𑐣 :
𑐐𑐸𑐥𑐶𑑄 𑐩𑐣𑐹𑐟𑐫𑑂𑐟 𑐥𑑂𑐫𑐵𑐖, 𑐮𑐵𑐨𑐵 𑐰 𑐩𑐾𑐩𑐾𑐐𑐸 𑐳𑐩𑑂𑐧𑐣𑑂𑐢𑐶𑐟 𑐟𑐬𑐎𑐵𑐬𑐶𑑄 𑐊𑐮𑐬𑑂‍𑐖𑐶 𑐖𑐸𑐂𑐐𑐸 𑐏𑑅, 𑐄𑐩𑐶𑐳𑑄 𑐎𑐸𑐬𑐶𑐮 𑐣𑐫𑐾𑐩𑐖𑐶𑐄 𑑋 𑐕𑐵𑐫𑑂𑐎𑐶 𑐠𑑂𑐰 𑐮𑐷𑐮𑐵𑐳𑐷 𑐥𑐬𑐶𑐰𑐵𑐬𑐫𑐵 𑐴𑐾 𑐕𑐐𑐹 𑐧𑑂𑐰 𑐏𑑅 𑑋