𑐎𑐸𑐚𑐸𑐩𑑂𑐧 𑐧𑑂𑐫𑐵𑐣𑑂𑐜 𑐰 𑐁𑐂𑐊𑐳𑐊𑐳𑐥𑐵𑐏𑐾𑑄 𑐱𑐿𑐎𑑂𑐲𑐶𑐎 𑐳𑐵𑐩𑐐𑑂𑐬𑐷 𑐰𑐶𑐟𑐬𑐞

𑐣𑐾𑐥𑐵𑑅𑐫𑐵 𑐣𑐵𑑄𑐖𑐵𑑅𑐐𑐸 𑐳𑐵𑑄𑐐𑐷𑐟𑐶𑐎 𑐥𑐸𑐔𑑅 𑐎𑐸𑐚𑐸𑐩𑑂𑐧 𑐰 𑐂𑐣𑑂𑐚𑐬𑐣𑐾𑐱𑐣𑐮 𑐳𑐵𑐄𑐞𑑂𑐜 𑐳𑐬𑑂𑐨𑐶𑐳 (𑐁𑐃𑐊𑐳𑐊)𑐥𑐵𑐏𑐾𑑄 𑐎𑐵𑐨𑐾𑑂𑐬𑐥𑐮𑐵𑐘𑑂𑐔𑑀𑐎𑐫𑐵 𑐧𑐾𑐠𑐵𑐣𑐔𑑀𑐎 𑐐𑐵𑐄𑑃𑐥𑐵𑐮𑐶𑐎𑐵 𑐰𑐜𑐵 𑐣𑑄. 𑑓 𑐧𑐾𑐠𑐵𑐣𑐔𑑀𑐎 𑐣𑐵𑐬𑐵𑐫𑐞 𑐁𑐢𑐵𑐬𑐨𑐹𑐟 𑐰𑐶𑐡𑑂𑐫𑐵𑐮𑐫𑐫𑐵 𑐰𑐶𑐡𑑂𑐫𑐵𑐬𑑂𑐠𑐷𑐥𑐶𑑄𑐟 𑐱𑐿𑐎𑑂𑐲𑐶𑐎 𑐳𑐵𑐩𑐐𑑂𑐬𑐷 𑐮𑑅𑐮𑑂𑐴𑐵𑑅𑐐𑐸 𑐡𑐸 𑑋 𑐎𑐸𑐚𑐸𑐩𑑂𑐧 𑐰 𑐁𑐃𑐊𑐳𑐊𑐳𑑄 𑐄𑐐𑐸 𑐰𑐶𑐡𑑂𑐫𑐵𑐮𑐫𑐫𑐵 𑑑𑑑𑑗 𑐩𑑂𑐴 𑐰𑐶𑐡𑑂𑐫𑐵𑐬𑑂𑐠𑐷𑐫𑐵𑐟 𑐳𑑂𑐎𑐸𑐮 𑐧𑑂𑐫𑐵𑐐, 𑐳𑑂𑐚𑐾𑐱𑐣𑐬𑐷 𑐮𑐐𑐵𑐫𑐟𑐫𑐵 𑐱𑐿𑐎𑑂𑐲𑐶𑐎 𑐳𑐵𑐩𑐐𑑂𑐬𑐷 𑐮𑑅𑐮𑑂𑐴𑐵𑑅𑐐𑐸 𑐏𑑅 𑑋

𑐧𑐾𑐠𑐵𑐣𑐔𑑀𑐎 𑐐𑐵𑐄𑑃𑐥𑐵𑐮𑐶𑐎𑐵 𑐰𑐜𑐵 𑐣. 𑑓 𑐰𑐜𑐵𑐀𑐢𑑂𑐫𑐎𑑂𑐲 𑐎𑐸𑐧𑐾𑐬 𑐝𑐎𑐵𑐮𑐫𑐵 𑐥𑑂𑐬𑐩𑐸𑐏 𑐁𑐟𑐶𑐠𑑂𑐫𑐟𑐵𑐫𑑂 𑐖𑐹𑐐𑐸 𑐕𑐐𑐹 𑐖𑑂𑐫𑐵𑐗𑑂𑐰𑑅𑐫𑐵 𑐡𑐠𑐸𑐂 𑐎𑐸𑐚𑐸𑐩𑑂𑐧 𑐳𑐵𑑄𑐐𑐷𑐟𑐶𑐎 𑐥𑐸𑐔𑑅𑐫𑐵 𑐥𑐧𑐶𑐟 𑐩𑐴𑐬𑑂𑐖𑐣 𑐰 𑐁𑐂𑐊𑐳𑐊𑐳𑐫𑐵 𑐳𑐸𑐬𑐾𑐱 𑐱𑐵𑐎𑑂𑐫𑑄 𑐩𑑄𑐎𑐵𑑅𑐎𑐠𑑄 𑐰𑐶𑐡𑑂𑐫𑐵𑐮𑐫𑐫𑐵 𑐥𑑂𑐬𑐢𑐵𑐣𑐵𑐢𑑂𑐫𑐵𑐥𑐎 𑐳𑐶𑐟𑐵𑐬𑐵𑐩 𑐮𑐵𑐩𑐵𑐫𑐵𑐟 𑐱𑐿𑐎𑑂𑐲𑐶𑐎 𑐳𑐵𑐩𑐐𑑂𑐬𑐷 𑐮𑑅𑐮𑑂𑐴𑐵𑐣𑐵𑐡𑐷𑐐𑐸 𑐏𑑅 𑑋

𑐄𑐐𑐸 𑐂𑐮𑐫𑑂 𑐎𑐸𑐚𑐸𑐩𑑂𑐧𑐫𑐵 𑐩𑐴𑐬𑑂𑐖𑐣𑑄 𑐠𑑅𑐥𑐶𑐣𑐶𑐐𑐸 ‘𑐳𑑂𑐎𑐸𑐮 𑐚𑐸 𑐳𑑂𑐎𑐸𑐮’ 𑐖𑑂𑐫𑐵𑐗𑑂𑐰𑑅 𑐀𑐣𑑂𑐟𑐬𑑂𑐐𑐟 𑐄𑐐𑐸 𑐱𑐿𑐎𑑂𑐲𑐶𑐎 𑐳𑐵𑐩𑐐𑑂𑐬𑐷 𑐮𑑅𑐮𑑂𑐴𑐵𑐣𑐵𑐐𑐸 𑐖𑐵𑐣𑐎𑐵𑐬𑐷 𑐧𑐶𑐫𑐵𑐡𑐷𑐐𑐸 𑐏𑑅𑐳𑐵 𑐁𑐂𑐊𑐳𑐊𑐳𑐫𑐵 𑐱𑐵𑐎𑑂𑐫𑑄 𑐠𑑅𑐥𑐶𑐣𑐶𑐐𑐸 𑐳𑐵𑐩𑐵𑐖𑐶𑐎 𑐄𑐟𑑂𑐟𑐬𑐡𑐵𑐫𑐶𑐟𑑂𑐰 𑐀𑐣𑑂𑐟𑐬𑑂𑐐𑐟 𑐰𑐶𑐡𑑂𑐫𑐵𑐬𑑂𑐠𑐷𑐥𑐶𑑄𑐟 𑐀𑐢𑑂𑐫𑐫𑐣 𑐳𑐵𑐩𑐐𑑂𑐬𑐷 𑐮𑑅𑐮𑑂𑐴𑐵𑐣𑐵𑐐𑐸 𑐖𑐵𑐣𑐎𑐵𑐬𑐷 𑐧𑐶𑐫𑐵𑐡𑐷𑐐𑐸 𑐏𑑅 𑑋

𑐥𑑂𑐬𑐢𑐵𑐣𑐵𑐢𑑂𑐫𑐵𑐥𑐎 𑐮𑐵𑐩𑐵𑑄 𑐰𑐶𑐡𑑂𑐫𑐵𑐬𑑂𑐠𑐷𑐟𑐫𑑂 𑐥𑐛𑐣𑐥𑐵𑐛𑐣 𑐳𑐴𑐖 𑐫𑐵𑐫𑐾𑐟 𑐎𑐸𑐚𑐸𑐩𑑂𑐧 𑐰 𑐁𑐂𑐊𑐳𑐊𑐳𑑄 𑐫𑐵𑑅𑐐𑐸 𑐐𑑂𑐰𑐵𑐴𑐵𑐮𑐶𑑄 𑐰𑐶𑐡𑑂𑐫𑐵𑐬𑑂𑐠𑐷𑐟𑐫𑑂𑐟 𑐁𑐏𑑅 𑐧𑑂𑐰𑐣𑐾𑐟 𑐠𑐥 𑐴𑑁𑐳𑐮𑐵 𑐰 𑐥𑐾𑑂𑐬𑐬𑐞𑐵 𑐧𑐷𑐐𑐸 𑐰𑐶𑐱𑑂𑐰𑐵𑐳 𑐥𑑂𑐰𑑄𑐎𑐵𑐡𑐶𑐳𑐾𑑄 𑐐𑑂𑐰𑐵𑐴𑐵𑐮𑐶𑐫𑐵 𑐣𑐶𑑄𑐟𑐶𑑄 𑐣𑐶𑐐𑐸𑐮𑐶𑑄 𑐳𑑄𑐳𑑂𑐠𑐵𑐥𑑂𑐬𑐟𑐶 𑐁𑐨𑐵𑐬 𑐥𑑂𑐰𑑄𑐎𑐵𑐡𑐶𑐮 𑑋