𑐎𑐰𑐶 𑐱𑑂𑐬𑐾𑐲𑑂𑐛𑐫𑐵 𑐢𑐸𑐮𑐫𑑂 𑐢𑐹 𑐥𑐶𑐡𑐣

𑐣𑐾𑐥𑐵𑐮𑐨𑐵𑐲𑐵𑐫𑐵 𑐁𑐢𑐸𑐣𑐶𑐎 𑐎𑐰𑐶 𑐱𑑂𑐬𑐷𑐬𑐵𑐩 𑐱𑑂𑐬𑐾𑐲𑑂𑐛𑐫𑐵 𑐔𑐶𑐣𑐵𑐏𑑃 𑐩𑐸𑐣𑐵 𑐳𑐦𑐹 𑐢𑐸𑐮𑐫𑑂 𑐢𑐹’ 𑐰𑑄𑐐𑐸 𑐱𑐣𑐶𑐰𑐵𑑅 𑐕𑐐𑐹 𑐖𑑂𑐫𑐵𑐗𑑂𑐰𑑅𑐫𑐵 𑐡𑐠𑐸𑐂 𑐥𑐶𑐟𑐧𑑂𑐰𑐖𑑂𑐫𑐵 𑐖𑐸𑐮 𑑋 𑐣𑐾𑐥𑐵𑐮𑐨𑐵𑐲𑐵 𑐥𑐬𑐶𑐲𑐡𑑂𑐫𑐵 𑐳𑐮𑑂𑐮𑐵𑐴𑐎𑐵𑐬𑐮𑐶𑐳𑐾𑑄 𑐨𑐵𑐲𑐵 𑐖𑐰𑐵𑑅 𑐦𑐞𑐶𑐣𑑂𑐡𑑂𑐬𑐬𑐟𑑂𑐣 𑐰𑐖𑑂𑐬𑐵𑐔𑐵𑐬𑑂𑐫𑑄 𑐎𑐰𑐶 𑐱𑑂𑐬𑐾𑐲𑑂𑐛𑐫𑐵 𑐳𑐦𑐹𑐫𑐵 𑐥𑐶𑐟𑐧𑑂𑐰𑐖𑑂𑐫𑐵 𑐫𑐵𑐣𑐵𑐡𑐷𑐐𑐸 𑐏𑑅 𑑋

𑐥𑐬𑐶𑐲𑐡𑑂𑐫𑐵 𑐕𑑂𑐫𑐵𑐘𑑂𑐖𑐾 𑐥𑐸𑐲𑑂𑐥𑐬𑐟𑑂𑐣 𑐟𑐸𑐮𑐵𑐢𑐬𑐫𑐵 𑐳𑐨𑐵𑐥𑐟𑐶𑐟𑑂𑐰𑐫𑑂 𑐣𑑂𑐴𑑂𑐫𑐵𑑅𑐐𑐸 𑐖𑑂𑐫𑐵𑐗𑑂𑐰𑐮𑐫𑑂 𑐡𑐵𑑄𑐨𑐬𑐶𑑄 𑐩𑑄𑐐𑐮𑐵 𑐎𑐵𑐬𑑄𑐖𑐶𑐟𑑄 𑐮𑐳𑐎𑐸𑐳 𑐫𑐵𑐣𑐵𑐡𑐷𑐐𑐸 𑐏𑑅 𑑋 𑐖𑑂𑐫𑐵𑐗𑑂𑐰𑐮𑐫𑑂 𑐳𑐵𑐴𑐶𑐟𑑂𑐫𑐎𑐵𑐬𑐮𑐶𑐳𑐾𑑄 𑐰𑐬𑐶𑐲𑑂𑐛 𑐳𑐩𑐵𑐮𑑀𑐔𑐎𑐡𑑂𑐰𑐫 𑐥𑐸𑐲𑑂𑐥 𑐔𑐶𑐟𑑂𑐬𑐎𑐵𑐬 𑐰 𑐥𑐹𑐬𑑂𑐞𑐎𑐵𑐖𑐷 𑐟𑐵𑐩𑑂𑐬𑐵𑐎𑐵𑐬𑑄 𑐥𑐶𑐟𑐧𑑂𑐰𑐖𑑂𑐫𑐵 𑐖𑐹𑐐𑐸 𑐳𑐦𑐹𑐫𑐵𑐟 𑐎𑐫𑐵𑑅 𑐰𑐶𑐱𑑂𑐮𑐾𑐲𑐞𑐵𑐟𑑂𑐩𑐎 𑐳𑐩𑐷𑐎𑑂𑐲𑐵 𑐫𑐵𑐣𑐵𑐡𑐶𑐳𑐾𑑄 𑐳𑐵𑐴𑐶𑐟𑑂𑐫𑐫𑐵 𑐠𑐷𑐠𑐷 𑐰𑐶𑐢𑐵𑐩𑐢𑑂𑐫𑐾 𑐎𑐰𑐶𑐟𑐵 𑐰𑐶𑐱𑑂𑐰𑐫𑑂 𑐔𑑂𑐰𑐣𑑂𑐴𑑂𑐫𑐵𑑅𑐐𑐸 𑐰𑐶𑐢𑐵 𑐖𑐹𑐐𑐸 𑐰 𑐄𑐎𑐶𑐫𑐵 𑐕𑐐𑐹 𑐡𑐳𑐶 𑐄𑐐𑐸 𑐳𑐦𑐹 𑐏𑑅 𑐢𑐫𑐵𑐡𑐶𑐮 𑑋

𑐖𑑂𑐫𑐵𑐗𑑂𑐰𑐮𑐫𑑂 𑐎𑐰𑐶 𑐱𑑂𑐬𑐾𑐲𑑂𑐛𑑄 𑐣𑑄 𑐳𑐦𑐹𑐫𑐵𑐟 𑐎𑐫𑐵𑑅 𑐣𑐸𑐐𑑅𑐏𑑃 𑐥𑑂𑐰𑑄𑐎𑐵𑐡𑐷𑐐𑐸 𑐏𑑅 𑑋