𑐎𑐰𑐫𑐶𑐟𑑂𑐬𑐷 𑐬𑐖𑐣𑐷 𑐩𑐶𑐮𑐵𑐫𑐵 𑐔𑐶𑐣𑐵𑐏𑑃 𑐩𑐸𑐣𑐵 𑐰𑐶𑐩𑑀𑐔𑐶𑐟

𑐎𑐰𑐫𑐶𑐟𑑂𑐬𑐷 𑐬𑐖𑐣𑐷 𑐩𑐶𑐮𑐵𑐫𑐵 𑐔𑐶𑐣𑐵𑐏𑑃 𑐩𑐸𑐣𑐵 ‘𑐳𑑂𑐰𑐳𑑂𑐰𑑄 𑐟𑐣𑐵𑐰𑑄𑐐𑐸 𑐳𑐬𑑂𑐐𑑅’𑐫𑐵 𑐰𑐶𑐩𑑀𑐔𑐣 𑐖𑐹𑐐𑐸 𑐡𑐸 𑑋 𑐣𑐾𑐥𑐵𑐮𑐨𑐵𑐲𑐵 𑐊𑐎𑐾𑐡𑐾𑐩𑐶𑑄 𑐥𑐶𑐠𑑄𑐐𑐸 𑐳𑐦𑐹 𑐱𑐣𑐶𑐰𑐵𑑅 𑐕𑐐𑐹 𑐖𑑂𑐫𑐵𑐗𑑂𑐰𑑅𑐫𑐵 𑐡𑐠𑐸𑐂 𑐊𑐎𑐾𑐡𑐾𑐩𑐶𑐫𑐵 𑐴𑐮𑐫𑑂 𑐳𑐩𑐵𑐮𑑀𑐔𑐎, 𑐨𑐵𑐲𑐵𑐰𑐶𑐡𑑂 𑐖𑑂𑐫𑑀𑐟𑐶𑐥𑑂𑐬𑐨𑐵 𑐟𑐸𑐮𑐵𑐢𑐬𑑄 𑐰𑐶𑐩𑑀𑐔𑐣 𑐫𑐵𑐣𑐵𑐡𑐷𑐐𑐸 𑐏𑑅 𑑋

𑐊𑐎𑐾𑐡𑐾𑐩𑐶𑐫𑐵 𑐨𑐵𑐂𑐳 𑐔𑐵𑐣𑑂𑐳𑐮𑐬 𑐩𑐮𑑂𑐮 𑐎𑐾 𑐳𑐸𑐣𑑂𑐡𑐬𑐫𑐵 𑐳𑐨𑐵𑐥𑐟𑐶𑐟𑑂𑐰𑐫𑑂 𑐖𑐹𑐐𑐸 𑐖𑑂𑐫𑐵𑐗𑑂𑐰𑐮𑐫𑑂 𑐩𑐹 𑐥𑐵𑐴𑐵𑑃 𑐟𑐸𑐮𑐵𑐢𑐬 𑐮𑐶𑐳𑐾𑑄 𑐥𑐵𑐴𑐵𑑃𑐥𑐶𑑄 𑐰𑐬𑐶𑐲𑑂𑐛 𑐳𑐩𑐵𑐮𑑀𑐔𑐎 𑐰 𑐨𑐵𑐲𑐵𑐰𑐶𑐡𑑂 𑐜𑐵. 𑐳𑐸𑐣𑑂𑐡𑐬𑐎𑐺𑐲𑑂𑐞 𑐖𑑀𑐱𑐷, 𑐮𑐸𑐩𑑂𑐧𑐶𑐣𑐷 𑐧𑑁𑐡𑑂𑐢 𑐰𑐶𑐱𑑂𑐰𑐰𑐶𑐡𑑂𑐫𑐵𑐮𑐫𑐫𑐵 𑐜𑐶𑐣 𑐩𑐵𑐞𑐶𑐎𑐬𑐟𑑂𑐣 𑐱𑐵𑐎𑑂𑐫, 𑐣𑐾𑐥𑐵𑐮 𑐥𑑂𑐬𑐖𑑂𑐘𑐵 𑐥𑑂𑐬𑐟𑐶𑐲𑑂𑐛𑐵𑐣𑐫𑐵 𑐥𑐸𑐮𑐵𑑄𑐩𑑂𑐴 𑐥𑑂𑐬𑐵𑐖𑑂𑐘 𑐮𑐎𑑂𑐲𑑂𑐩𑐷 𑐩𑐵𑐮𑐷, 𑐎𑐰𑐫𑐶𑐟𑑂𑐬𑐷 𑐥𑑂𑐬𑐟𑐶𑐳𑐬𑐵 𑐳𑐵𑐫𑑂𑐩𑐶𑐥𑐶𑑄𑐳𑑄 𑐰𑐶𑐩𑑀𑐔𑐶𑐟 𑐔𑐶𑐣𑐵𑐏𑑃 𑐩𑐸𑐣𑐵𑐫𑐵𑐟 𑐎𑐫𑐵𑑅 𑐣𑑂𑐰𑐰𑐵𑐣𑐵𑐡𑐷𑐐𑐸 𑐏𑑅 𑑋

𑐊𑐎𑐾𑐡𑐾𑐩𑐶𑐫𑐵 𑐳𑐡𑐳𑑂𑐫 𑐳𑐔𑐶𑐰 𑐜𑐵. 𑐥𑐸𑐲𑑂𑐥𑐬𑐵𑐖 𑐬𑐵𑐖𑐎𑐬𑑂𑐞𑐶𑐎𑐵𑐬𑑄 𑐮𑐳𑐎𑐸𑐳 𑐫𑐵𑐣𑐵𑐡𑐷𑐐𑐸 𑐖𑑂𑐫𑐵𑐗𑑂𑐰𑐮𑐫𑑂 𑐥𑑂𑐬𑐟𑐶𑐳𑐬𑐵 𑐳𑐵𑐫𑑂𑐩𑐶, 𑐰𑐶𑐣𑐶𑐟𑐵 𑐰𑐖𑑂𑐬𑐵𑐔𑐵𑐬𑑂𑐫, 𑐰𑐶𑐣𑐵 𑐣𑐾𑐩𑑂𑐎𑐸𑐮𑐥𑐶𑑄𑐳𑑄 𑐳𑐦𑐸𑐮𑐶𑐂 𑐡𑐸𑐠𑑂𑐫𑐵𑑅𑐐𑐸 𑐔𑐶𑐣𑐵𑐏𑑃 𑐣𑑄 𑐧𑑂𑐰𑐣𑐵𑑅 𑐣𑑂𑐫𑑄𑐎𑐹𑐐𑐸 𑐏𑑅 𑑋