𑐎𑐣𑑂𑐫𑐵 𑐩𑐣𑑂𑐡𑐶𑐬𑐫𑑂 𑐣𑐾𑐥𑐵𑐮𑐨𑐵𑐲𑐵 𑐣𑑂𑐴𑑂𑐫𑐳𑑅 𑐮𑐶𑐳𑑅 𑐎𑐵𑐳𑐵

𑐃𑐮𑑀𑐴𑑄 𑐥𑑂𑐬𑐎𑐵𑐱𑐣𑐫𑐵 𑐐𑑂𑐰𑐳𑐵𑐮𑐫𑑂 𑐰 𑐣𑐾𑐥𑐵𑐮𑐨𑐵𑐲𑐵 𑐱𑐶𑐎𑑂𑐲𑐞 𑐳𑐴𑐵𑐫𑐎 𑐥𑐬𑑀𑐥𑐎𑐵𑐬 𑐥𑐸𑐔𑑅𑐫𑐵 𑐐𑑂𑐰𑐳𑐵𑐮𑐫𑑂 𑐠𑐣𑐫𑐵 𑐣𑑂𑐴𑑂𑐫𑑅𑐏𑐵𑐫𑑂 𑐔𑑂𑐰𑑄𑐐𑐸 𑐎𑐣𑑂𑐫𑐵 𑐩𑐣𑑂𑐡𑐶𑐬 𑐩𑐵𑐢𑑂𑐫𑐩𑐶𑐎 𑐰𑐶𑐡𑑂𑐫𑐵𑐮𑐫𑐫𑑂 𑐃𑐮𑑀𑐴𑑄 𑐣𑐾𑐥𑐵𑐮𑐨𑐵𑐲𑐵 𑐣𑑂𑐴𑑂𑐫𑐳𑑅 𑐮𑐶𑐳𑑅 𑐎𑐵𑐳𑐵 𑐰𑑄𑐐𑐸 𑐰𑐶𑐴𑐷𑐰𑐵𑑅 𑐖𑐸𑐮 𑑋

𑐣𑐾𑐥𑐵𑐮𑐨𑐵𑐲𑐵 𑐱𑐶𑐎𑑂𑐲𑐞 𑐳𑐴𑐵𑐫𑐎 𑐥𑐬𑑀𑐥𑐎𑐵𑐬 𑐥𑐸𑐔𑐮𑑄 𑐧𑑂𑐰𑑄𑐎𑐵 𑐰𑐫𑐵𑐔𑑂𑐰𑑄𑐐𑐸 𑐧𑑂𑐰𑐣𑐾𑐎𑐸𑐠𑐶𑐫𑐵 𑐡𑐠𑐸𑐂 𑐖𑐹𑐐𑐸 𑐣𑑂𑐴𑑂𑐫𑐳𑑅 𑐮𑐶𑐳𑑅 𑐎𑐵𑐳𑐵𑐫𑑂 𑐎𑐣𑑂𑐫𑐵 𑐩𑐣𑑂𑐡𑐶𑐬 𑐩𑐵. 𑐰𑐶., 𑐣𑐾𑐥𑐵𑐮 𑐁𑐡𑐬𑑂𑐱 𑐩𑐵. 𑐰𑐶., 𑐖𑐾. 𑐥𑐶. 𑐴𑐵𑐂𑐳𑑂𑐎𑐸𑐮, 𑐧𑐵𑐮𑐳𑐾𑐰𑐵 𑐩𑐵. 𑐰𑐶., 𑐩𑐴𑐾𑐣𑑂𑐡𑑂𑐬 𑐬𑐵𑐲𑑂𑐚𑑂𑐬𑐶𑐫 𑐩𑐵. 𑐰𑐶., 𑐱𑑂𑐬𑐷 𑐣𑐰 𑐖𑐵𑐐𑐺𑐟𑐶 𑐩𑐵 𑐰𑐶, 𑐟𑐬𑐸𑐞 𑐩𑐵 𑐰𑐶, 𑐎𑐸𑐮𑐾𑐱𑑂𑐰𑐬 𑐩𑐵. 𑐰𑐶.,𑐱𑑂𑐬𑐷 𑐚𑑄𑐐𑐵𑐮 𑐩𑐵 𑐰𑐶, 𑐖𑑂𑐘𑐵𑐣𑑀𑐡𑐫 𑐩𑐵. 𑐰𑐶., 𑐱𑐵𑐣𑑂𑐟𑐶𑐱𑐶𑐎𑑂𑐲𑐵 𑐩𑐣𑑂𑐡𑐶𑐬, 𑐱𑑂𑐬𑐷 𑐳𑐬𑑂𑐰𑐾𑐱𑑂𑐰𑐬 𑐁𑐢𑐵𑐬𑐨𑐹𑐟 𑐰𑐶𑐡𑑂𑐫𑐵𑐮𑐫, 𑐃𑐱𑑂𑐰𑐬 𑐥𑑂𑐬𑐵. 𑐰𑐶., 𑐬𑐵𑐲𑑂𑐚𑑂𑐬𑐶𑐫 𑐁𑐢𑐵𑐬𑐨𑐹𑐟 𑐰𑐶, 𑐮𑑀𑐎𑐴𑐶𑐟 𑐁𑐢𑐵𑐬𑐨𑐸𑐟 𑐰𑐶, 𑐩𑐴𑐾𑐣𑑂𑐡𑑂𑐬 𑐧𑑁𑐡𑑂𑐢 𑐩𑐵. 𑐰𑐶., 𑐱𑑂𑐬𑐷 𑐎𑐩𑐮 𑐁𑐢𑐵𑐬𑐨𑐹𑐟 𑐰𑐶𑐡𑑂𑐫𑐵𑐮𑐫, 𑐥𑑄𑐔𑐎𑐣𑑂𑐫𑐵 𑐩𑐵. 𑐰𑐶., 𑐱𑑂𑐬𑐷 𑐎𑐺𑐲𑑂𑐞𑐩𑐣𑑂𑐡𑐶𑐬 𑐁𑐢𑐵𑐬𑐨𑐹𑐟 𑐰𑐶, 𑐐𑐷𑐟𑐵𑐩𑐵𑐟𑐵 𑐩𑐵. 𑐰𑐶., 𑐣𑐣𑑂𑐡𑐶 𑐩𑐵. 𑐰𑐶. 𑐰 𑐢𑐸𑐩𑑂𑐬𑐰𑐬𑐵𑐴 𑐩𑐵. 𑐰𑐶.𑐮𑐐𑐵𑐫𑐟 𑐣𑐷𑐣𑐶𑐐𑐹 𑐧𑑂𑐰𑐣𑐾𑐎𑐸𑐠𑐶𑑄 𑐎𑐵𑐳𑐵𑐫𑑂 𑐧𑑂𑐰𑐟𑐶𑐎𑐵𑑅𑐐𑐸 𑐏𑑅 𑑋

𑐥𑑂𑐫𑑄𑐐𑐹 𑐰 𑐣𑑂𑐫𑐵𑐐𑐹 𑐟𑐐𑐶𑑄𑐫𑐵 𑐕𑐩𑑂𑐴 𑐕𑐩𑑂𑐴 𑐧𑑂𑐰𑑃𑐩𑐶𑐫𑐵𑐟 𑐡𑐸𑐠𑑂𑐫𑐵𑐎𑐵𑑅 𑐖𑐹𑐐𑐸 𑐎𑐵𑐳𑐵𑐫𑑂 𑐫𑐾𑑃 𑐩𑐴𑐵𑐣𑐐𑐬𑐥𑐵𑐮𑐶𑐎𑐵𑑄 𑐮𑐵𑐐𑐹 𑐫𑐵𑐣𑐵𑐟𑑅𑐐𑐸 𑐳𑑂𑐠𑐵𑐣𑐷𑐫 𑐥𑐵𑐛𑑂𑐫𑐎𑑂𑐬𑐩 ‘𑐫𑐾𑑃 𑐡𑐾𑐫𑑂 𑐩𑑂𑐴𑐳𑐷𑐎𑐾’𑐫𑐵 𑐄𑐐𑐸 𑐴𑐾 𑐟𑐐𑐶𑑄𑐫𑐵 𑐳𑐦𑐹𑐥𑐵𑐏𑐾𑑄 𑐣𑑂𑐴𑑂𑐫𑐳𑑅 𑐮𑐶𑐳𑑅 𑐡𑐫𑐾𑐎𑐵𑑅 𑐎𑐵𑐳𑐵 𑐫𑐵𑑅𑐐𑐸 𑐏𑑅 𑑋 𑐣𑐶𑐐𑐹 𑐔𑐬𑐞𑐫𑑂 𑐣𑑂𑐴𑑂𑐫𑐵𑑅𑐐𑐸 𑐎𑐵𑐳𑐵𑐫𑐵 𑐦𑐵𑐂𑐣𑐮𑐫𑐸 𑐎𑐣𑑂𑐫𑐵 𑐩𑐣𑑂𑐡𑐶𑐬 𑐩𑐵.𑐰𑐶 𑐣𑑂𑐴𑐵𑐥, 𑐱𑐵𑐣𑑂𑐟𑐶 𑐱𑐶𑐎𑑂𑐲𑐵 𑐩𑐣𑑂𑐡𑐶𑐬 𑐩𑐵.𑐰𑐶. 𑐮𑐶𑐄, 𑐖𑑂𑐘𑐵𑐣𑑀𑐡𑐫 𑐩𑐵.𑐰𑐶. 𑐮𑐶𑐫𑐵𑑄𑐮𑐶𑐄 𑐰 𑐳𑐬𑑂𑐰𑐾𑐱𑑂𑐰𑐬 𑐁𑐢𑐵𑐬𑐨𑐹𑐟 𑐰𑐶𑐡𑑂𑐫𑐵𑐮𑐫𑑄 𑐴𑑅𑐥𑐵𑑅 𑐳𑐶𑐬𑐥𑐵𑑅 𑐟𑑂𑐫𑐵𑐎𑐾𑐟 𑐟𑐵𑑅𑐮𑐵𑑅𑐐𑐸 𑐡𑐸 𑑋

𑐫𑐾𑑃 𑐩𑐴𑐵𑐣𑐐𑐬𑐥𑐵𑐮𑐶𑐎𑐵 𑐱𑐶𑐎𑑂𑐲𑐵 𑐰𑐶𑐨𑐵𑐐𑐫𑐵 𑐱𑐶𑐎𑑂𑐲𑐵 𑐀𑐢𑐶𑐎𑐵𑐬𑐷 𑐬𑐵𑐩𑐥𑑂𑐬𑐳𑐵𑐡 𑐳𑐸𑐰𑐾𑐡𑐷𑑄 𑐎𑐵𑐳𑐵𑐫𑑂 𑐟𑑂𑐫𑐵𑑅𑐥𑐶𑑄𑐟 𑐳𑐶𑐬𑐥𑐵𑑅 𑐮𑑅𑐮𑑂𑐴𑐵𑐣𑐵𑐡𑐷𑐐𑐸 𑐏𑑅𑐳𑐵 𑐖𑑂𑐫𑐵𑐗𑑂𑐰𑑅 𑐃𑐮𑑀𑐴𑑄 𑐥𑑂𑐬𑐎𑐵𑐱𑐣𑐫𑐵 𑐰𑑂𑐫𑐰𑐳𑑂𑐠𑐵𑐥𑐎 𑐣𑐵𑐥𑑄 𑐥𑐬𑑀𑐥𑐎𑐵𑐬 𑐥𑐸𑐔𑑅𑐫𑐵 𑐳𑑄𑐫𑑀𑐖𑐎 𑐡𑐬𑑂𑐱𑐣𑐰𑐷𑐬 𑐱𑐵𑐎𑑂𑐫𑐫𑐵 𑐳𑐨𑐵𑐥𑐟𑐶𑐟𑑂𑐰𑐫𑑂 𑐖𑐹𑐐𑐸 𑐏𑑅 𑑋