𑐩𑐾𑐩𑐾𑐐𑐸

𑐩𑑀𑐴𑐣𑐶 𑐣𑐏𑑅

𑐳𑐣 𑐳𑐵𑐫𑐩𑐶 𑐣𑑂𑐴𑑂𑐫𑐏𑑃 𑑅 𑐣𑐾𑐥𑐵𑑅 𑐡𑐾𑐫𑑂𑐫𑐵 𑐟𑑅𑐢𑑄𑐐𑐸 𑐣𑐏𑑅 ‘𑐩𑑀𑐴𑐣𑐷’ 𑐎𑑁𑐮𑐵𑐠𑑂𑐰 𑐥𑐵𑐬𑐸𑐣𑐶𑐳𑐾𑑄 𑐡𑐱𑐩𑐷 𑐟𑐎 𑐗𑑅𑐗𑑅 𑐢𑐵𑐫𑐾𑐎 𑐣𑐾𑐥𑐵𑑅𑐫𑐵 𑐠𑐷𑐠𑐷 𑐖𑐵𑐟𑐶𑑄 𑐠𑑅𑐠𑑅𑐐𑐸 𑐴𑐾 𑐥𑐴𑐮𑑄 𑐴𑐣𑐷 𑑋 𑐳𑑄𑐳𑑂𑐎𑐺𑐟𑐫𑐵 𑐡𑐱𑐩𑐷 𑐏𑑃𑐐𑑂𑐰𑑅 𑐀𑐥𑑂𑐬𑐨𑑄𑐳 𑐖𑐸𑐫𑐵𑑅 𑐡𑐱𑐿𑑄 𑐖𑐹𑐐𑐸 𑐏𑑅 𑑋 𑐩𑑀𑐴𑐣𑐶𑐫𑐵𑐟 𑐡𑐱𑐿𑑄, 𑐧𑐜𑐵 𑐡𑐱𑐿𑑄, 𑐰𑐶𑐖𑐫𑐵 𑐡𑐱𑐩𑐷, 𑐟𑐬𑐵𑐃 𑐰 𑐨𑐵𑐬𑐟𑐫𑑂 𑐡𑐸𑐬𑑂𑐐𑐵 𑐥𑐸𑐖𑐵 𑐣𑑄 𑐢𑐵𑐫𑐾𑐐𑐸 𑐫𑐵𑑅 𑑋 𑐗𑐷𑐐𑐸 𑐡𑐾𑐱𑐫𑑂 𑐡𑑃𑐫𑑂 𑐥𑑂𑐫𑐎𑑅 𑐩𑑀𑐴𑐣𑐶 𑐴𑐣𑐵 𑐰𑐫𑐵𑐔𑑂𑐰𑑄𑐐𑐸 𑐡𑐸 […]

𑐧𑑂𑐰𑐫𑐾𑐎𑐾𑐐𑐸 𑐩𑐏𑐸𑐮𑐵 𑐨𑐸𑐟𑐩𑐵𑐮𑐶

𑐳𑐬𑑂𑐰𑐖𑑂𑐘𑐬𑐟𑑂𑐣 𑐟𑐸𑐮𑐵𑐢𑐬 𑐁𑐎𑐵𑐳𑐫𑑂 𑐥𑑂𑐫𑐵𑐏𑑄 𑐮𑑂𑐴𑐸𑐂, 𑐥𑐵𑐟𑐵𑐮𑐫𑑂 𑐧𑐵𑐖𑑄 𑐠𑐵𑐂 𑐠𑑂𑐰 𑐕𑐸 𑐏𑑅 ? – 𑐢𑐎𑐵𑑅 𑐳𑐸𑐣𑐵𑐣𑑄 𑐎𑑂𑐰𑐵𑑅 𑐣𑑂𑐫𑑃𑐳𑐵 𑐠𑐸𑐎𑐶𑐫𑐵 𑐮𑐶𑐳𑑅 𑐖𑐸𑐂 𑐨𑐸𑐟𑐸𑐩𑐵𑐮𑐶 𑐧𑑂𑐰𑐫𑐎𑐾𑐐𑐸 𑑋 𑐠𑑂𑐰 𑐖𑐸𑐮 𑐣𑐾𑐰𑐵𑑅 𑐎𑑂𑐰𑐵𑑅 𑑋 𑐥𑑂𑐫𑐎𑐸𑑄𑐮𑐵𑑅𑐐𑐸 𑐨𑑂𑐰𑑃𑐫𑐵𑐟 𑐔𑐷𑐥𑐸𑐐𑐸 𑐟𑐶 𑐎𑐠𑐶 𑐣𑐶𑐥𑐸, 𑐕𑐥𑐸 𑐢𑐣𑐸𑐲 𑐠𑐾𑑄 𑐔𑐵𑑅𑐟𑐸𑐂𑐎𑐵𑑅 𑐀𑐮𑐾 𑐩𑐾𑐐𑐸 𑐰𑐵𑐞 𑐠𑐾𑑄 𑐟𑐥𑑂𑐫𑑄𑐎 𑐟𑐫𑐵𑑅 𑐡𑐫𑐾𑐎𑐵𑑅 𑐎𑑅𑐎𑐵𑑅 𑐟𑐫𑐵𑑅 𑐳𑐸𑐎𑐵𑑄 𑐔𑐶𑐣𑐵𑑅 𑐩𑑀𑐴𑐣𑐶𑐧𑐮𑐫𑑂 𑐁𑐎𑐵𑐳𑐫𑑂 𑐧𑑂𑐰𑐫𑐾𑐎𑐾𑐐𑐸𑐫𑐵𑐟 𑐴𑐾 𑐨𑐸𑐟𑐩𑐵𑐮𑐶 𑐧𑑂𑐰𑐫𑐾𑐎𑐾𑐐𑐸 𑐢𑐵𑐂𑐐𑐸 𑐏𑑅 𑑋 𑐨𑐸𑐟𑐩𑐵𑐮𑐶, […]

𑐫𑐾𑑃𑐫𑐵𑑅

𑐳𑐣 𑐳𑐵𑐫𑑂𑐩𑐶 𑐩𑑂𑐴𑐳𑐷𑐎𑐵 𑐣𑐾𑐰𑐵𑑅𑐟𑐫𑑂𑐳𑑄 𑐡𑐕𑐶𑐫𑑄𑐎𑑄 𑐣𑑂𑐫𑐵𑐫𑐾𑐎𑐷𑐐𑐸 𑐣𑐏𑑅𑐔𑐏𑑅 𑐩𑐢𑑂𑐫𑐾𑐫𑑂 𑐫𑐾𑑃𑐫𑐵𑑅 𑐣𑑄 𑐕𑐐𑐹 𑐏𑑅 𑑋 𑐫𑐾𑑃 𑐡𑐾𑐫𑑂𑐫𑐵 𑐟𑑅𑐖𑐶𑐐𑐸 𑐖𑐵𑐟𑑂𑐬𑐵 𑐖𑐹𑐐𑐸𑐮𑐶𑑄 𑐠𑑂𑐰𑐫𑐵𑐟 𑐫𑐾𑑃𑐫𑐵𑑅 𑐢𑐵𑑅𑐐𑐸 𑐏𑑅 𑑋 𑐫𑐾𑑃𑐫𑐵𑑅 𑐫𑑄𑐮𑐵𑐠𑑂𑐰 𑐡𑑂𑐰𑐵𑐡𑐱𑐷𑐣𑐶𑐳𑐾𑑄 𑐫𑑄𑐮𑐵𑐐𑐵 𑐔𑐟𑐸𑐬𑑂𑐠𑐷 𑐔𑑂𑐫𑐵𑐣𑑂𑐴𑐸 𑐫𑑄𑐎 𑐴𑐣𑐷 𑑋 𑐠𑑂𑐰𑐫𑐵𑐟 𑐂𑐣𑑂𑐡𑑂𑐬𑐖𑐵𑐟𑑂𑐬𑐵 𑐣𑑄 𑐢𑐵𑐂 𑑋 𑐏𑐫𑑂𑐟 𑐮𑐵 𑐠𑑂𑐰 𑐖𑐵𑐟𑑂𑐬𑐵 𑐫𑐾𑑃𑐫𑑂 𑐖𑐎 𑐴𑐣𑐷𑐐𑐸 𑐩𑐏𑐸, 𑐳𑑂𑐰𑐣𑐶𑐐𑑅𑐫𑐵 𑐫𑐮, 𑐏𑑂𑐰𑐥, 𑐐𑑀𑐬𑑂𑐏𑐵, 𑐮𑐩𑐖𑐸𑐒, 𑐡𑑀𑐮𑐏𑐵 𑐁𑐡𑐶 𑐠𑐵𑐳𑐫𑑂 𑐫𑑅𑐩𑐵𑐡𑑂𑐫𑑅 𑐰 […]

𑐐𑐸𑑄𑐮𑐵 𑐧𑐵𑐖𑐣𑐫𑑂 𑐥𑐸𑐮𑐵𑑄𑐥𑐶𑑄 𑐡𑑂𑐫𑑅𑐥𑐶𑑄

𑐫𑑃𑐫𑐵𑑅 𑐣𑐾𑐥𑐵𑑅𑐫𑐵 𑐴𑐾 𑐡𑐎𑐮𑐫𑑂 𑐄𑐮𑑂𑐮𑐵𑐳𑐩𑐫 𑐖𑐵𑐟𑑂𑐬𑐵 𑐢𑐵𑑅𑐳𑐵𑑄 𑐕𑐸𑑄 𑐩𑐥𑐵𑑅 𑑋 𑐕𑐵𑐫𑑂𑐢𑐵𑑅𑐳𑐵𑑄 𑐫𑑃𑐫𑐵𑑅 𑐱𑐸𑐬𑐸 𑐖𑐸𑐂𑐰𑑄 𑐴𑐾 𑐫𑐾𑑃 𑐡𑐾𑐫𑑂 𑐖𑐷𑐰𑐣𑑂𑐟 𑐖𑐸𑐫𑐵 𑐰𑐂 𑑋 𑐕𑐎𑑂𑐰𑐮𑑄 𑐴𑐾 𑐠𑐷𑐠𑐷 𑐎𑐠𑑄𑐫𑐵 𑐥𑑂𑐫𑐵𑐏𑑄 𑐰 𑐥𑐬𑑂𑐰 𑐱𑐸𑐬𑐸 𑐖𑐸𑐫𑐵𑑅 𑐥𑑂𑐫𑐏𑐾𑐬𑑄𑐫𑐵 𑐰𑐵𑐟𑐵𑐰𑐬𑐞 𑐗𑑅𑐗𑑅 𑐢𑐫𑐵 𑐰𑐂 𑑋 𑐄𑐏𑐾 𑐮𑐵𑐏𑐾, 𑐠𑐸𑐏𑐾 𑐥𑐸𑐮𑐸𑐎𑐶𑐳𑐶, 𑐨𑐔𑐵 𑐄𑐏𑐾 𑐡𑐷𑐥𑑂𑐫𑐵𑐏𑑄, 𑐀𑐣𑑄 𑐄𑐏𑐾 𑐩𑐴𑐵𑐎𑐵𑐮𑐷 𑐥𑑂𑐫𑐵𑐏𑑄…𑐠𑐖𑑂𑐫𑐵𑑅𑐐𑐸 𑐀𑐣𑐾𑐎 𑐥𑑂𑐫𑐵𑐏𑑄𑐟𑐫𑑂𑐳𑑄 𑐫𑐵𑐣𑐵𑑅 𑐫𑑃𑐫𑐵𑑅 𑐖𑐶𑐐𑐶𑐖𑐶𑐐𑐶𑑄 𑐏𑐵𑐣𑐵 𑐰𑐂 𑑋 𑐠𑑂𑐰 𑐦𑐸𑐎𑑂𑐎 𑐥𑑂𑐫𑐵𑐏𑑄 𑐰 […]

𑐥𑑂𑐫𑑄𑐐𑐹 𑐳𑐦𑐹 – 𑐩𑑀𑐟𑐶𑐱𑑀𑐨𑐵, 𑐱𑑂𑐬𑐺𑐖𑐣𑐵 𑐰 𑐳𑐰𑐶𑐣𑐵𑐫𑐵

𑐩𑑄𑐐𑐮𑐩𑐵𑐣 𑐱𑐵𑐎𑑂𑐫 𑐩𑑀𑐟𑐶𑐱𑑀𑐨𑐵𑐫𑐵 𑐔𑑂𑐰𑐳𑐵𑐫𑐵 𑐏𑑃𑐫𑑂 𑐰𑐶.𑐳𑑄. 𑑒𑑐𑑓𑑘 𑐳𑐵𑐮𑐫𑑂 𑐴𑐾 𑐣𑐾𑐰𑐵𑑅 𑐨𑐵𑐳𑑄 𑐣𑑄 𑐥𑐶𑐡𑐣𑐾 𑐩𑐵𑑅𑐐𑐸 𑐩𑑀𑐟𑐶𑐱𑑀𑐨𑐵 𑐱𑑂𑐬𑐾𑐲𑑂𑐛𑐫𑐵 ‘𑐣𑐾𑐥𑐵𑐮𑐫𑑂 𑐑𑐬𑐾𑐮𑐸 𑐄𑐡𑑂𑐫𑑀𑐐𑐫𑐵 𑐰𑐶𑐎𑐵𑐳’ 𑐕𑐥𑐵𑑅 𑐖𑑂𑐰𑐮𑐵𑐣𑑂𑐴𑐵𑐫𑑂𑐎𑑄 𑐏𑑅 𑐣𑐾𑐥𑐵𑑅𑐫𑐵 𑐳𑑂𑐠𑐵𑐣𑐷𑐫 𑐱𑐷𑐥, 𑐎𑐮𑐵𑐎𑑁𑐱𑐮 𑐰 𑐰𑑂𑐫𑐵𑐥𑐵𑐬 𑐰𑐺𑐟𑑂𑐟𑐶𑐫𑐵, 𑐐𑐸𑐐𑐸 𑐣𑐾𑐥𑐵𑑅𑐫𑐵 𑐀𑐣𑑂𑐟𑐬𑐵𑐲𑑂𑐚𑑂𑐬𑐶𑐫 𑐏𑑂𑐫𑐮𑐫𑑂 𑐬𑐵𑐲𑑂𑐚𑑂𑐬𑐶𑐫 𑐩𑑂𑐴𑐳𑐶𑐎𑐵 𑐣𑑄 𑐏𑑅, 𑐰 𑐳𑑂𑐰𑐫𑐾𑐐𑐸 𑐕𑐥𑐵𑑅 𑐧𑐵𑑄𑐮𑐵𑑅𑐐𑐸 𑐎𑐶𑐥𑐵 𑐏𑑅 𑑋 𑐩𑐫𑑂𑐖𑐸 𑐱𑑂𑐬𑐾𑐲𑑂𑐛𑐫𑐵 𑐠𑑂𑐰 𑐳𑐦𑐸𑐮𑐶𑑄 𑐰𑐫𑑂𑐎𑑅𑐫𑐵𑐟 𑐣𑐾𑐥𑐵𑑅𑐫𑐵 𑐄𑐡𑑂𑐫𑑀𑐐 𑐣𑐷𑐟𑐶 𑐣𑐶𑐬𑑂𑐩𑐵𑐟𑐵𑐫𑐵 𑐟𑑃𑐫𑑂 𑐟𑐫𑐵 […]

𑐨𑐵𑐬𑐟𑐫𑐵𑐟 𑐧𑐸𑐎𑐾 𑐦𑐂𑐮𑐵 ?

𑐠𑐣𑐶𑑄 𑐥𑑂𑐫𑐣𑑂𑐴𑐸 𑐮𑐶𑐥𑐵𑐣𑐶𑐳𑐾𑑄 𑐡𑐱𑐬𑐠 𑐬𑑄𑐐𑐱𑐵𑐮𑐵𑐫𑑂 𑐩𑐶𑐳𑑂𑐟𑐫𑑂 𑐳𑐵𑐦 𑐔𑑂𑐫𑐵𑐩𑑂𑐥𑐶𑐫𑐣𑐳𑐶𑐥 𑑒𑑐𑑒𑑒 𑐣𑑂𑐴𑑂𑐫𑐵𑐫𑐾𑐟𑑂𑐫𑑄𑐐𑐸 𑐡𑐸 𑑋 𑐣𑐾𑐥𑐵𑑅𑐫𑐵 𑐦𑐸𑐚𑐧𑐮𑐫𑐵 𑐣𑐶𑐟𑐶𑑄 𑐮𑐶𑐥𑐵𑑄𑐐𑐸 𑐕𑐸𑑄 𑐃 𑐕𑐟𑐶𑑄 𑐧𑐵𑑄𑐮𑐵𑐣𑐵𑐔𑑂𑐰𑑄𑐐𑐸 𑐩𑐡𑐸 𑑋 𑐀𑐏𑐶𑐮 𑐣𑐾𑐥𑐵𑐮 𑐦𑐸𑐚𑐧𑐮 𑐳𑑄𑐑 (𑐊𑐣𑑂𑐦𑐵) 𑐫𑑂 𑐣𑑂𑐴𑐹𑐐𑐸 𑐣𑐾𑐟𑐺𑐟𑑂𑐰 𑐰𑐫𑐾𑐰𑑄 𑐏𑐵𑐮𑐶 𑐰𑐶𑐰𑐵𑐡 𑐴𑐾 𑐖𑐎 𑐖𑐸𑐫𑐵𑐔𑑂𑐰𑐣, 𑐕𑐐𑐹 𑐮𑐶𑐥𑐵 𑐩𑐾𑐐𑐸 𑑋 𑐨𑐔𑐵𑐳𑐵𑑄 𑐧𑐵𑑄𑐮𑐵𑑅𑐐𑐸 𑐏“ 𑐕𑐸 𑐢𑐵𑑅𑐳𑐵 𑐁𑑅 𑐳𑐎𑐳𑐶𑐫𑐵𑑄 𑐩𑐶𑐏𑐵 𑐩𑐿𑐡𑐵𑐣𑐫𑑂 𑐖𑐸𑐂𑐐𑐸 𑐦𑐸𑐚𑐧𑐮𑐫𑑂 𑐖𑐸𑐂, 𑐩𑐿𑐡𑐵𑐣𑐥𑐶𑐣𑐾𑐫𑐵 𑐦𑐸𑐚𑐧𑐮 𑐬𑐵𑐖𑐣𑐷𑐟𑐶𑐂 𑐩𑐏𑐸 𑑋 𑐣𑐶𑐰𑐵𑑅𑐫𑐵 𑐠𑑂𑐰 […]