Read news in NepalBhasa text-- www.hamroschool.com BACK 𑐊𑐣𑐌𑐊𑐫𑐵 𑐎𑐵𑐬𑑂𑐫𑐰𑐵𑐴𑐎 𑐣𑐵𑐫𑑅 𑐥𑐸𑐲𑑂𑐎𑐬 𑐥𑑂𑐬𑐖𑐵𑐥𑐟𑐶 – 𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳

𑐊𑐣𑐌𑐊𑐫𑐵 𑐎𑐵𑐬𑑂𑐫𑐰𑐵𑐴𑐎 𑐣𑐵𑐫𑑅 𑐥𑐸𑐲𑑂𑐎𑐬 𑐥𑑂𑐬𑐖𑐵𑐥𑐟𑐶

𑐫𑐾𑑃 – 𑐀𑐩𑐾𑐬𑐶𑐎𑐵𑐫𑑂 𑐔𑑂𑐰𑑄𑐥𑐶𑑄 𑐣𑐾𑐰𑐵𑑅𑐟𑐫𑑂𑐐𑐸 𑐳𑑄𑐐𑐛𑐣 𑐣𑐾𑐰𑐵𑑅 𑐀𑐬𑑂𑐐𑐣𑐵𑐂𑐖𑐾𑐱𑐣 𑐀𑐦 𑐀𑐩𑐾𑐬𑐶𑐎𑐵 (𑐊𑐣𑐌𑐊) 𑐫𑐵 𑐎𑐵𑐬𑑂𑐫𑐰𑐵𑐴𑐎 𑐣𑐵𑐫𑑅 𑐥𑐡𑐫𑑂 𑐰𑐴𑐾 𑐳𑑄𑐳𑑂𑐠𑐵𑐫𑐵 𑐥𑑂𑐬𑐠𑐩 𑐣𑑂𑐰𑐎𑐸 𑐥𑐸𑐲𑑂𑐎𑐬 𑐥𑑂𑐬𑐖𑐵𑐥𑐟𑐶 𑐣𑐶𑐫𑐸𑐎𑑂𑐟 𑐖𑐸𑐫𑐵𑐡𑐷𑐐𑐸 𑐡𑐸 𑑋 𑐊𑐣𑐌𑐊𑐫𑐵 𑐣𑐵𑐫𑑅 𑐧𑐧𑐶𑐟𑐵 𑐱𑑂𑐬𑐾𑐲𑑂𑐛 𑐥𑑂𑐬𑐢𑐵𑐣𑑄 𑐰𑑂𑐫𑐎𑑂𑐟𑐶𑐐𑐟 𑐎𑐵𑐬𑐞 𑐎𑑂𑐫𑐣𑐵𑑅 𑐥𑐡𑑄 𑐬𑐵𑐖𑐷𑐣𑐵𑐩𑐵 𑐧𑐶𑐫𑐵𑐡𑐷𑐐𑐸𑐮𑐶𑑄 𑐥𑑂𑐬𑐖𑐵𑐥𑐟𑐶𑐫𑐵𑐟 𑐎𑐵𑐬𑑂𑐫𑐰𑐵𑐴𑐎 𑐣𑐵𑐫𑑅 𑐮𑑂𑐫𑑅𑐐𑐸 𑐏𑑅 𑑋

𑐣𑐵𑐫𑑅 𑐧𑐧𑐶𑐟𑐵 𑐥𑑂𑐬𑐢𑐵𑐣 𑐱𑑂𑐬𑐾𑐲𑑂𑐛𑑄 𑐰𑑄𑐐𑐸 𑐧𑐵𑑅𑐕𑐶 𑐣𑑂𑐴𑑂𑐫𑑅 𑐬𑐵𑐖𑐷𑐣𑐵𑐩𑐵 𑐧𑐶𑐫𑐵𑐡𑐷𑐐𑐸 𑐏𑑅 𑑋 𑐰𑐫𑑂𑐎𑑅𑐫𑐵 𑐎𑐵𑐬𑑂𑐫𑐎𑐵𑐮 𑐳𑑂𑐰𑐡𑑃𑐫𑐵 𑐏𑑅𑐳𑐵𑑄 𑐣𑐵𑐫𑑅 𑐣𑐶𑐬𑑂𑐰𑐵𑐔𑐶𑐟 𑐖𑐸𑐫𑐵𑐡𑐷𑐐𑐸 𑐡𑐕𑐶 𑐥𑐸𑐮𑐾𑐰𑑄 𑐰𑐫𑑂𑐎𑐮𑑄 𑐬𑐵𑐖𑐷𑐣𑐵𑐩𑐵 𑐧𑐶𑐫𑐵𑐡𑐷𑐐𑐸 𑐏𑑅 𑑋 𑐠𑐣𑐶𑑄 𑑑𑑗 𑐡𑑃 𑐣𑑂𑐴𑑂𑐫𑑅 𑐥𑐮𑐶𑐳𑑂𑐠𑐵 𑐖𑐹𑐐𑐸 𑐣𑐾𑐰𑐵𑑅 𑐀𑐬𑑂𑐐𑐣𑐵𑐂𑐖𑐾𑐱𑐣 𑐀𑐦 𑐀𑐩𑐾𑐬𑐶𑐎𑐵𑐫𑐵 𑐂𑐟𑐶𑐴𑐵𑐳𑐫𑑂 𑐩𑐶𑐳𑐵𑐩𑑂𑐴 𑐣𑐵𑐫𑑅 𑐖𑐸𑐫𑐵𑐡𑐷𑐐𑐸 𑐰𑐫𑑂𑐎𑑅 𑐣𑑂𑐴𑐵𑐥𑐵𑑄𑐩𑑂𑐴 𑐏𑑅𑐳𑐵 𑐧𑐴𑐵𑐮𑐰𑐵𑐮𑐵 𑐣𑐵𑐫𑑅𑐥𑐵𑐏𑐾𑑄 𑐡𑐠𑐸𑐂 𑐴𑐾 𑐬𑐵𑐖𑐷𑐣𑐵𑐩𑐵 𑐧𑐶𑐄𑐐𑐸 𑐣𑑄 𑐠𑑂𑐰𑐴𑐾 𑐣𑑂𑐴𑐵𑐥𑐵𑑄𑐐𑐸 𑐑𑐚𑐣𑐵 𑐏𑑅 𑑋

𑐊𑐣𑐌𑐊𑐫𑐵 𑐎𑐵𑐬𑑂𑐫𑐳𑐩𑐶𑐟𑐶𑑄 𑐩𑐫𑑂𑐖𑐸 𑐥𑑂𑐬𑐢𑐵𑐣𑐫𑐵 𑐬𑐵𑐖𑐷𑐣𑐵𑐩𑐵 𑐳𑑂𑐰𑐷𑐎𑐺𑐟 𑐫𑐵𑐳𑐾𑑄 𑐰𑐫𑑂𑐎𑐮𑑄 𑐠𑑅𑐐𑐸 𑐎𑐵𑐬𑑂𑐫𑐎𑐵𑐮𑐫𑑂 𑐫𑐵𑐣𑐵𑐡𑐷𑐐𑐸 𑐖𑑂𑐫𑐵𑐫𑐵 𑐮𑐵𑐐𑐶𑑄 𑐳𑐸𑐨𑐵𑐫𑑂 𑐡𑐾𑐕𑐵𑑅𑐐𑐸 𑐡𑐸 𑑋
𑐰𑐶𑐱𑑂𑐰𑐣𑑂𑐫𑑄𑐎𑑄𑐫𑐵 𑐣𑐾𑐰𑐵𑑅𑐟𑐫𑑂𑐐𑐸 𑐩𑑄𑐎𑐵𑑅 𑐳𑑄𑐐𑐛𑐣 𑐰𑐮𑑂𑐬𑑂𑐜 𑐣𑐾𑐰𑐵𑑅 𑐀𑐬𑑂𑐐𑐣𑐵𑐂𑐖𑐾𑐱𑐣 (𑐴𑐮𑐶𑑄 𑐣𑐾𑐰𑐵𑑅 𑐡𑐧𑐹) 𑐐𑐛𑐣 𑐫𑐵𑐫𑐾𑐐𑐸 𑐖𑑂𑐫𑐵𑐫𑑂 𑐩𑐹 𑐨𑐹𑐩𑐶𑐎𑐵 𑐡𑐸𑐐𑐸 𑐳𑑄𑐳𑑂𑐠𑐵𑐟 𑐩𑐢𑑂𑐫𑐾 𑐊𑐣𑐌𑐊 𑐣𑑄 𑐕𑐐𑐹 𑐏𑑅 𑑋 𑐰𑐮𑑂𑐬𑑂𑐜 𑐣𑐾𑐰𑐵𑑅 𑐀𑐬𑑂𑐐𑐣𑐵𑐂𑐖𑐾𑐱𑐣𑐫𑐵 𑐰𑐬𑑂𑐟𑐩𑐵𑐣 𑐣𑐵𑐫𑑅 𑐳𑐶𑐖𑐣 𑐱𑑂𑐬𑐾𑐲𑑂𑐛 𑐣𑑄 𑐣𑑂𑐴𑐵𑐥𑐵 𑐊𑐣𑐌𑐊𑐫𑐵 𑐴𑐾 𑐀𑐢𑑂𑐫𑐎𑑂𑐲 𑐖𑐸𑐫𑐵𑐡𑐷𑐩𑑂𑐴 𑐏𑑅 𑑋

𑐳𑐩𑑂𑐧𑐣𑑂𑐢𑐶𑐟 𑐧𑐸𑐏𑑃

LEAVE YOUR COMMENTS