Read news in NepalBhasa text-- www.hamroschool.com BACK 𑐖𑑂𑐫𑐵𑐥𑐸 𑐳𑐩𑐸𑐡𑐵𑐫𑐥𑐵𑐏𑐾𑑄 𑐩𑐵𑐲𑑂𑐚𑐬, 𑐊𑐩.𑐦𑐶𑐮 𑐰 𑐥𑐶𑐊𑐔𑐜𑐷 𑐫𑐵𑑅𑐥𑐶𑑄𑐟 𑐳𑐩𑑂𑐩𑐵𑐣 – 𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳

𑐖𑑂𑐫𑐵𑐥𑐸 𑐳𑐩𑐸𑐡𑐵𑐫𑐥𑐵𑐏𑐾𑑄 𑐩𑐵𑐲𑑂𑐚𑐬, 𑐊𑐩.𑐦𑐶𑐮 𑐰 𑐥𑐶𑐊𑐔𑐜𑐷 𑐫𑐵𑑅𑐥𑐶𑑄𑐟 𑐳𑐩𑑂𑐩𑐵𑐣

𑐫𑐾𑑃  – 𑐖𑑂𑐫𑐵𑐥𑐸 𑐩𑐴𑐵𑐐𑐸𑐠𑐶 𑐣𑐾𑐥𑐵𑑅, 𑐫𑐾𑑃 𑐩𑐴𑐵𑐣𑐐𑐬 𑐳𑐩𑐶𑐟𑐶𑑄 𑐕𑐐𑐹 𑐖𑑂𑐫𑐵𑐗𑑂𑐰𑑅𑐫𑐵 𑐡𑐠𑐸𑐂 𑐖𑑂𑐫𑐵𑐥𑐸 𑐳𑐩𑐸𑐡𑐵𑐫𑐥𑐵𑐏𑐾𑑄 𑐩𑐵𑐲𑑂𑐚𑐬, 𑐊𑐩.𑐦𑐶𑐮 𑐰 𑐥𑐶𑐊𑐔𑐜𑐷 (𑐰𑐶𑐡𑑂𑐫𑐵𑐰𑐵𑐬𑐶𑐢𑐷) 𑐫𑐵𑐣𑐵𑐡𑐷𑐥𑐶𑑄𑐟 𑐴𑑄𑐐𑐸 𑐡𑐸 𑑋 𑐫𑐾𑑃 𑐩𑐴𑐵𑐣𑐐𑐬 𑐳𑐩𑐶𑐟𑐶𑐫𑐵 𑐣𑐵𑐫𑑅 𑐧𑐵𑐧𑐸𑐬𑐵𑐖𑐵 𑐩𑐴𑐬𑑂𑐖𑐣𑐫𑐵 𑐳𑐨𑐵𑐥𑐟𑐶𑐟𑑂𑐰𑐫𑑂 𑐖𑐹𑐐𑐸 𑐖𑑂𑐫𑐵𑐗𑑂𑐰𑑅 𑐬𑐵𑐲𑑂𑐚𑑂𑐬𑐶𑐫 𑐩𑑂𑐫𑐾𑑃 𑐴𑐵𑐫𑐾𑐎𑐵𑑅 𑐱𑐸𑐬𑐸 𑐖𑐹𑐐𑐸 𑐏𑑅 𑑋

𑐖𑑂𑐫𑐵𑐗𑑂𑐰𑐮𑐫𑑂 𑐩𑐹𑐥𑐵𑐴𑐵𑑄𑐎𑐠𑑄 𑐗𑐵𑐫𑐵𑐡𑐷𑐩𑑂𑐴 𑐫𑐾𑑃 𑐩𑐴𑐵𑐣𑐐𑐬𑐥𑐵𑐮𑐶𑐎𑐵𑐫𑐵 𑐩𑐾𑐫𑐬 𑐰𑐶𑐡𑑂𑐫𑐵𑐳𑐸𑐣𑑂𑐡𑐬 𑐱𑐵𑐎𑑂𑐫𑑄 𑐟𑑂𑐰𑐵𑑅𑐡𑐾𑐰𑐵𑐫𑑂 𑐩𑐟 𑐔𑑂𑐫𑐵𑐎𑐵𑑅 𑐖𑑂𑐫𑐵𑐗𑑂𑐰𑑅𑐫𑐵 𑐄𑐮𑐾𑐖𑑂𑐫𑐵 𑐫𑐵𑐣𑐵𑐡𑐷𑐐𑐸 𑐏𑑅 𑑋 𑐖𑑂𑐫𑐵𑐗𑑂𑐰𑐮𑐫𑑂 𑐫𑐾𑑃 𑐩𑐴𑐵𑐣𑐐𑐬 𑐳𑐩𑐶𑐟𑐶𑐫𑐵 𑐣𑐵𑐫𑑅 𑐩𑐴𑐬𑑂𑐖𑐣𑑄 𑐖𑑂𑐫𑐵𑐗𑑂𑐰𑑅𑐫𑐵 𑐄𑐡𑑂𑐡𑐾𑐱𑑂𑐫𑐫𑐵𑐟 𑐎𑐫𑐵𑑅 𑐠𑑅𑐐𑐸 𑐣𑐸𑐐𑑅𑐏𑑃 𑐟𑐫𑐵𑐡𑐷𑐐𑐸 𑐏𑑅 𑑋 𑐖𑑂𑐫𑐵𑐗𑑂𑐰𑑅𑐫𑐵 𑐩𑐹𑐥𑐵𑐴𑐵𑑄 𑐱𑐵𑐎𑑂𑐫𑑄 𑐖𑑂𑐫𑐵𑐥𑐸 𑐳𑐩𑐸𑐡𑐵𑐫𑐥𑐵𑐏𑐾𑑄 𑐩𑐵𑐳𑑂𑐚𑐬, 𑐊𑐩.𑐦𑐶𑐮. 𑐰 𑐥𑐶𑐊𑐔𑐜𑐷 𑐫𑐵𑐣𑐵𑐡𑐷𑐥𑐶𑑄𑐟 𑐴𑐣𑐵𑐥𑑁 𑐮𑑅𑐮𑑂𑐴𑐵𑐣𑐵𑑅 𑐳𑐩𑑂𑐩𑐵𑐣 𑐫𑐵𑐣𑐵𑐡𑐷𑐐𑐸 𑐏𑑅 𑑋

𑐀𑐠𑐾 𑐴𑐾 𑐖𑑂𑐫𑐵𑐗𑑂𑐰𑐮𑐫𑑂 𑐳𑐐𑐬𑐩𑐵𑐠𑐵 𑐁𑐬𑑀𑐴𑐷 𑐎𑐮𑑂𑐥𑐣𑐵 𑐩𑐴𑐬𑑂𑐖𑐣 𑐰 𑐩𑐴𑐾𑐱𑑂𑐰𑐬 𑐩𑐴𑐬𑑂𑐖𑐣𑐫𑐵𑐟 𑐣𑑄 𑐖𑑂𑐫𑐵𑐗𑑂𑐰𑐮𑐫𑑂 𑐰𑐶𑐱𑐾𑐲 𑐳𑐩𑑂𑐩𑐵𑐣 𑐫𑐵𑑅𑐐𑐸 𑐏𑑅 𑑋 𑐳𑐩𑐶𑐟𑐶𑐫𑐵 𑐣𑑂𑐰𑐎, 𑐱𑐶𑐎𑑂𑐲𑐵 𑐰 𑐳𑑂𑐰𑐵𑐳𑑂𑐠𑑂𑐫 𑐎𑐰𑑅 𑐣𑐵𑐥𑑄 𑐴𑐣𑐾𑐖𑑂𑐫𑐵𑐗𑑂𑐰𑑅𑐫𑐵 𑐎𑐖𑐶 𑐖𑑂𑐘𑐵𑐣𑐷𑐧𑐵𑐧𑐸 𑐳𑐶𑑄𑐴𑑄 𑐮𑐳𑐎𑐸𑐳 𑐫𑐵𑐣𑐵𑐡𑐷𑐐𑐸 𑐖𑑂𑐫𑐵𑐗𑑂𑐰𑐮𑐫𑑂 𑐩𑐹𑐥𑐵𑐴𑐵𑑄 𑐫𑐾𑑃 𑐩𑐣𑐥𑐵𑐫𑐵 𑐩𑐾𑐫𑐬 𑐱𑐵𑐎𑑂𑐫, 𑐖𑑂𑐫𑐵𑐥𑐸 𑐩𑐴𑐵𑐐𑐸𑐠𑐶 𑐣𑐾𑐥𑐵𑑅𑐫𑐵 𑐳𑑄𑐬𑐎𑑂𑐲𑐎 𑐣𑐵𑐥𑑄 𑐣𑐶𑐰𑐬𑑂𑐟𑐩𑐵𑐣 𑐣𑐵𑐫𑑅 𑐬𑐵𑐖𑐨𑐵𑐃 𑐖𑑂𑐫𑐵𑐥𑐸, 𑐖𑑂𑐫𑐵𑐥𑐸 𑐩𑐴𑐵𑐐𑐸𑐠𑐶 𑐣𑐾𑐥𑐵𑑅𑐫𑐵 𑐣𑐵𑐫𑑅 𑐬𑐵𑐖𑐨𑐵𑐃 𑐖𑐎𑑅𑐩𑐶, 𑐳𑐩𑑂𑐩𑐵𑐣𑐶𑐟 𑐰𑑂𑐫𑐎𑑂𑐟𑐶𑐟𑑂𑐰 𑐎𑐮𑑂𑐥𑐣𑐵 𑐩𑐴𑐬𑑂𑐖𑐣, 𑐥𑐶𑑄𑐳𑑄 𑐣𑑄 𑐠𑑅𑐠𑑅𑐐𑐸 𑐣𑐸𑐐𑑅𑐏𑑃 𑐟𑐫𑐵𑐡𑐷𑐐𑐸 𑐏𑑅 𑑋

𑐖𑑂𑐫𑐵𑐗𑑂𑐰𑐮𑐫𑑂 𑐥𑐵𑐴𑐵𑑄𑐎𑐠𑑄 𑐖𑑂𑐫𑐵𑐥𑐸 𑐩𑐴𑐵𑐐𑐸𑐠𑐶 𑐣𑐾𑐥𑐵𑑅𑐫𑐵 𑐣𑐶𑐰𑐬𑑂𑐟𑐩𑐵𑐣 𑐣𑐵𑐫𑑅 𑐬𑐵𑐖𑐨𑐵𑐃 𑐖𑑂𑐫𑐵𑐥𑐸, 𑐰𑐬𑑂𑐟𑐩𑐵𑐣 𑐣𑐵𑐫𑑅 𑐬𑐵𑐖𑐨𑐵𑐃 𑐖𑐎𑑅𑐩𑐶, 𑐳𑑄𑐬𑐎𑑂𑐲𑐎 𑐰𑐶𑐥𑐾𑐣𑑂𑐡𑑂𑐬 𑐩𑐴𑐬𑑂𑐖𑐣, 𑐳𑑄𑐬𑐎𑑂𑐲𑐵𑐎 𑐡𑐾𑐧𑐧𑐴𑐵𑐡𑐸𑐬 𑐩𑐴𑐬𑑂𑐖𑐣, 𑐖𑑂𑐫𑐵𑐥𑐸 𑐳𑐵𑑄𑐳𑑂𑐎𑐺𑐟𑐶𑐎 𑐰𑐶𑐎𑐵𑐳 𑐎𑑀𑐲𑐫𑐵 𑐣𑐵𑐫𑑅 𑐩𑑄𑐐𑐮𑐎𑐺𑐲𑑂𑐞 𑐳𑐶𑑄𑐴 𑐗𑐵𑐫𑐵𑐡𑐷𑐐𑐸 𑐏𑑅 𑑋

𑐀𑐠𑐾 𑐴𑐾 𑐖𑑂𑐫𑐵𑐗𑑂𑐰𑐮𑐫𑑂 𑐫𑐾𑑃 𑐩𑐴𑐵𑐣𑐐𑐬𑐥𑐵𑐮𑐶𑐎𑐵𑐫𑐵 𑐠𑐷𑐠𑐷 𑐰𑐜𑐵𑐫𑐵 𑐰𑐜𑐵 𑐀𑐢𑑂𑐫𑐎𑑂𑐲𑐥𑐶𑑄 𑐬𑐩𑐾𑐱 𑐜𑑄𑐐𑑀𑐮 (𑑕 𑐰𑐜𑐵), 𑐱𑐸𑐡𑑂𑐢 𑐜𑑄𑐐𑑀𑐮 (𑑗 𑐰𑐜𑐵), 𑐡𑐶𑐣𑐾𑐱𑐎𑐸𑐩𑐵𑐬 𑐜𑑄𑐐𑑀𑐮 (𑑘 𑐰𑐜𑐵), 𑐰𑐶𑐎𑐵𑐳 𑐜𑑄𑐐𑑀𑐮 (𑑑𑑒 𑐰𑐜𑐵), 𑐃𑐱𑑂𑐰𑐬𑐩𑐵𑐣 𑐜𑑄𑐐𑑀𑐮 (𑑑𑑕 𑐰𑐜𑐵), 𑐣𑑂𑐴𑐸𑐕𑐾𑐎𑐵𑐖𑐷 𑐩𑐴𑐬𑑂𑐖𑐣 (𑑑𑑘 𑐰𑐜𑐵), 𑐔𑐶𑐣𑐷𑐎𑐵𑐖𑐷 𑐩𑐴𑐬𑑂𑐖𑐣 (𑑒𑑒 𑐰𑐜𑐵), 𑐩𑐔𑐵𑐬𑐵𑐖𑐵 𑐩𑐴𑐬𑑂𑐖𑐣 (𑑒𑑓 𑐰𑐜𑐵), 𑐫𑐾𑑃 𑐩𑐣𑐥𑐵 𑐴𑐣𑐸𑐩𑐵𑐣𑐝𑑀𑐎𑐵 𑐡𑐬𑐰𑐵𑐬 𑐎𑑂𑐲𑐾𑐟𑑂𑐬 𑐳𑑄𑐬𑐎𑑂𑐲𑐞 𑐎𑐵𑐬𑑂𑐫𑐎𑑂𑐬𑐩 𑐥𑑂𑐬𑐩𑐸𑐏 𑐄𑐡𑐫 𑐥𑐳𑑅𑐏𑐮𑑅, 𑐩𑐴𑐵𑐐𑐸𑐠𑐶𑐫𑐵 𑐩𑐹 𑐕𑑂𑐫𑐵𑑄𑐖𑐾 𑐩𑐔𑐵𑐬𑐵𑐖𑐵 𑐩𑐴𑐬𑑂𑐖𑐣 (𑐩𑐸𑐳𑐸𑑄𑐧𑐴𑐵𑑅), 𑐖𑑂𑐫𑐵𑐥𑐸 𑐩𑐴𑐵𑐐𑐸𑐠𑐶 𑐧𑐴𑐸𑐄𑐡𑑂𑐡𑐾𑐱𑑂𑐫𑐷𑐫 𑐳𑐴𑐎𑐵𑐬𑐷 𑐳𑑄𑐳𑑂𑐠𑐵𑐫𑐵 𑐎𑐵𑐬𑑂𑐫𑐰𑐵𑐴𑐎 𑐣𑐵𑐫𑑅 𑐩𑐔𑐵𑐬𑐵𑐖𑐵 𑐩𑐴𑐬𑑂𑐖𑐣 (𑐌𑐩𑐧𑐴𑐵𑑅), 𑐫𑐾𑑃 𑐩𑐴𑐵𑐣𑐐𑐬 𑐳𑐩𑐶𑐟𑐶𑐫𑐵 𑐣𑐶𑐰𑐬𑑂𑐟𑐩𑐵𑐣 𑐣𑐵𑐫𑑅 𑐬𑐵𑐩𑐧𑐴𑐡𑐸𑐬 𑐜𑑄𑐐𑑀𑐮, 𑐩𑐴𑐵𑐐𑐸𑐠𑐶𑐫𑐵 𑐳𑐵𑑄𑐳𑑂𑐎𑐺𑐟𑐶𑐎 𑐳𑑄𑐬𑐎𑑂𑐲𑐞 𑐎𑑀𑐲 𑐎𑐰𑑅𑐫𑐵 𑐎𑐖𑐶 𑐱𑐵𑐣𑑂𑐟𑐬𑐵𑐖 𑐩𑐴𑐬𑑂𑐖𑐣𑐥𑐶𑑄 𑐣𑑄 𑐥𑐵𑐴𑐵𑑄𑐎𑐠𑑄 𑐗𑐵𑐫𑐵𑐡𑐷𑐐𑐸 𑐖𑑂𑐫𑐵𑐗𑑂𑐰𑐮𑐫𑑂 𑐫𑐾𑑃 𑐩𑐴𑐵𑐣𑐐𑐬 𑐳𑐩𑐶𑐟𑐶𑐫𑐵 𑐣𑑂𑐰𑐎𑐸 𑐣𑐵𑐣𑐷𑐴𑐶𑐬𑐵 𑐩𑐴𑐬𑑂𑐖𑐣𑑄 𑐳𑐸𑐨𑐵𑐫𑑂 𑐡𑐾𑐕𑐵𑐣𑐵𑐡𑐷𑐐𑐸 𑐏𑑅𑑋

 

𑐳𑐩𑑂𑐧𑐣𑑂𑐢𑐶𑐟 𑐧𑐸𑐏𑑃

LEAVE YOUR COMMENTS