Read news in NepalBhasa text-- www.hamroschool.com BACK 𑐎𑐮𑐵𑑅𑐫𑐵 𑐎𑐔𑐎𑐔𑑄 𑐮𑐵𑑅𑐐𑐸 𑐔𑐶𑐛𑑂𑐛𑐵 – 𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳

𑐎𑐮𑐵𑑅𑐫𑐵 𑐎𑐔𑐎𑐔𑑄 𑐮𑐵𑑅𑐐𑐸 𑐔𑐶𑐛𑑂𑐛𑐵

𑐠𑑂𑐰 𑐳𑑄𑐳𑐵𑐬 𑐴𑐾 𑐀𑐖𑐹 𑐔𑐵𑐫𑐵𑐥𑐸 𑑋 𑐄𑐎𑐶𑑄 𑐠𑐣 𑐩𑐣𑐹𑐟𑐫𑑂 𑐖𑐷𑐰𑐣𑐫𑑂 𑐣𑑄 𑐀𑐖𑐹 𑐀𑐖𑐹 𑐔𑐵𑐫𑐵𑐥𑐸𑐐𑐸 𑐑𑐚𑐣𑐵 𑐖𑐸𑐫𑐵𑐔𑑂𑐰𑐣𑐷 𑑋 𑐕𑐩𑑂𑐴 𑐩𑐣𑐸𑐏𑑄 𑐠𑐩𑑂𑐴𑑄 𑐣𑑂𑐫𑐵𑐣𑐵𑐎𑐵𑑅𑐐𑐸 𑐳𑐵𑐩𑐵𑐣 𑐮𑐶𑐟𑑅 𑐧𑐶𑐄𑐧𑐮𑐫𑑂 𑐄𑐎𑐶𑑄 𑐫𑐵𑐣𑐵𑑅 𑐀𑐬𑑂𑐧𑐥𑐟𑐶 𑐖𑐹𑐐𑐸 𑐡𑐸 𑑋
𑐗𑑂𑐰𑐵𑐚𑑂𑐚 𑐣𑑂𑐫𑐣𑐾𑐧𑐮𑐫𑑂 𑐥𑐟𑑂𑐫𑐵𑑅 𑐫𑐵𑐫𑐾 𑐠𑐵𑐎𑐸 𑐎𑐶 𑐮𑐶𑐟 𑐧𑐶𑐄𑐐𑐸 𑐳𑐵𑐩𑐵𑐣𑑄 𑐣𑑄 𑐮𑐏𑐥𑐟𑐶 𑐰𑐵 𑐀𑐬𑑂𑐧𑐥𑐟𑐶 𑐖𑐸𑐂 𑑋 𑐠𑑂𑐰 𑐏𑑂𑐫𑐵𑑅 𑐏𑑃 𑐩𑐏𑐸 𑐣 𑐟 𑐎𑐵𑐮𑑂𑐥𑐣𑐶𑐎 𑐴𑐾 𑐏𑑅 𑑋 𑐀𑐩𑐾𑐬𑐶𑐎𑐵𑐫𑐵 𑐣𑑂𑐫𑐹 𑐖𑐬𑑂𑐳𑐷 𑐳𑐴𑐬𑐫𑑂 𑐔𑑂𑐰𑑄𑐩𑑂𑐴 𑑕𑑕 𑐡𑑃 𑐡𑐸𑐩𑑂𑐴 𑐟𑐿𑐫𑐧 𑐳𑐸𑐩𑐷 𑐣𑐵𑑄𑐫𑐵 𑐕𑐩𑑂𑐴 𑐩𑐣𑐸𑐏𑑄 𑑕 𑐜𑐮𑐬 𑐥𑐸𑐮𑐵𑑅 𑐳𑐣𑑂𑐟𑑂𑐬𑐵𑐳𑐶𑐫𑐵 𑐖𑐹𑐳 𑐕𑐐𑑅 𑐣𑑂𑐫𑐵𑐣𑐵 𑐫𑑄𑐎𑐹𑐐𑐸 𑐖𑐸𑐫𑐵𑐔𑑂𑐰𑐣 𑑋 𑐖𑐹𑐳𑐫𑐵 𑐧𑑀𑐚𑐮 𑐖𑑂𑐰𑐣𑐵𑑅 𑐕𑐾𑑃𑐫𑑂 𑐠𑑂𑐫𑐣𑐾𑐰𑑄 𑐰𑐫𑐵 𑐎𑐮𑐵𑐟𑑄 𑐎𑐔𑐎𑐔 𑐫𑐵𑐫𑐾𑐐𑐸 𑐱𑐸𑐬𑐸 𑐫𑐵𑐟 𑑋 𑐰𑐫𑐵 𑐎𑐮𑐵𑑅𑐫𑐵 𑐢𑐵𑐥𑐹 𑐠𑐶𑐎𑐾𑐎 𑐖𑐹𑐳 𑐣𑑂𑐫𑐵𑐣𑐵 𑐴𑐮 𑐢𑐂𑐐𑐸 𑐏𑑃𑐫𑑂 𑐏𑑅 𑑋 𑐎𑐮𑐵𑑅𑐩𑑂𑐴𑐾𑐳𑐶𑐣𑑄 𑐰 𑐳𑑂𑐰𑐫𑐵𑑄 𑐰𑐕𑐶 𑐨𑐵𑐰𑑄 𑐩𑐾𑐐𑐸 𑐴𑐾 𑐥𑐳𑐮𑑄 𑐰 𑐴𑐾 𑐖𑐹𑐳 𑐣𑑂𑐫𑐵𑐣𑐵 𑐴𑑅𑐐𑐸 𑐖𑐸𑐫𑐵𑐔𑑂𑐰𑐣 𑑋 𑐠𑑂𑐰 𑐴𑐾 𑐎𑐵𑐬𑐞𑑄 𑐎𑐮𑐵𑑅𑐩𑑂𑐴𑑄 𑐎𑐔𑐎𑐔 𑐫𑐵𑑅𑐐𑐸 𑐏𑑅 𑑋
𑐰𑐫𑐵𑑄 𑐮𑐶𑐥𑐵 𑐎𑐮𑐵𑑅𑐫𑐵 𑐎𑐔𑐎𑐔 𑐣𑑂𑐫𑐣𑐾 𑐩𑐦𑐫𑐵𑑅 𑐳𑐸𑐩𑐷𑑄 𑐠𑐩𑑂𑐴𑑄 𑐣𑑂𑐫𑐵𑐣𑐵𑐴𑑅𑐐𑐸 𑐖𑐹𑐳 𑐮𑐶𑐟 𑐟𑐫𑐾𑐟 𑐰 𑐴𑐾 𑐥𑐳𑐮𑐫𑑂 𑐰𑐣 𑐀𑐮𑐾 𑐰𑑄 𑐀𑐣 𑐖𑐹𑐳 𑐮𑐶𑐟 𑐧𑐶𑐫𑐵𑑅 𑐢𑑂𑐫𑐧𑐵 𑐎𑐫𑐵𑐴𑐮 𑑋 𑐳𑑄𑐫𑑀𑐐𑐧𑐱 𑐰 𑐴𑐾 𑐥𑐳𑐮𑐫𑑂 ‘𑐥𑐵𑐰𑐬𑐧𑐮 𑐖𑑂𑐫𑐵𑐎𑐥𑐚’ 𑐀𑐬𑑂𑐠𑐵𑐟 𑐕𑐐𑐹 𑐔𑐶𑐚𑑂𑐛𑐵 𑐣𑑄 𑐏𑐸𑐮𑐾 𑐖𑐸𑐫𑐵𑐔𑑂𑐰𑑄𑐐𑐸 𑐖𑐸𑐫𑐵𑐔𑑂𑐰𑐣 𑑋 𑐎𑐮𑐵𑑅𑐫𑐵 𑐎𑐔𑐎𑐔 𑐴𑐷𑐩𑐷 𑐔𑐵𑑅𑐩𑑂𑐴 𑐳𑐸𑐩𑐷𑑄 𑐰 𑐢𑑂𑐫𑐧𑐵𑑄 𑐔𑐶𑐚𑑂𑐛𑐵𑐫𑐵 𑐕𑐥𑐵𑑅 𑐚𑐶𑐎𑐚 𑐣𑑂𑐫𑐵𑐣𑐵𑑅 𑐕𑐾𑑃𑐫𑑂 𑐮𑐶𑐴𑐵𑑄 𑐰𑐮 𑑋 𑐖𑑂𑐫𑐵𑐎𑐥𑐚 𑐟𑑂𑐫𑐵𑐎𑐹𑐩𑑂𑐴𑐾𑐳𑐶𑐟 𑑓𑑐𑑖 𑐩𑐶𑐮𑐶𑐫𑐣 𑐜𑐮𑐬 𑐡𑐂𑐐𑐸 𑐔𑐶𑐛𑑂𑐛𑐵𑐫𑑂 𑐣𑑂𑐴𑑂𑐫𑐠𑐣𑐵𑐟𑑅𑐐𑐸 𑐏𑑅𑐳𑐵𑑄 𑐳𑐸𑐩𑐷𑑄 𑐠𑑅𑐟 𑐴𑐾 𑐮𑐵𑐂 𑐢𑐎𑐵𑑅 𑐮𑐵 𑐰𑐶𑐱𑑂𑐰𑐵𑐳 𑐫𑐵𑑅𑐐𑐸 𑐮𑐵 𑐩𑐏𑐸 𑑋
𑐎𑐣𑑂𑐴𑐫𑑂𑐎𑐸𑐣𑑂𑐴𑐸 𑐰 𑐴𑐾 𑐮𑑃𑐥𑐸 𑐖𑐸𑐣𑐵𑑅 𑐰𑐣𑐵𑐔𑑂𑐰𑑄𑐩𑑂𑐴 𑐳𑐸𑐩𑐷 𑐰 𑐴𑐾 𑐳𑑂𑐚𑑀𑐬𑑄 𑐰𑐣𑐵𑐔𑑂𑐰𑑄𑐐𑐸 𑐖𑐸𑐫𑐵𑐔𑑂𑐰𑐣 𑑋 𑐳𑑂𑐚𑑀𑐬 𑐣𑑂𑐴𑑂𑐫𑑅𑐣𑐾 𑐠𑑂𑐫𑐣𑐾𑐰𑑄 𑐰𑑄 𑐠𑐩𑑂𑐴𑑄 𑐣𑑂𑐫𑐵𑐣𑐵𑐐𑐸 𑐔𑐶𑐛𑑂𑐛𑐵𑐫𑐵 𑐮𑐶𑐔𑑂𑐰𑑅 𑐳𑑂𑐰𑐫𑐾𑐟 𑐀𑐣 𑐮𑐶𑐎𑑂𑐎𑐳𑑄 𑐔𑑂𑐰𑑄𑐐𑐸 𑐩𑐾𑐳𑐶𑐣𑐫𑑂 𑐳𑑂𑐎𑑂𑐫𑐵𑐣 𑐫𑐵𑐟 𑑋 𑐩𑐾𑐳𑐶𑐣𑑄 𑐄𑐐𑐸 𑐚𑐶𑐎𑐚 𑐰𑐶𑐎𑑂𑐬𑐾𑐟𑐵𑐫𑐵𑐟 𑐎𑑂𑐫𑐣𑐾𑐟 𑐳𑐸𑐔𑑅 𑐧𑐶𑐮 𑑋 𑐰𑑄 𑐟𑐵𑐫𑐾𑐎𑐮 𑐎𑐶 𑐩𑐾𑐱𑐷𑐣𑐫𑑂 𑐕𑐸𑑄 𑐳𑐩𑐳𑑂𑐫𑐵 𑐰𑑅𑐐𑐸 𑐡𑐫𑐾𑐩𑐵𑑅 𑑋 𑐠𑑂𑐰 𑐴𑐾 𑐰𑐶𑐔𑐵𑑅 𑐫𑐵𑐣𑐵𑑅 𑐳𑐸𑐩𑐷 𑐚𑐶𑐎𑐚 𑐎𑑂𑐫𑐣𑐾𑐟 𑐥𑐳𑑅 𑐠𑐸𑐰𑐵𑑅𑐫𑐵𑐠𑐵𑐫𑑂 𑐰𑐣 𑑋
𑐖𑐧 𑐥𑐳𑐮𑑂𑐫𑐵𑑄 𑐚𑐶𑐎𑐚 𑐖𑐵𑑄𑐔 𑐫𑐵𑐟, 𑐀𑐧𑐮𑐫𑑂 𑐥𑐳𑑅𑐠𑐸𑐰𑐵𑑅 𑐕𑐗𑐵𑑅𑐫𑐵 𑐣𑐶𑑄𑐟𑐶𑑄 𑐴𑑀𑐳 𑐴𑐾 𑐟𑑄𑐩𑑂𑐴 𑐠𑐾𑑄 𑐖𑐸𑐮 𑑋 𑐕𑐵𑐫𑑂𑐎𑐶 𑐔𑐶𑐛𑑂𑐛𑐵 𑐳𑐸𑐩𑐷𑐫𑐵𑐟 𑐴𑐾 𑐮𑐵𑑅𑐐𑐸 𑐖𑐸𑐫𑐵𑐔𑑂𑐰𑐣 𑑋 𑐳𑐸𑐩𑐷𑑄 𑐔𑐶𑐚𑑂𑐛𑐵𑐫𑑂 𑐑𑑀𑐲𑐞𑐵 𑐫𑐵𑐣𑐵𑐟𑑅𑐐𑐸 𑐖𑑂𑐫𑐵𑐎𑐥𑐚 𑐰𑐵𑐥𑐟 𑑓𑑑 𑐎𑐬𑑀𑐜 𑑕𑑓 𑐮𑐵𑐏 𑐜𑐮𑐬 𑐥𑐸𑐬𑐳𑑂𑐎𑐵𑐬 𑐟𑑂𑐫𑐵𑐎𑐹𑐐𑐸 𑐏𑑅 𑑋

𑐳𑐩𑑂𑐧𑐣𑑂𑐢𑐶𑐟 𑐧𑐸𑐏𑑃

LEAVE YOUR COMMENTS