𑐣𑐾𑐰𑐵𑑅 𑐡𑐾𑐫𑑂 𑐡𑐧𑐹 𑐢𑐵𑐡𑐶𑐒 𑐣𑐷𑐳𑑂𑐰𑐣
𑐫𑐾𑑃 – 𑐢𑐵𑐡𑐶𑐒𑐫𑐵 𑐠𑐷𑐠𑐷 𑐣𑐾𑐰𑐵𑑅 𑐏𑐮𑑅, 𑐥𑐸𑐔𑑅 𑐰 𑐳𑐩𑐵𑐖𑐫𑐵 𑐨𑐾𑐮𑐵𑑄 𑐣𑐬𑐧𑐴𑐵𑐡𑐸𑐬 𑐱𑑂𑐬𑐾𑐲𑑂𑐛𑐫𑐵 𑐀𑐢𑑂𑐫𑐎𑑂𑐲𑐟𑐵𑐫𑑂 𑐣𑐾𑐰𑐵𑑅 𑐡𑐾𑐫𑑂 𑐡𑐧𑐹 𑐖𑐶𑐮𑑂𑐮𑐵 𑐳𑐩𑐶𑐟𑐶 𑐢𑐵𑐡𑐶𑐒 𑐣𑐷𑐳𑑂𑐰𑑄𑐐𑐸 𑐡𑐸 𑑋 𑐨𑐾𑐮𑐵𑑄 𑐣𑐵𑐬𑐵𑐫𑐞 𑐮𑐵𑐮 𑐱𑑂𑐬𑐾𑐲𑑂𑐛𑐫𑐵𑐟 𑐕𑑂𑐫𑐵𑐘𑑂𑐖𑐾, 𑐩𑐫𑑂𑐖𑐸 𑐐𑑄𑐐𑐵 𑐱𑑂𑐬𑐾𑐲𑑂𑐛𑐫𑐵𑐟 𑐡𑐵𑑄𑐨𑐬𑐶 𑐰 𑐣𑐣𑑂𑐡 𑐥𑑂𑐬𑐳𑐵𑐡 𑐱𑑂𑐬𑐾𑐲𑑂𑐛, 𑐩𑑀𑐴𑐣 𑐱𑑂𑐬𑐾𑐲𑑂𑐛, 𑐂𑐱𑑂𑐰𑐬 𑐱𑑂𑐬𑐾𑐲𑑂𑐛 𑐰 𑐴𑐬𑐶 𑐣𑐵𑐬𑐵𑐫𑐞 𑐱𑑂𑐬𑐾𑐲𑑂𑐛𑐫𑐵𑐟 𑐡𑐸𑐖𑐮𑐫𑑂 𑐮𑑂𑐫𑑅𑐐𑐸 𑐏𑑅 𑑋
𑐗𑐷𑐐𑐸 𑐣𑐾𑐰𑐵𑑅 𑐳𑐩𑐵𑐖 𑐢𑐵𑐡𑐶𑐒𑐫𑐵 𑐐𑑂𑐰𑐳𑐵𑐮𑐫𑑂 𑐖𑐹𑐐𑐸 𑐨𑐾𑐮𑐵𑐫𑑂 𑐩𑐹 𑐥𑐵𑐴𑐵𑑃 𑐎𑐠𑑄 𑐣𑐾𑐰𑐵𑑅 𑐡𑐾𑐫𑑂 𑐡𑐧𑐹𑐫𑐵 𑐣𑐵𑐫𑑅 𑐣𑐬𑐾𑐱𑐎𑐸𑐩𑐵𑐬 𑐟𑐵𑐩𑑂𑐬𑐵𑐎𑐵𑐬 𑐗𑐵𑐫𑐵𑐡𑐷𑐐𑐸 𑐏𑑅 𑑋 𑐨𑐾𑐮𑐵𑐫𑑂 𑐰𑐫𑑂𑐎𑐮𑑄 𑐣𑐾𑐰𑐵𑑅 𑐡𑐾𑐫𑑂 𑐩𑑂𑐴𑐳𑐶𑐎𑐵, 𑐩𑐹𑐮 𑐄𑐡𑑂𑐡𑐾𑐱𑑂𑐫, 𑐎𑐵𑐬𑑂𑐫𑐎𑑂𑐬𑐩 𑐣𑐵𑐥𑐣𑐵𑐥𑑄 𑐳𑑄𑐐𑐛𑐣𑐫𑐵 𑐳𑑂𑐰𑐬𑐸𑐥 𑐁𑐡𑐶 𑐰𑐶𑐲𑐫𑐫𑑂 𑐡𑐸𑐐𑑂𑐫𑑄𑐎 𑐏𑑃 𑐟𑐫𑐵𑐡𑐷𑐂𑐐𑐸 𑐏𑑅 𑑋 𑐀𑐠𑐾𑐴𑐾 𑐨𑐾𑐮𑐵𑐫𑑂 𑐣𑐾𑐰𑐵𑑅 𑐨𑐵𑐲𑐵, 𑐎𑐮𑐵, 𑐳𑑄𑐳𑑂𑐎𑐺𑐟𑐶 𑐰 𑐳𑑄𑐳𑑂𑐎𑐵𑐬 𑐰𑐶𑐲𑐫 𑐣𑑄 𑐕𑐮𑐦𑐮 𑐖𑐹𑐐𑐸 𑐏𑑅 𑑋
𑐨𑐾𑐮𑐵𑐫𑑂 𑐡𑐾𑐫𑑂 𑐡𑐧𑐹𑐫𑐵 𑐣𑑂𑐰𑐎𑐹 𑐨𑐵𑐖𑐸 𑐔𑐣𑑂𑐡𑑂𑐬𑐮𑐵𑐮 𑐬𑐵𑐖𑐨𑐞𑑂𑐜𑐵𑐬𑐷, 𑐩𑐹𑐕𑑂𑐫𑐵𑐘𑑂𑐖𑐾 𑐩𑐵𑐂𑐮𑐵𑐧𑐵𑐧𑐸 𑐡𑑂𑐫𑑀𑐮𑐵, 𑐎𑐾𑐣𑑂𑐡𑑂𑐬𑐷𑐫 𑐡𑐸𑐖𑑅 𑐫𑐱𑑀𑐡𑐡𑐾𑐰𑐷 𑐱𑑂𑐬𑐾𑐲𑑂𑐛𑑄 𑐥𑐵𑐴𑐵𑑃𑐎𑐠𑑄 𑐧𑑂𑐰𑐟𑐶 𑐎𑐫𑐵𑐡𑐷𑐐𑐸 𑐏𑑅 𑑋 𑐖𑐶𑐮𑑂𑐮𑐵𑐫𑐵 𑐠𑐷𑐠𑐷 𑐠𑐵𑐳𑑄 𑐧𑑂𑐰𑐟𑐶 𑐎𑐵𑑅𑐗𑐵𑑅𑐥𑐶𑑄𑐳𑑄 𑐟𑐫𑐵𑐡𑐷𑐐𑐸 𑐣𑑂𑐴𑑂𑐫𑐳𑑅𑐫𑐵 𑐮𑐶𑐳𑑅 𑐥𑐵𑐴𑐵𑑃𑐥𑐶𑑄𑐳𑑄 𑐧𑐶𑐫𑐵𑐡𑐷𑐐𑐸 𑐏𑑅 𑑋
LEAVE YOUR COMMENTS