Read news in NepalBhasa text-- www.hamroschool.com BACK 𑐠𑑁𑑄 𑐡𑐾𑐫𑑂𑐣𑑂𑐫𑑄𑐎𑑄 𑐑𑑁𑐕𑐶 𑐔𑐎𑑂𑐎𑐵 𑐖𑐵𑐩 – 𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳

𑐠𑑁𑑄 𑐡𑐾𑐫𑑂𑐣𑑂𑐫𑑄𑐎𑑄 𑐑𑑁𑐕𑐶 𑐔𑐎𑑂𑐎𑐵 𑐖𑐵𑐩

𑐂𑐣𑑂𑐢𑐣 𑐩𑐹𑐮𑑂𑐫𑐰𑐺𑐡𑑂𑐢𑐶 𑐰𑐶𑐬𑐸𑐡𑑂𑐢 𑐣𑐾𑐰𑐶 𑐳𑑄𑐑 𑐎𑐸𑐴𑐵𑑄 𑐰𑐮

𑐫𑐾𑑃 – 𑐥𑑂𑐬𑐢𑐵𑐣𑐩𑐣𑑂𑐟𑑂𑐬𑐷 𑐎𑐾𑐥𑐷 𑐌𑐮𑐷𑐫𑐵 𑐳𑐬𑐎𑐵𑐬 𑐰𑐫𑐾𑐰𑑄 𑐮𑐐𑐵𑐟𑐵𑐬 𑐴𑐾 𑐥𑑂𑐫𑐎𑑂𑐰𑑅 𑐟𑐎 𑐥𑐾𑐚𑑂𑐬𑑀𑐮𑐶𑐫𑐩 𑐥𑐡𑐵𑐬𑑂𑐠𑐫𑐵 𑐨𑐵𑑅 𑐠𑐎𑐵𑐫𑐾𑐰𑑄 𑐁𑑅 𑐥𑑂𑐬𑐩𑐸𑐏 𑐥𑑂𑐬𑐟𑐶𑐥𑐎𑑂𑐲𑐷 𑐣𑐾𑐥𑐵𑐮𑐷 𑐎𑐵𑑄𑐐𑑂𑐬𑐾𑐳 𑐳𑐩𑐬𑑂𑐠𑐶𑐟 𑐰𑐶𑐡𑑂𑐫𑐵𑐬𑑂𑐠𑐷 𑐳𑑄𑐐𑐛𑐣 𑐣𑐾𑐰𑐶 𑐳𑑄𑐑 𑐳𑑄𑐑𑐬𑑂𑐲𑐫𑑂 𑐎𑐸𑐴𑐵𑑄 𑐰𑐂𑐐𑐸 𑐖𑐹𑐐𑐸 𑐡𑐸 𑑋 𑐣𑐾𑐰𑐶 𑐳𑑄𑐑𑑄 𑐂𑐣𑑂𑐢𑐣𑐫𑐵 𑐨𑐵𑑅 𑐠𑐎𑐵𑑅𑐐𑐸 𑐏𑑃𑐫𑐵𑐟 𑐴𑐾 𑐩𑐸𑐡𑑂𑐡𑐵 𑐡𑐫𑐾𑐎𑐵𑑅 𑐁𑑅 𑐳𑐬𑐎𑐵𑐬 𑐰𑐶𑐬𑐸𑐡𑑂𑐢 𑐁𑐣𑑂𑐡𑑀𑐮𑐣 𑐫𑐵𑐫𑐾𑐐𑐸 𑐟𑐫𑐵𑐬𑐷 𑐫𑐵𑑅𑐐𑐸 𑐏𑐣𑐾𑐡𑐸 𑑋

𑐠𑑅𑐥𑐶𑐣𑐶 𑐁𑐣𑑂𑐡𑑀𑐮𑐣𑐫𑐵 𑐣𑑂𑐴𑐵𑐥𑐵𑑄𑐐𑐸 𑐖𑑂𑐫𑐵𑐗𑑂𑐰𑑅 𑐎𑐠𑑄 𑐠𑑁𑑄 𑐧𑐸𑐢𑐰𑐵𑑅 𑐣𑑂𑐴𑐶𑐣𑐫𑑂 𑐑𑑁𑐕𑐶 𑐔𑐎𑑂𑐎𑐵 𑐖𑐵𑐩 𑐫𑐵𑐣𑐵𑑅 𑐳𑐬𑐎𑐵𑐬𑐫𑐵𑐟 𑐳𑐔𑐾𑐟 𑐫𑐵𑐫𑐾𑐟𑑂𑐫𑑄𑐐𑐸 𑐡𑐸 𑑋 𑐠𑑂𑐰 𑐔𑐎𑑂𑐎𑐵 𑐖𑐵𑐩𑐫𑐵 𑐖𑑂𑐫𑐵𑐗𑑂𑐰𑑅 𑐡𑐾𑐫𑑂𑐣𑑂𑐫𑑄𑐎𑑄 𑐴𑐾 𑐖𑐸𑐂𑐐𑐸 𑐏𑑃 𑐣𑑄 𑐢𑐵𑑅𑐐𑐸 𑐡𑐸 𑑋 𑑗𑑗 𑐐𑐸𑐮𑐶𑑄 𑐖𑐶𑐮𑑂𑐮𑐵𑐫𑐵 𑐖𑐶𑐮𑑂𑐮𑐵 𑐳𑐡𑐬 𑐩𑐸𑐎𑐵𑐩𑐫𑑂 𑐠𑑂𑐰 𑐔𑐎𑑂𑐎𑐵 𑐖𑐵𑐩 𑐫𑐵𑐫𑐾𑐐𑐸 𑐖𑑂𑐫𑐵𑐗𑑂𑐰𑑅 𑐳𑑄𑐑𑑄 𑐡𑐫𑐾𑐎𑐹𑐐𑐸 𑐡𑐸 𑑋

𑐠𑐴𑐵𑑄 𑐰𑑄𑐐𑐸 𑐂𑐣𑑂𑐢𑐣𑐫𑐵 𑐨𑐵𑑅 𑐎𑑂𑐰𑐎𑐵𑐫𑐾𑐐𑐸 𑐮𑐵𑐐𑐶𑑄 𑐣𑐾𑐰𑐶 𑐳𑑄𑐑𑑄 𑐩𑑂𑐴𑐶𑐐𑑅 𑐡𑐾𑐫𑑂𑐫𑐵 𑑗𑑗 𑐐𑐸𑐮𑐶𑑄 𑐖𑐶𑐮𑑂𑐮𑐵𑐫𑐵 𑐳𑐷𑐜𑐷𑐌𑐟𑐫𑑂𑐟 𑐖𑑂𑐘𑐵𑐥𑐣𑐥𑑁 𑐣𑑄 𑐮𑑅𑐮𑑂𑐴𑐵𑐫𑐾𑐢𑐸𑑄𑐎𑐹𑐐𑐸 𑐡𑐸 𑑋 𑐀𑐣𑑂𑐟𑐬𑑂𑐬𑐵𑐲𑑂𑐚𑑂𑐬𑐶𑐫 𑐧𑐖𑐵𑐬𑐫𑑂 𑐂𑐣𑑂𑐢𑐣𑐫𑐵 𑐨𑐵𑑅 𑐎𑐸𑐴𑐵𑑄 𑐰𑐫𑐵𑐔𑑂𑐰𑑄𑐳𑐵𑑄 𑐣𑐾𑐥𑐵𑐮𑐫𑑂 𑐢𑐵𑑅𑐳𑐵 𑐮𑐐𑐵𑐟𑐵𑐬 𑐨𑐵𑑅 𑐠𑐎𑐫𑐵𑐔𑑂𑐰𑐣 𑐢𑐵𑐳𑐾𑑄 𑐠𑐴𑐵𑑄 𑐰𑑄𑐐𑐸 𑐨𑐵𑑅 𑐟𑐸𑐬𑐸𑐣𑑂𑐟 𑐎𑑂𑐰𑐩𑐎𑐵𑐮 𑐢𑐵𑑅𑐳𑐵 𑐁𑐣𑑂𑐡𑑀𑐮𑐣 𑐫𑐵𑐫𑐾𑐐𑐸 𑐖𑐸𑐂 𑐢𑐎𑐵𑑅 𑐣𑑄 𑐖𑑂𑐘𑐵𑐥𑐣𑐫𑑂 𑐏𑑂𑐫𑐵𑐔𑑂𑐰𑑅 𑐧𑐶𑐫𑐵𑐟𑑅𑐐𑐸 𑐡𑐸 𑑋

𑐣𑐾𑐰𑐶 𑐳𑑄𑐑𑐫𑐵 𑐳𑐨𑐵𑐥𑐟𑐶 𑐣𑐿𑐣𑐳𑐶𑑄𑐴 𑐩𑐴𑐬𑑄 𑐳𑐬𑐎𑐵𑐬𑑄 𑐂𑐣𑑂𑐢𑐣𑐫𑐵 𑐨𑐵𑑅 𑐎𑑂𑐰𑐩𑐎𑐵𑑅𑐟𑐮𑐾 𑐠𑑅𑐥𑐶𑑄𑐳𑑄 𑐁𑐣𑑂𑐡𑑀𑐮𑐣 𑐩𑐡𑐶𑐎𑐾𑐐𑐸 𑐏𑑃 𑐢𑐫𑐵𑐡𑐷𑐐𑐸 𑐡𑐸 𑑋 𑐠𑑅𑐥𑐶𑑄𑐳𑑄 𑐁𑐣𑑂𑐡𑑀𑐮𑐣𑐫𑐵 𑐟𑐫𑐵𑐬𑐷 𑐫𑐵𑐣𑐵𑐔𑑂𑐰𑐣𑐵𑐐𑐸 𑐧𑐵𑐬𑐾 𑐖𑐵𑐣𑐎𑐵𑐬𑐷 𑐧𑐷𑐟 𑐣𑐾𑐰𑐶 𑐳𑑄𑐑 𑐰𑐶𑐡𑑂𑐫𑐵𑐬𑑂𑐠𑐷𑐟𑐫𑑂𑐳𑑄 𑐁𑐥𑐹𑐬𑑂𑐟𑐶𑐩𑐣𑑂𑐟𑑂𑐬𑐷 𑐩𑐵𑐟𑐺𑐎𑐵 𑐫𑐵𑐡𑐰𑐫𑐵𑐟 𑐣𑑄 𑐣𑐵𑐥𑐮𑐵𑐣𑐵𑑅 𑐳𑑂𑐩𑐬𑐞𑐥𑐟𑑂𑐬 𑐧𑐷𑐢𑐸𑑄𑐎𑐹𑐐𑐸 𑐡𑐸 𑑋

𑐁𑐥𑐹𑐬𑑂𑐟𑐶𑐩𑐣𑑂𑐟𑑂𑐬𑐷𑐫𑐵𑐟 𑐖𑑂𑐘𑐵𑐥𑐣𑐥𑐟𑑂𑐬 𑐧𑐶𑐄 𑐰𑑄𑐧𑐮𑐫𑑂 𑐰𑐫𑑂𑐎𑐮𑑄 𑐀𑐣𑑂𑐟𑐬𑑂𑐬𑐵𑐲𑑂𑐚𑑂𑐬𑐶𑐫 𑐧𑐖𑐵𑑅 𑐨𑐵𑑅 𑐎𑐠𑑄 𑐳𑐩𑐵𑐫𑑀𑐖𑐣 𑐫𑐵𑐣𑐵𑐧𑐮𑐫𑑂 𑐂𑐣𑑂𑐢𑐣𑐫𑐵 𑐨𑐵𑑅 𑐠𑐴𑐵𑑄 𑐰𑑄𑐐𑐸 𑐏𑑃 𑐎𑐣𑐵𑐡𑐷𑐐𑐸 𑐏𑑅 𑑋 𑐟𑐬 𑐣𑐾𑐰𑐶 𑐳𑑄𑐑 𑐥𑑂𑐬𑐟𑐶𑐣𑐶𑐢𑐶𑐟𑐫𑑂𑐳𑑄 𑐀𑐣𑑂𑐟𑐬𑑂𑐬𑐵𑐲𑑂𑐚𑑂𑐬𑐶𑐫 𑐧𑐖𑐵𑐬𑐫𑑂 𑐠𑑁𑑄𑐎𑐣𑑂𑐴𑐫𑑂 𑐂𑐣𑑂𑐢𑐣𑐫𑐵 𑐨𑐵𑑅 𑐠𑐴𑐵𑑄 𑐰𑐣𑐵𑐔𑑂𑐰𑑄𑐐𑐸 𑐩𑐏𑐸, 𑐎𑐸𑐴𑐵𑑄 𑐰𑐫𑐵𑐔𑑂𑐰𑑄𑐐𑐸 𑐖𑐵𑐣𑐎𑐵𑐬𑐷 𑐧𑐶𑐳𑐾𑑄 𑐠𑐖𑑂𑐫𑐵𑑅𑐐𑐸 𑐂𑐮𑐫𑑂 𑐣𑑄 𑐐𑐫𑑂 𑐫𑐵𑐣𑐵𑑅 𑐨𑐵𑑅 𑐠𑐴𑐵𑑄 𑐰𑐣 𑐢𑐎𑐵𑑅 𑐣𑑂𑐴𑑂𑐫𑐳𑑅 𑐟𑑅𑐐𑐸 𑐏𑑅 𑑋

𑐣𑐾𑐥𑐵𑐮 𑐁𑐫𑐮 𑐣𑐶𑐐𑐩𑑄 𑐢𑐵𑑅𑐳𑐵 𑐀𑐣𑑂𑐟𑐬𑑂𑐬𑐵𑐲𑑂𑐚𑑂𑐬𑐶𑐫 𑐨𑐵𑑅 𑐳𑑂𑐰𑐫𑐵𑑄 𑐣𑑄 𑐂𑐞𑑂𑐜𑐶𑐫𑐣 𑐁𑐫𑐮 𑐎𑐬𑑂𑐥𑑀𑐬𑐾𑐱𑐣𑑄 𑐕𑑂𑐰𑐫𑐵 𑐴𑑅𑐐𑐸 𑐣𑑂𑐴𑐹𑐐𑐸 𑐨𑐵𑑅 𑐎𑐠𑑄 𑐣𑐾𑐥𑐵𑐮𑐫𑑂 𑐂𑐣𑑂𑐢𑐣𑐫𑐵 𑐨𑐵𑑅 𑐠𑐎𑐵𑐫𑐾𑐩𑐵𑑅𑐐𑐸 𑐏𑑃 𑐢𑐵𑑅𑐐𑐸 𑐡𑐸 𑑋 𑐣𑐾𑐥𑐵𑐮𑐫𑑂 𑐳𑑂𑐰𑐫𑐵𑑄 𑐨𑐵𑐬𑐟𑐫𑑂 𑐔𑐶𑐎𑑄𑐫𑐵 𑐨𑐵𑑅 𑐠𑐴𑐵𑑄 𑐰𑐣𑐵𑐔𑑂𑐰𑑄𑐐𑐸𑐮𑐶𑑄 𑐣𑐾𑐥𑐵𑑅𑐫𑐵 𑐔𑐶𑐎𑑄 𑐨𑐵𑐬𑐟𑐥𑐵𑐏𑐾 𑐴𑐾 𑐔𑑀𑐬𑐷 𑐣𑐶𑐎𑐵𑐳𑐷 𑐖𑐸𑐫𑐵𑐔𑑂𑐰𑑄𑐐𑐸 𑐏𑑃𑐫𑑂 𑐨𑐵𑐬𑐟𑑄 𑐁𑐥𑐟𑑂𑐟𑐶 𑐎𑑂𑐫𑐣𑐵 𑐰𑐫𑐵𑐔𑑂𑐰𑑄𑐐𑐸 𑐏𑑅 𑑋

 𑐧𑐖𑐵𑑅𑐨𑐵𑑅 𑐀𑐣𑐶𑐫𑐣𑑂𑐟𑑂𑐬𑐶𑐟
𑐳𑐬𑐎𑐵𑐬𑑄 𑐂𑐣𑑂𑐢𑐣𑐫𑐵 𑐨𑐵𑑅 𑐠𑐎𑐵𑑅𑐐𑐸 𑐟𑑂𑐰𑐴𑑅 𑐔𑐶𑐣𑐵𑑅 𑐡𑐾𑐫𑑂𑐫𑐵 𑐦𑐸𑐎𑑂𑐎 𑐰𑐳𑑂𑐟𑐸𑐫𑐵 𑐨𑐵𑑅 𑐁𑐎𑐵𑐗𑐵𑐎𑐵𑑄 𑐰𑑄𑐐𑐸 𑐡𑐸 𑑋 𑐏𑐵𑐳 𑐫𑐵𑐣𑐵𑑅 𑐣𑐎𑐟𑐶𑐣𑐶 𑐳𑐵𑐬𑑂𑐰𑐖𑐣𑐶𑐎 𑐖𑐹𑐐𑐸 𑐧𑐖𑐾𑐚𑐫𑐵𑐟 𑐣𑑄 𑐟𑑂𑐰𑐴𑑅 𑐡𑐫𑐾𑐎𑐵𑑅 𑐠𑐠𑐾 𑐨𑐵𑑅 𑐠𑐎𑐵𑑅𑐐𑐸 𑐏𑑅 𑑋 𑐧𑐖𑐵𑑅𑐨𑐵𑑅 𑐮𑐵𑐠𑐾𑐥𑐵𑐠𑐾 𑐝𑑄𑐐𑑄 𑐠𑐴𑐵𑑄 𑐰𑑄𑐳𑐵𑑄 𑐄𑐎𑐶𑐫𑐵𑐟 𑐣𑐶𑐫𑐣𑑂𑐟𑑂𑐬𑐫𑐞 𑐫𑐵𑐫𑐾𑐐𑐸 𑐮𑐵𑐐𑐶𑑄 𑐢𑐵𑑅𑐳𑐵 𑐳𑐬𑐎𑐵𑐬𑑄 𑐕𑐸𑑄 𑐴𑐾 𑐥𑐮𑐵𑑅 𑐩𑐮𑑂𑐴𑑂𑐰𑑄𑐐𑐸 𑐏𑑃 𑐢𑐵𑑅𑐐𑐸 𑐡𑐸 𑑋 𑐂𑐣𑑂𑐢𑐣𑐫𑐵 𑐨𑐵𑑅 𑐰𑐣𑐾𑐰𑑄 𑐝𑐸𑐰𑐵𑐣𑐷 𑐏𑐬𑑂𑐔 𑐀𑐥𑑂𑐰𑐫𑐵𑑅 𑐧𑐖𑐵𑑅𑐨𑐵𑑅 𑐠𑐴𑐵𑑄 𑐰𑐣𑐷𑐐𑐸 𑐏𑐣𑐾𑐡𑐸 𑑋

𑐳𑐩𑑂𑐧𑐣𑑂𑐢𑐶𑐟 𑐧𑐸𑐏𑑃

LEAVE YOUR COMMENTS