𑐣𑑂𑐴𑐹 𑐳𑐬𑐎𑐵𑐬𑑄 𑐥𑑂𑐬𑐡𑐾𑐱 𑐥𑑂𑐬𑐩𑐸𑐏 𑐴𑐶𑐮𑐾𑐦𑐸 – 𑐌𑐮𑐷
𑐫𑐾𑑃– 𑐊𑐩𑐵𑐮𑐾 𑐀𑐢𑑂𑐫𑐎𑑂𑐲 𑐎𑐾𑐥𑐷 𑐌𑐮𑐷𑑄 𑐠𑑅𑐥𑐶𑐣𑐶𑐐𑐸 𑐳𑐬𑐎𑐵𑐬 𑐰𑐫𑐾𑐢𑐸𑑄𑐎𑐵𑑅 𑐥𑑂𑐬𑐡𑐾𑐱 𑐥𑑂𑐬𑐩𑐸𑐏 𑐰 𑐀𑐳𑑂𑐠𑐵𑐫𑐷 𑐬𑐵𑐖𑐢𑐵𑐣𑐷 𑐴𑐶𑐮𑐾𑐦𑐸𑐐𑐸 𑐏𑑃 𑐢𑐫𑐵𑐡𑐷𑐐𑐸 𑐡𑐸 𑑋 𑐳𑑂𑐰𑐵𑐳𑑂𑐠𑑂𑐫 𑐥𑐬𑐷𑐎𑑂𑐲𑐞 𑐫𑐵𑐫𑐾𑐟 𑐧𑐿𑑄𑐎𑐎 𑐰𑐣𑐵𑐔𑑂𑐰𑐣𑐵𑐡𑐷𑐩𑑂𑐴 𑐌𑐮𑐷 𑐠𑑁𑑄 𑐮𑐶𑐴𑐵𑑄 𑐰𑐫𑐾𑐰𑑄 𑐰𑐶𑐩𑐵𑐣𑐳𑑂𑐠𑐮𑐫𑑂 𑐥𑐟𑑂𑐬𑐎𑐵𑐬𑐟𑐮𑐶𑐳𑐾 𑐏𑑃 𑐮𑑂𑐴𑐵𑐳𑐾𑑄 𑐰𑐫𑑂𑐎𑐮𑑄 𑐥𑑂𑐬𑐡𑐾𑐱 𑐥𑑂𑐬𑐩𑐸𑐏 𑐰 𑐀𑐳𑑂𑐠𑐵𑐫𑐷 𑐬𑐵𑐖𑐢𑐵𑐣𑐷𑐂 𑐥𑐸𑐣𑐬𑑂𑐧𑐶𑐔𑐵𑐬 𑐖𑐸𑐂𑐦𑐸𑐐𑐸 𑐏𑑃 𑐢𑐫𑐵𑐡𑐷𑐐𑐸 𑐏𑑅 𑑋 𑐰𑐫𑑂𑐎𑐮𑑄 𑐳𑐬𑐎𑐵𑐬𑑄 𑐮𑐶𑐧𑐵𑐎 𑐴𑐾 𑐖𑐹𑐳𑐵𑑄 𑐥𑑂𑐬𑐡𑐾𑐱 𑐥𑑂𑐬𑐩𑐸𑐏 𑐰 𑐀𑐳𑑂𑐠𑐵𑐫𑐷 𑐬𑐵𑐖𑐢𑐵𑐣𑐷 𑐑𑑀𑐲𑐞𑐵 𑐫𑐵𑐣𑐵𑑅 𑐳𑐬𑐎𑐵𑐬𑐫𑐵 𑐖𑐶𑐩𑑂𑐩𑐾𑐰𑐵𑐬𑐷 𑐥𑐹𑐰𑑄𑐎𑐹𑐐𑐸 𑐢𑐵𑐳𑐾𑑄 𑐁𑑅 𑐟𑐬 𑐥𑑂𑐬𑐡𑐾𑐱 𑐬𑐵𑐖𑐢𑐵𑐣𑐷 𑐟𑑀𑐎𑐾 𑐫𑐵𑐫𑐾𑐐𑐸 𑐖𑑂𑐫𑐵 𑐥𑑂𑐬𑐡𑐾𑐱 𑐳𑐨𑐵𑑄 𑐫𑐵𑐂𑐐𑐸 𑐖𑐹𑐐𑐸𑐮𑐶𑑄 𑐁𑑅 𑐟𑐸𑐬𑐸𑐣𑑂𑐟 𑐬𑐵𑐖𑐢𑐵𑐣𑐷𑐫𑐵𑐟 𑐎𑐫𑐵𑑅 𑐁𑐣𑑂𑐡𑑀𑐮𑐣 𑐫𑐵𑐫𑐾𑐐𑐸 𑐁𑐰𑐱𑑂𑐫𑐎 𑐩𑐡𑐸𑐐𑐸 𑐏𑑃 𑐣𑑄 𑐢𑐫𑐵𑐡𑐷𑐐𑐸 𑐡𑐸 𑑋
𑐥𑑂𑐬𑐡𑐾𑐱 𑐥𑑂𑐬𑐩𑐸𑐏 𑐧𑐵𑐬𑐾 𑐢𑐵𑑅𑐳𑐵 𑐣𑑂𑐴𑐹𑐐𑐸 𑐳𑐬𑐎𑐵𑐬𑑄 𑐄𑐩𑐶𑐐𑐸 𑐧𑐵𑐬𑐾 𑐠𑐥 𑐖𑐵𑐣𑐎𑐵𑐬𑐷 𑐎𑐫𑐵𑑅 𑐁𑐰𑐱𑑂𑐫𑐎 𑐖𑐹𑐐𑐸 𑐴𑐶𑐮𑐾𑐦𑐸𑐐𑐸 𑐏𑑃 𑐰𑐫𑑂𑐎𑐮𑑄 𑐢𑐫𑐵𑐡𑐷𑐐𑐸 𑐡𑐸 𑑋 𑐰𑐫𑑂𑐎𑐮𑑄 𑐩𑐵𑐌𑐰𑐵𑐡𑐷 𑐎𑐾𑐣𑑂𑐡𑑂𑐬𑐮𑐶𑐳𑐾𑐫𑐵 𑐊𑐎𑐟𑐵 𑐥𑑂𑐬𑐎𑑂𑐬𑐶𑐫𑐵 𑐁𑑅 𑐟𑐷𑐰𑑂𑐬𑐐𑐟𑐶𑑄 𑐣𑑂𑐴𑑂𑐫𑐵𑐂𑐐𑐸 𑐏𑑃 𑐣𑑄 𑐢𑐫𑐵𑐡𑐷𑐐𑐸 𑐡𑐸 𑑋
LEAVE YOUR COMMENTS