Read news in NepalBhasa text-- www.hamroschool.com BACK 𑐣𑐵𑐬𑐵𑐫𑐞𑐑𑐵𑐚–𑐩𑐸𑐐𑑂𑐮𑐶𑐣 𑐳𑐟𑐎 𑐁𑐫𑑀𑐖𑐣𑐵 𑐴𑐵𑐎𑐣𑑄 𑐩𑑂𑐫𑐵𑐡 𑐠𑐥𑐫𑐵 𑐩𑐵𑐐 – 𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳

𑐣𑐵𑐬𑐵𑐫𑐞𑐑𑐵𑐚–𑐩𑐸𑐐𑑂𑐮𑐶𑐣 𑐳𑐟𑐎 𑐁𑐫𑑀𑐖𑐣𑐵 𑐴𑐵𑐎𑐣𑑄 𑐩𑑂𑐫𑐵𑐡 𑐠𑐥𑐫𑐵 𑐩𑐵𑐐

𑐫𑐾𑑃 – 𑐣𑐵𑐬𑐵𑐫𑐞𑐑𑐵𑐚–𑐩𑐸𑐐𑑂𑐮𑐶𑐣 𑐳𑐟𑐎 𑐁𑐫𑑀𑐖𑐣𑐵𑐫𑐵 𑐩𑑂𑐫𑐵𑐡 𑐴𑐵𑐎𑐣𑑄 𑐠𑐥 𑐫𑐵𑐫𑐾𑐟 𑐩𑐵𑐐 𑐫𑐵𑑅𑐐𑐸 𑐡𑐸 𑑋 𑐳𑐟𑐎 𑐁𑐫𑑀𑐖𑐣𑐵 𑐣𑐶𑐬𑑂𑐩𑐵𑐞 𑐎𑐩𑑂𑐥𑐣𑐷𑐟𑐫𑑂𑐳𑑄 𑐥𑑂𑐫𑐎𑑂𑐰𑑅𑐏𑐸𑐳𑐷 𑐩𑑂𑐫𑐵𑐡 𑐠𑐥 𑐖𑐹𑐳𑐵𑑄 𑐁𑐫𑑀𑐖𑐣𑐵𑐫𑐵 𑐖𑑂𑐫𑐵 𑐎𑑂𑐰𑐔𑐵𑐫𑐾𑐎𑐾 𑐩𑐦𑐫𑐾𑐰𑑄 𑐴𑐵𑐎𑐣𑑄 𑐩𑑂𑐫𑐵𑐡 𑐠𑐥𑐫𑐵 𑐣𑐶𑑄𑐟𑐶𑑄 𑐩𑐵𑐐 𑐫𑐵𑑅𑐐𑐸 𑐏𑑅 𑑋 𑐁𑐫𑑀𑐖𑐣𑐵𑐫𑐵 𑐥𑑂𑐫𑐎𑑂𑐰𑑅𑐏𑐸𑐳𑐷 𑐠𑐥 𑐖𑐹𑐐𑐸 𑐩𑑂𑐫𑐵𑐡𑐩𑐢𑑂𑐫𑐾 𑐣𑑂𑐴𑐵𑐥𑐵𑑄𑐐𑐸 𑐏𑐞𑑂𑐜𑐫𑐵 𑐩𑑂𑐫𑐵𑐡 𑐳𑐶𑐢𑐫𑐾 𑐢𑐸𑑄𑐎𑐹𑐐𑐸 𑐡𑐸𑐳𑐵 𑐣𑐶𑐐𑐹𑐐𑐸 𑐰 𑐳𑑂𑐰𑑄𑐐𑐹𑐐𑐸 𑐏𑐞𑑂𑐜𑐫𑐵 𑐩𑑂𑐫𑐵𑐡 𑐣𑑄 𑐧𑐵𑑅𑐕𑐶 𑐖𑐎 𑐃 𑐮𑑂𑐫𑑄 𑐡𑐣𑐶 𑑋

𑐣𑑂𑐴𑐵𑐥𑐵𑑄𑐐𑐸 𑐏𑐞𑑂𑐜𑐫𑐵 𑐩𑑂𑐫𑐵𑐡 𑐰𑑄𑐐𑐸 𑐩𑐃 𑑑𑑘, 𑑒𑑐𑑑𑑘 𑐫𑑂 𑐳𑐶𑐢𑑅𑐐𑐸 𑐏𑑅𑐳𑐵 𑐣𑐶𑐐𑐹𑐐𑐸 𑐰 𑐳𑑂𑐰𑑄𑐐𑐹𑐐𑐸 𑐏𑐞𑑂𑐜𑐫𑐵 𑐩𑑂𑐫𑐵𑐡 𑐠𑐣𑐶𑑄 𑐧𑐵𑑅𑐕𑐶 𑐖𑐎 𑐮𑑂𑐫𑑄 𑐡𑐣𑐶 𑑋 𑐣𑐶𑐐𑐹𑐐𑐸 𑐰 𑐳𑑂𑐰𑑄𑐐𑐹𑐐𑐸 𑐏𑐞𑑂𑐜𑐫𑐵 𑐩𑑂𑐫𑐵𑐡 𑐕𑐳𑐶𑐎𑐠𑑄 𑐩𑐃 𑑒𑑐 𑐰 𑑓𑑐 𑐟𑐵𑐬𑐶𑐏𑐟𑐎𑐫𑐵 𑐣𑐶𑑄𑐟𑐶𑑄 𑐏𑑅 𑑋 𑐣𑑂𑐴𑐵𑐥𑐵𑑄𑐐𑐸 𑐏𑐞𑑂𑐜𑐫𑑂 𑑔𑑐𑑐 𑐩𑐶𑐚𑐬 𑐰 𑐳𑑂𑐰𑑄𑐐𑐹𑐐𑐸 𑐏𑐞𑑂𑐜𑐫𑐵 𑐳𑐟𑐎 𑑑,𑑘𑑐𑑐 𑐩𑐶𑐚𑐬 𑐎𑐵𑐮𑑀𑐥𑐟𑑂𑐬𑐾 𑐫𑐵𑐫𑐾 𑐮𑑂𑐫𑑄 𑐡𑐣𑐶𑐳𑐵 𑐣𑐶𑐐𑐹𑐐𑐸 𑐏𑐞𑑂𑐜𑐫𑐵 𑐳𑐟𑐎𑐫𑐵 𑐎𑐵𑐮𑑀𑐥𑐟𑑂𑐬 𑐫𑐵𑐫𑐾𑐐𑐸 𑐖𑑂𑐫𑐵 𑐢𑐵𑑅𑐳𑐵 𑐎𑑂𑐰𑐔𑐵𑐫𑐾 𑐢𑐸𑑄𑐎𑐹𑐐𑐸 𑐡𑐸 𑑋

𑐁𑐫𑑀𑐖𑐣𑐵𑐫𑐵 𑐥𑐬𑐵𑐩𑐬𑑂𑐱𑐡𑐵𑐟𑐵 𑐎𑐩𑑂𑐥𑐣𑐷𑐫𑐵 𑐁𑐰𑐵𑐳𑐷𑐫 𑐂𑐣𑑂𑐖𑐶𑐣𑐶𑐫𑐬 𑐥𑐸𑐲𑑂𑐎𑐬 𑐬𑐾𑐐𑑂𑐩𑐷𑐫𑐵𑐎𑐠𑑄 𑐁𑐟𑐎𑐫𑐵 𑐡𑐸𑐣𑐾 𑐄𑐐𑐸 𑐳𑐟𑐎𑐏𑐞𑑂𑐜𑐫𑐵 𑑘𑑖.𑑓𑑘 𑐥𑑂𑐬𑐟𑐶𑐱𑐟 𑐖𑑂𑐫𑐵 𑐎𑑂𑐰𑐔𑐵𑐫𑐾 𑐢𑐸𑑄𑐎𑐹𑐐𑐸 𑐡𑐸 𑑋 𑐰𑐫𑑂𑐎𑐮𑑄 𑐧𑐶𑐫𑐵𑐡𑐷𑐐𑐸 𑐖𑐵𑐣𑐎𑐵𑐬𑐷𑐎𑐠𑑄 𑐣𑑂𑐴𑐵𑐥𑐵𑑄𑐐𑐸 𑐏𑐞𑑂𑐜𑐫𑐵 𑐟𑐳𑐎𑐫𑑂 𑑘𑑓.𑑓, 𑐣𑐶𑐐𑐹𑐐𑐸 𑐏𑐞𑑂𑐜𑐫𑐵 𑐳𑐟𑐎𑐫𑑂 𑑙𑑕.𑑗𑑓 𑐰 𑐳𑑂𑐰𑑄𑐐𑐹𑐐𑐸 𑐏𑐞𑑂𑐜𑐫𑐵 𑐳𑐟𑐎𑐫𑑂 𑑘𑑐.𑑑𑑓 𑐥𑑂𑐬𑐟𑐶𑐱𑐟 𑐖𑑂𑐫𑐵 𑐳𑐶𑐢𑐫𑐾 𑐢𑐸𑑄𑐎𑐹𑐐𑐸 𑐡𑐸 𑑋

𑐣𑑂𑐴𑐵𑐥𑐵𑑄𑐐𑐸 𑐰 𑐣𑐶𑐎𑑂𑐰𑑅𑐏𑐸𑐳𑐷 𑐠𑐥 𑐖𑐹𑐐𑐸 𑐂𑐮𑐫𑑂 𑐰𑐵 𑐰𑐫𑐵𑑅 𑐖𑑂𑐫𑐵 𑐫𑐵𑐫𑐾𑐟 𑐩𑐕𑐶𑑄𑐐𑐸 𑐣𑐵𑐥𑑄 𑐳𑐟𑐎 𑐖𑐵𑐩𑐫𑐵 𑐎𑐵𑐬𑐞𑑄 𑐖𑑂𑐫𑐵 𑐫𑐵𑐫𑐾 𑐩𑐏𑑄𑐐𑐸, 𑐄𑐎𑐶𑐳𑐣𑑄 𑐣𑑂𑐴𑐵𑐥𑐵 𑐩𑐵𑐐 𑐫𑐵𑑅𑐎𑐠𑑄𑐫𑐵 𑐃 𑐠𑐥 𑐩𑐫𑐵𑑅𑐐𑐸𑐮𑐶𑑄 𑐩𑐶𑐟𑐶 𑐠𑐥 𑐫𑐵𑐫𑐾𑐩𑐵𑑅𑐐𑐸 𑐁𑐫𑑀𑐖𑐣𑐵𑑄 𑐢𑐵𑑅𑐐𑐸 𑐡𑐸 𑑋

𑐳𑐩𑑂𑐧𑐣𑑂𑐢𑐶𑐟 𑐧𑐸𑐏𑑃

LEAVE YOUR COMMENTS