Read news in NepalBhasa text-- www.hamroschool.com BACK 𑐫𑐮 𑐳𑑄𑐐𑑂𑐬𑐴𑐵𑐮𑐫𑐫𑐵 𑐰𑐶𑐡𑑂𑐫𑐵𑐬𑑂𑐠𑐷𑐟𑐫𑑂 𑐮𑐎𑑂𑐲𑐶𑐟 𑐖𑑂𑐫𑐵𑐗𑑂𑐰𑑅 – 𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳

𑐫𑐮 𑐳𑑄𑐐𑑂𑐬𑐴𑐵𑐮𑐫𑐫𑐵 𑐰𑐶𑐡𑑂𑐫𑐵𑐬𑑂𑐠𑐷𑐟𑐫𑑂 𑐮𑐎𑑂𑐲𑐶𑐟 𑐖𑑂𑐫𑐵𑐗𑑂𑐰𑑅

𑐫𑐮 – 𑐫𑐮 𑐮𑐵𑐫𑑂𑐎𑐹𑐳𑑂𑐠𑐶𑐟 𑐫𑐮 𑐳𑑄𑐐𑑂𑐬𑐴𑐵𑐮𑐫𑑄 𑐰𑐶𑐡𑑂𑐫𑐵𑐬𑑂𑐠𑐷 𑐮𑐎𑑂𑐲𑐶𑐟 𑐖𑑂𑐫𑐵𑐗𑑂𑐰𑑅 𑐣𑑂𑐴𑑂𑐫𑐵𑐎𑐹𑐐𑐸 𑐡𑐸 𑑋 𑐫𑐮 𑐳𑑄𑐐𑑂𑐬𑐴𑐵𑐮𑐫𑑄 𑐰𑐵𑐮𑐫𑑂 𑐣𑐶𑐣𑑂𑐴𑐸 𑐰𑐶𑐡𑑂𑐫𑐵𑐬𑑂𑐠𑐷𑐟𑐫𑑂𑐟 𑐮𑐎𑑂𑐲𑐶𑐟 𑐫𑐵𑐣𑐵𑑅 𑐖𑑂𑐫𑐵𑐗𑑂𑐰𑑅 𑐣𑑂𑐴𑑂𑐫𑐵𑐎𑐹𑐐𑐸 𑐏𑑅 𑑋 𑐥𑑂𑐬𑐟𑑂𑐫𑐾𑐎 𑐰𑐵𑑅𑐫𑐵 𑐣𑐶𑐣𑑂𑐴𑐸 𑐳𑑀𑐩𑐰𑐵𑑅 𑐰 𑐰𑐶𑐴𑐷𑐰𑐵𑑅 𑐣𑐶𑐐𑐹 𑐰𑐶𑐡𑑂𑐫𑐵𑐮𑐫𑐫𑐵 𑐰𑐶𑐡𑑂𑐫𑐵𑐬𑑂𑐠𑐷𑐫𑐵𑐟 𑐳𑑄𑐐𑑂𑐬𑐴𑐵𑐮𑐫 𑐔𑐵𑑅𑐴𑐶𑐮𑐾𑐐𑐸 𑐣𑐵𑐥𑑄 𑐀𑐣𑐫𑐵 𑐖𑐵𑐣𑐎𑐵𑐬𑐷 𑐎𑐵𑐫𑐾𑐐𑐸 𑐎𑐠𑑄 𑐠𑐸𑐐𑐸 𑐖𑑂𑐫𑐵𑐗𑑂𑐰𑑅 𑐴𑐫𑐵𑐐𑐸 𑐳𑑄𑐐𑑂𑐬𑐴𑐵𑐮𑐫𑐫𑐵 𑐥𑑂𑐬𑐩𑐸𑐏 𑐳𑐸𑐬𑐾𑐱 𑐮𑐵𑐏𑐾𑐣𑑄 𑐎𑐣𑐵𑐡𑐷𑐐𑐸 𑐡𑐸 𑑋

𑐠𑐸𑐐𑐸 𑐖𑑂𑐫𑐵𑐗𑑂𑐰𑑅 𑐣𑑂𑐫𑐵𑐐𑐹 𑐟𑐐𑐶𑑄𑐣𑐶𑐳𑐾𑑄 𑐔𑑂𑐰𑐫𑑂𑐫𑐵 𑐰𑐶𑐡𑑂𑐫𑐵𑐬𑑂𑐠𑐷𑐟𑐫𑑂𑐟 𑐮𑐎𑑂𑐲𑐶𑐟 𑐫𑐵𑐣𑐵𑑅 𑐴𑑅𑐐𑐸 𑐏𑑅 𑑋 𑐖𑐶𑐮𑑂𑐮𑐵 𑐱𑐶𑐎𑑂𑐲𑐵 𑐖𑑂𑐫𑐵𑐎𑐹𑐮𑐶𑐳𑐾𑐫𑐵 𑐳𑐴𑐎𑐵𑐬𑑂𑐫𑐫𑑂 𑐖𑑂𑐫𑐵𑐗𑑂𑐰𑑅 𑐱𑐸𑐬𑐸 𑐫𑐵𑐣𑐵𑐐𑐸 𑐖𑐵𑐣𑐎𑐵𑐬𑐷 𑐧𑐶𑐫𑐵𑐡𑐶𑐳𑐾𑑄 𑐰𑐶𑐡𑑂𑐫𑐵𑐬𑑂𑐠𑐷𑐟 𑐠𑑅𑐥𑐶𑑄𑐳𑑄 𑐳𑐦𑐸𑐟𑐶𑐂 𑐧𑑂𑐰𑑄𑐐𑐸 𑐰 𑐩𑐧𑑂𑐰𑑄𑐐𑐸 𑐁𑐥𑐵𑐮𑑄 𑐖𑐵𑐣𑐎𑐵𑐬𑐷 𑐰 𑐖𑑂𑐘𑐵𑐣 𑐠𑐣 𑐰𑐫𑐵𑑅 𑐳𑐫𑐾𑐎𑐾 𑐰 𑐳𑐷𑐎𑐾 𑐦𑐂𑐐𑐸 𑐳𑑄𑐐𑑂𑐬𑐴𑐵𑐮𑐫 𑐥𑑂𑐬𑐩𑐸𑐏 𑐮𑐵𑐏𑐾𑐣𑑄 𑐢𑐫𑐵𑐡𑐶𑐮 𑑋

𑐳𑑂𑐰𑐣𑐶𑐐𑑅𑐫𑐵 𑐣𑑂𑐫𑐵𑐐𑐹 𑐟𑐐𑐶𑑄𑐣𑐶𑐳𑐾𑑄 𑐔𑑂𑐰𑐫𑑂𑐫𑐵 𑐰𑐶𑐡𑑂𑐫𑐵𑐬𑑂𑐠𑐷𑐟𑐫𑑂𑐟 𑐳𑑄𑐐𑑂𑐬𑐴𑐵𑐮𑐫 𑐔𑐵𑑅𑐴𑐶𑐮𑐾𑐐𑐸𑐎𑐠𑑄 𑐖𑑂𑐫𑐵𑐗𑑂𑐰𑑅 𑐴𑐫𑐵𑐐𑐸 𑐢𑐵𑐳𑐾𑑄 𑐰𑐶𑐡𑑂𑐫𑐵𑐬𑑂𑐠𑐷𑐟𑐫𑑂𑐳𑑄 𑐳𑑄𑐐𑑂𑐬𑐴𑐵𑐮𑐫 𑐔𑐵𑑅𑐴𑐶𑐮𑐵 𑐠𑐣 𑐡𑐸𑐣𑐾𑐔𑑂𑐰𑑄𑐐𑐸 𑐠𑐷𑐠𑐷 𑐰𑐳𑑂𑐟𑐸 𑐰 𑐔𑐸𑐎𑐫𑐵 𑐧𑐵𑐬𑐾 𑐣𑑄 𑐁𑐥𑐵𑐮𑑄 𑐖𑐵𑐣𑐎𑐵𑐬𑐷 𑐎𑐵𑐫𑐾 𑐦𑐂𑐐𑐸 𑐰 𑐄𑐎𑐶𑐫𑐵 𑐣𑐶𑑄𑐟𑐶𑑄 𑐐𑐵𑐂𑐜𑐫𑐵 𑐟𑐎𑑄 𑐰𑑂𑐫𑐰𑐳𑑂𑐠𑐵 𑐫𑐵𑐣𑐵𑐐𑐸 𑐰𑐫𑑂𑐎𑐮𑑄 𑐢𑐫𑐵𑐡𑐶𑐮 𑑋

𑐣𑐾𑐥𑐵𑑅𑐩𑐶𑐟𑐫𑑂𑐎𑐾 𑐀𑐗 𑐣𑑄 𑐳𑑄𑐐𑑂𑐬𑐴𑐵𑐮𑐫 𑐔𑐵𑑅𑐴𑐶𑐮𑐾𑐩𑐵𑑅 𑐢𑐂𑐐𑐸 𑐳𑑀𑐔𑐫𑐵 𑐰𑐶𑐎𑐵𑐳 𑐩𑐖𑐹𑐣𑐶𑐐𑐸 𑐢𑐵𑐳𑐾𑑄 𑐰𑐫𑑂𑐎𑐮𑑄 𑐰𑐶𑐡𑑂𑐫𑐵𑐬𑑂𑐠𑐷𑐟𑐫𑑂𑐟 𑐳𑑄𑐐𑑂𑐬𑐴𑐵𑐮𑐫 𑐔𑐵𑑅𑐴𑐶𑐮𑐾𑐩𑐵𑑅 𑐢𑐂𑐐𑐸 𑐠𑐸𑐂𑐎𑐾𑐐𑐸 𑐮𑑂𑐫𑐵𑐏𑑄 𑐴𑐾 𑐠𑐸𑐎𑐠𑑄𑐫𑐵 𑐖𑑂𑐫𑐵𑐗𑑂𑐰𑑅 𑐴𑐫𑐵𑐐𑐸𑐰𑐫𑑂𑐎𑐮 𑐢𑐫𑐵𑐡𑐶𑐮 𑑋 𑐮𑐶𑐳𑐾𑑄 𑐠𑐸𑐎𑐠𑑄𑐫𑐵 𑐖𑑂𑐫𑐵𑐗𑑂𑐰𑐮𑑄 𑐕𑐸𑑄 𑐡𑑃 𑐮𑐶𑐥𑐵 𑐳𑑄𑐐𑑂𑐬𑐴𑐵𑐮𑐫 𑐔𑐵𑑅𑐴𑐶𑐮𑐷𑐥𑐶𑑄 𑐰𑐶𑐡𑑂𑐫𑐵𑐬𑑂𑐠𑐷𑐫𑐵 𑐮𑑂𑐫𑐵𑑅 𑐀𑐥𑑂𑐰𑐫𑐵 𑐰𑐣𑐷𑐐𑐸𑐸 𑐰𑐫𑑂𑐎𑑅𑐫𑐵 𑐰𑐶𑐱𑑂𑐰𑐵𑐳 𑐡𑐸 𑑋 𑐀𑐠𑐾 𑐴𑐾 𑐣𑐾𑐥𑐵𑑅𑐩𑐶 𑐣𑑄 𑐀𑐥𑑂𑐰𑐂𑐐𑐸 𑐀𑐣𑐸𑐩𑐵𑐣 𑐰𑐫𑑂𑐎𑑅𑐫𑐵 𑐡𑐸 𑑋

𑐳𑐩𑑂𑐧𑐣𑑂𑐢𑐶𑐟 𑐧𑐸𑐏𑑃

LEAVE YOUR COMMENTS