𑐎𑐬 𑐠𑐎𑐵𑐫𑐾𑐰𑑄 𑐮𑐸𑑃𑐫𑐵 𑐨𑐵𑐰𑐫𑑂 𑐣𑑂𑐴𑐹𑐐𑐸 𑐬𑐾𑐎𑐬𑑂𑐜
𑐫𑐾𑑃 (𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳)÷ 𑐣𑐾𑐥𑐵𑐮𑐫𑑂 𑐮𑐸𑑃𑐫𑐵 𑐨𑐵𑐰𑑄 𑐴𑐵𑐣𑑄 𑐣𑑂𑐴𑐹𑐐𑐸 𑐬𑐾𑐎𑐬𑑂𑐜 𑐎𑐵𑐫𑐩 𑐫𑐵𑑅𑐐𑐸 𑐡𑐸 𑑋 𑐟𑐬 𑐠𑐸𑐥𑐵𑐮𑐫𑑂 𑐢𑐵𑑅𑐳𑐵 𑐀𑐣𑑂𑐟𑐬𑑂𑐬𑐵𑐲𑑂𑐚𑑂𑐬𑐶𑐫 𑐧𑐖𑐵𑑅𑐫𑐵 𑐎𑐵𑐬𑐞𑑄 𑐩𑐏𑐸𑐳𑐾𑑄 𑐣𑐾𑐥𑐵𑑅𑐫𑐵 𑐳𑐬𑐎𑐵𑐬𑑄 𑑑𑑐 𑐥𑑂𑐬𑐟𑐶𑐱𑐟 𑐎𑐫𑐵𑐔𑑂𑐰𑑄𑐐𑐸 𑐎𑐬 𑑑𑑕 𑐥𑑂𑐬𑐟𑐶𑐱𑐟 𑐫𑐵𑑅𑐐𑐸𑐮𑐶𑑄 𑐠𑑂𑐰 𑐣𑑂𑐴𑐹𑐐𑐸 𑐬𑐾𑐎𑐬𑑂𑐜 𑐎𑐵𑐫𑐩 𑐖𑐸𑐂𑐎 𑐨𑐵𑑅 𑐠𑐴𑐵𑑄 𑐰𑑄𑐐𑐸 𑐏𑑃 𑐣𑐾𑐥𑐵𑐮 𑐳𑐸𑐣𑐔𑐵𑑃𑐡𑐷 𑐰𑑂𑐫𑐰𑐳𑐵𑐫𑐷 𑐩𑐴𑐵𑐳𑑄𑐑𑐫𑐵 𑐥𑐸𑐮𑐵𑑄𑐩𑑂𑐴 𑐀𑐢𑑂𑐫𑐎𑑂𑐲 𑐮𑐶𑐳𑐾𑑄 𑐧𑐖𑐵𑑅 𑐰𑐶𑐱𑑂𑐮𑐾𑐲𑐎 𑐟𑐾𑐖𑐬𑐟𑑂𑐣 𑐱𑐵𑐎𑑂𑐫𑑄 𑐎𑐣𑐵𑐡𑐷𑐐𑐸 𑐡𑐸 𑑋 𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳 𑐮𑐶𑐳𑐾 𑐏𑑃 𑐮𑑂𑐴𑐵𑐳𑐾𑑄 𑐰𑐫𑑂𑐎𑐮𑑄 𑐣𑑂𑐴𑐹𑐐𑐸 𑐬𑐾𑐎𑐬𑑂𑐜 𑐎𑐠𑑄 𑐩𑑂𑐴𑐶𑐐𑑅 𑐮𑐸𑑃 𑐟𑑀𑐮𑐵𑑄 𑑑 𑐮𑐵𑐏 𑑑𑑒 𑐴𑐖𑐵𑐬 𑑕𑑐𑑐 𑐎𑐵𑐫𑐩 𑐖𑐹𑐐𑐸 𑐏𑑃 𑐎𑐣𑐵𑐡𑐶𑐮 𑑋
𑐀𑐣𑑂𑐟𑐬𑑂𑐬𑐵𑐲𑑂𑐚𑑂𑐬𑐶𑐫 𑐧𑐖𑐵𑐬𑐫𑑂 𑐣𑑂𑐫𑐵𑐳𑑅 𑐣𑐶𑐳𑐾𑑄 𑐣𑑂𑐴𑐫𑑂𑐳𑑅 𑐟𑐎𑐵 𑐖𑐎 𑐨𑐵𑑅 𑐠𑐴𑐵𑑄 𑐰𑑄𑐐𑐸 𑐏𑑅𑐳𑐵𑑄 𑐣𑐾𑐥𑐵𑑅 𑐳𑐬𑐎𑐵𑐬𑑄 𑐎𑐬 𑐀𑐥𑑂𑐰𑐫𑐾𑐰𑑄 𑑔𑑔𑑐𑑐 𑐟𑐎𑐵 𑐠𑐴𑐵𑑄 𑐰𑑄𑐐𑐸 𑐏𑑃 𑐣𑑄 𑐰𑐫𑑂𑐎𑐮𑑄 𑐎𑐣𑐵𑐡𑐷𑐐𑐸 𑐡𑐸 𑑋 𑐰𑑄𑐐𑐸 𑐖𑐾𑐛 𑑑𑑔 𑐐𑐟𑐾
𑐟𑐎 𑐮𑐸𑑃 𑐟𑑀𑐮𑐵𑑄 𑑑,𑑐𑑘,𑑑𑑐𑑐 𑐟𑐎𑐵 𑐠𑑂𑐫𑐣𑐵𑐔𑑂𑐰𑑄𑐐𑐸 𑐏𑑅 𑑋
𑐩𑑂𑐴𑐶𑐐𑑅 𑐀𑐣𑑂𑐟𑐬𑑂𑐬𑐵𑐲𑑂𑐚𑑂𑐬𑐶𑐫 𑐧𑐖𑐵𑐬𑐫𑑂 𑐮𑐸𑑃 𑐥𑑂𑐬𑐟𑐶𑐍𑑄𑐱 𑑑𑑙𑑖𑑕 𑐜𑐮𑐬 𑐠𑑂𑐫𑑄𑐐𑐸 𑐏𑑅 𑑋 𑐠𑑂𑐰 𑐳𑑂𑐰𑐫𑐵𑑄 𑐣𑑂𑐴𑑂𑐫𑑅 𑑑𑑙𑑔𑑐 𑐜𑐮𑐬𑐫𑑂 𑐎𑐸𑐴𑐵𑑄 𑐰𑑅𑐐𑐸 𑐮𑐸𑑃𑐫𑐵 𑐨𑐵𑑅 𑐴𑐵𑐎𑐣𑑄 𑐧𑐸𑐮𑐸𑐴𑐸𑑃 𑐠𑐴𑐵𑑄 𑐰𑐣𑐵𑐔𑑂𑐰𑑄𑐐𑐸 𑐡𑐸 𑑋 𑐮𑐸𑑃𑐫𑐵 𑐨𑐵𑑅 𑐠𑐴𑐵𑑄 𑐰𑐣𑐵𑑅 𑐥𑑂𑐬𑐟𑐶𑐍𑐱 𑑒𑑑𑑐𑑐 𑐜𑐮𑐬 𑐟𑐎 𑐠𑑂𑐫𑐣𑐾 𑐦𑐂𑐐𑐸 𑐀𑐣𑐸𑐩𑐵𑐣 𑐫𑐵𑐣𑐵𑐟𑑅𑐐𑐸 𑐡𑐸 𑑋 𑐫𑐡𑐶 𑐀𑐣𑑂𑐟𑐬𑑂𑐬𑐵𑐲𑑂𑐚𑑂𑐬𑐶𑐫 𑐮𑐸𑑃𑐫𑐵 𑐧𑐖𑐵𑐬𑐫𑑂 𑐮𑐸𑑃𑐫𑐵 𑐨𑐵𑑅 𑑒𑑑𑑐𑑐 𑐜𑐮𑐬 𑐠𑑂𑐫𑐣 𑐢𑐵𑑅𑐳𑐵 𑐣𑐾𑐥𑐵𑐮𑐫𑑂 𑐮𑐸𑑃 𑐟𑑀𑐮𑐵𑑄 𑑑 𑐮𑐵𑐏 𑑒𑑐 𑐴𑐖𑐵𑐬 𑐠𑑂𑐫𑐣𑐷𑐐𑐸 𑐏𑑃 𑐣𑑄 𑐧𑐖𑐵𑑅 𑐰𑐶𑐱𑑂𑐮𑐾𑐲𑐎 𑐱𑐵𑐎𑑂𑐫 𑐎𑐣𑐵𑐡𑐶𑐮 𑑋
LEAVE YOUR COMMENTS