𑐎𑐾𑐱𑐬𑐩𑐵𑐣𑐫𑐵𑐟 𑐀𑐩𑐾𑐬𑐶𑐎𑐵𑐫𑑂 𑐴𑐣
𑐫𑐾𑑃(𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳)-𑐀𑐩𑐾𑐬𑐶𑐎𑐵𑐫𑐵 𑐱𑐶𑐎𑐵𑐐𑑀𑐫𑑂 𑐔𑑂𑐰𑑃𑐔𑑂𑐰𑐣𑐵𑐡𑐷𑐩𑑂𑐴 𑐳𑐵𑐴𑐶𑐟𑑂𑐫𑐎𑐵𑐬 𑐎𑐾𑐱𑐬𑐩𑐵𑐣 𑐟𑐵𑐩𑑂𑐬𑐵𑐎𑐵𑐬𑐫𑐵𑐟 𑐴𑑄𑐐𑐸 𑐡𑐸 𑑋 𑐣𑐾𑐰𑐵𑑅 𑐀𑐬𑑂𑐐𑐣𑐵𑐂𑐖𑐾𑐳𑐣 𑐀𑐦 𑐀𑐩𑐾𑐬𑐶𑐎𑐵 𑐩𑐾𑐬𑐶𑐮𑑂𑐫𑐵𑐞𑑂𑐜, 𑐀𑐩𑐾𑐬𑐶𑐎𑐵𑐫𑐵 𑑒𑑒 𑐎𑑂𑐰𑑅𑐐𑐸 𑐡𑑃𑐩𑐸𑑃𑐖𑑂𑐫𑐵𑐫𑑂 𑐳𑐵𑐴𑐶𑐟𑑂𑐫𑐎𑐵𑐬 𑐟𑐵𑐩𑑂𑐬𑐵𑐎𑐵𑐬𑐫𑐵𑐟 𑐴𑑄𑐐𑐸 𑐏𑑅 𑑋
𑐡𑑃𑐩𑐸𑑃𑐖𑑂𑐫𑐵𑐫𑑂 𑐩𑐹𑐥𑐵𑐴𑐵𑑄𑐎𑐠𑑄 𑐧𑑂𑐰𑐣𑐵𑐟𑑅𑐩𑑂𑐴 𑐰𑐫𑑂𑐎𑑅𑐫𑐵𑐟 ‘𑐀𑐣𑐬𑐬𑐷 𑐮𑐵𑐂𑐦 𑐩𑐾𑐩𑑂𑐧𑐬’ 𑐎𑐠𑑄 𑐴𑐣𑐵𑐥𑑀 𑐡𑐾𑐕𑐵𑐳𑐾 𑐳𑐩𑑂𑐩𑐵𑐣 𑐫𑐵𑑅𑐐𑐸 𑐏𑑅 𑑋 𑐖𑑂𑐫𑐵𑐗𑑂𑐰𑐮𑐫𑑂 𑐩𑐹𑐥𑐵𑐴𑐵𑑄 𑐟𑐵𑐩𑑂𑐬𑐵𑐎𑐵𑐬𑑄 ‘𑐎𑐷 𑐣𑑀𑐚 𑐳𑑂𑐥𑐷𑐎𑐬’ 𑐎𑐠𑑄 𑐠𑑅𑐐𑐸 𑐣𑐸𑐐𑑅𑐏𑑃 𑐟𑐫𑐵𑐡𑐷𑐐𑐸 𑐏𑑅 𑑋 𑐖𑑂𑐫𑐵𑐗𑑂𑐰𑐮𑐫𑑂 𑐩𑐹𑐰𑐎𑑂𑐟𑐵𑐎𑐠𑑄 𑐣𑑄 𑐧𑑂𑐰𑐣𑐵𑐟𑑅𑐩𑑂𑐴 𑐰𑐫𑑂𑐎𑐮𑑄 ‘𑐣𑐾𑐰𑐵𑑅 𑐨𑐵𑐫𑑂, 𑐎𑐮𑐵, 𑐳𑐵𑐴𑐶𑐟𑑂𑐫, 𑐳𑐨𑑂𑐫𑐟𑐵, 𑐣𑐾𑐰𑐵𑑅 𑐳𑑄𑐳𑑂𑐎𑐵𑐬 𑐰 𑐳𑑄𑐳𑑂𑐎𑐺𑐟𑐶𑐫𑐵 𑐥𑑂𑐬𑐔𑐵𑐬 𑐥𑑂𑐬𑐳𑐵𑐬 𑐰 𑐠𑐸𑐎𑐶𑐫𑐵 𑐰𑐶𑐎𑐵𑐳𑐫𑑂 𑐳𑑄𑐔𑐵𑐬𑐩𑐵𑐢𑑂𑐫𑐩𑐫𑐵 𑐨𑐹𑐩𑐶𑐎𑐵’ 𑐰𑐶𑐲𑐫𑐫𑑂 𑐠𑑅𑐐𑐸 𑐣𑐸𑐐𑑅𑐏𑑃 𑐟𑐫𑐵𑐡𑐷𑐐𑐸 𑐏𑑅 𑑋
𑐖𑑂𑐫𑐵𑐗𑑂𑐰𑐮𑐫𑑂 𑐰𑐫𑑂𑐎𑑅𑐫𑐵𑐟 𑐥𑑄𑐔𑐎𑐣𑑂𑐫𑐵𑐥𑐵𑐏𑐾𑑄 𑐮𑐳𑐎𑐸𑐳 𑐫𑐵𑑅𑐐𑐸 𑐏𑑅 𑑋
LEAVE YOUR COMMENTS