𑐠𑑁𑑄 𑐩𑐶𑐳𑐵𑐥𑐶𑑄𑐳𑑄 𑐖𑐎 𑐖𑐣𑐧𑐴𑐵𑑅𑐡𑑂𑐫𑑅𑐫𑐵 𑐬𑐠 𑐳𑐵𑐮𑐷𑐐𑐸
𑐫𑐾𑑃 (𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳)- 𑐖𑐣𑐧𑐴𑐵𑑅 𑐡𑑂𑐫𑑅𑐫𑐵 𑐖𑐵𑐟𑑂𑐬𑐵 𑐠𑐣𑐶𑑄𑐣𑐶𑐳𑐾𑑄 𑐱𑐸𑐬𑐸 𑐖𑐸𑐂𑐐𑐸 𑐖𑐹𑐐𑐸 𑐡𑐸 𑑋 𑐠𑑁𑑄 𑐠𑐣𑐫𑐵 𑐖𑐩𑑅𑐳𑑂𑐠𑐶𑐟 𑐳𑑂𑐰𑐢𑐵𑑅𑐴𑐶𑐟𑐶𑑄 𑐬𑐠 𑐳𑐵𑐮𑐵𑑅 𑐠𑑂𑐰 𑐖𑐵𑐟𑑂𑐬𑐵 𑐣𑑂𑐫𑐵𑐫𑐾𑐎𑐷 𑑋 𑐠𑑁𑑄 𑐖𑐵𑐟𑑂𑐬𑐵𑐫𑐵 𑐣𑑂𑐴𑐵𑐥𑐵𑑄𑐐𑐸 𑐣𑑂𑐴𑐶 𑐩𑐶𑐳𑐵𑐥𑐶𑑄𑐳𑑄 𑐖𑐎 𑐕𑐟𑑂𑐰𑐵𑑅𑐔𑐵 𑐬𑐠 𑐳𑐵𑐮𑐵𑑅 𑐖𑐵𑐟𑑂𑐬𑐵 𑐣𑑂𑐴𑑂𑐫𑐵𑐎𑐾𑐐𑐸 𑐟𑐫𑐵𑐬𑐷 𑐖𑐸𑐫𑐵𑐔𑑂𑐰𑑄𑐐𑐸 𑐡𑐸 𑑋 𑐠𑐸𑐎𑐷 𑐫𑐾𑑃 𑐩𑐣𑐥𑐵𑐫𑐵 𑐄𑐥𑐩𑐾𑐫𑐬 𑐳𑐸𑐣𑐶𑐟𑐵 𑐜𑑄𑐐𑑀𑐮 𑐣𑑄 𑐳𑐴𑐨𑐵𑐐𑐷 𑐖𑐸𑐫𑐵𑐡𑐷𑐐𑐸 𑐏𑑃 𑐳𑐷𑐡𑐸𑐐𑐸 𑐡𑐸 𑑋 𑐠𑑂𑐰 𑐗𑑂𑐰𑐮𑐫𑑂 𑐖𑐵𑐟𑑂𑐬𑐵 𑐳𑐩𑑂𑐧𑐣𑑂𑐢𑐷 𑐰𑑂𑐫𑐰𑐳𑑂𑐠𑐵𑐥𑐣𑐫𑐵 𑐳𑐩𑑂𑐥𑐹𑐬𑑂𑐞 𑐖𑑂𑐫𑐵 𑐎𑑂𑐰𑐔𑐵𑑅𑐐𑐸 𑐏𑑃 𑐖𑐣𑐧𑐴𑐵𑑅𑐡𑑂𑐫𑑅 𑐖𑐵𑐟𑑂𑐬𑐵 𑐰𑑂𑐫𑐰𑐳𑑂𑐠𑐵𑐥𑐣 𑐳𑐩𑐶𑐟𑐶𑑄 𑐢𑐵𑑅𑐐𑐸 𑐡𑐸 𑑋
𑐰𑑂𑐫𑐰𑐳𑑂𑐠𑐵𑐥𑐣𑐫𑐵 𑐀𑐣𑑂𑐟𑐶𑐩 𑐧𑐿𑐛𑐎 𑐩𑑂𑐴𑐶𑐐𑑅 𑐳𑑄𑐳𑑂𑐎𑐺𑐟𑐶 𑐩𑐣𑑂𑐟𑑂𑐬𑐵𑐮𑐫𑐫𑑂 𑐔𑑂𑐰𑑄𑐐𑐸 𑐏𑑅 𑑋 𑐧𑐿𑐛𑐎𑐫𑐵 𑐗𑑂𑐰𑐮𑐫𑑂 𑐳𑑄𑐳𑑂𑐎𑐺𑐟𑐶 𑐩𑐣𑑂𑐟𑑂𑐬𑐷 𑐳𑐸𑐡𑐣 𑐎𑐶𑐬𑐵𑑃𑐟𑐷𑑄 𑐠𑑁𑑄 𑐖𑐸𑐂𑐐𑐸 𑐬𑐠 𑐖𑐵𑐟𑑂𑐬𑐵𑐫𑑂 𑐠𑑅 𑐣𑑄 𑐳𑐴𑐨𑐵𑐐𑐷 𑐖𑐸𑐫𑐵𑑅 𑐬𑐠 𑐳𑐵𑐮𑐾𑐐𑐸 𑐂𑐔𑑂𑐕𑐵 𑐥𑑂𑐰𑑄𑐎𑐵𑐡𑐷𑐐𑐸 𑐏𑑅 𑑋 𑐫𑐾𑑃 𑐩𑐣𑐥𑐵𑐫𑐵 𑐩𑐾𑐫𑐬 𑐧𑐵𑐮𑐾𑐣 𑐳𑐵𑐴𑐫𑐵 𑐣𑑄 𑐄𑐥𑐳𑑂𑐠𑐶𑐟𑐶 𑐡𑐸𑐐𑐸 𑐄𑐐𑐸 𑐧𑐿𑐛𑐎𑐫𑑂 𑐣𑑂𑐰𑐰𑐵𑐳𑐾𑑄 𑐄𑐥𑐩𑐾𑐫𑐬 𑐳𑐸𑐣𑐶𑐟𑐵 𑐜𑑄𑐐𑑀𑐮𑑄 𑐖𑐣𑐧𑐴𑐵𑐡𑑂𑐫𑑅𑐫𑐵 𑐖𑐵𑐟𑑂𑐬𑐵 𑐕𑐐𑐹 𑐱𑐶𑐎𑑂𑐲𑐵𑐩𑐹𑐮𑐎 𑐳𑑄𑐳𑑂𑐎𑐺𑐟𑐶 𑐣𑑄 𑐖𑐹𑐐𑐸 𑐎𑐵𑐬𑐞𑑄 𑐠𑑂𑐰 𑐖𑐵𑐟𑑂𑐬𑐵 𑐖𑐸𑐂𑐎𑐸𑐣𑑂𑐴𑐸 𑐳𑐵𑐬𑑂𑐰𑐖𑐣𑐶𑐎 𑐧𑐶𑐡𑐵𑐫𑐵 𑐰𑑂𑐫𑐰𑐳𑑂𑐠𑐵 𑐫𑐵𑐫𑐾𑐩𑐵𑑅𑐐𑐸 𑐧𑐶𑐔𑐵𑑅 𑐣𑑄 𑐟𑐫𑐵𑐡𑐷𑐐𑐸 𑐏𑑅 𑑋
𑐬𑐠 𑐡𑐫𑐾𑐎𑐾𑐐𑐸 𑐗𑑂𑐰𑐮𑐫𑑂 𑐩𑑂𑐴𑐶𑐐𑑅 𑐩𑐣𑐹𑐟𑐫𑑂𑐳𑑄 𑐴𑐾 𑐑𑑅𑐩𑐵𑑅 𑐮𑑂𑐴𑑂𑐰𑐣𑐵𑑅 𑐖𑐩𑐮𑐫𑑂 𑐟𑐎 𑐴𑑅𑐐𑐸 𑐏𑑅 𑑋 𑐀𑐠𑐾 𑐴𑐾 𑐁𑑅 𑐬𑐠𑐫𑑂 𑐣𑑄 𑐡𑑂𑐫𑑅 𑐏𑐣𑐾 𑐡𑐂 𑐎𑐠𑑄 𑐣𑐾𑐰𑐵𑑅 𑐣𑐸𑐐𑑅𑐥𑐵𑐏𑐾𑑄 𑐬𑐠𑐫𑑂 𑐡𑐸𑐣𑐾 𑐩𑐟𑐫𑐵 𑐰𑑂𑐫𑐰𑐳𑑂𑐠𑐵 𑐫𑐵𑑅𑐐𑐸 𑐡𑐸 𑑋
LEAVE YOUR COMMENTS