𑐖𑐣𑐧𑐴𑐵𑑅𑐡𑑂𑐫𑑅 𑐖𑐵𑐟𑑂𑐬𑐵𑐫𑑂 𑐬𑐵𑐲𑑂𑐚𑑂𑐬𑐥𑐟𑐶𑐫𑐵𑐟 𑐧𑑂𑐰𑐣𑐵𑐥𑑁
𑐫𑐾𑑃 (𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳)- 𑐠𑑂𑐰𑐴𑐾 𑐰𑐂𑐐𑐸 𑐔𑐿𑐟 𑑑𑑕 𑐐𑐟𑐾𑐣𑐶𑐳𑐾𑑄 𑐣𑑂𑐴𑑂𑐫𑐵𑐂𑐐𑐸 𑐖𑐣𑐧𑐴𑐵𑑅𑐡𑑂𑐫𑑅𑐫𑐵 𑐖𑐵𑐟𑑂𑐬𑐵 𑐳𑑂𑐰𑐫𑐾𑐐𑐸 𑐮𑐵𑐐𑐶𑑄 𑐬𑐵𑐲𑑂𑐚𑑂𑐬𑐥𑐟𑐶 𑐬𑐵𑐩𑐔𑐣𑑂𑐡𑑂𑐬 𑐥𑑁𑐜𑐾𑐮𑐫𑐵𑐟 𑐧𑑂𑐰𑐣𑐵𑐥𑑁 𑐕𑑂𑐰𑑅𑐐𑐸 𑐡𑐸 𑑋 𑐖𑐣𑐧𑐴𑐵𑑅𑐡𑑂𑐫𑑅 𑐖𑐵𑐟𑑂𑐬𑐵 𑐰𑑂𑐫𑐰𑐳𑑂𑐠𑐵𑐥𑐣 𑐳𑐩𑐶𑐟𑐶𑐫𑐵 𑐥𑐡𑐵𑐢𑐶𑐎𑐵𑐬𑐥𑐶𑑄𑐳𑑄 𑐱𑐶𑐟𑐮 𑐣𑐶𑐰𑐵𑐳𑐫𑑂 𑐬𑐵𑐲𑑂𑐚𑑂𑐬𑐥𑐟𑐶 𑐥𑑁𑐜𑐾𑐮𑐫𑐵𑐟 𑐣𑐵𑐥𑐮𑐵𑐣𑐵𑑅 𑐧𑑂𑐰𑐣𑐵𑐥𑑁 𑐮𑑅𑐮𑑂𑐴𑐵𑑅𑐐𑐸 𑐏𑑅 𑑋
𑐰𑑂𑐫𑐰𑐳𑑂𑐠𑐵𑐥𑐣 𑐳𑐩𑐶𑐟𑐶𑐫𑐵 𑐡𑐸𑐖𑑅𑐥𑐶𑑄𑐳𑑄 𑐢𑐵𑑅 𑐎𑐠𑑄 𑐬𑐵𑐲𑑂𑐚𑑂𑐬𑐥𑐟𑐶 𑐖𑐣𑐧𑐴𑐵𑑅𑐡𑑂𑐫𑑅 𑐡𑐬𑑂𑐱𑐣 𑐫𑐵𑐫𑐾𑐟 𑐗𑐵𑐂𑐧𑐮𑐫𑑂 𑐖𑐵𑐟𑑂𑐬𑐵𑐫𑑂 𑐕𑐸𑑄 𑐮𑐶𑐔𑑂𑐰𑑅 𑐩𑐮𑐵𑐫𑐾𑐩𑐵 𑐢𑐎𑐵𑑅 𑐰𑐫𑑂𑐎𑑅𑐫𑐵 𑐮𑐵𑐐𑐶𑑄 𑐧𑐴𑐣𑐷 𑑙𑑅𑑓𑑐 𑐧𑐖𑐾𑐫𑐵 𑐃 𑐩𑐶𑐮𑐾 𑐫𑐵𑑅𑐐𑐸 𑐡𑐸 𑑋
𑐄𑐐𑐸 𑐂𑐮𑐫𑑂 𑐟𑐎 𑐖𑐵𑐟𑑂𑐬𑐵𑐫𑑂 𑐰𑐂𑐥𑐶𑑄 𑐩𑐣𑐹𑐟 𑐳𑐵𑐮𑐸𑐂 𑐢𑐸𑑄𑐎𑐷 𑑋 𑐣𑐵𑐥𑑄 𑐬𑐵𑐲𑑂𑐚𑑂𑐬𑐥𑐟𑐶𑐫𑐵 𑐳𑐰𑐵𑐬𑐷 𑐖𑐸𑐂𑐧𑐮𑐫𑑂 𑐡𑑂𑐫𑑅𑐫𑐵𑐠𑐵𑐫𑑂 𑐡𑐾𑐰𑐵 𑐔𑑂𑐫𑐵𑐎𑐵𑐔𑑂𑐰𑑄𑐥𑐶𑑄 𑐳𑐸𑑄 𑐴𑐾 𑐨𑐎𑑂𑐟𑐖𑐣𑐫𑐵𑐟 𑐩𑐔𑐷𑐎𑐸𑐳𑐾 𑐥𑐸𑐖𑐵𑐫𑑂 𑐧𑐵𑐢𑐵 𑐩𑐫𑐵𑐫𑐾𑐐𑐸 𑐎𑐠𑑄𑐫𑐵 𑐰𑑂𑐫𑐰𑐳𑑂𑐠𑐵 𑐫𑐵𑐫𑐾𑐐𑐸 𑐏𑑃 𑐣𑑄 𑐢𑐵𑑅𑐐𑐸 𑐡𑐸 𑑋 𑐠𑑁𑑄𑐎𑐣𑑂𑐴𑐫𑑂 𑐬𑐵𑐲𑑂𑐚𑑂𑐬𑐥𑐟𑐶 𑐥𑑁𑐜𑐾𑐮 𑐥𑐶𑐴𑐵𑑄 𑐗𑐵𑐂𑐧𑐮𑐫𑑂 𑐮𑑃 𑐥𑐣𑐾𑐐𑐸, 𑐫𑐵𑐟𑐵𑐫𑐵𑐟 𑐀𑐰𑐬𑐸𑐡𑑂𑐢 𑐫𑐵𑐫𑐾𑐐𑐸, 𑐫𑐎𑑂𑐰 𑐎𑐵𑐬𑐎𑐾𑐜 𑐴𑐫𑐾𑐐𑐸 𑐖𑑂𑐫𑐵 𑐩𑐫𑐵𑐫𑐾𑐢𑐸𑑄𑐎𑐹𑐐𑐸 𑐡𑐸 𑑋
LEAVE YOUR COMMENTS