𑐴𑐮𑐶𑑄 𑐣𑐾𑐰𑐵𑑅 𑐡𑐶𑐰𑐳𑐫𑑂 𑐖𑐣𑐎𑐰𑐶 𑐡𑐸𑐬𑑂𑐐𑐵𑐮𑐵𑐮𑐫𑐵𑐟 𑐴𑐣𑐷𑐐𑐸
𑐫𑐾𑑃 (𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳)- 𑐴𑐮𑐶 𑐣𑐾𑐰𑐵𑑅 𑐡𑐧𑐹 𑐣𑐾𑐥𑐵𑑅 𑐎𑐰𑑅𑐥𑐵𑐏𑐾𑑄 𑐴𑐮𑐶𑑄 𑐣𑐾𑐰𑐵𑑅 𑐡𑐶𑐰𑐳 𑐥𑑂𑐬𑐢𑐵𑐣𑐩𑐣𑑂𑐟𑑂𑐬𑐷 𑐥𑐸𑐲𑑂𑐥𑐎𑐩𑐮 𑐡𑐵𑐴𑐵𑐮𑐫𑐵 𑐄𑐥𑐳𑑂𑐠𑐶𑐟𑐶𑐂 𑐟𑑅𑐖𑐶𑐎 𑐴𑐣𑐷𑐐𑐸 𑐖𑐹𑐐𑐸 𑐡𑐸 𑑋 𑐣𑐾𑐥𑐵𑑅 𑐎𑐰𑑅𑐫𑐵 𑐣𑐵𑐫𑑅 𑐳𑐸𑐬𑐾𑐣𑑂𑐡𑑂𑐬𑐨𑐎𑑂𑐟 𑐱𑑂𑐬𑐾𑐲𑑂𑐛𑑄 𑐩𑑂𑐴𑐶𑐐𑑅 𑐕𑐐𑐹 𑐥𑐟𑑂𑐬𑐎𑐵𑐬 𑐳𑐩𑑂𑐩𑐾𑐮𑐣 𑐫𑐵𑐳𑐾𑑄 𑐫𑐾𑑃𑐫𑐵 𑐧𑐳𑐣𑑂𑐟𑐥𑐸𑐮𑐷 𑐖𑐸𑐂𑐐𑐸 𑐖𑑂𑐫𑐵𑐗𑑂𑐰𑐮𑐫𑑂 𑐥𑑂𑐬𑐢𑐵𑐣𑐩𑐣𑑂𑐟𑑂𑐬𑐷 𑐡𑐵𑐴𑐵𑐮 𑐩𑐹𑐥𑐵𑐴𑐵𑑃 𑐎𑐠𑑄 𑐗𑐵𑐂𑐐𑐸 𑐖𑐵𑐣𑐎𑐵𑐬𑐷 𑐧𑐶𑐫𑐵𑐡𑐷𑐐𑐸 𑐏𑑅 𑑋
‘𑐳𑐵𑑄𑐳𑑂𑐎𑐺𑐟𑐶𑐎 𑐥𑑂𑐬𑐰𑐡𑑂𑐬𑑂𑐢𑐣𑐫𑐵 𑐣𑐶𑑄𑐟𑐶𑑄 𑐴𑐮𑐶𑑄 𑐣𑐾𑐰𑐵𑑅 𑐡𑐶𑐰𑐳’ 𑐢𑐫𑐵𑐐𑐸 𑐣𑐵𑐬𑐵 𑐧𑐶𑐫𑐵𑑅 𑐣𑑂𑐴𑑂𑐫𑐵𑐂𑐐𑐸 𑐖𑑂𑐫𑐵𑐗𑑂𑐰𑐮𑐫𑑂 𑐖𑐣𑐎𑐰𑐶 𑐡𑐸𑐬𑑂𑐐𑐵𑐮𑐵𑐮 𑐱𑑂𑐬𑐾𑐲𑑂𑐛𑐫𑐵𑐟 𑐣𑐾𑐰𑐵𑑅 𑐰𑐶𑐱𑐾𑐲 𑐴𑐣𑐵 𑐮𑑅𑐮𑑂𑐴𑐵𑐂𑐐𑐸 𑐖𑐹𑐐𑐸 𑐡𑐸 𑑋 𑐀𑐠𑐾𑐴𑐾 𑐖𑑂𑐫𑐵𑐗𑑂𑐰𑐮𑐫𑑂 𑐥𑐸𑐮𑐵𑑄𑐩𑑂𑐴 𑐥𑑂𑐬𑐢𑐵𑐣𑐣𑑂𑐫𑐵𑐫𑐵𑐢𑐷𑐱 𑐎𑐮𑑂𑐫𑐵𑐞 𑐱𑑂𑐬𑐾𑐲𑑂𑐛, 𑐳𑐱𑐳𑑂𑐟𑑂𑐬 𑐥𑑂𑐬𑐴𑐬𑐷 𑐧𑐮𑐫𑐵 𑐥𑐸𑐮𑐵𑑄𑐩𑑂𑐴 𑐁𑐃𑐖𑐷𑐥𑐷 𑐳𑐶𑑄𑐴 𑐧𑐴𑐵𑐡𑐸𑐬 𑐱𑑂𑐬𑐾𑐲𑑂𑐛, 𑐣𑑂𑐴𑐵𑐥𑐵𑑄𑐩𑑂𑐴 𑐔𑐮𑐔𑐶𑐟𑑂𑐬 𑐀𑐨𑐶𑐣𑐾𑐟𑑂𑐬𑐷 𑐔𑐿𑐟𑑂𑐫𑐡𑐾𑐰𑐷 𑐳𑐶𑑄𑐴, 𑐰𑐬𑐶𑐲𑑂𑐛 𑐳𑐩𑐵𑐖𑐳𑐾𑐰𑐷 𑐳𑐸𑐰𑐬𑑂𑐞𑐎𑐾𑐱𑐬𑐷 𑐔𑐶𑐟𑑂𑐬𑐎𑐵𑐬, 𑐰𑐬𑐶𑐲𑑂𑐛 𑐳𑑄𑐳𑑂𑐎𑐺𑐟𑐶𑐰𑐶𑐡𑑂÷𑐂𑐟𑐶𑐴𑐵𑐳𑐰𑐶𑐡𑑂 𑐥𑑂𑐬𑐵.𑐜𑐵. 𑐟𑑂𑐬𑐶𑐬𑐟𑑂𑐣 𑐩𑐵𑐣𑐣𑑂𑐢𑐬, 𑐰𑐬𑐶𑐲𑑂𑐛 𑐴𑐳𑑂𑐟𑐎𑐮𑐵 𑐎𑐮𑐵𑐎𑐵𑐬 𑐔𑐶𑐣𑐎𑐵𑐖𑐷 𑐟𑐵𑐩𑑂𑐬𑐵𑐎𑐵𑐬, 𑐄𑐡𑑂𑐫𑑀𑐐𑐷÷𑐰𑑂𑐫𑐰𑐳𑐵𑐫𑐷 𑐬𑐸𑐥𑐖𑑂𑐫𑑀𑐟𑐶 𑐎𑐳𑐵𑑅, 𑐰𑐬𑐶𑐲𑑂𑐛 𑐥𑐟𑑂𑐬𑐎𑐵𑐬 𑐣𑐵𑐟𑐶𑐎𑐵𑐖𑐷 𑐩𑐴𑐬𑑂𑐖𑐣, 𑐰𑐬𑐶𑐲𑑂𑐛 𑐐𑐞𑐶𑐟𑐖𑑂𑐘 𑐖𑑂𑐫𑑀𑐟𑐶𑐲 𑐡𑐾𑐰𑐣𑐵𑐬𑐵𑐫𑐞 𑐩𑐴𑐬𑑂𑐖𑐣, 𑐀𑐣𑑂𑐟𑐬𑑂𑐬𑐵𑐲𑑂𑐚𑑂𑐬𑐶𑐫 𑐎𑐸𑐳𑑂𑐟𑐶 𑐎𑐵𑐳𑐵𑐩𑐶 𑐮𑐾𑐜𑐷 𑐜𑑂𑐬𑐵𑐐𑐣 𑐩𑐸𑐣𑐵 𑐱𑑂𑐬𑐾𑐲𑑂𑐛, 𑐰𑐬𑐶𑐲𑑂𑐛 𑐥𑐬𑑂𑐫𑐚𑐣 𑐰𑑂𑐫𑐰𑐳𑐵𑐫𑐷 𑐎𑐬𑑂𑐞 𑐱𑐵𑐎𑑂𑐫, 𑐰𑐬𑐶𑐲𑑂𑐛 𑐳𑐵𑐴𑐶𑐟𑑂𑐫𑐎𑐵𑐬 𑐩𑐠𑐸𑐬𑐵 𑐳𑐵𑐫𑑂𑐩𑐶 𑐰 𑐰𑐬𑐶𑐲𑑂𑐛 𑐎𑐹𑐚𑐣𑐷𑐟𑐶𑐖𑑂𑐘 – 𑐥𑐹𑐬𑑂𑐰𑐬𑐵𑐖𑐡𑐹𑐟 𑐎𑐾𑐡𑐵𑐬𑐨𑐎𑑂𑐟 𑐩𑐵𑐠𑐾𑐩𑐵𑐮𑐶𑐳𑐾𑑄 𑐎𑐵𑐳𑑂𑐎𑐷 𑐣𑐾𑐰𑐵𑑅 𑐏𑐮𑑅𑐫𑐵𑐟 𑐴𑐣𑐷𑐐𑐸 𑐖𑑂𑐫𑐵𑐗𑑂𑐰𑑅 𑐡𑐸 𑑋
𑐀𑐠𑐾𑐴𑐾 𑐖𑑂𑐫𑐵𑐗𑑂𑐰𑐮𑐫𑑂 𑐰𑐬𑐶𑐲𑑂𑐛 𑐐𑐵𑐫𑐎 𑐬𑐩𑐾𑐱 𑐟𑐵𑐩𑑂𑐬𑐵𑐎𑐵𑐬 𑐮𑐸𑐩𑐣𑑂𑐟𑐶 𑐳𑐶𑐬𑐥𑐵𑑅 𑐰𑐬𑐶𑐲𑑂𑐛 𑐩𑑂𑐫𑐾 𑐴𑐵𑐮𑐵𑐩𑐶 𑐥𑑂𑐬𑐰𑐾𑐱𑐩𑐵𑐣 𑐱𑐵𑐎𑑂𑐫𑐫𑐵𑐟 𑐮𑑅𑐮𑑂𑐴𑐵𑐂𑐐𑐸 𑐖𑐹𑐐𑐸 𑐡𑐸 𑑋
LEAVE YOUR COMMENTS