𑐂𑐟𑐸𑑄𑐧𑐴𑐵𑐮𑑄 𑐏𑐸𑐫𑐵 𑐫𑑄𑐎𑐹𑐐𑐸 𑐳𑐩𑑂𑐥𑐡𑐵 𑐮𑐶𑐟 𑐴𑐮
𑐫𑐾𑑃(𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳)- 𑐠𑐣𑐫𑐵 𑐂𑐟𑐸𑑄𑐧𑐴𑐵𑐮𑑄 𑐏𑐸𑐫𑐵 𑐫𑑄𑐎𑐹𑐐𑐸 𑐳𑐩𑑂𑐥𑐡𑐵 𑐴𑐵𑐎𑐣𑑄 𑐂𑐟𑐸𑑄𑐧𑐴𑐵𑐮𑐫𑑂 𑐮𑐶𑐟 𑐴𑑅𑐐𑐸 𑐡𑐸 𑑋 𑐟𑑅𑐡𑑃 𑐣𑑂𑐴𑑂𑐫𑑅 𑐂𑐟𑐸𑑄𑐧𑐴𑐵𑐮𑑄 𑐏𑐸𑐫𑐵 𑐫𑑄𑐎𑐹𑐐𑐸 𑐋𑐟𑐶𑐴𑐵𑐳𑐶𑐎 𑐩𑐴𑐟𑑂𑐰𑐫𑐵 ‘𑐱𑐵𑐬𑐡𑐸𑐮’ 𑐰 ‘𑐳𑐵𑐮𑐨𑐖𑑂𑐖𑐶𑐎𑐵’ 𑐴𑐵𑐎𑐣𑑄 𑐂𑐟𑐸𑑄𑐧𑐴𑐵𑐮𑐫𑑂 𑐟𑐸𑑄 𑐮𑐶𑐟 𑐴𑑅𑐐𑐸 𑐏𑑅 𑑋
𑐂𑐟𑐸𑑄𑐧𑐴𑐵𑐮𑑄 𑐏𑐸𑐫𑐵 𑐫𑑄𑐎𑐹𑐐𑐸 𑐄𑐐𑐸 𑐳𑐩𑑂𑐥𑐡𑐵 𑐰𑐶𑐡𑐾𑐱𑐫𑑂 𑐠𑑂𑐫𑐣𑐾𑐢𑐸𑑄𑐎𑐹𑐐𑐸 𑐏𑑅 𑑋 𑐮𑐶𑐥𑐵 𑐄𑐎𑐶𑐫𑐵𑐟 𑐮𑐶𑐟 𑐴𑐫𑐵𑑅 𑐕𑐵𑐄𑐣𑐷𑐂 𑐔𑑂𑐰𑑄𑐐𑐸 𑐳𑑄𑐐𑑂𑐬𑐴𑐵𑐮𑐫𑐫𑑂 𑐟𑐫𑐵𑐟𑑅𑐐𑐸 𑐏𑑅𑐳𑐵 𑐁𑑅 𑐀𑐣𑑄 𑐂𑐟𑐸𑑄𑐧𑐴𑐵𑐮𑐫𑑂 𑐟𑐸𑑄 𑐮𑐶𑐟 𑐴𑑅𑐐𑐸 𑐡𑐸 𑑋 𑐰𑑄𑐐𑐸 𑐔𑐿𑐟 𑑒 𑐐𑐟𑐾 𑐱𑑂𑐬𑐷 𑐎𑐾𑐱𑐔𑐣𑑂𑐡𑑂𑐬 𑐩𑐴𑐵𑐰𑐶𑐴𑐵𑐬 𑐳𑑄𑐬𑐎𑑂𑐲𑐞 𑐳𑐩𑐶𑐟𑐶𑐫𑐵 𑐣𑐵𑐫𑑅 𑐥𑑂𑐬𑐖𑑂𑐘𑐵𑐬𑐟𑑂𑐣 𑐱𑐵𑐎𑑂𑐫𑐫𑐵 𑐣𑐾𑐟𑐺𑐟𑑂𑐰𑐫𑐫𑑂 𑐥𑐡𑐵𑐢𑐶𑐎𑐵𑐬𑐷 𑐳𑐴𑐶𑐟𑐫𑐵 𑐥𑐸𑐔𑑅 𑐄𑐐𑐸 𑐳𑐩𑑂𑐥𑐡𑐵 𑐮𑐶𑐟 𑐎𑐵𑐫𑐾𑐟 𑐰𑑄𑐐𑐸 𑐏𑑅 𑑋 𑐳𑑄𑐐𑑂𑐬𑐴𑐵𑐮𑐫𑐫𑐵 𑐣𑐶𑐬𑑂𑐡𑐾𑐱𑐎 𑐖𑐫𑐬𑐵𑐩 𑐱𑑂𑐬𑐾𑐲𑑂𑐛𑑄 𑐁𑐰𑐱𑑂𑐫𑐎 𑐎𑐵𑐣𑐹𑐣𑐷 𑐥𑑂𑐬𑐎𑑂𑐬𑐶𑐫𑐵 𑐥𑐹𑐰𑑄𑐎𑐵𑑅 𑐄𑐐𑐸 𑐳𑐩𑑂𑐥𑐡𑐵 𑐮𑐶𑐟 𑐧𑐶𑐫𑐵 𑐴𑑅𑐐𑐸 𑐏𑑅 𑑋
𑐄𑐐𑐸 𑐂𑐮𑐫𑑂 𑐳𑑄𑐐𑑂𑐬𑐴𑐵𑐮𑐫𑐫𑐵 𑐣𑐶𑐬𑑂𑐡𑐾𑐱𑐎 𑐱𑑂𑐬𑐾𑐲𑑂𑐛, 𑐣𑐵𑐐𑐬𑐶𑐎 𑐣𑑂𑐴𑑂𑐫𑐮𑐸𑐰𑐵 𑐎𑐣𑐎𑐩𑐞𑐶 𑐡𑐷𑐎𑑂𑐲𑐶𑐟, 𑐳𑐩𑐶𑐟𑐶𑐫𑐵 𑐣𑐵𑐫𑑅 𑐱𑐵𑐎𑑂𑐫 𑐮𑐐𑐵𑐫𑐟𑑄 𑐧𑐴𑐵𑑅 𑐧𑐴𑐷𑐫𑐵 𑐠𑐸𑐎𑐠𑑄𑐫𑐵 𑐳𑐩𑑂𑐥𑐡𑐵𑐫𑐵 𑐩𑐴𑐟𑑂𑐰 𑐰 𑐠𑐸𑐎𑐶𑐫𑐵 𑐳𑑄𑐬𑐎𑑂𑐲𑐞𑐫𑐵 𑐣𑐶𑑄𑐟𑐶𑑄 𑐩𑑂𑐴𑐶𑐟𑐾𑐩𑐵𑑅𑐐𑐸 𑐨𑐹𑐩𑐶𑐎𑐵𑐫𑐵 𑐧𑐵𑐬𑐾 𑐠𑑅𑐠𑑅𑐐𑐸 𑐣𑐸𑐐𑑅𑐏𑑃 𑐟𑐫𑐵𑐡𑐷𑐐𑐸 𑐏𑑅 𑑋
𑐳𑐩𑐶𑐟𑐶𑐫𑐵 𑐣𑐵𑐫𑑅 𑐱𑐵𑐎𑑂𑐫𑑄 𑐧𑐶𑐫𑐵𑐡𑐷𑐐𑐸 𑐖𑐵𑐣𑐎𑐵𑐬𑐷𑐎𑐠𑑄 𑐳𑐣𑑂 𑑑𑑙𑑙𑑙 𑐥𑐵𑐏𑐾 𑐂𑐟𑐸𑑄𑐧𑐴𑐵𑐮𑑄 𑐏𑐸𑐫𑐵 𑐫𑑄𑐎𑐹𑐐𑐸 ‘𑐱𑐵𑐬𑐡𑐸𑐮’ 𑐬𑐸𑐰𑐶𑐣 𑐁𑐬𑑂𑐚 𑐀𑐦 𑐩𑑂𑐫𑐸𑐖𑐶𑐫𑐩 𑐰 ‘𑐳𑐵𑐮𑐨𑐖𑑂𑐖𑐶𑐎𑐵’ 𑐩𑐾𑐚𑑂𑐬𑑀𑐥𑑀𑐮𑐶𑐚𑐵𑐣 𑐩𑑂𑐫𑐸𑐖𑐶𑐫𑐩 𑐀𑐩𑐾𑐬𑐶𑐎𑐵𑐫𑑂’ 𑐟𑐫𑐵𑐟𑑅𑐐𑐸 𑐏𑑅 𑑋 𑐣𑐶𑐐𑐸𑐮𑐶𑑄 𑐎𑐵𑐲𑑂𑐛𑐎𑐵𑐮 𑐁𑐰𑐱𑑂𑐫𑐎 𑐎𑐵𑐣𑐹𑐣𑐷 𑐥𑑂𑐬𑐎𑑂𑐬𑐶𑐫𑐵 𑐥𑐹𑐰𑑄𑐎𑐵𑑅 𑐮𑐶𑐟 𑐴𑐫𑐵𑑅 𑐕𑐵𑐄𑐣𑐷𑐫𑐵 𑐳𑑄𑐐𑑂𑐬𑐴𑐵𑐮𑐫𑐫𑑂 𑐟𑐫𑐵𑐟𑑅𑐐𑐸 𑐏𑑅 𑑋
LEAVE YOUR COMMENTS