𑐖𑐣𑐧𑐴𑐵𑑅 𑐡𑑂𑐫𑑅 𑐩𑐶𑐳𑐵𑐥𑐶𑑄𑐳𑑄 𑐳𑐵𑐮𑐷𑐐𑐸
𑐫𑐾𑑃(𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳)- 𑐠𑐸𑐐𑐸𑐳𑐷 𑐖𑐣𑐧𑐴𑐵𑑅𑐫𑐵 𑐡𑑂𑐫𑑅𑐫𑐵 𑐏𑑅 𑐩𑐶𑐳𑐵𑐥𑐶𑑄𑐳𑑄 𑐳𑐵𑐮𑐷𑐐𑐸 𑐖𑐹𑐐𑐸 𑐡𑐸 𑑋 𑐖𑐣𑐧𑐴𑐵𑑅𑐫𑐵 𑐡𑑂𑐫𑑅𑐫𑐵 𑐏𑑅 𑐳𑐵𑐮𑐷𑐐𑐸 𑐣𑑂𑐴𑐵𑐥𑐵𑑄𑐐𑐸 𑐡𑐶𑑄𑐎𑐸𑐣𑑂𑐴𑐸 𑐖𑐩𑑅𑐣𑐶𑐳𑐾𑑄 𑐀𑐳𑐣𑐫𑑂𑐟𑐎 𑐩𑐶𑐳𑐵𑐥𑐶𑑄 𑐖𑐎 𑐖𑐵𑐣𑐵𑑅 𑐡𑑂𑐫𑑅 𑐳𑐵𑐮𑐾𑐟𑑂𑐫𑑄𑐐𑐸 𑐏𑑅 𑑋
𑐳𑐾𑐟𑑀 𑐩𑐔𑑂𑐕𑐶𑐣𑑂𑐡𑑂𑐬𑐣𑐵𑐠 𑐬𑐠𑐖𑐵𑐟𑑂𑐬𑐵 𑐰𑑂𑐫𑐰𑐳𑑂𑐠𑐵𑐥𑐣 𑐳𑐩𑐶𑐟𑐶 𑐀𑐣𑑂𑐟𑐬𑑂𑐐𑐟 𑐩𑐶𑐳𑐵 𑐥𑐬𑐶𑐔𑐵𑐮𑐣 𑐄𑐥𑐳𑐩𑐶𑐟𑐶𑐫𑐵 𑐳𑐎𑑂𑐬𑐶𑐫𑐟𑐵𑐫𑑂 𑐖𑐣𑐧𑐴𑐵𑑅 𑐡𑑂𑐫𑑅𑐫𑐵 𑐖𑐵𑐟𑑂𑐬𑐵𑐫𑐵 𑐣𑑂𑐴𑐵𑐥𑐵𑑄𑐐𑐸 𑐣𑑂𑐴𑐶 𑐖𑐩𑑅𑐣𑐶𑐳𑐾𑑄 𑐀𑐳𑐣𑐫𑑂 𑐟𑐎 𑐩𑐶𑐳𑐵𑐥𑐶𑑄𑐳𑑄 𑐖𑐎 𑐡𑑂𑐫𑑅 𑐳𑐵𑐮𑐾𑐐𑐸 𑐟𑐫𑐵𑐬𑐷 𑐫𑐵𑑅𑐐𑐸 𑐏𑑅 𑑋
𑐖𑐣𑐧𑐴𑐵𑑅 𑐡𑑂𑐫𑑅𑐫𑐵 𑐖𑐵𑐟𑑂𑐬𑐵 𑐰𑐂𑐐𑐸 𑐔𑑁𑐮𑐵𑐠𑑂𑐰 𑐀𑐲𑑂𑐚𑐩𑐶 (𑐔𑐿𑐟 𑑑𑑕)𑐣𑐶𑐳𑐾𑑄 𑐱𑐸𑐬𑐸 𑐖𑐹 𑐰𑐣𑐵𑐔𑑂𑐰𑑄𑐐𑐸 𑐡𑐸 𑑋 𑐠𑑂𑐰𑐎𑐸𑐣𑑂𑐴𑐸 𑐖𑐩𑑅𑐣𑐶𑐳𑐾𑑄 𑐀𑐳𑐣𑐫𑑂𑐟𑐎 𑐡𑑂𑐫𑑅 𑐳𑐵𑐮𑐷𑐐𑐸 𑐏𑑅𑐳𑐵 𑐠𑐸𑐎𑐷 𑐩𑐸𑐎𑑂𑐎𑑄 𑐩𑐶𑐳𑐵𑐥𑐶𑑄 𑐖𑐎 𑐖𑐵𑐣𑐵𑑅 𑐡𑑂𑐫𑑅 𑐳𑐵𑐮𑐵𑑅 𑐫𑐵𑑅 𑐣𑑂𑐫𑐵𑐫𑐾𑐎𑐾𑐐𑐸 𑐎𑑂𑐰𑑅𑐕𑐶𑐄𑐐𑐸 𑐏𑑅 𑑋
𑐮𑐸𑐩𑑄𑐎𑐾𑐧𑐴𑐖𑐹, 𑐰𑑄𑐐𑐸 𑐕𑐸𑑄 𑐡𑑃 𑐣𑑂𑐴𑑂𑐫𑑅𑐣𑐶𑐳𑐾𑑄 𑐫𑐾𑑃𑐫𑐵𑑅𑐫𑐵 𑐂𑐮𑐫𑑂 𑐡𑐎𑐮𑐫𑑂 𑐮𑐶𑐥𑐵𑑄𑐐𑐸 𑐡𑐶𑑄 𑐣𑐵𑐣𑐷𑐔𑐵 𑐫𑐵𑑅𑐎𑐸𑐣𑑂𑐴𑐸 𑐩𑐶𑐳𑐵𑐥𑐶𑑄 𑐖𑐎 𑐖𑐵𑐣𑐵𑑅 𑐡𑑂𑐫𑑅 𑐏𑑅 𑐳𑐵𑐮𑐾𑐐𑐸 𑐫𑐵𑐣𑐵 𑐰𑐫𑐵𑐔𑑂𑐰𑑄𑐐𑐸 𑐡𑐸 𑑋
LEAVE YOUR COMMENTS