𑐎𑐶𑐥𑐸𑐮𑑂𑐔𑐵𑐫𑐵 𑐎𑐵𑐮𑐶𑐎𑐵 𑐡𑐾𑐐𑑅 𑐥𑐸𑐣𑑅𑐣𑐶𑐬𑑂𑐩𑐵𑐞

𑐫𑐾𑑃(𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳)- 𑐔𑐣𑑂𑐡𑑂𑐬𑐵𑐐𑐶𑐬𑐶 𑐣𑐐𑐬𑐥𑐵𑐮𑐶𑐎𑐵 𑐰𑐜𑐵 𑐣𑑄. 𑑕 𑐎𑐶𑐳𑐶𑐥𑐶𑐜𑐶 𑐎𑐶𑐥𑐸𑐮𑑂𑐔𑐵𑐫𑑂 𑐔𑑂𑐰𑑄𑐐𑐸 𑐎𑐵𑐮𑐶𑐎𑐵 𑐡𑐾𑐐𑑅𑐫𑐵 𑐥𑐸𑐣𑑅𑐣𑐶𑐬𑑂𑐩𑐵𑐞 𑐎𑑂𑐰𑐔𑐵𑑅𑐐𑐸 𑐡𑐸 𑑋 𑐮𑐶𑐔𑑂𑐕𑐰𑐷𑐎𑐵𑐮𑐷𑐣 𑐋𑐟𑐶𑐴𑐵𑐳𑐶𑐎 𑐄𑐐𑐸 𑐡𑐾𑐐𑑅 𑑒𑑐𑑗𑑒 𑐳𑐵𑐮𑐫𑐵 𑐰𑐶𑐣𑐵𑐱𑐎𑐵𑐬𑐷 𑐨𑐸𑐏𑐵𑐔𑑄 𑐎𑑂𑐲𑐟𑐶 𑐖𑐹𑐐𑐸 𑐏𑑅 𑑋

𑐥𑐸𑐣𑑅𑐣𑐶𑐬𑑂𑐩𑐵𑐞 𑐎𑑂𑐰𑐔𑐵𑐫𑐾𑐰𑑄 𑐡𑐾𑐐𑐮𑐫𑑂 𑐎𑐵𑐮𑐶𑐎𑐵 𑐩𑐵𑐃𑐮𑐶𑐳𑐾𑑄 𑐩𑐾𑐩𑐾𑐥𑐶𑑄 𑐡𑑂𑐫𑑅𑐥𑐶𑑄 𑐣𑑄 𑐥𑑂𑐬𑐟𑐶𑐲𑑂𑐛𑐵𑐥𑐣 𑐫𑐵𑑅𑐐𑐸 𑐏𑑅 𑑋 𑐄𑐐𑐸 𑐡𑐾𑐐𑑅 𑐔𑐣𑑂𑐡𑑂𑐬𑐵𑐐𑐶𑐬𑐶 𑐣𑐐𑐬𑐥𑐵𑐮𑐶𑐎𑐵𑐫𑐵 𑐥𑑂𑐬𑐩𑐸𑐏 𑐑𑐣𑐱𑑂𑐫𑐵𑐩 𑐐𑐶𑐬𑐷 𑐰 𑐥𑐸𑐬𑐵𑐟𑐟𑑂𑐰 𑐰𑐶𑐨𑐵𑐐𑐫𑐵 𑐄𑐥𑐳𑐔𑐶𑐰𑐮𑐶𑐳𑐾𑑄 𑐡𑐾𑐐𑑅 𑐖𑐶𑐬𑑂𑐞𑑀𑐡𑑂𑐰𑐵𑐬 𑐎𑐵𑐬𑑂𑐫𑐫𑑀𑐖𑐣𑐵𑐫𑐵 𑐥𑑂𑐬𑐩𑐸𑐏 𑐖𑐫𑐬𑐵𑐩 𑐱𑑂𑐬𑐾𑐲𑑂𑐛𑑄 𑐩𑑄𑐎𑐵𑑅𑐎𑐠𑑄 𑐄𑐮𑐾𑐖𑑂𑐫𑐵 𑐫𑐵𑐣𑐵𑐡𑐷𑐐𑐸 𑐏𑑅 𑑋

𑐨𑐸𑐏𑐵𑐔𑑄 𑐎𑑂𑐲𑐟𑐶 𑐖𑐹𑐐𑐸 𑐄𑐐𑐸 𑐡𑐾𑐐𑑅 𑐥𑐸𑐣𑑅𑐣𑐶𑐬𑑂𑐩𑐵𑐞𑐫𑐵 𑐣𑐶𑑄𑐟𑐶𑑄 𑐠𑐐𑐸𑐣𑐾 𑐳𑐵𑐄𑐣 𑑘 𑐐𑐟𑐾 𑐱𑐶𑐮𑐵𑐣𑑂𑐫𑐵𑐳 𑐫𑐵𑑅𑐐𑐸 𑐏𑑅 𑑋 𑐡𑐾𑐐𑑅 𑐥𑐸𑐣𑑅𑐣𑐶𑐬𑑂𑐩𑐵𑐞𑐫𑐵 𑐣𑐶𑑄𑐟𑐶𑑄 𑐥𑐸𑐬𑐵𑐟𑐟𑑂𑐰 𑐰𑐶𑐨𑐵𑐐𑑄 𑐥𑑂𑐬𑐵𑐰𑐶𑐢𑐶𑐎 𑐰 𑐁𑐬𑑂𑐠𑐶𑐎 𑐐𑑂𑐰𑐵𑐴𑐵𑐮𑐶 𑐫𑐵𑑅𑐐𑐸 𑐏𑑅𑐳𑐵 𑐔𑐣𑑂𑐡𑑂𑐬𑐵𑐐𑐶𑐬𑐶 𑐣𑐐𑐬𑐥𑐵𑐮𑐶𑐎𑐵𑑄 𑐣𑑄 𑐁𑐬𑑂𑐠𑐶𑐎 𑐐𑑂𑐰𑐵𑐴𑐵𑐮𑐶 𑐫𑐵𑑅𑐐𑐸 𑐏𑑅 𑑋

𑐡𑐾𑐐𑑅 𑐥𑐸𑐣𑑅𑐣𑐶𑐬𑑂𑐩𑐵𑐞𑐫𑐵 𑐣𑐶𑑄𑐟𑐶𑑄 𑐱𑑂𑐬𑐷 𑐐𑐞𑐾𑐱 𑐨𑐐𑐰𑐟𑐷 𑐎𑐵𑐮𑐶𑐎𑐵 𑐬𑐵𑐖 𑐐𑐸𑐠𑐶 𑐎𑐶𑐳𑐶𑐥𑐶𑐜𑐶, 𑐱𑑂𑐬𑐷 𑐎𑐵𑐮𑐶𑐎𑐵 𑐩𑐣𑑂𑐡𑐶𑐬 𑐥𑐸𑐣𑑅𑐣𑐶𑐬𑑂𑐩𑐵𑐞 𑐳𑐴𑐫𑑀𑐐 𑐳𑐩𑐶𑐟𑐶 𑐰 𑐎𑐶𑐳𑐶𑐥𑐶𑐜𑐶𑐫𑐵 𑐳𑐎𑐮 𑐳𑑂𑐠𑐵𑐣𑐷𑐫 𑐖𑐣𑐳𑐩𑐸𑐡𑐵𑐫𑐫𑐵 𑐐𑑂𑐰𑐵𑐴𑐵𑐮𑐶𑑄 𑐫𑐵𑑅𑐐𑐸 𑐏𑑅 𑑋