𑐟𑑂𑐬𑐶𑐔𑐣𑑂𑐡𑑂𑐬 𑐎𑑂𑐫𑐵𑐩𑑂𑐥𑐳𑐫𑑂 𑐟𑑀𑐜𑐦𑑀𑐜
𑐫𑐾𑑃 (𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳)- 𑐳𑑂𑐰𑐟𑐣𑑂𑐟𑑂𑐬 𑐰𑐶𑐡𑑂𑐫𑐵𑐬𑑂𑐠𑐷 𑐫𑐸𑐣𑐶𑐫𑐣 (𑐳𑑂𑐰𑐰𑐶𑐫𑐸) 𑐣𑐶𑐬𑑂𑐰𑐵𑐔𑐣 𑐥𑑂𑐬𑐎𑑂𑐬𑐶𑐫𑐵 𑐣𑑂𑐴𑑂𑐫𑑅𑐣𑐾 𑐩𑐣𑑂𑐴𑑂𑐫𑐵𑐎𑐹𑐐𑐸 𑐢𑐵𑐳𑐾𑑄 𑐩𑑂𑐴𑐶𑐐𑑅 𑐟𑑂𑐬𑐶𑐔𑐣𑑂𑐡𑑂𑐬 𑐎𑑂𑐫𑐵𑐩𑑂𑐥𑐳𑐫𑑂 𑐟𑑀𑐜𑐦𑑀𑐜 𑐖𑐹𑐐𑐸 𑐡𑐸 𑑋 𑐰𑐶𑐡𑑂𑐫𑐵𑐬𑑂𑐠𑐷𑐟𑐫𑑂 𑐕𑐐𑐹 𑐥𑐸𑐔𑐮𑑄 𑐎𑑂𑐫𑐵𑐩𑑂𑐥𑐳 𑐥𑑂𑐬𑐩𑐸𑐏, 𑐳𑐴𑐵𑐫𑐎 𑐎𑑂𑐫𑐵𑐩𑑂𑐥𑐳 𑐥𑑂𑐬𑐩𑐸𑐏 𑐰 𑐣𑐶𑐬𑑂𑐰𑐵𑐔𑐣 𑐀𑐢𑐶𑐎𑐺𑐟𑐫𑐵 𑐎𑐵𑐬𑑂𑐫𑐎𑐎𑑂𑐲𑐫𑑂 𑐟𑑀𑐜𑐦𑑀𑐜 𑐫𑐵𑑅𑐐𑐸 𑐏𑑅 𑑋 𑐟𑑀𑐜𑐦𑑀𑐜𑐮𑐶𑐥𑐵 𑐚𑐾𑐧𑐮 𑐰 𑐎𑐸𑐬𑑂𑐳𑐷 𑐎𑑂𑐲𑐟𑐶 𑐖𑐹𑐐𑐸 𑐡𑐸 𑑋 𑐰𑐶𑐡𑑂𑐫𑐵𑐬𑑂𑐠𑐷𑐟𑐫𑑂𑐳𑑄 𑐎𑑂𑐫𑐵𑐩𑑂𑐥𑐳 𑐡𑐸𑐣𑐾 𑐔𑑂𑐰𑑄𑐐𑐸 𑐎𑐸𑐬𑑂𑐳𑐷 𑐥𑐶𑐣𑐾 𑐮𑐸𑐏𑐵𑐫𑑂 𑐴𑐫𑐵𑑅 𑐣𑐵𑐬𑐵𑐰𑐵𑐖𑐷 𑐣𑑄 𑐫𑐵𑑅𑐐𑐸 𑐏𑑅 𑑋
𑐟𑑂𑐬𑐶𑐔𑐣𑑂𑐡𑑂𑐬 𑐎𑑂𑐫𑐵𑐩𑑂𑐥𑐳𑐫𑑂 𑐰𑐶𑐰𑐵𑐡𑐫𑐵 𑐎𑐵𑐬𑐞𑑄 𑐰𑑄𑐐𑐸 𑐥𑐸𑐳 𑑒𑑖 𑐐𑐟𑐾 𑐩𑐣𑑀𑐣𑐫𑐣 𑐡𑐬𑑂𑐟𑐵 𑐫𑐵𑐫𑐾𑐐𑐸 𑐖𑑂𑐫𑐵 𑐖𑐸𑐂𑐩𑐦𑐸𑐐𑐸 𑐏𑑅 𑑋 𑐰𑐫𑐵𑑄 𑐮𑐶𑐥𑐵 𑐩𑐟𑐡𑐵𑐟𑐵 𑐣𑐵𑐩𑐵𑐰𑐮𑐷 𑐥𑐶𑐎𑐵𑐫𑐾𑐐𑐸 𑐣𑐶𑐳𑐾𑑄 𑐩𑐵𑑅𑐐𑐸 𑐳𑐩𑐣𑑂𑐰𑐫 𑐩𑐫𑐵𑑅𑐐𑐸 𑐢𑐵𑐳𑐾𑑄 𑐣𑐾𑐰𑐶𑐳𑑄𑐑𑐫𑐵 𑐰𑐶𑐡𑑂𑐫𑐵𑐬𑑂𑐠𑐷𑐟 𑐁𑐎𑑂𑐬𑑀𑐱𑐶𑐟 𑐖𑐹𑐐𑐸 𑐏𑑅 𑑋 𑐥𑐶𑐣𑐾 𑐐𑐾𑐚𑐫𑑂 𑐟𑐫𑐾𑐴𑑅𑐐𑐸 𑐎𑐸𑐬𑑂𑐳𑐷𑐂 ‘𑐔𑐸𑐣𑐵𑐰 𑐫𑐵𑐎𑐾 𑐩𑐦𑐸𑐩𑑂𑐴 𑐎𑑂𑐫𑐵𑐩𑑂𑐥𑐳 𑐥𑑂𑐬𑐱𑐵𑐳𑐣𑑄 𑐬𑐵𑐖𑐷𑐣𑐵𑐩𑐵 𑐧𑐶𑐄’, ‘𑐣𑐶𑐬𑑂𑐰𑐵𑐔𑐣 𑐀𑐢𑐶𑐎𑐺𑐟 𑐐𑑂𑐰𑑅 ?’, ‘𑐎𑑂𑐫𑐵𑐩𑑂𑐥𑐳 𑐥𑑂𑐬𑐩𑐸𑐏 𑐟𑑄𑐐𑐸 𑐡𑐸’ 𑐢𑐫𑐵𑐐𑐸 𑐣𑐵𑐬𑐵 𑐳𑐴𑐶𑐟𑐫𑐵 𑐥𑑀𑐳𑑂𑐚𑐬 𑐟𑐶𑐎𑐵𑑅 𑐰𑐶𑐬𑑀𑐢 𑐥𑑂𑐰𑑄𑐎𑐹𑐐𑐸 𑐏𑑅 𑑋 𑐰𑐶𑐡𑑂𑐫𑐵𑐬𑑂𑐠𑐷 𑐨𑐬𑑂𑐣𑐵𑐮𑐐𑐵𑐫𑐟𑐫𑐵 𑐰𑐶𑐰𑐵𑐡𑐫𑐵 𑐎𑐵𑐬𑐞𑑄 𑐟𑑂𑐬𑐶𑐔𑐣𑑂𑐡𑑂𑐬𑐫𑑂 𑐳𑑂𑐰𑐰𑐶𑐫𑐸 𑐣𑐶𑐬𑑂𑐰𑐵𑐔𑐣 𑐣𑑂𑐴𑑂𑐫𑑅𑐣𑐾 𑐣𑑂𑐴𑑂𑐫𑐵𑐎𑐾 𑐦𑐫𑐵𑐔𑑂𑐰𑑄𑐐𑐸 𑐩𑐡𑐸 𑑋
LEAVE YOUR COMMENTS