Read news in NepalBhasa text-- www.hamroschool.com BACK ‘𑐎𑐾𑐴𑐾𑑃 𑐎𑐶𑐖𑐵𑐥𑐶𑑄𑐟 𑐩𑐟𑐶𑐣𑐵𑐫𑐵 𑐥𑑁’ 𑐳𑐦𑐹 𑐥𑐶𑐟𑐧𑑂𑐰𑐖𑑂𑐫𑐵 – 𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳

‘𑐎𑐾𑐴𑐾𑑃 𑐎𑐶𑐖𑐵𑐥𑐶𑑄𑐟 𑐩𑐟𑐶𑐣𑐵𑐫𑐵 𑐥𑑁’ 𑐳𑐦𑐹 𑐥𑐶𑐟𑐧𑑂𑐰𑐖𑑂𑐫𑐵

𑐫𑐾𑑃 – 𑐰𑐬𑐶𑐲𑑂𑐛 𑐔𑑂𑐰𑐩𑐶 𑐧𑐸𑐡𑑂𑐢 𑐱𑐵𑐎𑑂𑐫 𑐣𑐾𑐰𑐵𑑅𑐫𑐵 𑐗𑐶𑐐𑐹𑐐𑐸 𑐎𑐺𑐟𑐶 ‘𑐎𑐾𑐴𑐾𑑃 𑐎𑐶𑐖𑐵𑐥𑐶𑑄𑐟 𑐩𑐟𑐶𑐣𑐵𑐫𑐵 𑐥𑑁’ 𑐱𑐣𑐶𑐰𑐵𑑅 𑐳𑐵𑐟𑑀𑐁𑐎𑐷 𑐨𑐰𑐣 𑐎𑐸𑐥𑐞𑑂𑐜𑑀𑐮𑐫𑑂 𑐩𑐹𑐥𑐵𑐴𑐵𑑄 𑐱𑐟𑐵𑐧𑑂𑐡𑐷 𑐥𑐸𑐬𑐸𑐲 𑐳𑑄𑐳𑑂𑐎𑐺𑐟𑐶𑐰𑐶𑐡𑑂 𑐳𑐟𑑂𑐫𑐩𑑀𑐴𑐣 𑐖𑑀𑐱𑐷𑑄 𑐥𑐶𑐟𑐧𑑂𑐰𑐖𑑂𑐫𑐵 𑐫𑐵𑐣𑐵𑐡𑐷𑐐𑐸 𑐡𑐸 𑑋𑐨𑐹𑐥𑐸 𑐩𑐾𑐫𑐬 𑐧𑐾𑐏𑐵𑐬𑐟𑑂𑐣 𑐱𑐵𑐎𑑂𑐫𑐫𑐵 𑐳𑐨𑐵𑐥𑐟𑐶𑐟𑑂𑐰𑐫𑑂 𑐖𑐹𑐐𑐸 𑐖𑑂𑐫𑐵𑐗𑑂𑐰𑐮𑐫𑑂 𑐳𑐦𑐸𑐮𑐶𑐂 𑐡𑐸𑐠𑑂𑐫𑐵𑑅𑐐𑐸 𑑕𑑐 𑐥𑐸 𑐥𑑁𑐫𑐵 𑐰𑐶𑐲𑐫𑐰𑐳𑑂𑐟𑐸𑐧𑐵𑐬𑐾 𑐡𑐸𑐐𑑂𑐫𑑄𑐎 𑐔𑐬𑑂𑐔𑐵 𑐖𑐹𑐐𑐸 𑐏𑑅𑐳𑐵 𑐥𑐵𑐴𑐵𑑃 𑐎𑐠𑑄 𑐗𑐵𑐫𑐵𑐡𑐷𑐩𑑂𑐴 𑐜𑐵. 𑐎𑐾𑐱𑐰𑐩𑐵𑐣 𑐱𑐵𑐎𑑂𑐫𑑄 𑐥𑑁𑐫𑐵 𑐩𑐵𑐢𑑂𑐫𑐩𑑄 𑐣𑑄 𑐰𑐿𑐖𑑂𑐘𑐵𑐣𑐶𑐎𑐟 𑐩𑑂𑐴𑐳𑐷𑐎𑐾𑐐𑐸 𑐰 𑐣𑐿𑐟𑐶𑐎 𑐱𑐶𑐎𑑂𑐲𑐵 𑐣𑐵𑐥𑑄 𑐖𑑂𑐘𑐵𑐣 𑐧𑐶𑐂𑐦𑐂𑐐𑐸 𑐏𑑃 𑐠𑐸𑐐𑐸 𑐳𑐦𑐸𑐟𑐶𑑄 𑐎𑑂𑐫𑐣𑐵𑐧𑑂𑐫𑐹𑐐𑐸 𑐣𑑂𑐴𑑂𑐫𑐠𑐣𑐵 𑐡𑐶𑐮 𑑋

𑐜𑐧𑑂𑐮𑐸𑐊𑐣𑐌 𑐣𑐾𑐥𑐵𑑅 𑐔𑑂𑐫𑐵𑐥𑑂𑐚𑐬𑐫𑐵 𑐣𑐵𑐫𑑅 𑐱𑐵𑐎𑑂𑐫 𑐳𑐸𑐬𑐾𑐣𑑄 𑐨𑐵𑐲𑐵 𑐰 𑐖𑐵𑐟𑐶𑐫𑐵 𑐳𑐾𑐰𑐵 𑐫𑐵𑐫𑐾𑐟 𑐄𑐩𑐾𑐬𑑄 𑐩𑐥𑐣𑐷𑐐𑐸 𑐏𑑃 𑐧𑐸𑐡𑑂𑐢 𑐣𑐾𑐰𑐵𑑅 𑐣𑑄 𑐎𑑂𑐫𑐣𑐵𑐧𑐶𑐄𑐐𑐸 𑐡𑐸 𑐢𑐫𑐵𑐡𑐶𑐮 𑑋 𑐂𑐮𑑀𑐴𑑄𑐫𑐵 𑐳𑐩𑑂𑐥𑐵𑐡𑐎 𑐣𑐬𑐾𑐱𑐰𑐷𑐬 𑐱𑐵𑐎𑑂𑐫𑑄 𑐳𑑂𑐫𑐮𑑂𑐮𑐵𑑅𑐐𑐸 𑐳𑐵𑐴𑐶𑐟𑑂𑐫 𑐳𑐺𑐖𑐣𑐵 𑐫𑐵𑐫𑐾𑐟 𑐜𑐷𑐐𑑂𑐬𑐷 𑐴𑐵𑐳𑐶𑐮 𑐫𑐵𑐫𑐾 𑐴𑐾 𑐩𑐵𑑅 𑐢𑐫𑐵𑐐𑐸 𑐩𑐡𑐸, 𑐳𑑂𑐰𑐀𑐢𑑂𑐫𑐣 𑐖𑐎 𑐡𑐸𑐐𑑂𑐫𑑄𑐎 𑐫𑐵𑐟 𑐢𑐵𑑅𑐳𑐵 𑐣𑑄 𑐐𑐵𑑅𑐐𑐸 𑐠𑐸𑐐𑐸 𑐳𑐦𑐸𑐟𑐶𑑄 𑐥𑑂𑐬𑐩𑐵𑐞𑐶𑐟 𑐫𑐵𑑅𑐐𑐸 𑐏𑑃 𑐢𑐫𑐵𑐡𑐶𑐮 𑑋

𑐥𑑂𑐬𑐎𑐵𑐱𑐎𑐥𑐶𑑄 𑐜𑐵. 𑐳𑐔𑐾𑐟𑐣 𑐩𑐵𑐣 𑐟𑐸𑐮𑐵𑐢𑐬, 𑐜𑐵. 𑐥𑐰𑐶𑐟𑑂𑐬𑐵 𑐱𑐵𑐎𑑂𑐫 𑐟𑐸𑐮𑐵𑐢𑐬 𑐰 𑐮𑐳𑐟𑐵 𑐟𑐸𑐮𑐵𑐢𑐬𑐥𑐶𑑄𑐳𑑄 𑐕𑑂𑐰𑐫𑐵𑐴𑐫𑐵𑐡𑐷𑐐𑐸 𑐨𑐶𑐣𑑂𑐟𑐸𑐣𑐵 𑐥𑑁 𑐧𑑂𑐰𑑃𑐳𑐾𑑄 𑐥𑑂𑐬𑐵. 𑐳𑐬𑑂𑐰𑐖𑑂𑐘𑐩𑐵𑐣 𑐟𑐸𑐮𑐵𑐢𑐬𑑄 𑐮𑐳𑐎𑐸𑐳 𑐣𑑂𑐰𑐔𑐸 𑐧𑐶𑐫𑐵𑐡𑐷𑐐𑐸 𑐄𑐐𑐸 𑐖𑑂𑐫𑐵𑐗𑑂𑐰𑐮𑐫𑑂 𑐳𑐦𑐹𑐫𑐵 𑐳𑐩𑐶𑐎𑑂𑐲𑐵 𑐣𑐾𑐥𑐵𑐮𑐨𑐵𑐲𑐵 𑐥𑐬𑐶𑐲𑐡𑐫𑐵 𑐣𑐵𑐫𑑅 𑐳𑐸𑐰𑐬𑑂𑐞 𑐱𑐵𑐎𑑂𑐫𑑄 𑐫𑐵𑐣𑐵𑐡𑐷𑐐𑐸 𑐏𑑅 𑑋

𑐳𑐩𑑂𑐧𑐣𑑂𑐢𑐶𑐟 𑐧𑐸𑐏𑑃

LEAVE YOUR COMMENTS