𑐳𑐵𑐾𑐩𑐰𑐵𑑅 𑐳𑐸𑐠𑐫𑑂 𑑗𑑅𑑔𑑕 𑐧𑐖𑐾 𑐔𑐷𑐬 𑐳𑑂𑐰𑐵𑐂𑐐𑐸
𑐫𑐾𑑃 (𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳)- 𑐣𑑂𑐴𑑂𑐫𑑅𑐣𑐾 𑐰𑐫𑐵𑐔𑑂𑐰𑑄𑐐𑐸 𑐴𑑀𑐮𑐶 𑐥𑐬𑑂𑐰𑐫𑐵 𑐗𑑂𑐰𑐮𑐫𑑂 𑐁𑑅 𑐰𑐂𑐐𑐸 𑐀𑐲𑑂𑐚𑐩𑐶 (𑐦𑐵𑐐𑐸𑐣 𑑑𑑕 𑐐𑐟𑐾) 𑐳𑑀𑐩𑐰𑐵𑑅 𑐎𑐸𑐣𑑂𑐴𑐸 𑐔𑐷𑐬 𑐳𑑂𑐰𑐵𑐂𑐐𑐸 𑐖𑐹𑐐𑐸 𑐡𑐸 𑑋 𑐣𑐾𑐥𑐵𑐮 𑐥𑐘𑑂𑐔𑐵𑐒𑑂𑐐 𑐣𑐶𑐬𑑂𑐞𑐵𑐫𑐎 𑐰𑐶𑐎𑐵𑐳 𑐳𑐩𑐶𑐟𑐶𑑄 𑐔𑐷𑐬 𑐳𑑂𑐰𑐵𑐂𑐐𑐸 𑐳𑐵𑐂𑐟 𑐣𑑄 𑐥𑐶𑐎𑐵𑐫𑐾𑐢𑐸𑑄𑐎𑐹𑐐𑐸 𑐡𑐸 𑑋 𑐳𑐩𑐶𑐟𑐶𑐫𑐵 𑐎𑐠𑑄 𑐦𑐵𑐐𑐸𑐣 𑑑𑑕 𑐐𑐟𑐾 𑐳𑐸𑐠𑐫𑑂 𑑗𑑅𑑔𑑕 𑐧𑐖𑐾𑐫𑐵 𑐳𑐵𑐂𑐟𑐫𑑂 𑐔𑐷𑐬 𑐳𑑂𑐰𑐵𑐫𑐾𑐐𑐸 𑐖𑑂𑐫𑐵 𑐖𑐸𑐂 𑑋 𑐠𑑂𑐰 𑐔𑐷𑐬 𑐴𑑀𑐮𑐶 𑐥𑐸𑐣𑑂𑐴𑐶 𑐎𑐸𑐣𑑂𑐴𑐸 𑐎𑑂𑐰𑑅𑐠𑐮𑐷 𑑋 𑐳𑐩𑐶𑐟𑐶𑑄 𑐧𑐶𑐄𑐐𑐸 𑐳𑐵𑐂𑐟 𑐎𑐠𑑄 𑐦𑐵𑐐𑐸𑐣 𑑒𑑒 𑐐𑐟𑐾 𑐔𑐵𑐣𑑂𑐴𑐫𑑂 𑑒𑑙𑑅𑑔𑑕 𑐧𑐖𑐾 (𑐎𑐣𑑂𑐴𑐫𑑂 𑐎𑐸𑐣𑑂𑐴𑐸 𑐳𑐸𑐠𑐫𑑂𑐥𑐵𑐏𑐾 𑑕𑑅𑑔𑑕 𑐧𑐖𑐾) 𑐔𑐷𑐬 𑐎𑑂𑐰𑑅𑐠𑐮𑐷 𑑋 𑐀𑐠𑐾 𑐎𑑂𑐰𑑅𑐠𑑅𑐐𑐸 𑐔𑐷𑐬 𑐟𑐶𑑄𑐏𑑂𑐫𑐮𑐫𑑂 𑐫𑑄𑐎𑐵𑑅 𑐕𑑂𑐰𑐫𑐾𑐎𑐷𑐐𑐸 𑐔𑐮𑐣 𑐡𑐸 𑑋
LEAVE YOUR COMMENTS