𑐮𑐵𑐩𑐶𑐕𑐵𑐣𑐾𑐫𑐵 𑐥𑐵𑐬𑑂𑐚𑐷𑐂 𑐎𑐮𑐴𑐫𑐵 𑐳𑑄𑐎𑐾𑐟
𑐫𑐾𑑃 (𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳)÷𑐬𑐵𑐲𑑂𑐚𑑂𑐬𑐶𑐫 𑐳𑑂𑐰𑐟𑐣𑑂𑐟𑑂𑐬 𑐥𑐵𑐬𑑂𑐚𑐷𑐫𑐵 𑐳𑐨𑐵𑐥𑐟𑐶 𑐬𑐰𑐶 𑐮𑐵𑐩𑐶𑐕𑐵𑐣𑐾𑑄 𑐳𑐬𑐎𑐵𑐬 𑐟𑑂𑐰𑑅𑐟𑐾𑐰𑑄 𑐫𑐵𑑅𑐐𑐸 𑐥𑐟𑑂𑐬𑐎𑐵𑐬 𑐳𑐩𑑂𑐩𑐾𑐮𑐣𑐫𑑂 𑐣𑑂𑐰𑐰𑐵𑑅𑐐𑐸 𑐀𑐨𑐡𑑂𑐬 𑐰 𑐀𑐬𑐵𑐖𑐣𑐷𑐟𑐶𑐎 𑐢𑐵𑐥𑐹𑐫𑐵 𑐎𑐵𑐬𑐞𑑄 𑐥𑐵𑐬𑑂𑐚𑐷 𑐡𑐸𑐣𑐾 𑐴𑐾 𑐰𑐶𑐰𑐵𑐡 𑐱𑐸𑐬𑐸 𑐖𑐹𑐐𑐸 𑐡𑐸 𑑋
𑐥𑐵𑐬𑑂𑐚𑐷𑐫𑐵 𑐎𑐾𑐣𑑂𑐡𑑂𑐬𑐷𑐫 𑐡𑐸𑐖𑑅 𑐀𑐬𑐣𑐶𑐎𑑀 𑐥𑐵𑑃𑐜𑐾𑑄 𑐩𑑂𑐴𑐶𑐐𑑅 𑐕𑐐𑐹 𑐚𑑂𑐰𑐶𑐚 𑐫𑐵𑐳𑐾𑑄 𑐳𑐨𑐵𑐥𑐟𑐶 𑐮𑐵𑐩𑐶𑐕𑐵𑐣𑐾𑑄 𑐄𑐐𑐸 𑐥𑐟𑑂𑐬𑐎𑐵𑐬 𑐳𑐩𑑂𑐩𑐾𑐮𑐣𑐫𑑂 𑐣𑑂𑐰𑐰𑐵𑑅𑐐𑐸 𑐏𑑃𑐫𑐵 𑐖𑐶𑐩𑑂𑐩𑐾𑐰𑐵𑐬𑐷 𑐠𑑅𑐥𑐶𑑄𑐳𑑄 𑐎𑐵𑐫𑐾 𑐩𑐦𑐂𑐐𑐸 𑐏𑑃 𑐢𑐵𑑅𑐐𑐸 𑐡𑐸 𑑋 𑐥𑐵𑐞𑑂𑐜𑐾𑑄 𑐥𑐵𑐬𑑂𑐚𑐷 𑐡𑐸𑐣𑐾 𑐖𑐹𑐐𑐸 𑐳𑐴𑐮𑐴𑐫𑐵 𑐗𑑂𑐰𑐮𑐫𑑂 𑐳𑐬𑐎𑐵𑐬𑑄 𑐥𑐶𑐴𑐵𑑄 𑐰𑐫𑐾𑐐𑐸 𑐢𑐎𑐵𑑅 𑐫𑐵𑑅𑐐𑐸 𑐣𑐶𑐬𑑂𑐞𑐫𑐫𑐵𑐟 𑐠𑐩𑑂𑐴𑑄 𑐳𑑂𑐰𑐵𑐩𑐶𑐟𑑂𑐰 𑐎𑐵𑑅𑐳𑐵𑑄 𑐣𑑄 𑐥𑐟𑑂𑐬𑐎𑐵𑐬 𑐳𑐩𑑂𑐩𑐾𑐮𑐣𑐫𑐵 𑐴𑐶𑐳𑑂𑐳𑐵 𑐢𑐵𑑅𑐳𑐵 𑐠𑑅 𑐩𑐖𑐸𑐂𑐐𑐸 𑐏𑑃 𑐢𑐫𑐵𑐡𑐷𑐐𑐸 𑐡𑐸 𑑋
𑐥𑐵𑑃𑐜𑐾 𑐔𑑂𑐰𑐫𑐵𑐡𑐷𑐐𑐸 𑐡𑐸, ‘𑐬𑐵𑐲𑑂𑐚𑑂𑐬𑐶𑐫 𑐳𑑂𑐰𑐟𑐣𑑂𑐟𑑂𑐬 𑐥𑐵𑐬𑑂𑐚𑐷 𑐕𑐩𑑂𑐴 𑐣𑐾𑐟𑐵𑐫𑐵 𑐨𑐵𑐰𑐣𑐵𑑄 𑐠𑐴𑐵𑑄 𑐰𑐣𑐵𑑅 𑐫𑐸𑐰𑐵, 𑐳𑐷𑐩𑐵𑐣𑑂𑐟𑐎𑐺𑐟 𑐰 𑐁𑐱𑐵𑐰𑐵𑐡𑐷 𑐣𑐾𑐥𑐵𑑅𑐫𑐵 𑐣𑐶𑐟𑐶𑑄 𑐡𑐣𑐾𑐩𑐵𑑅 𑑋’ 𑐥𑐵𑐬𑑂𑐚𑐷 𑐀𑐢𑑂𑐫𑐎𑑂𑐲 𑐮𑐵𑐩𑐶𑐕𑐵𑐣𑐾𑑄 𑐥𑐟𑑂𑐬𑐎𑐵𑐬 𑐳𑐩𑑂𑐩𑐾𑐮𑐣 𑐫𑐵𑑅𑐐𑐸 𑐂𑐮𑐫𑑂 𑐣𑑄 𑐐𑐸𑐮𑐶𑐏𑐾 𑐳𑐵𑑄𑐳𑐡𑐟 𑐄𑐥𑐳𑑂𑐠𑐶𑐟 𑐩𑐖𑐹𑐐𑐸 𑐏𑑅 𑑋
𑐥𑐟𑑂𑐬𑐎𑐵𑐬 𑐳𑐩𑑂𑐩𑐾𑐮𑐣𑐫𑐵 𑐎𑐣𑑂𑐴𑐫𑑂 𑐎𑐸𑐣𑑂𑐴𑐸 𑐔𑑂𑐰𑑄𑐐𑐸 𑐥𑐵𑐬𑑂𑐚𑐷𑐫𑐵 𑐧𑐿𑐛𑐎𑐫𑑂 𑐣𑑄 𑐁𑐥𑐵𑐮𑑄 𑐎𑐾𑐣𑑂𑐡𑑂𑐬𑐷𑐫 𑐡𑐸𑐖𑑅𑐟𑐫𑑂𑐳𑑄 𑐠𑑂𑐰 𑐥𑐟𑑂𑐬𑐎𑐵𑐬 𑐳𑐩𑑂𑐩𑐾𑐮𑐣𑐫𑑂 𑐀𑐢𑑂𑐫𑐎𑑂𑐲𑑄 𑐣𑑂𑐰𑐰𑐵𑑅𑐐𑐸 𑐏𑑃𑐫𑐵𑐟 𑐎𑐫𑐵𑑅 𑐠𑑅𑐥𑐶𑑄𑐟 𑐟𑐳𑐎𑑄 𑐴𑐾 𑐫𑐎𑑂𑐰 𑐦𑑀𑐣 𑐰𑑅𑐐𑐸 𑐖𑐸𑐫𑐵𑑅 𑐠𑐸𑐎𑐶𑐫𑐵 𑐧𑐵𑐬𑐾 𑐐𑐫𑑂𑐫𑐵𑐣𑐵𑑅 𑐮𑐶𑐳𑑅 𑐧𑐷𑐐𑐸 𑐏𑑅 𑐢𑐎𑐵𑑅 𑐁𑐎𑑂𑐬𑑀𑐱𑐥𑐹𑐬𑑂𑐞 𑐖𑐶𑐖𑑂𑐘𑐵𑐳𑐵 𑐥𑑂𑐰𑑄𑐎𑐹𑐐𑐸 𑐏𑑅 𑑋
LEAVE YOUR COMMENTS