𑐳𑐎𑑂𑐰 𑐩𑐾𑐮𑐵𑐫𑑂 𑑘𑑕 𑐮𑐏 𑐟𑐎𑐵 𑐡𑑂𑐫𑑅𑐫𑐵𑐟 𑐕𑐵𑑅𑐐𑐸 𑐢𑑂𑐫𑐧𑐵 𑐳𑑄𑐎𑐮𑐣
𑐫𑐾𑑃(𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳)÷ 𑐩𑐵𑐑 𑐮𑐕𑐶𑐫𑑄𑐎𑑄 𑐣𑑂𑐴𑑂𑐫𑐵𑐂𑐐𑐸 𑐳𑐎𑑂𑐰 𑐩𑐾𑐮𑐵𑐫𑑂 𑐁𑐟𑐎𑐫𑐵 𑐡𑐸𑐣𑐾 𑐡𑑂𑐫𑑅𑐫𑐵𑐟 𑐕𑐵𑑅𑐐𑐸 𑐢𑑂𑐫𑐧𑐵 𑑘𑑕 𑐐𑐹 𑐮𑐏 𑐟𑐎𑐵 𑐳𑑄𑐎𑐮𑐣 𑐖𑐸𑐂𑐢𑐸𑑄𑐎𑐹𑐐𑐸 𑐡𑐸 𑑋 𑐳𑐎𑑂𑐰𑐫𑐵 𑐱𑐵𑐮𑐷𑐣𑐡𑐷𑐂 𑐣𑑂𑐴𑑂𑐫𑐵𑐣𑐵𑐔𑑂𑐰𑑄𑐐𑐸 𑐱𑑂𑐬𑐷 𑐩𑐵𑐢𑐰𑐣𑐵𑐬𑐵𑐫𑐞 𑐩𑐾𑐮𑐵𑐫𑐵 𑐗𑑂𑐰𑐮𑐫𑑂 𑐧𑐸𑐢𑐰𑐵𑑅 𑐟𑐎𑐫𑐵 𑐡𑐸𑐣𑐾 𑑘𑑔 𑐐𑐹 𑐮𑐏 𑐣𑑂𑐴𑐫𑑂𑐣𑑂𑐴𑐫𑑂𑐡𑑂𑐰𑑅 𑐟𑐎𑐵 𑐢𑑂𑐫𑐧𑐵 𑐩𑐸𑑄𑐐𑐸 𑐏𑑃 𑐢𑐵𑑅𑐐𑐸 𑐡𑐸 𑑋
𑐰𑑄𑐐𑐸 𑐥𑐸𑐳 𑑒𑑒 𑐐𑐟𑐾𑐣𑐶𑐳𑐾𑑄 𑐣𑑂𑐴𑑂𑐫𑐵𑑅𑐐𑐸 𑐠𑐣𑐫𑐵 𑐱𑐵𑐮𑐷𑐣𑐡𑐷 𑐩𑐾𑐮𑐵 𑐰𑐂𑐐𑐸 𑐁𑐂𑐟𑐰𑐵𑑅 𑐎𑑂𑐰𑐔𑐵𑐫𑐾𑐟𑑂𑐫𑑄𑐐𑐸 𑐡𑐸 𑑋 𑐩𑐾𑐮𑐵𑐫𑑂 𑐰𑑅𑐥𑐶𑑄 𑐨𑐎𑑂𑐟𑐖𑐣𑐟𑐫𑑂𑐳𑑄 𑐠𑐷𑐠𑐷 𑐡𑑂𑐫𑑅𑐫𑐵𑐠𑐵𑐫𑑂 𑐢𑑂𑐫𑐧𑐵 𑐕𑐵𑐣𑐵𑐠𑐎𑐹𑐐𑐸 𑐏𑑅 𑑋𑐣𑐐𑐸𑐣𑐾 𑐎𑑀𑐬𑑀𑐣𑐵𑐫𑐵 𑐎𑐵𑐬𑐞𑑄 𑐩𑐾𑐮𑐵 𑐴𑐾 𑐩𑐫𑐵𑑅𑐐𑐸 𑐏𑑅𑐳𑐵 𑐠𑐐𑐸𑐣𑐾 𑐩𑐾𑐮𑐵 𑐖𑐹𑐳𑐵𑑄 𑐨𑐎𑑂𑐟𑐖𑐣𑐟 𑐩𑑂𑐴𑑀 𑐖𑐎 𑐰𑑅𑐐𑐸𑐮𑐶𑑄 𑐢𑑂𑐫𑐧𑐵 𑐣𑑄 𑐩𑑂𑐴𑑀 𑐴𑐾 𑐖𑐎 𑐩𑐸𑑄𑐐𑐸 𑐏𑑅 𑑋
𑐠𑐸𑐐𑐸𑐳𑐷 𑐢𑐵𑑅𑐳𑐵 𑐕𑐐𑐹 𑐎𑐬𑑀𑐜 𑐳𑑂𑐰𑐫𑐵𑑄 𑐀𑐥𑑂𑐰𑑅 𑐩𑐸𑐣𑐷𑐐𑐸 𑐀𑐥𑐾𑐎𑑂𑐲𑐵 𑐫𑐵𑐣𑐵𑐐𑐸 𑐱𑑂𑐬𑐷 𑐩𑐵𑐢𑐰𑐣𑐵𑐬𑐵𑐫𑐞 𑐳𑑂𑐰𑐳𑑂𑐠𑐵𑐣𑐷 𑐰𑑂𑐬𑐟 𑐟𑐠𑐵 𑐱𑐵𑐮𑐷𑐣𑐡𑐷 𑐩𑐾𑐮𑐵 𑐳𑐸𑐢𑐵𑐬 𑐳𑐩𑐶𑐟𑐶𑐫𑐵 𑐀𑐢𑑂𑐫𑐎𑑂𑐲 𑐧𑐵𑐮𑐎𑐺𑐲𑑂𑐞 𑐱𑑂𑐬𑐾𑐲𑑂𑐛𑑄 𑐎𑐣𑐵𑐡𑐷𑐐𑐸 𑐡𑐸 𑑋 𑐳𑐩𑐶𑐟𑐶𑑄 𑐠𑐸𑐐𑐸𑐳𑐷 𑐩𑐾𑐮𑐵 𑐖𑑅𑐏𑑅 𑐳𑑄𑐔𑐵𑐮𑐣 𑐫𑐵𑐣𑐵𑐟𑑅𑐐𑐸 𑐥𑐳𑐮𑑄 𑐣𑑄 𑐧𑐵𑑅 𑐩𑑂𑐴𑐫𑐾𑐐𑐸 𑐫𑐵𑐣𑐵 𑐰𑐫𑐵𑐔𑑂𑐰𑑄𑐐𑐸 𑐡𑐸𑐳𑐵 𑐩𑐾𑐮𑐵𑐫𑑂 𑐁𑐂𑐟𑐰𑐵𑑅 𑐟𑐎𑐫𑐵 𑐡𑐸𑐣𑐾 𑐳𑑂𑐰𑐷𑐐𑐹 𑐮𑐏𑑄 𑐩𑐮𑑂𑐫𑐵𑐎 𑐰𑐂𑐐𑐸 𑐀𑐸𑐣𑐩𑐵𑐣 𑐫𑐵𑐣𑐵𑐟𑑅𑐐𑐸 𑐡𑐸 𑑋
LEAVE YOUR COMMENTS