𑐰𑐖𑑂𑐬𑐫𑑀𑐐𑐶𑐣𑐷 𑐰𑐣𑐷𑐥𑐶𑑄𑐟 𑐣𑐶𑑅𑐱𑐸𑐮𑑂𑐎 𑐧𑐳 𑐳𑐾𑐰𑐵
𑐳𑐎𑑂𑐰 (𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳)- 𑐫𑐾𑑃𑐫𑑂 𑐣𑑄 𑐄𑐟𑑂𑐟𑐬𑐷 𑐨𑐾𑐐𑐫𑑂 𑐮𑐵𑑅𑐐𑐸 𑐠𑐣𑐫𑐵 𑐩𑐵𑐢𑐰 𑐣𑐵𑐬𑐵𑐫𑐞 𑐩𑐾𑐮𑐵𑐫𑑂 𑐰𑐂𑐥𑐶𑐣𑐶𑐐𑐸 𑐣𑐶𑑄𑐟𑐶𑑄 𑐣𑐶𑑅𑐱𑐸𑐮𑑂𑐎 𑐧𑐳 𑐳𑐾𑐰𑐵 𑐳𑑄𑐔𑐵𑐮𑐣 𑐫𑐵𑑅𑐐𑐸 𑐡𑐸 𑑋 𑐱𑐵𑐮𑐷𑐣𑐡𑐷 𑐫𑐵𑐟𑐵𑐫𑐵𑐟 𑐧𑐳 𑐳𑐾𑐰𑐵 𑐳𑐩𑐶𑐟𑐶𑑄 𑐩𑐾𑐮𑐵𑐫𑑂 𑐰𑐂𑐥𑐶𑑄 𑐨𑐎𑑂𑐟𑐖𑐣𑐫𑐵𑐟 𑐰𑐖𑑂𑐬𑐫𑑀𑐐𑐶𑐣𑐷𑐟𑐎 𑐫𑑄𑐎𑐾𑐟 𑐣𑐶𑑅𑐱𑐸𑐮𑑂𑐎 𑐧𑐳 𑐳𑐾𑐰𑐵 𑐳𑑄𑐔𑐵𑐮𑐣 𑐫𑐵𑑅𑐐𑐸 𑐏𑑅𑑋
𑐳𑐩𑐶𑐟𑐶𑑄 𑐰𑑄𑐐𑐸 𑐥𑐸𑐳 𑑒𑑒 𑐣𑐶𑐳𑐾𑑄 𑐴𑐾 𑐱𑑂𑐬𑐷 𑐳𑑂𑐰𑐳𑑂𑐠𑐵𑐣𑐷 (𑐩𑐵𑐢𑐰𑐣𑐵𑐬𑐵𑐫𑐞) 𑐩𑐾𑐮𑐵 𑐖𑑂𑐰𑑅𑐕𑐶 𑐱𑐵𑐮𑐷𑐣𑐡𑐷 𑐩𑐾𑐮𑐵𑐫𑑂 𑐰𑐂𑐥𑐶𑑄 𑐨𑐎𑑂𑐟𑐖𑐣𑐫𑐵 𑐣𑐶𑑄𑐟𑐶𑑄 𑐄𑐐𑐸 𑐳𑐸𑐰𑐶𑐢𑐵 𑐧𑐷𑐟 𑐳𑐵𑐬𑑂𑐰𑐖𑐣𑐶𑐎 𑐰𑐶𑐡𑐵 𑐰 𑐱𑐣𑐶𑐰𑐵𑑅 𑐣𑐶𑐐𑑅 𑐧𑐳 𑐣𑐶𑑅𑐱𑐸𑐮𑑂𑐎 𑐬𑐸𑐥𑑄 𑐳𑑄𑐔𑐵𑐮𑐣 𑐫𑐵𑑅𑐐𑐸 𑐏𑑅 𑑋
𑐳𑐩𑐶𑐟𑐶𑐫𑐵 𑐀𑐢𑑂𑐫𑐎𑑂𑐲 𑐐𑑀𑐰𑐶𑐣𑑂𑐡𑐧𑐴𑐵𑐡𑐸𑐬 𑐱𑑂𑐬𑐾𑐲𑑂𑐛𑐫𑐵 𑐎𑐠𑑄 𑐱𑐵𑐮𑐷𑐣𑐡𑐷 𑐩𑐾𑐮𑐵𑐫𑑂 𑐰𑐂𑐥𑐶𑑄 𑐨𑐎𑑂𑐟𑐖𑐣𑐫𑐵𑐟 𑐰𑐖𑑂𑐬𑐫𑑀𑐐𑐶𑐣𑐷𑐟𑐎 𑐰𑐣𑐾𑐟 𑐳𑐎𑑂𑐰𑐳𑑂𑐠𑐶𑐟 𑐣𑑂𑐴𑐹𑐐𑐸 𑐧𑐳𑐥𑐵𑐬𑑂𑐎𑑄 𑐰𑐖𑑂𑐬𑐫𑑀𑐐𑐶𑐣𑐷𑐟𑐎 𑐰𑐣𑐾 𑐣𑑂𑐴𑐶𑑄 𑐣𑐶𑐐𑑅 𑐧𑐳 𑐣𑐶𑑅𑐱𑐸𑐮𑑂𑐎 𑐥𑑂𑐬𑐡𑐵𑐣 𑐫𑐵𑑅𑐐𑐸 𑐏𑑅 𑑋 𑐱𑐵𑐮𑐷𑐣𑐡𑐷 𑐩𑐾𑐮𑐵𑐫𑑂 𑐰𑐂𑐥𑐶𑑄 𑐨𑐎𑑂𑐟𑐖𑐣𑐟 𑐰𑐖𑑂𑐬𑐫𑑀𑐐𑐶𑐣𑐷 𑐡𑑂𑐫𑑅𑐫𑐵𑐟𑐵𑐫𑑂 𑐣𑑄 𑐰𑐣𑐷𑐐𑐸 𑐖𑐹𑐐𑐸𑐮𑐶𑑄 𑐂𑐩𑐶𑐐𑐸 𑐳𑐸𑐰𑐶𑐢𑐵𑐫𑐵 𑐣𑐶𑑄𑐟𑐶𑑄 𑐄𑐎𑐠𑑄𑐫𑐵 𑐳𑐾𑐰𑐵 𑐄𑐥𑐮𑐧𑑂𑐢 𑐫𑐵𑐣𑐵𑐐𑐸 𑐳𑐩𑐶𑐟𑐶𑑄 𑐖𑐵𑐣𑐎𑐵𑐬 𑐧𑐶𑐄𑐐𑐸 𑐡𑐸 𑑋
𑐩𑐾𑐏𑐾 𑐠𑐐𑐸𑐣𑐾, 𑐣𑐐𑐸𑐣𑐾 𑐎𑑀𑐬𑑀𑐣𑐵 𑐳𑑄𑐎𑑂𑐬𑐩𑐞𑐫𑐵 𑐩𑐴𑐵𑐩𑐵𑐬𑐷𑐫𑐵 𑐎𑐵𑐬𑐞𑑄 𑐩𑐾𑐮𑐵𑐫𑑂 𑐰𑐂𑐥𑐶𑑄 𑐨𑐎𑑂𑐟𑐖𑐣𑐫𑐵 𑐮𑑂𑐫𑐵𑑅 𑐟𑐸𑐮𑐣𑐵𑐟𑑂𑐩𑐎 𑐬𑐸𑐥𑑄 𑐩𑑂𑐴𑑀 𑐖𑐹𑐳𑐵𑑄 𑐠𑐸𑐐𑐸𑐳𑐷 𑐎𑐬𑐶𑐧 𑑓𑑐 𑐐𑐹 𑐮𑐏𑐫𑐵 𑐮𑑂𑐫𑐵𑐏𑐫𑑂 𑐨𑐎𑑂𑐟𑐖𑐣𑐟 𑐰𑐂𑐥𑐶𑑄 𑐀𑐣𑐸𑐩𑐵𑐣 𑐫𑐵𑐣𑐵𑐟𑑅𑐐𑐸 𑐡𑐸 𑑋 𑐱𑑂𑐬𑐷 𑐩𑐵𑐢𑐰𑐣𑐵𑐬𑐵𑐫𑐞 𑐳𑑂𑐰𑐳𑑂𑐠𑐵𑐣𑐷 𑐰𑑂𑐬𑐟 𑐟𑐠𑐵 𑐱𑐵𑐮𑐷𑐣𑐡𑐷 𑐩𑐾𑐮𑐵 𑐳𑐸𑐢𑐵𑐬 𑐳𑐩𑐶𑐟𑐶𑐫𑐵 𑐀𑐢𑑂𑐫𑐎𑑂𑐲 𑐧𑐵𑐮𑐎𑐺𑐲𑑂𑐞 𑐱𑑂𑐬𑐾𑐲𑑂𑐛𑑄 𑐠𑐸𑐐𑐸𑐳𑐷 𑑓𑑐 𑐐𑐹 𑐮𑐏 𑐳𑑂𑐰𑐫𑐵𑑄 𑐀𑐥𑑂𑐰𑑅 𑐨𑐎𑑂𑐟𑐖𑐣 𑐰𑐂𑐐𑐸 𑐀𑐥𑐾𑐎𑑂𑐲𑐵 𑐫𑐵𑐣𑐵𑐐𑐸 𑐖𑐵𑐣𑐎𑐵𑐬𑐷 𑐧𑐶𑐫𑐵𑐡𑐷𑐐𑐸 𑐡𑐸 𑑋
𑐠𑑂𑐰 𑐴𑐾 𑐗𑑂𑐰𑐮𑐫𑑂 𑐠𑐣 𑐣𑑂𑐴𑑂𑐫𑐵𑐣𑐵𑐔𑑂𑐰𑑄𑐐𑐸 𑐱𑑂𑐬𑐷 𑐩𑐵𑐢𑐰𑐣𑐵𑐬𑐵𑐫𑐞 𑐱𑐵𑐮𑐷𑐣𑐡𑐷 𑐩𑐾𑐮𑐵𑐫𑐵 𑐗𑐶𑑄𑐳𑑂𑐰𑐣𑑂𑐴𑐸𑐫𑐵 𑐡𑐶𑑄 𑐟𑐎𑐫𑐵 𑐡𑐸𑐣𑐾 𑐳𑑂𑐰𑐷𑐐𑐹 𑐮𑐏 𑐟𑐎𑐵 𑐡𑐵𑑄 𑐳𑑄𑐎𑐮𑐣 𑐖𑐹𑐐𑐸 𑐡𑐸 𑑋 𑐩𑐾𑐮𑐵 𑐰𑑂𑐫𑐰𑐳𑑂𑐠𑐵𑐥𑐣 𑐳𑐩𑐶𑐟𑐶𑐫𑐵𑐎𑐠𑑄 𑐱𑐵𑐮𑐷𑐣𑐡𑐷 𑐥𑐬𑐶𑐳𑐬𑐫𑑂 𑐳𑐴𑐫𑑀𑐐𑐷𑐟𑐫𑑂𑐥𑐵𑐏𑐾𑑄 𑐗𑐶𑑄𑐳𑑂𑐰𑐣𑑂𑐴𑐸𑐫𑐵 𑐡𑐶𑑄𑐟𑐎𑐫𑐵𑐡𑐸𑐣𑐾 𑑒𑑙,𑑙𑑙,𑑗𑑐𑑑÷– 𑐟𑐎𑐵 𑐳𑑄𑐎𑐮𑐣 𑐖𑐹𑐐𑐸 𑐡𑐸 𑑋
𑐁𑐟𑐎𑐫𑐵 𑐡𑐸𑐣𑐾 𑐣𑑂𑐴𑐶𑑄 𑐕𑐐𑐹 𑐮𑐏 𑐣𑐶𑐳𑐾𑑄 𑐥𑑂𑐫𑑄𑐐𑐹 𑐮𑐏 𑐟𑐎𑐵 𑐳𑑄𑐎𑐮𑐣 𑐖𑐹𑐐𑐸 𑐰 𑐁𑐟𑐎𑐫𑐵 𑐡𑐸𑐣𑐾 𑐡𑐎𑐮𑐫𑑂 𑐀𑐥𑑂𑐰𑑅 𑐩𑐣𑐩𑐵𑐫𑐵 𑐱𑑂𑐬𑐾𑐲𑑂𑐛 𑐕𑐩𑑂𑐴𑐾𑐳𑐶𑐣𑑄 𑐖𑐎 𑑑,𑑐𑑑,𑑑𑑐𑑕 𑐟𑐎𑐵 𑐐𑑂𑐰𑐵𑐴𑐵𑐮𑐶 𑐫𑐵𑑅𑐐𑐸 𑐳𑐩𑐶𑐟𑐶𑑄 𑐖𑐵𑐣𑐎𑐵𑐬𑐷 𑐧𑐶𑐄𑐐𑐸 𑐡𑐸 𑑋 𑐠𑐸𑐎𑐠𑑄 𑐴𑐾 𑐣𑐵𑐣𑐷 𑐴𑐾𑐬𑐵 𑐩𑐴𑐬𑑂𑐖𑐣𑑄 𑐕𑐐𑐹 𑐮𑐏 𑐣𑑂𑐫𑐵𑐟𑐎𑐵, 𑐎𑐮𑑂𑐥𑐣𑐵 𑐜𑑄𑐐𑑀𑐮 𑐰 𑐀𑐖𑐫 𑐜𑑄𑐐𑑀𑐮𑑄 𑐕𑐐𑐹 𑐮𑐏 𑐣𑑂𑐫𑐵𑐟𑐎𑐵 𑐐𑑂𑐰𑐵𑐴𑐵𑐮𑐶 𑐫𑐵𑑅𑐐𑐸 𑐡𑐸 𑑋
LEAVE YOUR COMMENTS