𑐨𑐶𑑄𑐡𑑂𑐫𑑅𑐫𑐵 𑐡𑐾𑐐𑐮𑐫𑑂 𑐣𑑄 𑐥𑐳𑑅 𑐟𑐫𑐾𑐎𑐾 𑐩𑐧𑐶𑐮
𑐫𑐾𑑃 (𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳)÷𑐩𑐣𑐥𑐵 𑑒𑑐 𑐰𑐜𑐵𑐫𑑂 𑐮𑐵𑑅𑐐𑐸 𑐨𑐶𑑄𑐡𑑂𑐫𑑅𑐫𑐵 𑐡𑐾𑐐𑐮𑐫𑑂 𑐁𑑅 𑐥𑐳𑑅 𑐩𑐟𑐫𑐾𑐎𑐾𑐐𑐸 𑐢𑐎𑐵𑑅 𑐫𑐾𑑃 𑐩𑐣𑐥𑐵𑑄 𑐥𑐣𑐵 𑐧𑐷𑐰𑑄 𑐰𑐶𑐰𑐵𑐡 𑐧𑑂𑐰𑐮𑑄𑐐𑐸 𑐡𑐸 𑑋 𑐨𑐶𑑄𑐡𑑂𑐫𑑅𑐫𑐵 𑐡𑐾𑐐𑑅 𑐎𑑂𑐰𑐫𑑂 𑐠𑑁𑑄𑐎𑐣𑑂𑐴𑐫𑑂 𑐳𑑂𑐰𑐎𑐰𑑅 𑐥𑐳𑑅 𑐟𑐫𑐵𑐟𑑅𑐐𑐸 𑐡𑐸 𑑋 𑐄𑐎𑐶𑐫𑐵 𑐧𑐵𑑅 𑐔𑐵𑐴𑐶𑑃 𑐨𑐶𑑄𑐡𑑂𑐫𑑅 𑐡𑐾𑐐𑑅𑐫𑐵 𑐠𑐸𑐰𑐵𑑅 𑐖𑐸𑐫𑐵𑐔𑑂𑐰𑑄𑐥𑐶𑑄 𑐠𑐎𑐹 𑐖𑐸𑐖𑐸𑐥𑐶𑑄𑐳𑑄 𑐎𑐵𑐂𑐐𑐸 𑐖𑐸𑐫𑐵𑐔𑑂𑐰𑐣 𑑋 𑐧𑐵𑑅 𑐎𑐵𑐫𑐾𑐐𑐸 𑐏𑑃𑐫𑑂 𑐠𑐎𑐹 𑐖𑐸𑐖𑐸𑐫𑐵 𑐕𑐾𑑃𑐖𑑅𑐥𑐶𑐣𑐶 𑐡𑐠𑐸𑐂 𑐧𑑂𑐰𑐮𑑄𑐐𑐸 𑐁𑐣𑑂𑐟𑐬𑐶𑐎 𑐎𑐔𑐰𑑄𑐫𑐵 𑐎𑐵𑐬𑐞𑑄 𑐫𑐾𑑃 𑐩𑐣𑐥𑐵𑐫𑑂 𑐣𑑄 𑐕𑐐𑐹 𑐄𑐖𑐸𑐬𑐷 𑐮𑐵𑑅𑐐𑐸 𑐖𑐸𑐫𑐵𑐔𑑂𑐰𑐣 𑑋 𑐟𑐬 𑐩𑐣𑐥𑐵𑑄 𑐧𑐵𑑅 𑐳𑐩𑑂𑐧𑐣𑑂𑐢𑐷 𑐰𑐶𑐰𑐵𑐡 𑐳𑐩𑐵𑐢𑐵𑐣 𑐫𑐵𑐫𑐾𑐐𑐸 𑐩𑐳𑑂𑐰𑐳𑐾 𑐡𑐾𑐐𑑅𑐫𑐵 𑐎𑑂𑐰𑐫𑑂 𑐥𑐳𑑅 𑐢𑐂𑐐𑐸 𑐴𑐾 𑐟𑐫𑐾𑐎𑐾𑐐𑐸 𑐩𑐏𑐸 𑐢𑐎𑐵𑑅 𑐥𑐣𑐵 𑐧𑐷𑐰𑑄 𑐀𑐣 𑐣𑑂𑐴𑐹𑐐𑐸 𑐰𑐶𑐰𑐵𑐡 𑐧𑑂𑐰𑐮𑑄𑐐𑐸 𑐏𑑃 𑐢𑐵𑑅𑐐𑐸 𑐡𑐸 𑑋
𑐳𑑂𑐠𑐵𑐣𑐷𑐫 𑐳𑐩𑐵𑐖𑐳𑐾𑐰𑐷 𑐬𑐖𑐶𑐣 𑐳𑑂𑐠𑐵𑐥𑐶𑐟𑑄 𑐎𑐣𑐵𑐡𑐷𑐎𑐠𑑄 𑐫𑐡𑐶 𑐄𑐐𑐸 𑐠𑐵𑐳𑐫𑑂 𑐥𑐳𑑅 𑐩𑐟𑐫𑐾𑐎𑐮 𑐢𑐵𑑅𑐳𑐵 𑐎𑐰𑑅 𑐏𑐵𑐮𑐷 𑐖𑐸𑐫𑐵𑑅 𑐀𑐰𑐵𑑄𑐕𑐶𑐟 𑐖𑑂𑐫𑐵𑐏𑑃 𑐖𑐸𑐂𑐐𑐸 𑐳𑐩𑑂𑐨𑐵𑐰𑐣𑐵 𑐡𑐸 𑑋 𑐣𑐐𑐬 𑐥𑑂𑐬𑐴𑐬𑐷𑐫𑐵 𑐴𑐳𑑂𑐟𑐎𑑂𑐲𑐾𑐥 𑐮𑐶𑐥𑐵 𑐀𑐣 𑐥𑐳𑑅 𑐧𑐣𑑂𑐡 𑐫𑐵𑐫𑐾𑐢𑐸𑑄𑐎𑐹𑐐𑐸 𑐡𑐸𑐳𑐵𑑄 𑐰𑐶𑐰𑐵𑐡 𑐢𑐵𑑅𑐳𑐵 𑐳𑐩𑐵𑐢𑐵𑐣 𑐩𑐖𑐹𑐣𑐶𑐐𑐸 𑐏𑑃 𑐢𑐵𑑅𑐐𑐸 𑐡𑐸 𑑋
LEAVE YOUR COMMENTS