Read news in NepalBhasa text-- www.hamroschool.com BACK 𑐔𑑂𑐰𑐏𑑃 𑐎𑐵𑐳𑐵𑐫𑑂 𑐟𑑂𑐫𑐵𑑅𑐥𑐶𑑄𑐟 𑐳𑐶𑐬𑐥𑐵𑑅 𑐮𑑅𑐮𑑂𑐴𑐵𑐟 – 𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳

𑐔𑑂𑐰𑐏𑑃 𑐎𑐵𑐳𑐵𑐫𑑂 𑐟𑑂𑐫𑐵𑑅𑐥𑐶𑑄𑐟 𑐳𑐶𑐬𑐥𑐵𑑅 𑐮𑑅𑐮𑑂𑐴𑐵𑐟

𑐫𑐾𑑃(𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳)- 𑐫𑐸𑐰𑐵 𑐧𑑁𑐡𑑂𑐢 𑐳𑐩𑐹𑐴 𑐫𑐾𑑃 𑐰 𑐮𑐸𑐩𑑂𑐧𑐶𑐣𑐷 𑐣𑐾𑐥𑑂𑐮𑐷𑐖 𑐧𑐸𑐡𑑂𑐢 𑐢𑐬𑑂𑐩 𑐳𑑀𑐳𑐵𑐂𑐚𑐷 𑐫𑐸𑐎𑐾𑐫𑐵 𑐩𑑄𑐎𑐵𑑅 𑐐𑑂𑐰𑐳𑐵𑐮𑐫𑑂 𑐖𑐹𑐐𑐸 𑐔𑑂𑐰𑐏𑑃 (𑐣𑐶𑐧𑐣𑑂𑐢) 𑐎𑐵𑐳𑐵𑐫𑑂 𑐄𑐟𑑂𑐎𑐺𑐲𑑂𑐚 𑐖𑐹𑐥𑐶𑑄𑐟 𑐳𑐶𑐬𑐥𑐵𑑅 𑐮𑑅𑐮𑑂𑐴𑐵𑑅𑐐𑐸 𑐡𑐸 𑑋 𑐰𑑄𑐐𑐸 𑐱𑐣𑐶𑐰𑐵𑑅 𑐠𑐣𑐫𑐵 𑐨𑐺𑐎𑐸𑐚𑐷𑐩𑐞𑑂𑐜𑐥𑐳𑑂𑐠𑐶𑐟 𑐧𑐸𑐡𑑂𑐢 𑐰𑐶𑐴𑐵𑐬𑐫𑑂 𑐖𑐹𑐐𑐸 𑐕𑐐𑐹 𑐖𑑂𑐫𑐵𑐗𑑂𑐰𑑅𑐫𑐵 𑐡𑐠𑐸𑐂 𑐳𑐶𑐬𑐥𑐵𑑅 𑐮𑑅𑐮𑑂𑐴𑐵𑑅𑐐𑐸 𑐏𑑅 𑑋

𑐎𑐵𑐳𑐵𑐫𑑂 𑐄𑐟𑑂𑐎𑐺𑐲𑑂𑐚 𑐖𑐹𑐥𑐶𑑄𑐟 𑐰𑐶𑐴𑐵𑐬𑐫𑐵 𑐥𑑂𑐬𑐩𑐸𑐏 𑐨𑐶𑐎𑑂𑐲𑐸 𑐎𑑀𑐞𑑂𑐜𑐣𑑂𑐫 𑐩𑐴𑐵𑐳𑑂𑐠𑐰𑐶𑐬𑑄 𑐳𑐶𑐬𑐥𑐵𑑅 𑐮𑑅𑐮𑑂𑐴𑐵𑐣𑐵 𑐧𑐶𑐖𑑂𑐫𑐵𑑅𑐐𑐸 𑐏𑑅 𑑋 ‘𑐩𑐵𑐣𑐳𑐶𑐎 𑐳𑑂𑐰𑐵𑐳𑑂𑐠𑑂𑐫𑐫𑐵 𑐣𑐶𑑄𑐟𑐶𑑄 𑐧𑐸𑐡𑑂𑐢 𑐱𑐶𑐎𑑂𑐲𑐵’ 𑐰𑐶𑐲𑐫𑐫𑑂 𑐖𑐹𑐐𑐸 𑐔𑑂𑐰𑐏𑑃 𑐎𑐵𑐳𑐵𑐫𑑂 𑐥𑐸𑐲𑑂𑐥𑐬𑐟𑑂𑐣 𑐟𑐸𑐮𑐵𑐢𑐬 𑐣𑑂𑐴𑐵𑐥𑐵, 𑐡𑐶𑐣𑐵 𑐎𑑄𑐳𑐵𑐎𑐵𑐬 𑐮𑐶𑐄, 𑐖𑐩𑐸𑐣𑐵 𑐐𑑀𑐳𑐵𑐂 𑐮𑐶𑐫𑐵𑑄𑐮𑐶𑐄 𑐮𑐵𑑅𑐐𑐸 𑐏𑑅𑐳𑐵 𑐳𑐬𑑀𑐖𑐎𑐸𑐩𑐵𑐬 𑐰𑐖𑑂𑐬𑐵𑐔𑐵𑐬𑑂𑐫𑑄 𑐴𑑅𑐥𑐵𑑅 𑐳𑐶𑐬𑐥𑐵𑑅 𑐟𑑂𑐫𑐵𑐎𑐵𑐡𑐷𑐐𑐸 𑐏𑑅 𑑋 𑐎𑐵𑐳𑐵𑐫𑑂 𑐣𑑂𑐴𑐵𑐥𑐫𑐵𑐟 𑐔𑑂𑐫𑐵𑐡𑑂𑐰𑑅, 𑐮𑐶𑐄𑐫𑐵𑐟 𑐏𑐸𑐡𑑂𑐰𑑅, 𑐮𑐶𑐫𑐵𑑄𑐮𑐶𑐫𑐵𑐟 𑐥𑑂𑐫𑐡𑑂𑐰𑑅 𑐰 𑐴𑑅𑐥𑐵𑑅𑐫𑐵𑐟 𑐣𑐶𑐡𑑂𑐰𑑅 𑐟𑐎𑐵 𑐳𑐶𑐬𑐥𑐵𑑅 𑐮𑑅𑐮𑑂𑐴𑐵𑑅𑐐𑐸 𑐏𑑅 𑑋 𑐎𑐵𑐳𑐵𑐫𑑂 𑐗𑐶𑐩𑑂𑐴𑐾𑐳𑐶𑐣𑑄 𑐧𑑂𑐰𑐟𑐶 𑐎𑐵𑑅𑐐𑐸 𑐏𑑅 𑑋

𑐖𑑂𑐫𑐵𑐗𑑂𑐰𑐮𑐫𑑂 𑐣𑐰𑐵𑐳𑐾𑑄 𑐧𑐸𑐡𑑂𑐢 𑐨𑐎𑑂𑐲𑐸 𑐎𑑀𑐞𑑂𑐜𑐣𑑂𑐫 𑐩𑐴𑐵𑐳𑑂𑐠𑐰𑐶𑐬𑑄 𑐣𑐶𑐬𑑀𑐐𑐷 𑐖𑐸𑐫𑐵𑑅 𑐔𑑂𑐰𑐣𑐾𑐟 𑐨𑐐𑐰𑐵𑐣 𑐧𑐸𑐡𑑂𑐢𑑄 𑐂𑐣𑑂𑐡𑑂𑐬𑐷𑐫 𑐳𑑄𑐫𑐩, 𑐨𑑀𑐖𑐣 𑐩𑐵𑐟𑑂𑐬𑐵𑐫𑐵 𑐖𑑂𑐘𑐵𑐣 𑐰 𑐖𑐵𑐐𑐬𑐸𑐎𑐟𑐵𑐫𑐵𑐟 𑐧𑑅 𑐧𑐶𑐫𑐵 𑐧𑐶𑐖𑑂𑐫𑐵𑑅𑐐𑐸 𑐏𑑃 𑐎𑐣𑐵𑐧𑐶𑐖𑑂𑐫𑐵𑐟 𑑋

𑐳𑐩𑐹𑐴𑐫𑐵 𑐳𑐮𑑂𑐮𑐵𑐴𑐎𑐵𑐬 𑐜𑐵. 𑐟𑑂𑐬𑐶𑐬𑐟𑑂𑐣 𑐩𑐵𑐣𑐣𑑂𑐢𑐬𑑄 𑐣𑑂𑐴𑐹 𑐥𑐸𑐳𑑂𑐟𑐵𑐫𑐵𑐟 𑐮𑐾𑐏𑐣 𑐎𑐮𑐵𑐫𑐵 𑐰𑐶𑐎𑐵𑐳 𑐖𑐸𑐂𑐩𑐵 𑐢𑐂𑐐𑐸 𑐄𑐡𑑂𑐡𑐾𑐱𑑂𑐫 𑐟𑐫𑐵𑑅 𑐧𑐾𑐮𑐵𑐫𑐟𑐫𑑂 𑐔𑑂𑐰𑐣𑐵𑐔𑑂𑐰𑑄𑐥𑐶𑑄 𑐢𑐬𑑂𑐩𑐵𑐣𑐸𑐬𑐵𑐐𑐷 𑐥𑐵𑐳𑐵𑐥𑐶𑐣𑐶𑐐𑐸 𑐐𑑂𑐰𑐵𑐴𑐵𑐮𑐶𑑄 𑐳𑐩𑐹𑐴𑑄 𑐥𑑂𑐬𑐟𑑂𑐫𑐾𑐎 𑐣𑐶𑐡𑑃𑐫𑑂 𑐕𑐎𑑂𑐰𑑅 𑐖𑐷𑐰𑐣𑑀𑐥𑐫𑑀𑐐𑐷 𑐰𑐶𑐲𑐫 𑐧𑐶𑐫𑐵𑑅 𑐠𑐸𑐎𑐠𑑄𑐫𑐵 𑐔𑑂𑐰𑐏𑑃 𑐎𑐵𑐳𑐵 𑐫𑐵𑐣𑐵 𑐰𑐫𑐵𑐔𑑂𑐰𑐣𑐵𑐐𑐸 𑐖𑐵𑐣𑐎𑐵𑐬𑐷 𑐧𑐶𑐫𑐵𑐡𑐶𑐮 𑑋

𑐳𑑀𑐳𑐵𑐂𑐚𑐷𑐫𑐵𑐣𑐵𑐫𑑅 𑐀𑐩𑐺𑐟𑐬𑐟𑑂𑐣 𑐳𑑂𑐠𑐵𑐥𑐶𑐟𑑄 𑐴𑐬𑐾𑐎 𑐰𑑂𑐫𑐎𑑂𑐟𑐶𑐫𑐵𑐎𑐾 𑐩𑐵𑐣𑐳𑐶𑐎 𑐳𑐩𑐳𑑂𑐫𑐵 𑐡𑐫𑐵𑐔𑑂𑐰𑐣𑐷 𑐢𑐵𑐳𑐾𑑄 𑐠𑐸𑐎𑐶𑐫𑐵𑐟 𑐴𑐾 𑐢𑑂𑐫𑐵𑐣𑐫𑑂 𑐟𑐫𑐵𑑅 𑐠𑑁𑑄𑐎𑐣𑑂𑐴𑐫𑑂 𑐥𑐱𑑂𑐔𑐶𑐩𑐷 𑐡𑐾𑐱𑐫𑑂 𑐣𑑄 𑐰𑐶𑐥𑐱𑑂𑐫𑐣𑐵 𑐢𑑂𑐫𑐵𑐣𑐫𑐵𑐟 𑐄𑐥𑐔𑐵𑐬𑐫𑐵 𑐕𑐐𑐹 𑐰𑐶𑐢𑐶𑐫𑐵 𑐬𑐸𑐥𑐫𑑂 𑐩𑐵𑐣𑑂𑐫𑐟𑐵 𑐧𑐶𑐫𑐵 𑐴𑐫𑐵𑐔𑑂𑐰𑑄𑐐𑐸 𑐖𑐵𑐣𑐎𑐵𑐬𑐷 𑐧𑐶𑐫𑐵𑐡𑐶𑐮 𑑋

𑐔𑑂𑐰𑐏𑑃 𑐎𑐵𑐳𑐵𑐫𑑂 𑐜𑐵. 𑐟𑑂𑐬𑐶𑐬𑐟𑑂𑐣 𑐩𑐵𑐣𑐣𑑂𑐢𑐬, 𑐀𑐩𑐶𑐟𑐵 𑐢𑐵𑐏𑑂𑐰𑐵 𑐰 𑐥𑑂𑐬𑐵. 𑐟𑑂𑐬𑐶𑐬𑐟𑑂𑐣 𑐱𑐵𑐎𑑂𑐫 𑐣𑐶𑐬𑑂𑐞𑐵𑐫𑐎 𑐩𑐞𑑂𑐜𑐮𑐫𑑂 𑐔𑑂𑐰𑐣𑐵𑐡𑐷𑐐𑐸 𑐏𑑅 𑑋 𑐳𑐩𑐹𑐴𑐫𑐵 𑐣𑐵𑐫𑑅 𑐩𑐡𑐣𑐧𑐴𑐵𑐡𑐸𑐬 𑐟𑐸𑐮𑐵𑐢𑐬𑐫𑐵 𑐳𑐨𑐵𑐥𑐟𑐶𑐟𑑂𑐰𑐫𑑂 𑐖𑐹𑐐𑐸 𑐖𑑂𑐫𑐵𑐗𑑂𑐰𑐮𑐫𑑂 𑐥𑐸𑐬𑐳𑑂𑐎𑐺𑐟 𑐥𑑂𑐫𑐩𑑂𑐴𑐾𑐳𑐶𑐣𑑄 𑐣𑑄 𑐠𑑅𑐠𑑅𑐐𑐸 𑐀𑐣𑐸𑐨𑐰 𑐣𑑂𑐫𑑄𑐎𑐵𑐡𑐷𑐐𑐸 𑐏𑑅 𑑋

𑐳𑐩𑑂𑐧𑐣𑑂𑐢𑐶𑐟 𑐧𑐸𑐏𑑃

LEAVE YOUR COMMENTS