Read news in NepalBhasa text-- www.hamroschool.com BACK 𑐧𑐸𑑄𑐐𑐡𑑂𑐫𑑅 𑐰 𑐫𑐵𑐎𑑅𑐩𑐶𑐳𑐵𑐫𑐵 𑐩𑐹𑐬𑑂𑐟𑐶 𑐎𑐶𑐥𑐸𑐮𑐶𑐂 𑐧𑐶𑐖𑑂𑐫𑐵𑐎𑐮 – 𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳

𑐧𑐸𑑄𑐐𑐡𑑂𑐫𑑅 𑐰 𑐫𑐵𑐎𑑅𑐩𑐶𑐳𑐵𑐫𑐵 𑐩𑐹𑐬𑑂𑐟𑐶 𑐎𑐶𑐥𑐸𑐮𑐶𑐂 𑐧𑐶𑐖𑑂𑐫𑐵𑐎𑐮

𑐫𑐮(𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳)-𑐧𑐸𑑄𑐐𑐡𑑂𑐫𑑅 𑐰 𑐧𑐸𑑄𑐐𑐡𑑂𑐫𑐰𑑄 𑐫𑐫𑐾𑐎𑐵𑐟𑑅𑐩𑑂𑐴 𑐩𑐶𑐳𑐵 𑐢𑐫𑐵𑐟𑑅𑐩𑑂𑐴 𑐫𑐵𑐎𑑅𑐩𑐶𑐳𑐵𑐫𑐵 𑐩𑐹𑐬𑑂𑐟𑐶 𑐎𑐶𑐥𑐸𑐮𑐶𑐂 𑐧𑐶𑐖𑑂𑐫𑐵𑐎𑐹𑐐𑐸 𑐡𑐸 𑑋 𑐠𑐶𑑄𑐮𑐵𑐠𑑂𑐰 𑐀𑐳𑑂𑐟𑐩𑐶𑐎𑐸𑐣𑑂𑐴𑐸 𑐫𑐮𑐫𑐵 𑐩𑐴𑐵𑐧𑑁𑐡𑑂𑐢𑐫𑑂 𑐕𑐐𑐹 𑐟𑑅𑐖𑐶𑐐𑐸 𑐖𑑂𑐫𑐵𑐗𑑂𑐰𑑅 𑐫𑐵𑐣𑐵𑑅 𑐧𑐸𑑄𑐐𑐡𑑂𑐫𑑅 𑐰 𑐫𑐵𑐎𑑅𑐩𑐶𑐳𑐵𑐫𑐵 𑐩𑐹𑐬𑑂𑐟𑐶 𑐮𑑅𑐮𑑂𑐴𑐵𑑅𑐐𑐸 𑐏𑑅 𑑋

𑐧𑐸𑑄𑐐𑐡𑑂𑐫𑑅 𑐰 𑐫𑐵𑐎𑑅𑐩𑐶𑐳𑐵𑐫𑐵 𑐩𑐹𑐬𑑂𑐟𑐶 𑐎𑐶𑐥𑐹𑐫𑐵 𑐐𑑅𑐕𑐾𑑃𑐳𑑂𑐠𑐶𑐟 𑐥𑑂𑐫𑑄𑐐𑑅𑐠𑐵𑐩𑐫𑑂 𑐡𑐫𑐾𑐎𑐵𑐟𑑅𑐐𑐸 𑐡𑐾𑐐𑐮𑐫𑑂 𑐧𑐶𑐖𑑂𑐫𑐵𑐎𑐾𑐟𑑂𑐫𑑄𑐐𑐸 𑐏𑑅 𑑋 𑐩𑐴𑐵𑐧𑑁𑐡𑑂𑐢 𑐳𑐾𑐰𑐵 𑐳𑐩𑐶𑐟𑐶𑐫𑐵 𑐣𑐵𑐫𑑅𑐣𑐵𑐥𑑄 𑐥𑐸𑐮𑐵𑑄𑐩𑑂𑐴 𑐰𑐜𑐵𑐀𑐢𑑂𑐫𑐎𑑂𑐲 𑐱𑐵𑐣𑑂𑐟𑐩𑐵𑐣𑐣𑑂𑐡 𑐱𑐵𑐎𑑂𑐫𑐫𑐵 𑐳𑐨𑐵𑐥𑐥𑐟𑐶𑐟𑑂𑐰𑐫𑑂 𑐖𑐹𑐐𑐸 𑐩𑐹𑐬𑑂𑐟𑐶 𑐮𑑅𑐮𑑂𑐴𑐵𑐫𑐾𑐐𑐸 𑐖𑑂𑐫𑐵𑐗𑑂𑐰𑐮𑐫𑑂 𑐫𑐾𑑃 𑐩𑐴𑐵𑐣𑐐𑐬𑐥𑐵𑐮𑐶𑐎𑐵𑐫𑐵 𑐥𑑂𑐬𑐩𑐸𑐏 𑐧𑐵𑐮𑐾𑐣𑑂𑐡𑑂𑐬 𑐱𑐵𑐴, 𑐎𑐶𑐥𑐹 𑐣𑐐𑐬𑐥𑐵𑐮𑐶𑐎𑐵𑐫𑐵 𑐄𑐥𑐥𑑂𑐬𑐩𑐸𑐏 𑐱𑑀𑐨𑐵𑐮𑐎𑑂𑐲𑑂𑐩𑐷 𑐱𑐵𑐎𑑂𑐫 (𑐳𑐸𑐣𑐶𑐟𑐵), 𑐫𑐮𑐫𑐵 𑐥𑐸𑐮𑐵𑑄𑐩𑑂𑐴 𑐰𑐜𑐵𑐀𑐢𑑂𑐫𑐎𑑂𑐲𑐣𑐵𑐥𑑄 𑐳𑐩𑐵𑐖𑐳𑐾𑐰𑐷 𑐣𑐬𑐳𑐶𑑄𑐴 𑐧𑑂𑐫𑐘𑑂𑐖𑐣𑐎𑐵𑐬, 𑐑𑑅𑐎𑐹 𑐣𑐵𑐬𑐵𑐫𑐞 𑐰𑑂𑐫𑐘𑑂𑐖𑐣𑐎𑐵𑐬, 𑐟𑐵𑐃 𑐩𑐴𑐬𑑂𑐖𑐣, 𑐧𑐸𑐡𑑂𑐢 𑐩𑐴𑐬𑑂𑐖𑐵𑐣, 𑐱𑑂𑐫𑐵𑐩 𑐩𑐴𑐬𑑂𑐖𑐣, 𑐎𑐰𑐶𑐣 𑐱𑐵𑐎𑑂𑐫, 𑐐𑑅𑐕𑐾𑑃 𑐳𑐸𑐏𑐷 𑐳𑐩𑐵𑐖 𑐎𑐶𑐥𑐹𑐫𑐵 𑐣𑐵𑐫𑑅 𑐬𑐵𑐩𑐎𑐸𑐩𑐵𑐬𑐷 𑐩𑐴𑐬𑑂𑐖𑐣, 𑐫𑐵𑐎𑑅𑐩𑐶𑐳𑐵 𑐮𑐎𑑂𑐲𑑂𑐩𑐷𑐎𑐸𑐩𑐵𑐬𑐶 𑐩𑐴𑐬𑑂𑐖𑐣𑐫𑐵 𑐄𑐥𑐳𑑂𑐠𑐶𑐟𑐶 𑐡𑐸𑐐𑐸 𑐏𑑅 𑑋

𑐀𑐠𑐾 𑐴𑐾 𑐄𑐐𑐸 𑐂𑐮𑐫𑑂 𑐎𑐶𑐥𑐹 𑐣𑐐𑐬𑐥𑐵𑐮𑐶𑐎𑐵𑐫𑐵 𑐣𑐶𑐰𑐬𑑂𑐟𑐩𑐵𑐣 𑐥𑑂𑐬𑐩𑐸𑐏 𑐬𑐩𑐾𑐱 𑐩𑐴𑐬𑑂𑐖𑐣, 𑐫𑐮 𑐩𑐣𑐥𑐵 𑑖 𑐰𑐜𑐵𑐀𑐢𑑂𑐫𑐎𑑂𑐲 𑐬𑐸𑐥𑐾𑐣𑑂𑐡𑑂𑐬𑐬𑐵𑐖 𑐱𑐵𑐎𑑂𑐫𑐮𑐶𑐳𑐾𑑄 𑐖𑐣𑐥𑑂𑐬𑐟𑐶𑐣𑐶𑐢𑐶, 𑐎𑐮𑐵𑐎𑐵𑐬 𑐎𑐩𑐮𑐾𑐱 𑐩𑐴𑐬𑑂𑐖𑐣, 𑐩𑑂𑐫𑐾𑑃 𑐴𑐵𑐮𑐵𑐩𑐶 𑐫𑑀𑐐𑐾𑐱𑑂𑐰𑐬 𑐀𑐩𑐵𑐟𑑂𑐫, 𑐎𑐶𑐥𑐸𑐮𑐶𑐂 𑐥𑐮𑐶𑐳𑑂𑐠𑐵 𑐫𑐵𑐫𑐾𑐟𑑂𑐫𑑄𑐩𑑂𑐴 𑐧𑐸𑑄𑐐𑐡𑑂𑐫𑑅𑐫𑐵 𑐩𑐹𑐬𑑂𑐟𑐶 𑐡𑐫𑐾𑐎𑐵𑐡𑐷𑐩𑑂𑐴 𑐎𑐮𑐵𑐎𑐵𑐬 𑐬𑐰𑐶 𑐱𑐵𑐎𑑂𑐫𑐫𑐵 𑐣𑑄 𑐄𑐥𑐳𑑂𑐠𑐶𑐟𑐶 𑐡𑐸𑐐𑐸 𑐏𑑅 𑑋

𑐠𑐸𑐥𑐶𑑄 𑐡𑑂𑐫𑑅 𑐎𑐵𑐫𑐾𑐐𑐸 𑐣𑐶𑑄𑐟𑐶𑑄 𑐎𑐶𑐥𑐹𑐥𑐵𑐏𑐾𑑄 𑐣𑐾𑐰𑐵𑑅 𑐳𑐵𑑄𑐳𑑂𑐎𑐺𑐟𑐶𑐎 𑐧𑐵𑐖𑑄𑐮𑐶𑐳𑐾𑑄 𑐎𑐬𑐶𑐧 𑐳𑑂𑐰𑐳𑑅𑐫𑐵 𑐮𑑂𑐫𑐵𑐏𑐫𑑂 𑐫𑐮𑐫𑑂 𑐰𑑅𑐐𑐸 𑐏𑑅 𑑋 𑐄𑐐𑐸 𑐂𑐮𑐫𑑂 𑐥𑑂𑐬𑐟𑐶𑐣𑐶𑐢𑐶 𑐳𑐨𑐵 𑐳𑐡𑐳𑑂𑐫𑐫𑑂 𑐣𑐶𑐬𑑂𑐰𑐵𑐔𑐶𑐟 𑐰𑐶𑐬𑐵𑐖𑐨𑐎𑑂𑐟 𑐱𑑂𑐬𑐾𑐲𑑂𑐛, 𑐧𑐵𑐐𑐩𑐟𑐶 𑐥𑑂𑐬𑐡𑐾𑐱 𑐳𑐨𑐵 𑐳𑐡𑐳𑑂𑐫𑐫𑑂 𑐣𑐶𑐬𑑂𑐰𑐵𑐔𑐶𑐟 𑐣𑐶𑐬𑑀𑐖 𑐰𑐖𑑂𑐬𑐵𑐔𑐵𑐬𑑂𑐫 𑐰 𑐬𑐵𑐩𑐎𑐺𑐲𑑂𑐞 𑐔𑐶𑐟𑑂𑐬𑐎𑐵𑐬𑐫𑐵𑐟 𑐏𑑂𑐫𑐾𑑄 𑐳𑐐𑑄 𑐧𑐶𑐫𑐵𑑅 𑐨𑐶𑑄𑐟𑐸𑐣𑐵 𑐣𑑄 𑐡𑐾𑐕𑐵𑑅𑐐𑐸 𑐏𑑅 𑑋

𑐳𑐩𑑂𑐧𑐣𑑂𑐢𑐶𑐟 𑐧𑐸𑐏𑑃

LEAVE YOUR COMMENTS