Read news in NepalBhasa text-- www.hamroschool.com BACK 𑐀𑐬𑑂𑐖𑐾𑐣𑑂𑐚𑐶𑐣𑐵 𑐎𑑂𑐰𑐵𑐚𑐬𑐦𑐵𑐂𑐣𑐮𑐫𑑂 – 𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳

𑐀𑐬𑑂𑐖𑐾𑐣𑑂𑐚𑐶𑐣𑐵 𑐎𑑂𑐰𑐵𑐚𑐬𑐦𑐵𑐂𑐣𑐮𑐫𑑂

𑐊𑐖𑐾𑐣𑑂𑐳𑐷- 𑐮𑐶𑐫𑑀𑐣𑐮 𑐩𑐾𑐳𑐷 𑐠:𑐐𑐸 𑐎𑑂𑐫𑐵𑐬𑐶𑐫𑐬𑐫𑐵 𑑑𑑐𑑐𑑐 𑐍𑑄 𑐎𑐵𑐳𑐵𑐫𑑂 𑐐𑑀𑐮 𑐫𑐵𑐫𑐾𑐟 𑐟𑐵:𑐮𑐵𑐫𑐾𑐰𑑄 𑐀𑐬𑑂𑐖𑐾𑐣𑑂𑐚𑐶𑐣𑐵 𑐎𑐟𑐵𑐬𑐫𑑂 𑐖𑐸𑐫𑐵𑐔𑑂𑐰𑑄𑐐𑐸 𑐰𑐶𑐱𑑂𑐰𑐎𑐥𑐫𑐵 𑐎𑑂𑐰𑐵𑐬𑑂𑐚𑐬𑐦𑐵𑐂𑐣𑐮𑐫𑑂 𑐡𑐸𑐴𑐵𑑄 𑐰𑐣𑐾𑐟 𑐟𑐵:𑐮𑐵:𑐐𑐸 𑐡𑐸 𑑋 𑐁𑐂𑐟𑐰𑐵: 𑐳𑐸𑐠𑐫𑑂 𑐖𑐹𑐐𑐸 𑐎𑐵𑐳𑐵𑐫𑑂 𑐀𑐬𑑂𑐖𑐾𑐣𑑂𑐚𑐶𑐣𑐵𑑄 𑐀𑐳𑑂𑐚𑑂𑐬𑐾𑐮𑐶𑐫𑐵𑐫𑐵𑐟 𑑒–𑑑 𑐐𑑀𑐮𑑄 𑐧𑐸𑐎𑐹𑐐𑐸 𑐏: 𑑋 𑐀𑐬𑑂𑐖𑐾𑐣𑑂𑐚𑐶𑐣𑐵𑐫𑐵 𑐣𑐶𑑄𑐟𑐶𑑄 𑐠𑐥 𑐕𑐐𑐹 𑐐𑑀𑐮 𑐀𑐮𑑂𑐨𑐵𑐬𑐾𑐖𑑄 𑐫𑐵𑐟 𑑋

𑐩𑐾𑐳𑐷𑑄 𑐎𑐵𑐳𑐵𑐫𑐵 𑑓𑑕 𑐍𑑄 𑐩𑐶𑐣𑐾𑐚𑐫𑑂 𑐐𑑀𑐮 𑐫𑐵𑐳𑐾𑑄 𑐀𑐬𑑂𑐖𑐾𑐣𑑂𑐚𑐶𑐣𑐵𑐫𑐵𑐟 𑐀𑐐𑑂𑐬𑐟𑐵 𑐧𑐶𑐄𑐐𑐸 𑐏: 𑑋 𑐰𑐶𑐱𑑂𑐰𑐎𑐥𑐫𑑂 𑐩𑐾𑐳𑐷𑐫𑐵 𑐠𑑂𑐰 𑐐𑐸𑑄𑐐𑐹𑐐𑐸 𑐐𑑀𑐮 𑐏: 𑑋

𑐎𑐵𑐳𑐵𑐫𑐵 𑑕𑑗 𑐍𑑄 𑐩𑐶𑐣𑐾𑐚𑐫𑑂 𑐀𑐳𑑂𑐚𑑂𑐬𑐾𑐮𑐶𑐫𑐵𑐫𑐵 𑐐𑑀𑐮𑐎𑐶𑐥𑐬 𑐩𑑂𑐫𑐵𑐚 𑐬𑐵𑐫𑐣𑐫𑐵 𑐐𑐮𑑂𑐟𑐷𑐫𑐵 𑐮𑐧: 𑐎𑐵𑐳𑐾𑑄 𑐀𑐮𑑂𑐨𑐵𑐬𑐾𑐖𑑄 𑐠𑐥 𑐐𑑀𑐮 𑐫𑐵:𑐐𑐸 𑐏: 𑑋 𑐣𑐶𑐐𑐹 𑐐𑑀𑐮𑑄 𑐣𑑂𑐴𑑂𑐫:𑐣𑐾 𑐮𑐵:𑐐𑐸 𑐀𑐬𑑂𑐖𑐾𑐣𑑂𑐚𑐶𑐣𑐵 𑐎𑐵𑐳𑐵 𑐎𑑂𑐰𑐔𑐵𑐫𑐾 𑑑𑑓 𑐩𑐶𑐣𑐾𑐚 𑐣𑑂𑐴𑑂𑐫: 𑐁𑐟𑑂𑐩𑐑𑐵𑐟𑐷 𑐐𑑀𑐮𑐫𑐵 𑐎𑐵𑐬𑐞𑑄 𑐐𑑀𑐮 𑐣𑐫𑐾𑐩𑐵:𑐐𑐸 𑐏: 𑑋 𑐀𑐳𑑂𑐚𑑂𑐬𑐾𑐮𑐶𑐫𑐵 𑐎𑑂𑐫𑐵𑐬𑐶𑐐 𑐐𑐸𑐜𑐩𑑂𑐫𑐵𑐣𑐫𑐵 𑐥𑑂𑐬𑐴𑐬𑐫𑐵𑐟 𑐥𑐣𑐾𑐐𑐸 𑐗𑑂𑐰𑐮𑐫𑑂 𑐂𑐣𑑂𑐖𑑀 𑐦𑐬𑑂𑐣𑐵𑐣𑑂𑐜𑐶𑐖𑐥𑐵𑐏𑐾𑑄 𑐁𑐟𑑂𑐩𑐑𑐵𑐟𑐷 𑐐𑑀𑐮 𑐖𑐹𑐐𑐸 𑐏: 𑑋 𑐠𑑂𑐰 𑐮𑐶𑐥𑐵 𑐣𑐶𑐐𑐸𑐮𑐶𑑄 𑐚𑐶𑐩𑑄 𑐐𑑀𑐮 𑐫𑐵𑐫𑐾𑐩𑐦𑐾𑐰𑑄 𑐀𑐬𑑂𑐖𑐾𑐣𑑂𑐚𑐶𑐣𑐵𑑄 𑐎𑑂𑐰𑐵𑐚𑐬𑑂𑐬𑐦𑐵𑐂𑐣𑐮𑐫𑑂 𑐡𑐸𑐴𑐵𑑄𑐰𑑄𑐐𑐸 𑐏: 𑑋

𑐀𑐬𑑂𑐖𑐾𑐣𑑂𑐚𑐶𑐣𑐵𑑄 𑐁: 𑐣𑐾𑐡𑐬𑐮𑑂𑐫𑐵𑐣𑑂𑐜𑐮𑐶𑐳𑐾 𑐎𑑂𑐰𑐵𑐬𑑂𑐚𑐬𑐦𑐵𑐂𑐣𑐮 𑐎𑐵𑐳𑐵 𑐩𑑂𑐴𑐶𑐟𑐷𑐐𑐸 𑐖𑐸𑐂 𑑋 𑐠𑑂𑐰 𑐎𑐵𑐳𑐵 𑐰𑐂𑐐𑐸 𑐱𑐣𑐶𑐰𑐵: 𑐳𑐸𑐠𑐫𑑂 𑐥𑑁𑐣 𑑑 𑐧𑐖𑐾 𑐖𑐸𑐂 𑑋

𑐳𑐩𑑂𑐧𑐣𑑂𑐢𑐶𑐟 𑐧𑐸𑐏𑑃

LEAVE YOUR COMMENTS